رواية تضحية امراة الفصل الثالث3بقلم اميرة سليمان
بعد ما طلقت مرتي في يوم عرسي على امرأة ثانية قبل ما نخش ل باب الصالة و نأخد عروستي الجديدة يجيني اتصال على الهاتف فيه ب حرف الواحد انت طلقت مرتك على خاطر اتهمتها امدايرة شي غلظ
و عملية إجهاض لاكن الكلام هذا راهو مافيش منه برا تأكد بروحك في مكان فلان
اني من يوم ل طلقتها فيه معاش شبحت وجهها معاش تبعت اخبارها بكل حتى هاتفي و سفرتي غيرتهم لين صدمني الاتصال هذا خلاني نلوح الباقة منين قالي
تبي تعرف مرتك و العملية كانت على شني
برا للمكان هذا اول ما وصلت درست قدام
المصور و نزلت ننصدم صدمة عمري منين
مرتي ل كان وزنها قبل فوق 100 وله وزنها
في 50 زي العود ولت كأنها باربي اول ما شافتني قاتلي تفضل يا استاذ شن بتصور انت و عروستك اني طلعت نجري لين قعدت نرعش أرجعت للعرس نزلت من السيارة رجالة و اهل العروسة يعيطوا ب غير شن فيه وين امشيت سمعت حاجة
على بنتنا قعدت واقف نفكر في الاتصال ل جاني اهو امشيت شبحتها بس شن قصة العملية اني وين امشيت المصحة لما صار الموضوع القيتها دير في إجهاض من دون علمي و اني عليا شهور عليها قعدت واقف مصدوم و دوشة الناس و اهل العروسة و اهلي كيف جيت ب نخش للصالة رجعت
قتلهم العرس ملغي ما فيش نصيب و بنتكم عندكم أخديت سيارتي و امشيت
صكرت هاتفي و قعدت في مكان بعيد ثلاثه ايام لين جاني خوي قالي تي كيف دير هكي العروسة اهلها امدايرين فيها حالها قالولها اكيد سامع عليك حاجة
اني احكيت ل خوي ل صار كله قالي كان عملية أخرى كان دافعت على روحها
لاكن الكلام صح اني اخديت مفتاحي امشيت نجري قالي خوي وين ماشي قتله
ب نرجع للمصحة ل دارت فيها العملية طول امشيت اني و إياه أوصلنا اعطيت ليهم الاسم و التاريخ قتلهم نبي معلومات على وضع الصحي نبي ملف مريضة طول
قالولي كان ما تطلع الشرطة توا تجي قعدت حكم اسبوع وراء المصحة هاذي لين ألقيت حد منهم يخدمني مقابل فلوس دفعت ب مبلغ و قدره ل شخص ل واقف على المنظومة و البيانات المرضه و الصدمة
قالي في ليل راح نجي للحوش و نجبد ليك
ملف كامل قتله باهي قعدت نراجي فيه في استراحة خوي و خوتي و صغار عمي معاي
و اني على نار لين جاني قالي قبل ما نعطيك الملف باهي هو سؤال بس قتله غير
يا راجل هات ملف جاي قالي لازم تجاوب
قتله شن يا راجل قول بسرعة قالي من قالك إجهاض قتله وحدة تخدم في الاستعلامات قالي رآهو العملية مش إجهاض هو صح موضوع كبير لاكن مش إجهاض قتله شن آمالا اول ما سمعت و شفت شن كانت العملية و جو كان عز الشتاء و الدنيا زي ثلج نقزت في مسبح
إمتاع الاستراحة في عز شتاء منين شبحت