رواية صندوق عجب
الفصل الخامس5
بقلم بقلم محمد منصور
لكن هنا يشوف عجب الظابط محمود واقف قصاد منه وبيقوله
هي بنتك صفاء لسة ما رجعتش من السفر
اتصدم عجب من السؤال ومحمود كمل وقال
اصلنا عملنا تحريتنا وعرفنا انها رجعت من خمس ايام لان البطولة اتاجلت.
عجب لسة باصص لمحمود وساكت وهنا محمود قرب من عجب اوي وقال
فين بنتك يا عجب
عجب فضل مبرق له وما بيردتش
صندوق عجب
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
محمود فضل باصص لعجب اللي ساكت وبعدها قال
اية يا عجب سؤالي ملهوش اجابة
عجب
يا باشا انا كل اللي اعرفه ان بنتي هترجع بكرة ولازم ترجع تلاقي الصندوق في البيت
محمود
طيب انت بتكلمها يا عجب
عجب
كل يوم يا باشا
محمود
طيب ما تتصل بيها دلوقتي كدة قصاد مني
عجب
موبيلي فاصل شحن
محمود
اجيب لك شاحن
عجب
عايز شاحن ابرة
محمود
اجيب لك
وفعلا دخل محمود مكتبه وجاب شاحن ابرة ورجع وبص ل عجب وهو بيحط الموبيل علي الشاحن واتفتح موبيل عجب واتصل علي رقم صفاء لكنه ادي مقفول فبص عجب ل محمود وقال
مقفول
محمود
اتصل تاني
عجب اتصل تاني وبرضو ادي مقفول فبص له محمود وقال
شوية ونتصل بيها
ودخل محمود مكتبه ورجع عجب قعد علي دكة في القسم
وغمض عيونه و افتكر اللي حصل،،،،،،،
عجب كان قاعد في المحل بتاعه وقت ما رنت عليه صفاء وقالت
عجب انا راجعه في السكة
عجب
ازاي ولية هو الاسبوع بقي اربع ايام
صفاء
بسبب التنظيم البطوله اتاجلت شهر تاني.
عجب
يعني انتي كدة عايزا الكاوتش اللي فات
ضحكت صفاء وقالت
اللي فات اية بس يا عجب الفلات
عجب
عارفه. دة انا كل كوتشاتي كدة
صفاء
عجب اديني فلوس وانا هجيبة بمعرفتي
عجب
والله ما يحصل هو في برنسيسة تدخل محلات وتهين نفسها مع بياعين
صفاء
عجب انا عارفا هفضل اتكلم معاك و اوجع قلبي وانت هتعمل اللي في دماغك
عجب
بعد ما قفل المحل النهاردة هروح اجيب لك الكوتشي
وخلصت المكالمة علي كدة وصفاء وصلت البيت علي حوالي الساعة 9. بالليل يعني فاضل ساعة علي رجوع عجب واول ما دخلت البيت و بدات تغير هدومها يظهر وسط الظلمة سند مستخبئ وراء شماعة خشب وفضل يبص ل جسم صفاء زي الديب السعران
وبحركة لا ارادية وقعت جنب ازازة زيت شعر كانت علي التسريحة اللي جنب سند وقبل ما تبص ناحية التسريحة صفاء كان سند راح ناحيتها بسرعة. وغمي عيونها بايده الاثنين من وراء وظهر مرزوق وكتم نفسها والاثنين حاولو انهم ينزلو صفاء علي الارض لكن صفاء رجعت براسها وبمنتهي القوة في مناخير سند خليته يفك ايدة وضربت مرزوق برجليها تحت الحزام وجه سند يمسكها تاني زقته في ظهرة وهنا حست بوحمة كبيرة بارزة وكانها ورم في ظهرة وزقته علي التسريح بعيد عنها ولسة هتصرخ دخل كرم وكان معه ماسورة حديد بتاعت السباكة ضرب بيها صفاء في دماغها داخت صفاء و كرم ضربها كمان مرة في وشها لكن المرة دي جنب عينها اليمين والضربة دي كانت كفاية اوي علشان صفاء تقع علي الارض وبدا كرم يضرب فيها بماسورة المية بمنتهي الغل كسر لها ضلعين وذراعها اليمين وفتح لها دماغها و هنا سند خد منه الماسورة وقال
كفاية البت هتموت في ايدك
كرم بص له وقال
تموت بنت الكلب اللي بلغ عني من 13 سنة و حرمني من مراتي وبنتي.
وضرب صفاء بالرجل تاني في بطنها لكن مرزوق زقة برة الاوضة و ساب صفاء اللي من شدة الوجع ما كانتش قادرة تقول اة. وخرج وراء منه سند وقال
انت اية اللي جري لك احنا جائيين هنا علشان ناخد حقنا من عجب
مرزوق
سند بيتكلم صح لازم تهدي
كرم
ما حدش فيكم اتكوي بنار السجن زيي انا شيلت القضية وحدي وما جبتش سيرة اي حد فيكم علشان تاخدو بالكم من مراتي وبنتي
مرزوق
لا ياصاحبي انا برة حكايتك دي وانت مالكش جمايل عليه لاني ما كانتش معاكم
سند
يا عمنا مش وقته وانا عملت مع مراتك كل اللي اقدر عليه لكنها ما كانتش عايزا مني تاخد فلوس اصلها قال اية فلوس حرام. وبمناسبة الحرام انا عايز يا ابية اخش اكل البت اللي جوة دي
بص له كرم بقرف وقال
هو انت اية ما بتزهقش
سند
يا ابية مراتي غضبانه بقالها شهر فعادي يعني لو،،،،،
كرم مخلهوش يكمل وقاله
خش واخلص لان فاضل ساعة والعبيط يرجع
ودخل سند علي صفاء وبدا يغتصبها. وخرج سند وقال
ل مرزوق
البت ملبن مش عايز تجرب
هنا مرزوق قلع الساعة بتاعت لاعيب الكورة اللي كان سرقها منه و سابها علي الكنبة ودخل علي صفاء. وهو كمان اغتصبها وخرج مرزوق ونسي يلبس الساعة وقال ل كرم
مش ناوي تدخل
لكن كرم كان باصص من وراء الشباك علي الشارع مستني رجوع عجب وقال ل سند
الساعة عدت 10.30. والعبيط لسة ما رجعش
سند
اول مرة يتاخر كدة دة انا مراقبة من وقت ما قولت لي وعلي طول كان بيرجع الساعة عشرة وربع بالكتير اوي
كرم
اومال اشمعني النهاردة
سند
انا عارف بقي
كرم
انا لسة علية مراقبة ولو اتاخرت اكتر من كدة من غير ما اروح القسم الدنيا هتتقلب عليه
مرزوق
خلاص نروح ونبقي نيجي له تاني
كرم
لي نصيب يعيش كمان ليلة، ،
ومشيوا الثلاثة وبعدها بنص ساعة يوصل عجب ومعه الكوتشي ويقول
يا برنسيسة انا رجعت وهاخد منك حضن وبوسة كبيرة بسبب التاخير دة لاني فضلت ساعة كاملة مستني الراجل بتاع الكاوتش يجيب لي الفتات ولا اسمة اية هو
لكن صفاء ما كنتش بترد وسايحة في دمها. في الاوضة بتاعتها وسمع عجب صوتها بتقول بصعوبه
عجب
فتح عجب الاوضة وشاف الدم اللي نازل منها وهدومها المقطعة صرخ باعلي صوت عنده وشالها وخرج بيها جري من البيت، ،،،،،
وبعدها بيوم عجب يرجع البيت وهو متعصب ويكسر كل حتة في وكان في حاله هياج شديد لدرجة انه ضرب نفسه بفاظة في ودانه اليمين واتوجع. وسمع اخر كلام قالته بنته صفاء
كانو تلاته واحد منهم عنده ورم في ظهرة والتاني كان لابس ساعة ذهب. والثالث
ما لحقتش اشوفه. عايزا رقبة الثلاثة
وهنا شاف الساعة الذهب اللي فيها فصوص الماظ. وعرف ان دة بداية الخيط علشان يعرف مين اللي كان هنا
وعمل كدة في بنته. وذبح مرزوق لو انتم فاكرين وجه الوقت علي التاني سند.
وبعدها بكام يوم سند كان جوة بيت عجب وعجب ماسك ساطور وبيذبحة.
عجب عرف ازاي ان سند تاني واحد ووصله ازاي. دة اللي هنعرفو مع باقي الاحداث