رواية غرام والنجار
الفصل السابع7
بقلم ام فاطمه
دائما الوصول إلى ما نحب أو القمة يحتاج إلى تخطي الصعوبات مهما كان نوعها بدون استسلام لذلك نحتاج إلى إرادة قوية ومساندة وتشجيع من أقرب الناس إلينا.....الست نجية..مامت عمر.....لزوجها الحج عادل ...كلمت يا أخويا أبو غرام ولا لسه ..أوعى تكون لسه إلا الواد كل شوية يسألني قلتلوا ولا لسه أصلو مستعجل وعايز يعرف ردهم بسرعة ..عمر متشعلق بيها أوي يا حج ..والبت صراحة تستاهل أدب وجمال وأخلاق وتعليم مفيش زيه وأنا كمان بحبها ..حتى علا بتموت فيها فربنا يجعلها من نصيبه ووووووو
الحج عادل ..خلصتي كلامك ولا لسه.
الست نجية..يوه مالك مش طايقلي كلمة ليه.
الحج عادل بضيق..مش كده يا نجية ..أنا عارف كل ال بتقوليه وفاهم وعارف كل حاجة وشايف الواد هيموت عليها قد إيه..وهو ده ال تعبني.
الست نجية . تحط إيدها على صدرها.....إيه يا حج وغوشتني هما رفضوا ابننا ولا إيه .هو عمر يترفض ده مفيش أحسن منه في أخلاقه وأدبه وحنيته.
الحج عادل...وإيه تاني ...أقلك أنا ...نجار والبت دكتورة فمفيش توافق بينهم وأنا أيوه كلمت أبوها وأنا بكلمه وشه جاب ألوان . .وتلجج كده ..ومبقاش عارف يقول إيه ...فحسيت أنهم مش هيوفقوا وصراحة عندهم حق ..أنا بتمنى لعلا أحسن واحد في الدنيا وهما برده عايزين لبنتهم كده وأكتر وخصوصا وأنتي عارفة شكل نسايب بنتهم هدير فبعد دول يجوا ينسبونا إحنا بشكلنا وشغلتنا دي حتى لو الواد بيحبها بس في إيده إيه بس .
الست .نجية ...يا حسرتي عليك يا ضنايا ..وقهرتك لو رفضوا ..والعمل يا حج ..أنا خايفة عليه ليروح فيها ..متفكر شوية نعمل إيه.
الحج عادل...العمل عمل ربنا ولو فيه نصيب هيخدها رغم كل شيء ونعمل إيه بقى ...مش هيكون من عندنا ..مش البت بتحبه وماله إيده منها.
الست نجية..أيوه هو قلي أنها بتحبه .
الحج..يبقى خلاص هي ال هتقدر تقنع أهلها لو رفضوا
إحنا ملناش دور غير ال عملناه مش هنقدر نغصب عليهم يجوزوا بنتهم لابننا عافية.
الست نجية....إن شاء الله ربنا هيجبر بخاطره عشان عالم بيه.
تطلع نجية...تلاقي عمر ..قاعد حزين وكأنه حاسس أن أهل غرام مش موافقين.
الست نجية....إيه يا ضنايا .مكلتش من بدري ..أحضر اي حاجة تكلها.
عمر.بحزن....لا مش جعان .أنا داخل أنام.
نجية بقلق...يبني سبها على الله ولو مكتبالك محدش يقدر يخدها منك .والبت بتحبك يعني أكيد هتوافق وهتصمم عليك.
بكرة..هبعتلها علا ...تكلمها وتشوف بيحصل إيه عندهم..وتفهمنا هنرسى على إيه.
تاني يوم راحت علا لغرام
.علا...إزيك يا طنط اكرام...أهلا يا بنتي ...بضيق كده
علا..غرام جوه......اكرام..بس هي بتذاكر ومش فاضية دي كلية طب مش أي حاجة يعني.
علا..بزعل ..طيب يا طنط أأجلها وقت تاني ولسه بتطلع ...نادت عليها غرام....تعالي يا علا.
اكرام..مش قلتى بتذكري ومش فاضية.
غرام...معلش يا ماما خمس دقايق بس.
اكرام ..بغيظ ..طيب براحتكم.
وأخدتها غرام جوه.......عاملة إيه يا حبيبتي وعاملة إيه في المدرسة.
علا....الحمد لله...أنتي ال عمله إيه ...على فكرة عمر أخويا طلب ايديك...عرفتي ولا لسه.
غرام تبص للأرض...وبتهيدة مؤلمة.....أيوه سمعت بابا وماما بيتكلموا.
علا...طيب وإيه رأيهم ..إلا عمر مستني على نار.
غرام....مش عرفة أقول إيه ...بس فهميه أني على الوعد ..وأني هحاول معاهم وخليه يصبر ويتحمل مهما حصل عشان خاطري.
علا...حاضر هقله وأستأذن أنا عشان معطلكيش وطنط تزعل مني.
غرام....معلش حبيبتي متزعليش من ماما هي مش قصدها حاجة .
علا..ولا يهمك كله عشان خاطرك ..أنا بحبك أووي وماما وعمر.
غرام..وأنا بحبكوا كلكوا...ووصلي سلامي لعمر.
علا...حاضر...سلام.
مشيت علا....ودخلت اكرام لغرام في أوضتها قائلة
....هو فيه إيه يا غرام ..أنتي هتصاحبي عيلة ولا هي من سنك ولا أنتي من سنها يبقى ملهوش لازوم ..فمتكلمهاش عشان متخدش عليكي وتفضل رايحة جاية كده وتعطلك .
غرام..بنظرة حزن...يا ماما بس البنت بتحبني وبتحب تكلمني ليه أكسر بخاطرها وهي مش بتقعد كتير يعنى.
اكرام.....وقلتلك إيه البت دى لما كانت هنا.
غرام بارتباك....هتقول إيه يعني يا ماما ..عادى .مفيش حاجة.
اكرام..بت أنتي أنا حسة إن فيه حاجة شكلك مش على بعضه كده وعيينيك دبلانة من امبارح.
غرام....أنا يا مامااااااا.
اكرام....أيوه قولي يا عين أمك متخبيش عليه حاجة.
غرام.بخجل....هو فعلا يا ماما عمر طلب إيدي من بابا.
اكرام..بغضب ..ايوووه
غرام. ...طيب حضرتك مقلتليش ليه مش ده موضوع يخصني برده ولا إيه.
اكرام..باستنكار...نعم...يخصك ولا ميخصكيش ..هو الموضوع مش مستاهل كلام ..وأديكي عرفتي يعني هيحصل ايه...طلبهم مرفوض ..إزاي جتلهم الجرأة يطلبوا إيديك لابنهم عمر ده حتة نجار لبنتي أنا الدكتورة غرام .
غرام.. بس يا ماما ...
اكرام...بس إيه ....هو أنتي ليكي رأي غير الرفض.
غرام....انا بس بقول عمر شاب كويس وأخلاق والشهادة متعيبهوش .المهم أنه كويس.
اكرام..بغيظ...وإيه تاني يا ست غرام ..كويس وإيه
وتقرب منها وتشد شعرها وتصرخ وتقول
هو يا بت فيه حاجة بينك وبين الواد ده.
غرام بألم...يا ماما ...آه ..آه ...آه..مش كده أسمعيني لو سمحتي وافهميني
أنا........أنا.... أنا ......بحححححححححححبه وموافقة عليه.
اكرام بصدمة...إييييييييييييه.