رواية ولي العهد
الفصل الثالث والعشرون23
بقلم نورهان نصار
المشاهد القديمه في الفلاش باك عيدوا قرأتها لأن زايد عليها كلام و حوارات...الولد بدأ جسمه يترعش و يتشنج و يصرخ...جاسم وقف العربيه بسرعه...و الولد نفسه بدأ يتقل...
و بصراخ لجاسم:الحقنيييي...بمووووت...
بس جاسم ساكت و مش عارف يعمل حاجه...و بعدين مسك تليفونه بسرعه و اتصل علي أميره...
جاسم:الو أميره حصل....
و سكت جاسم لان الولد كان خلاص مات!!!!
جاسم سكت مصدوم من اللي حصل....
أميره صوتها طالع من الفون:جاسم ايه اللي حصل يا حبيبي؟!
جاسم غمض عيونه و فتحها:ارجعي الصيدليه تاني بسرعه...
أميره استغربت:ليه؟!
جاسر بحده:اسمعي اللي بقولك عليه....
و قفل السكه في وشها...
أميره بحده:انت بتستهبل التركيبه زي الفل!!!
جاسم بصوت عالي:اه زي الفل و الواد اللي مرمي ف العربيه ده!!!
أميره بتوتر:ي..يمكن عنده مشاكل صحيه أو مات بحاجه تانيه...
جاسم بحده:حاجه تانيه ايه الواد فضل يتشنج و يصوت لحد ما مات...
أميره قعدت علي كرسي بإحباط و بقت تبص حواليها بتفكير....
جاسم بصوت عالي:اهبب ايه انا مع الناس اللي اتفقت معاها...كلهم مستنيين النوع الجديد....
أميره بصتله:هراجعها تاني!!
جاسم بسخريه:لا بلا تاني بلا تالت..انا مش ناقص حد منهم يموت طب ده ع الأقل هعرف اتاويه و محدش هيسأل فيه لكن دول لو واحد منهم مات الدنيا هتتقلب و تشريح بقي و نوع المخدر يتعرف...
أميره:و الحل؟
جاسم:بالنص اللي اتدفعلي عربون للنوع الجديد هدفعه انا و انتي بالنص..اه انا مش عليا اي ذنب..
و بصلها: و احمدي ربنا اني مخليتكيش تدفعي كله...
أميره بصوت عالي:لا يا اخويا تسلم فعلا...
جاسم جابها من شعرها و بزعيق:صوتك ميعلاش عليا..
أميره بتحاول تبعد ايده:اه...وسع يا جاسم....
جاسم ساب شعرها و بصلها بطريقه وحشه و خرج....
أميره قعدت تفكر هتعمل ايه....و بعد شويه قامت قفلت و ركبت عربيتها و طلعت علي البيت
اتصل جاسم علي راجل من بتوعه و طلب أنه يقابله في مكان معين بيكون هادي في الوقت ده و مضلم...و بعد تلت ساعه اتقابلوا...
جاسم ببرود:تاخده تدفنه او تولع فيه حتي مش عاوز حد يعتر عليه..
و بجديه: مفهوم!!
الراجل:مفهوم يبشا....و فتح الباب و شال الولد علي كتفه و قفل الباب...و راح حطه في عربيته...و جاسم طلع علي القصر بتاعه...
وصلت أميره الفيلا...و دخلت و بصوت عالي:انا جيت يا حبيبي....
و طلعت علي أوضتها و دخلت اخدت شاور و طلعت لبس قميص حرير و نزلت تحضر العشا...و كان يحي في مكتبه بيجهز للحفله...و بيتفق علي حاجات معينه...و خلص و خرج...و كانت أميره حطت الاكل علي السفره..و قعدت..و هو كمان قعد...و بدأ يأكل...
يحي:بقولك يا ميرو جهزي نفسك عشان بعد بكره عندنا حفله يقلبي..
أميره:حاضر يا حبيبي...
و بدأت تأكل...
يحي بصلها:مالك؟!
أميره بصتله و ابتسمت بهدوء:مفيش يا حبيبي..
و رجعت تكمل اكلها...و يحي عارف ان فيه حاجه حصلت..بس مستني يعرف ايه هي من أنور...
تاني يوم كان جمعه أميره اتججت أنها هتروح لأمها عشان تختار معاها فستان الحفله..و يحي وافق علي ده..و أميره راحت فعلا لأمها....و هو جهز و طلع علي بيت أنور...
و أنور هو اللي فتحله و سلم عليه بجمود بس غمزله..و ده طبعا بسبب الفون...و دخل يحي و حط التليفون بتاعه علي ترابيزه الانتريه..و قعد...و أنور قعد الناحيه التانيه....و بنداء:تعالي يا ديدا يحي جه...
و بعد دقيقه خرجت فريده من اوضتها و قعدت جمب أبوها....و هي ساكته...و مروه خرجت من المطبخ جايبه كوبايه عصير ليحي...و قعدت جمب أنور و فريده....
يحي:بقولك يا فريده قومي يلا البسي عشان نروح نجيبلك فستان.
فريده:تمام...و قامت دخلت علي أوضتها تغير....
و يحي شرب العصير و بعد دقيقه...
يحي:بعد اذنكم..الحمام...
أنور شاورله بايديه:اتفضل....
و قام يحي و دخل علي اوضه فريده...و تليفونه برا في الانتريه مع مروه و أنور...
مروه لأنور:ايه جابه..هو ليه عين يجي هنا...
أنور بضيق:انا ساكت عنه بس عشان فريده...
دخل يحي الأوضه علي فريده و كانت هي بتغير هدومها....
فريده ابتسمت له:وحشتني يقلبي...
يحي:و انتي كمان...
و قعد علي السرير علي ما تجهز...
يحي بتهكم: طنت بره هاين عليها تقوم تضربني...
فريده بصتله:ما انت اللي ضربتني...و ضحكت و رجعت تكمل لبس...
يحي ضحك:هههه..دخلت علي الكل العلقه دي...
فريده:جدا ده يبني فضلت تسألني ازاي لسه حامل بعد الضرب اللي اخدتيه...قولتلها أمر ربنا...و بقت تسرح شعرها....
*فلاش باك"
دولت:منك لله يا شيخه بنتي حامل مش قدك...
فريده اول ما سمعت كده أتعصبت اكتر و زقت يحي..
و كانت لسه هتهجم علي أميره تاني بس إسعاد وقفت ف طريقها ف زقتها...يحي لما شاف فريده بتزق أمه اتعصب و بقي زي التور الهايج...ف راح جايب فريده من شعرها و بصوت عالي مميت:لا ده انتي عاوزه اللي يردلك عقلك...و شدها طلع بيها علي اوضتهم و هي بتزعق و تضرب فيه و تصوت...و يحي مثل أنه زقها جامد و فريده برضه عملت أنها وقعت علي الارض و قفل الباب وراهم بالمفتاح....و بقي يكسر في الاوضه و فريده تصوت و هو بيشتم....
*باك*
يحي بضحك:بس بتعرفي تمثلي يا ديدا..
فريده بصتله:من بعض ما عندكم..
*فلاش باك*
كانوا واقفين بيتسنطوا من ورا الباب..و سامعين صريخ فريده من جوا...
فريده بصراخ:ااااه..حد يلحقني يا ناس....اااااه...
و سمعوا صوت حاجه بتتكسر...
يحي بحده:ده انا هكسر عضمك علي اللي عملتيه...و مفيش حد هيعرف يشيلك من تحت ايدي...
و وقعها علي السرير..
فريده:ااااااه
و قامت ضربت يحي علي كتفه و بقت كاتمه ضحكتها و كذلك هو..
دولت بخوف:الحقي الحقي يا إسعاد ابنك هيموت البت..ده ابوها يوديه ف داهيه..
إسعاد رفعت ايديها للسماء:ياارب يختي يموتها عشان ارتاح منها...
و سمعوا صوت فازه تانيه بتتكسر....
فريده بصوت عالي:اووعي بقييي ابعد عنيييي...
و طلعت تجري ناحيه الحمام..و كانت هتقع بس هو سندها و منع ضحكته...و هي حطت ايديها علي بوءها عشان متطلعش صوت..
يحي بحده:مش قبل ما اربيكي الاول علي كل حاجه عملتيها...و سمعوا صوت الضرب من جوا...
و كان ماسك حزام ف ايديه و بقي يضرب علي السرير..
دولت بتوتر:يالهوووي..هيموتها و الله يا إسعاد..ده حتي قافل الباب مش هتعرف ندخل..
إسعاد بصتلها و بعدين بصت للباب و بفخر: سبع يولاا..
صوت فريده سكت و سمعوا صوت المفتاح و فتح يحي الباب و خرج و قفله تاني وراه...
يحي بصوت عالي و عصبيه: اللي هيحاول بس يكلمها يبقي حفر قبره بايده..خليها زي الكلبه...
فريده ضيقت عينيها:كلبه!!اما تجيلي!!
*باك*
فريده بتذكر:انا كلبه...
يحي:يوووه..لزوم الشغل يا ديدا...انا هقوم بقي عشان المراقبه...
و هرب بسرعه من ادام فريده..و رجع قعد مع أنور و مروه..
راحت أميره مع دولت و اختاروا الفستان المناسب ليها...و روحت دولت و طلعت أميره علي البنك و سحبت الفلوس المطلوبه...و طلعت علي كافيه...و كان جاسم مستنيها هناك و سلمته الفلوس و مشيت....
كان يحي واقف بعيد عن فريده عشان عارف ان فيه حد بيراقبهم...بس مديله ضهره..و فريده كانت بتنقي من الفساتين و معاها بنت من المحل بتساعدها...و كانت بتفرج فريده علي فساتين مكشوفه...و فيه واحد منهم عجب فريده..يحي هبد في الأرض برجليه..فريده بصتله ف شاور بايده أن بلاش الفستان ده..ف بصت للفستان و بعدين ليحي و رجعت تاني تبص للفستان بصه اخيره..
و للبنت بحزن:مش حلو...
البنت اخدته و طلعت واحد تاني:ايه رأي حضرتك...
فريده الفستان عجبها و ابتسمت...
يحي بصوت عالي:احمممم...احممممم
فريده بصتله بنص عين و للبنت:هقيسه!!!
يحي برق لفريده..و هي تجاهلته و بصت للبنت تاني:يلا...
و دخلت عشان تقيس الفستان و كان حلو عليها جدا...و يحي اول ما شافه عليها اتهوس ازاي حد يشوف مراته بالفستان ده..دي زي الأميره!!!
يحي بتوعد في نفسه:اروحك بس و انفخك يا فريده...