رواية صندوق عجب
الفصل الثالث3
بقلم بقلم محمد منصور
ومن جوة القسم يقعد عجب قصاد الظابط محمود وكان محمود بيقول له
جاي تبلغ عن اية
عجب
انا قفلت المحل بتاعي الساعة 10 زي كل يوم و انا متعود اسيب مفتاح باب البيت تحت فرع شجرة مكسور قصاد بيتي
محمود بحدة
انا مالي ومال دة كله فين المصيية اللي حصلت واللي انت جاي تبلغ عنها
عجب ما ردتش علي سؤال محمود وكمل وقال
بحط ايدي تحت الشجرة مالقتش المفتاح عرفت كدة ان في حد خد المفتاح بس ماحدش يعرف مكان المفتاح دة الا صفاء بنتي ودة سر بيني وبينها ولا تكون قالت لحد علي مكان المفتاح.
محمود
هو انت جاي القسم علشان نعرف صفاء بنتك قالت سركم لمين
عجب برضو ما ردتش علي سؤال محمود وكمل وقال
انا دخلت البيت وقولت يمكن تكون رجعت من السفر وعملا لي مفاجاة لكنها ما رجعتش ولقيت تلاته حرامية ضربوني ووقعوني علي الارض وصحيت لقيت نفسي متعور في وداني وجسمي كله جروح
محمود مسك القلم وفتح محضر وقال
اة بلاغك عن سرقة. طيب يا عجب واتسرق منك اية
عجب
صندوق زباله
محمود بص له باستغراب شديد وساب القلم وقال
اللهم ما طولك يا روح. يعني انت جاي لغاية هنا ومضيع وقتي علشان تبلغ عن سرقة صندوق زباله. انت معتوه
عجب برضو ماردتش عليه وكمل وقال
وبنتي كلها تلت ايام وترجع من السفر ولو ما لقتش الصندوق هتزعل. اصل انت ما تعرفش الصندوق دة بالنسبة لها اية
محمود باستهزاء
اية يا حبيبي. اشجيني
عجب
دة الصندوق اللي انقذ حياتها وهي صغيرة من 13 سنة وقت ما البيت وقع عليها هي وامها وبتعتبرو واحد من العيلة
محمود
مين هو اللي من العيلة صندوق الزباله
عجب
اة
محمود
قالو ها زمان ما تخفش من العبيط خاف من خلفته. هي بنتك معتوهه زيك
عجب اتعصب وقال
انا معتوه اة انما بنتي لا. دي البرنسيسة صفاء
محمود اتعصب وضرب ايدة فوق سطح المكتب وقال
يا اخي ملعون ابوك علي ابوها انت اتجننت تزعق لظابط شرطة في مكتبه
عجب
انت شتمت صفاء لية. لازم تعتذر
محمود
اعتذر لمين يا ابن المجنونه.
ما تلم نفسك. وقولي ياة انت عامل دماغ اية
عجب
انا ما عملتش دماغي انا كبرت لقتها كدة
محمود
ورحمة امي وامك انت مصطبح اصطباحة كوكتيل من كل المكيفات انا عارف وانا مش فاضي لك. يلا قوم غور من هنا
عجب
انا مش ماشي قبل ما تعتذر
ل صفاء وتجيب لي الصندوق
محمود قام وقف وقال
وانا قولت قوم غور من هنا بدل وعهد الله اخدك ارميك في الحجز لغاية ما يبان لك صاحب
عجب
انا ماليش ولا صاحب ومش هروح في حتة قبل ما تعتذر
محمود اتعصب اوي وقال باعلي صوت عنده
يا عسكري
دخل العسكري بص له محمود وقال
خد المعتوه دة واعمل له تحليل مخدرات ولغاية ما تطلع نتيجة التحليل نزلو التخشيبة
بدا العسكري يسحب في عجب لكن عجب مسك في طرف المكتب والعسكري ما كنش قادر يسحبة وعجب باصص
ل محمود وبيقول
اعتذر ل صفاء وهات لي الصندوق
بدا محمود يضرب ايد عجب اللي ماسكة سطح المكتب ورغم قوة ضربات الظابط
الا ان عجب ما كانش بيسيب سطح المكتب ندهه الظابط علي عسكري تاني وتالت
وما حدش كان قادر يفك ايدة اللي بقوة الحديد وبدا سطح المكتب يطلع في ايد عجب والظابط والعساكر هيتجننو والصوت بدا يعلي وهما بيضربوا في وهو كل اللي عليه اعتذر ل صفاء ورجع لي الصندوق وخرج المامور صفوت من مكتبه علي الصوت العالي ودخل مكتب محمود لقي العساكر بتضرب في عجب قال بحدة
بتعمل اية يا عسكري منك لي،،،
وبعدها بكام ساعة ومن جوة مكتب المامور صفوت يقعد عجب وكان بيشرب مية وصفوت بيقول
انا خليت الظابط محمود يعتذر لك وسالت عنك في البلد وعرفت انك راجل طيب وعرفت كمان ان بنتك دي ما ينفعش حد يغلط فيها بس عايز اعرف اية حكاية الصندوق وما تقوليش علشان بنتك بتحبة اوي اكمنه انقذ حياتها
عجب
عجب ما بيكذبش
صفوت
عجب الصندوق دة كنت مخبئ في فلوس مثلا او ذهب وعلشان كدة انت عايز توصل له باي طريقة
عجب
الصندوق ما فيهوش اي فلوس وعجب مستعد يدفع
100 الف ج. بس اللاقي الصندوق و اعرف مين الحرامية اللي سرقو
صفوت بص له بشك وقال
100 الف ج. ثمن صندوق زباله. ما تقول يا عجب الصندوق دة في اية
عجب
بنتي بتحبة ودة كفاية يخليني ادفع في كل اللي حيلتي
صفوت
طيب يا عجب روح هات الفلوس وانا هجيب لك الصندوق واللي سرقه
من غير اي تفكير قام عجب ومشي وصفوت كان هايتجنن ويعرف اية حكاية صندوق عجب دة ،،،،،،
وبعدها بساعة بالظبط يرجع عجب بكيس اسود في
ال 100 الف جنية ويفضي الكيس فوق مكتب المامور ويبص المامور للفلوس وهو مستغرب. وعجب قاله
عايز الصندوق واللي سرقو
واستعد عجب للخروج من مكتب المامور صفوت سمع صفوت بيقول
عجب انا مش مصدق انك بتعمل دة كله علشان صندوق زباله
من غير ما يبص له عجب قال
عايز الصندوق واللي سرقو، ،،
وهنرجع بالاحداث ليوم ما مرزوق الحرامي كان بيعور لاعب الكورة توفيق في ركبته بالمطواة فاكرين الحادثة دي المهم بقي وقتها كان واقف من بعيد عجب بيتفرج علي الحادثة دي وفي ايدة الساعة الذهب بتاعت لاعيب الكورة وركب عجب الموتوسيكل بتاعه وبدا يراقب مرزوق اللي خرج من الكافية وركب هو كمان موتوسيكل وشاف مرزوق عجب اللي بيراقبة في مرايا العربية فراح دخل في ورشة قديمة وركن الموتوسيكل بتاعه علي جنب ونزل ودخل جري جوة الورشة وعجب ركن ونزل وراء منه وبدا عجب يدور علي مرزوق اللي ظهر فجاة وفي ايدة سلاح ابيض كبير اسمه شافوريا وقدر يعور عجب في رجله اللي وقع علي الارض وقال له مرزوق
انت مين يلا وجاي ورايا لية
عجب بص له وحط ايدة في جيبة وطلع شفرة حلاقة وعور مرزوق في ايدة اللي كان ماسك بيها الشافوريا وصرخ مرزوق والدم بينزل منه ووقع منه السلاح علي الارض مسك عجب السلاح وضرب مرزوق بالسلاح في ركبته وقع مرزوق علي الارض وفضل يصرخ وعجب حط السلاح علي رقبته وقال
غلط يوم ما سبت الساعة اللي انت سرقتها من لاعيب الكورة في بيتي وقت ما كنت عندي في البيت وانا حلاق وبعرف كل اللي بيحصل في البلد وعرفت ان لاعيب الكورة راح لك البنزينة وفضحك علشان ساعة ذهب بفصوص الماظ ونظارة. رقبتك وعرفت انك واحد من الثلاثة اللي كانو عندي. في البيت. مين التاني والتالت
مرزوق
بقي انت يا عجب يا غشيم يطلع منك دة كله
عجب
قاله زمان خاف من الغشيم لما يكون السلاح في ايدة
وضربه عجب بالسلاح في بطنه قطع له لحمه وقال
مين التاني
مرزوق كان بيتوجع والدم بينزل منه زي الشلال فقال
ما قدرش اقول
عجب ضربه كمان ضربه امعاءة بقت برة. وصرخ مرزوق وقال بصعوبه
دور في القسم و هتوصل له لانه من العسكر ومع الحرامية
عجب
طبعا انت عارف ان اللي عملته تستاهل بسببه قطع رقبتك
مرزوق
عجب انا ماليش دعوي. دة هو اللي، ،،،،،،،
لكن عجب قطع راس مرزوق ورماها بعيد عنه ومسح بصماته من فوق السلاح ورمي جنب منه وخرج من الورشة،