رواية ولي العهد
الفصل الثاني والعشرون22
بقلم نورهان نصار
جاب الدوا و ركب العربيه...و دور العربيه و بقي يسوق...و بعد شويه...فريده بإستغراب:يحي ده مش طريق البيت....
يحي:ايوا يا فريده..ما انتي هتروحي عند بباكي لحد ما الحفله تجهز...
فريده سكتت...إسعاد بتساؤل:حفله ايه؟؟
يحي مركز في السواقه:احتفال بحملهم هما الاتنين
إسعاد:امممم...
و بصوت واطي:اللي يعيش ياما يشوف....
فريده كانت قاعده ساكته و ضامه حواجبها دليل علي انها بتفكر...بس متقدرش تتكلم.....و بعد نص ساعه كانوا وصلوا لبيت أبوها..يحي نزل و راح عند فريده فتحلها الباب و نزلها...و قفل الباب تاني....
و لإسعاد:مش هتأخر يا أمي...
و مشي بفريده و طلع بيها للعماره...و ركبوا الاسانسير...و في الدور التاني عطل يحي الاسانسير..و كان عارف ان تليفون فريده في الشنطه..و بصوت واطي قرب منها:انتي حامل!!!
فريده بصتله باستنكار و لسه هتتكلم بصوت عالي يحي حط ايده علي بوءها و منعها تتكلم...فريده ضمت حاجبها بتساؤل..
يحي أداها الروشته و همس جمب ودنها:فريده انتي حامل يقلبي...
فريده اول ما خدت منه الروشته فتحتها و لقت كلام الدكتوره ليحي...فريده نظراتها الورقه كانت نظرات صدمه..و كذلك بصت ليحي و بدأت عيونها تدمع و تعيط...يحي ابتسم و شدها لحضنه...و فضلوا كده لمده دقيقه لحد ما فريده هدت...و شغل الاسانسير تاني....و طلعوا لشقه أبوها...و فتحت لهم مروه...و أول ما شافت فريده خدتها في حضنها...و بقت تبص ليحي بزعل...
يحي بهدوء:هبقي اطمن عليكي يا ديدا...
فريده:تمام...
يحي:سلام...
و راح للاسانسير و نزل لتحت......
فريده بمرح:عامله كفته رز صح؟!
مروه ضحكت:صح..تعالي يلا...
و قفلت الباب..
فريده بصوت عالي:فين بابا عشان عملالكم مفاجئه..
مروه في المطبخ:مفاجئه ايه؟!
فريده دخلتلها:لا اما بابا يجي بقي...
مروه بتدوق الكفته:هو في السكه اهو يعني غيري هدومك يكون هو جه...
فريده اخدت خياره من ادامها علي التربيزه و قطمت منها: اوك..
و خرجت من المطبخ لأوضتها..
نزل يحي و ركب تاني..و دور العربيه...و بدأ يسوق...
إسعاد بجديه:جبتها هنا ليه؟!
يحي بهدوء: اديكي يا ماما شوفتي امبارح بعينك اللي حصل..و اهو كل يوم من ده..و دي حامل و دي حامل و انا خايف علي عيالي عشان كده جبت فريده هنا..عشان متحصلش مشاكل..و أميره في البيت معايا...
إسعاد ببرود:و أنت مفكر أن حملها ده هيكمل...
برغم ان يحي كان متوقع ده بس الجمله وجعته جدا...
يحي بيحاول أن صوته يكون هادي:بأذن الله يا ماما..ما...ما انا هقول للدكتوره الزياره الجايه..
إسعاد بصت للشباك:تمام...
غيرت فريده هدومها و لبست بيجاما من بتوعها و لقت الباب بيتفتح و دخل أنور بسرعه و شدها لحضنه...
أنور خرجها من حضنه:انتي انتي كويسه..عمل معاكي ايه المتوحش ده..
فريده بابتسامه مطمئنه:اهدي يا بابا اهدي يا حبيبي..انا اهو مفياش حاجه...
أنور اتنهد براحه و شدها لحضنه تاني....
مروه من برا:الاكل لو برد مليش فيه...
فريده:يلا بقي يا بابا إلا انا جعانه اوي...
أنور بابتسامه:يلا يا حبيبتي....
و خرجوا و كانت مروه بتحط اخر طبق علي السفره و قعدوا..و فريده حطت موبايلها جمبها و قعدت تاكل...
فريده بتاكل:عندي ليكم خبر يجنن..
مروه بتحط لأنور كفته في طبقه:قولي بسرعه الا هموت من الفضول.
أنور بص لفريده بتساؤل...
فريده كملت اكلها تغيظهم..
أنور بغيظ:بت..بت..
و مسك المعلقه اللي بياكل بيها و مثل أنه هيضرب فريده... و فريده بعدت و بهزار:هههههه...طب يا جماعه ابني جعان و مش مستحمل أنه يسيب اكل نناه...
مروه سكتت..و كذلك أنور..بيحاولوا يستوعبوا....
فريده ضحكت علي شكلهم و بصوت عالي:هييييه..انا حامل يا جماااعه...
مروه:ده بجد!!!و بفرحه:الف مبروك يا حبيبتي و ربنا يتمملك حملك بخير يارب..
أنور بفرحه:الف مبروك يا حبيبه بابا...
و باس دماغها....
فريده بابتسامه:الله يبارك فيكم....و يحي عامل حفله احتفالا ب ده...عشان كده جابني هنا...
أنور:تمام يا حبيبتي...
و بدأ يحطلها أكل في طبقها و بفرح:كلي يا ماما يلا كلي...
و مروه حطتلها عصير تاني و باهتمام:خدي يا قلب ماما..الف هنا يا قلبي..
روح يحي إسعاد و طلع علي بيته و نزل...و فتح الباب و دخل....كانت أميره في المطبخ بتخلص في الأكل...و دخل يحي...أميره بصتله و سكتت...و كملت تقليب في الاكل...يحي راح فتح التلاجه و اخد منها تفاحه...و قطم منها و حضن أميره من ضهرها...
و بخفوت:القمر زعلان مني ليه...
أميره بصتله و رجعت تاني للي قدامها غطت الحله و طفت عليها النار و فكت ايديه من عليها و راحت قعدت علي كرسي و بقت تقطع في السلطه...
يحي بجديه:أميره انا بكلمك.
أميره سابت السلطه و بصتله:يعني مش عارف عملت ايه...
يحي اتنهد:خلاص يا أميره هي قاعده عن مامتها اليومين دول عشان متحصلش مشاكل تانيه...و قرب منها:كمان انا عامل حفله عشان النونو الصغنن..
و حضنها....أميره ابتسمت بهدوء و بصتله:فرحان يا يحي...
يحي بابتسامه:جدا يقلبي...يلا عشان جعان جدا..خلصي السلطه و انا هغرف الاكل اهو..
أميره:تمام...
و خلصوا الاكل و قعدوا سوا يتغدوا....
بعد الغدا دخلت علي يحي مكتبه و معاها القهوه بتاعته...
يحي:ميرسي يا حبيبتي...
أميره ابتسمت له:انا هلبس بقي و اروح الصيدليه ساعتين بالكتير و راجعه...
يحي:تمام يا حبيبتي...
و رجع يكمل شغله...و أميره طلعت جهزت بسرعه و نزلت ركبت عربيتها و بعد ربع ساعه كانت وصلت فرع صيدليه من بتوعها...و دخلت و الكل حياها و منها علي المعمل اللي موجود في كل فرع من فروع صيدلياتها...و لبست البالطو و قعدت تجهز التركيبه الجديده بتاعتها و تحط لمساتها الاخيره....و بعد نص ساعه قامت اتصلت علي جاسم....
أميره:الو يا حبيبي لو تعرف تجيلي النهارده نختبر الجرعه تمام...
جاسم:نص ساعه و اكون عندك...
أميره:تمام...
و قفلت مع جاسم...و فتحت فونها و قعدت علي الفيسبوك شويه...لحد ما جاسم دخل....
أميره قامت:هطلع اقولهم ينزلوا الباب و يمشوا...
جاسم خرج معاها:اكون جبته...
و طلع هو علي عربيته...و كان موجود ولد مراهق لسه ١٨ سنه واضح علي ملامحه الإدمان...جاسم فتحله الباب و نزله و استني لما اللي عند أميره خرجوا و دخل بالولد....و أميره دخلت علي المعمل و جابت جزء بسيط من المخدر اللي عملته...و الولد قعد علي كرسي...و أميره حطت المخدر قدامه....و بدأ الولد يشمه...
و رجع دماغه لورا و غمض عينيه...جاسم طلع سيجاره و ولعها و اخد منها نفس...و أميره جابت كرسي و قعدت عليه....
الولد بعد شويه بصلهم:ايه ده!!؟
جاسم باقتضاب:مش شغلك...
أميره كانت بتبص لجاسم و بعدين بصت للولد:هاا؟!
الولد اثر المخدر بدأ يتقل عليه:عاوز منها تاني دي دماااغ عاليه اووي...
أميره ابتسمت بدلال و بصت لجاسم و بهدوء:مش قولتلك تستاهل...
جاسم ابتسم لها و اخد الولد و طلع بيه علي العربيه و ركبه....و ركب معاه...و دور العربيه....و أميره قفلت الصيدليه و ركبت عربيتها و مشت...و بعد خمس دقايق الولد بدأ جسمه يترعش و يتشنج و يصرخ...جاسم وقف العربيه بسرعه...و الولد نفسه بدأ يتقل...
و بصراخ لجاسم:الحقنيييي...بمووووت...
بس جاسم ساكت و مش عارف يعمل حاجه...و بعدين مسك تليفونه بسرعه و اتصل علي أميره...
جاسم:الو أميره حصل....
و سكت جاسم لان الولد كان خلاص مات!!!!
جاسم سكت مصدوم من اللي حصل....
أميره صوتها طالع من الفون:جاسم ايه اللي حصل يا حبيبي؟!