رواية غرام والنجار
الفصل السادس6
بقلم ام فاطمه
ما أصعب الإنتظار وخصوصا إذا كان من تنطره تعلق عليه كل أمالك .وسيحدد قراره شكل باقي حياتك إن كانت سعيدة أو غير ذلك.كان عمر ..في إنتظار قرار غرام ينشد قائلا
...غرامى.هل تراكى تتركينى
خبرينى هل عصى هواكى
انى انتظر عينيك لتخبرنى
انها مازالت لا ترى سواى
وبعد .قضاء اليومين ..ذهب عمر للجامعة ينتظر غرام على أحرٍّ من الجمر يخبىء بين طيات ملابسه سلسلة فضة بها أول حرفين من اسميهما
.غرام..تخرج..وتبحث عنه بين الوجوه .فهي أيضا كانت تنتظره ولم لا وهو أصبح منها كالدم فى العروق وما ان رأته عينيها حتى جدت فيها الدماء ووردت وجنتيها من جديد وباغتته بإبتسامة جعلت وجهها كالقمر فى تمامه فأسرع إليها فرأت فى عينيه تساؤلا تدرى ما هو فاخرجت الجواب من حقيبتها فكان منديلا قماشيا طبعت فيه أول حرفيهما مع قلب بينهما ثم شغلتهما بيديها بخيط حريري وردي ثم أردفت قائلة ..احتفظ به لنا يوم عقد قراننا حين يضع والدك يده في يد والدي يغطيهما منديلي
.فأقبض على يديها وسار بها إلى البحر.ثم ألبسها السلسة لتكون بجانب قلبها وتعاهد الإثنان على أن لا يتفارقا مهما عصفت بهما الظروف.
عمر.بشوق ..تحبي امتى والدي يفاتح والدك في ارتباطنا.
غرام..بقلق..اي وقت يا عمر بس مش عيزاك تستسلم لو كان الرد بالرفض عيزاك تحارب علشاني وتستحمل زي منه هحارب عشانك وهقف قصاد أي حد يحرمني من سعادتي.
عمر.....يعنى أفهم ان ممكن أهلك يرفضوا ..بس أنا فاهم وعارف عشان الفرق ال بنا ومقدر ده بس ربنا عالم قد إيه بحبك فعشان كده حاول مرة وتاني وعاشر لغاية ما يوافقوا ..وعمر محد هيقدر يفرقنا عن بعض مهما حصل .توعديني بكده يا غرام.
غرام..أوعدك يا يا عمر مع بعض لغاية آخر العمر
.ثم تلامست الأيدي واحتضنت الأعين من جديد لتعلن أمام الجميع أنها لن ترى إلا محبوبها
( وطبعا لمس الإيدى لا يجوز أو كلام عن الحب بين إثنين لم يكن بينهم عقد شرعي لإنها أجنبية عنه ولا تحل له )
تحدد معاد خطوبة هدير وسامر ...ووالده هو من قام بدفع مصاريف الخطوبة والشبكة أما سامر فللاسف بالرغم أنه دكتور وله مرتب كبير من جراء المستشفى التخصصي الذي يعمل بها وهو أيضا من عائلة ثرية إلا أنه بخيل جدا وليس البخل فقط في المال ولكن في المشاعر أيضا وهذا كان سببا في نفور بنات العائلات منه ووقعت فيه هدير للأسف وزي مبيقولوا في أمثالنا الشعبية
يا واخد القرد على ماله ..بكرة يروح المال ويفضل القرد على حاله وكذلك .الطمع يقل ما جمع ....ولكن هدير ...انبهرت بالمكانة والعائلة ولم تفكر فى اى شىء أخر ..وتمت الخطبة .فى الموعد .وكانت هدير سعيدة جدا أنها انضمت لعائلة سامر
ولكن ستتوالى الصدمات عليها ولكن الغرور والكبر سيمنعاها من التفكير فى التخلص منه وستستمر فى الخطبة رغم جفاء مشاعر سامر
فهو ليس الخاطب الذى لا يكف عن الاتصال اليومى بمخطوبته ليبث إليها كل يوم حبه ويغمرها بكلماته المعسولة بل العكس هى من كانت تتصل به واذا سألته لما لا تتصل بى فيتعلل بالعمل ويكتفى بالاطمئنان عليها فى كلمات بسيطة ويغلق الخط.
هدير...بحزن...لنفسها ..انا مش عارفه ماله ليه مش بيكلمنى زى مبسمع من صحابى المخطوبين أنهم يوميا بيكلموا بعض بالساعات وليه مش بيقلى كلام حب ثم ترد على نفسها وتقول يمكن غشيم وملهوش فى الكلام وبعد الجواز يتعدل وأنا وراه وراه مش هسيبه ده كل زميلاتى بيحسدونى عليه.
........نرجع لغرام
فعلا .والد عمر كلم والدها ....
عم عادل....نده على بهجت وجاب كرسين فى الورشة وقله. ..تعال يا راجل يا طيب أنا عايزك فى كلمتين.
بهجت...خير يارب
عم عادل....خير إن شاء الله ..وعمل مقدمة الأول فى كلامه عشان يمهد للموضوع
بص يا بهجت يا اخويا
أنا عارف ان بنتك غرام ربنا يحفظها ويصونها بقت دكتورة قد الدنيا ...وعارف إن بنتكم الكبيرة اتخطبت لراجل دكتور وابن ناس ..وانكم اكيد لما تيجوا تجوزوا الصغيرة هتبقوا عايزين ال فى مستوى تعليمها لكن يا اخويا ساعات القلب بيحكم اكتر من كل شىء والمهم ال يصونها ويسعدها ويحبها حتى لو كان اقل منها ولا انا بقول حاجة غلط.
بهجت.باستغراب...لا عندك حق ..بس أنا مش فاهم قصدك إيه..ياريت ندخل في الموضوع على طول.
عم عادل ...أهو أنا داخلك...صراحة يا بهجت ..ابني عمر ميال لبنتك الدكتورة غرام ...وعايز يطلب ايديها منك....وأنت عارف عمر ومربيه وهو صغير وعارف أخلاقه وتربيته وقد إيه هو حنين وطيب وأخلاق وراجل بغض النظر أنه أقل في التعليم بس هيسعد بنتك ومش هيخليها محتاجة حاجة بأمر الله ولا هتحس يوم بالفرق ...فها قولت إيه.
بهجت..بتردد..وحرج.....قلت ال فيه الخير يقدمه ربنا
وعمر أنا عرفه فعلا راجل بحق وكويس بس الموضوع محتاج تفكير شوية وآخد رأي البت وأمها ..ودى الأصول ولا إيه.
عم عادل...آه طبعا براحتك ...خد وقتك. وإحنا فى الإنتظار ...إحنا أهل وجيران .ربنا يديم الود.
بهجت..بإذن الله ...وطلع دماغه بتشت إزاي أجوز بنتى الدكتورة لنجار.....ويبقى وحدة مجوزة دكتور والتانية نجار تيجى إزاي دي يا ناس . ...لله الأمر من قبل ومن بعد.
ويدخل بهجت البيت..وهو مسهم شوية ومش مركز..فتسلم عليه اكرام وتقول حمد لله على السلامة .احضرلك العشا. ميردش بهجت وسرحان.
اكرام.تعلى صوتها وتقول ...مالك يا أخويا فيه إيه ال واخد عقلك ...فيه حاجة حصلت ولا إيه مالك مش سمعنى ومسهم كده .
بهجت...تعالي يا اكرام عايزة أقلك حاجة جوا وتمشي وراه لغاية ميقعد وياخد نفسه ويقول
غرام....جيلها عريس
اكرام.بضحك..والله كبرت وبقت عروسة ...بس أحلى عروسة ..طيب ومالك زعلان ليه ههههه مش قادر على بعدها منه عرفة أنك ميال ليها أكثر من هدير بس عرفة أنك عمرك مفرقت بينهم.
بهجت...غرام دى وش الخير وأم قلب كبير وعمرها مبتطلب حاجة فوق طاقتى وديما أنا ال بجبلها من غير متطلب عشان بحس بيها غير هدير ال مش بتبطل طلبات أبدا وقلبها قاسي حبتين بس برده بنتي ال بحبها ومهما طلبت هجبلها.
اكرام ..يا اخويا ربنا يخليك لينا وإحنا لينا غيرك
ربنا يسعدهم وتفرح بيهم فى بيوتهم وأهي هدير واخدة ماشاء الله دكتور زيها وابن ناس بجد
وغرام بقه من سيادته ال عايز نور عنيه وهياخد الدكتورة .مين العريس يا أبو البنات .حاجة تشرف كده زى نسايب هدير ....متقول يا راجل ..ساكت ليه
بهجت متردد....العريس يا ستى يبقى ..عمر بن الحج عادل النجار
اكرام..تخبط بإيديها على صدرها يخبتى ....نجار
وميبصش غير على بنتنا الدكتورة....أنا أجوز بنتي لنجار ...وبعد مبقت نجمة تنزل للأرض ..ده لا يمكن أبدا.
بهجت..طيب مش تسألي بنتك الأول يمكن يكون ليها رأي تاني.
اكرام ..اسئل مين .ده ولا كأني سمعت حاجة خالص وهى لو عرفت هتوافق أكيد لا ..هى مش أقل من أختها وأكيد هتبقى عايزة واحد يناسبها ...قال نجار قال .
بهجت...يعنى أعمل إيه ..محروج من الراجل أوي أقله إيه.
اكرام ..متقلش ولا تعدش..طنشه ومتدهوش وش وهو هيفهم لوحده.
.....فى اللحظات دى ...كانت غرام ..قامت تدخل الحمام وسمعت آخر الكلام وأنهم رافضين جوازها من عمر فجريت على أوضتها تبكي