رواية غرام والنجار
الفصل الثالث3
بقلم ام فاطمه
يكاد قلب عمر ينفطر على حبيبة قلبه غرام.وخصوصا أنه السبب فيما تعرضت له من جرح .فكان يقف منتظرا الدكتور ويجز على أسنانه من فرط القلق عليها إلى أن جاء الدكتور وقال ...متقلقوش حاجة بسيطة بس محتاجة راحة أسبوع.عمر..إزاي بسيطة وراحة أسبوع يا دكتور.
بهجت..آه يا دكتور..دي ثانوية عامة وكل يوم نازلة دروس غير المدرسة.
الدكتور..معلش لازم عشان فيه تمزق بسيط في وتر أصابعها وجرح خفيف عقمناها ولفينا الأصابع بالرابط فلازم تريح ومتمشيش عليها أسبوع لغاية مترجع لطبيعتها تاني.
بهجت..الحمد لله أنها جت على قد كده وشكرا يا دكتور.
عمر..بنظرة خجل ..أنا آسف يا عمي والله مكنت أقصد.
بهجت..متقلش كده يا عمر ..أنا عارف والله وقدر الله وما شاء فعل.
غرام..تبتسم .لعمر لتطمئنه أنها بخير .فيجري الدم في عروقه من جديد .ويسندها مع والداها ليعودا إلى المنزل مرة أخرى.
اكرام...ألف سلامة عليكي .شكلها عين وصابتك ..مش عرفة الناس مش بتبطل قر ليه ويسبونا في حالنا.
بهجت بابتسامة. هو أنتي يا اكرام كل حاجة عندك حسد كده .
اكرام..أمّال يخويا .العين فلقلت الحجر والبت زي القمر وشاطرة ربنا يحرسها.
عمر....طيب أستأذن أنا يا عمي وإن شاء الله تبقى تيجى الست والدتي تطمن على الآنسة غرام.
بهجت..بلاش يبني عشان متتعبهاش .
عمر..لا ده واجب نطمن علينا يا عمي بهجت.
عمر بنظرة حب لغرام....لو احتجتي ال مذكرة من المعهد أو الدرس أنا تحت أمرك أروح وأجبهالك عشان تعوضك عن الأسبوع ده.
غرام.فى نفسها .ده حنين أوي وذوق .......بشكرك يا عمر ..أنا هبقى اكلم زميلتي وصاحبتي تعدي عليه وتجبلي كل ال أحتاجه ربنا يخليك
وخرج عمر...بجسده لكن ترك قلبه معلق في جسد غرام.هدير...على فكرة المكتب ده شؤم أهو بسببه هتريحى أسبوع.
غرام...ليه بس ده نصيب الحمد لله وسرحت في عمر وذوقه معاها.
....شوية والباب خبط .....
اكرام...أهلا بالست أم عمر والأمورة الصغيرة علا، نورتوا وشرفتوا ..اتفضلووا غرام جوه في أوضتها مريحة حبتين.
هدير ..يي يي مش هنخلص بقه مرة عمر ومرة أمه وأخته .مبقتش آخد راحتي في البيت ده.
غرام..اسكتي الست تسمعك عيب .دي كتر خيرها جية تتطمن عليه .
هدير.بأرف..طيب قبليها أنتي ..أنا طالعة أشم هوا في البلكونة عقبال متنجز وتمشي .بس على الله مطولش
غرام..أهلا يا طنط..وإزيك يا علا ..كبرتي وبقيتي عروسة جميلة.
علا..ده أنتي ال قمر يا غرام ..ليه حق ؟؟ومتكملش عشان أمها زغدتها عشان متكملش وقصدها طبعا عمر ال دخل مهموم وزعلان عليها فحست أمه من كلامه أنه معجب بيها.
علا.بابتسامة...إيه رأيك في الموبيل الجديد ده .ده جيبوهلي عمر ربنا يبارك فيه.
الست أم عمر...أصل عمر ابني ربنا يحرسه ويزيده مفيش في طيبة قلبه وحنيته علينا وخصوصا على أخته كل متطلب حاجة يجري يجبلهها ومخلص كل ال بيخده من أبوه عليها المفعوصة دي ..وأنا بقلها خفي شوية عشان يحوشله قرشين عشان لما ربنا يكرمه ببنت الحلال وتبص لغرام ال من كسوفها وطت رأسها في الأرض.
اكرام...ربنا يبارك فيه ويرزقه باللي تسعده إن شاء الله.
الست أم عمر...طيب نستأذن احنا بقه عشان النبي حرصها وصينها غرام تستريح حبة.
اكرام..ملسه بدري وشرفتينا والله يا ست أم عمر.
الست أم عمر ..بدري من عمرك يا حبيبتي.
علا..استني يا ماما ..هآخد نمرة غرام، ممكن يا غرام نبقى صحاب ونكلم بعض في الموبايل.
غرام بضحك..أيوه طبعا يا حبيبتي ..هاتي اسجلهولك عندك وارن من عندك عشان يظهر عندي وأسجله وأوعدك هكلمك يا علا أنا حبيتك أوي.
الست ام عمر بفرحة..حبتك العافية يا حبيبتي
في البلكونة كانت هدير..بتكلم صاحبتها وزميلتها وأكدت عليها زميلتها أنها تيجي الخطوبة بتاعتها وإلا هتزعل منها ...فردت هدير..أيوه أيوه أكيد هحضر إن شاء الله يا سمورة ده أنتي غالية عندى أوي.سمر زميلة هدير....تكلم أخوها وهو دكتور باطنة واسمه سامر ...سمر بابتسامة...بقلك يا سامر حبيبي
...سامر..نعم يا ست الدكتورة عايزة مني إيه .أنا مصدقت هتتخطبي عشان تحلي عن نفوخي حبة ..وربنا معاه بقه أنه هيستحملك بهبلك ده
سمر بغيظ...انا هبلة بقه كده ...هوريك وبترفع المخدة.سامر..خلاص خلاص .يا عقلة كنتي عايزة تقولي إيه.
سمر..أيوة كده احترمني
كنت عيزاك بكرة في حفلة الخطوبة تشوف زميلتي هدير .البنت مؤدبة وخام كده وهتبقى زوجة مناسبة ومطيعة ..وهتستحمل دمك البارد ده ...عشان حسه أنها على قدم حالهم ولبسها بلدي شوية وساكنين في حتة كده شعبية اسمها كوم كوم....آه كوم الدكة.سامر بضحك..وإنتى عيزاني أنا دكتور سامر أتجوز بنت كده مش مستوانا.
هدير...روح كده مهي دكتورة برده...بس هتستحمل رخامتك دي .
سامر...أنا رخم برده...طب يلا امشي من قدامي.
هدير.بس ادعي ربنا تكمل معاك بدل مكل مترتبط بوحدة تفشكلك وبحبحها شوية بلاش ماسكة الإيد دي..الست مش بتحب ال ماسك على كل حاجه حتى مشاعره .
سامر... طيب يا حنينة أنتي ..لما أبقى أشوفها بكرة وأشوف تستاهل واحد زيي ولا...
فلاش باااااك
علا...رجعت البيت هي ومماتها ..وأول مدخلوا
عمر...ها عاملة إيه غرام دلوقتي لسه تعبانة.
علا...يعني. عمر..رجلها بتوجعها ...علا..مششش
عمر...طيب زعلانة مني ...علا..أصلووو
عمر.. إيه مش بتردى ليه.
ماماته.الست نجية..هي يبني عارفة ترد عليك منته مش مديها فرصة تتكلم ...وبعدين قلي مالك متشحتف على البنية كده ليه أوي ها.
عمر بخجل...لا مفيش بس يعني عشان أنا السبب في ال حصلها
الست نجية بابتسامة...بس كده يعني...على العموم البت شهد وعسل بجد ..ربنا يجعلها من نصيبك يا عمر
عمر....أنتي بتقولي إيه بس يا ماما.
الست نجية...بقول ال سمعته يعين امك ..ربنا يفرح قلبك يا ضنايا .وأنا راضية عنك ليوم الدين.
انكب عمر على يد والدته يقبلها ..قائلا أنا ماشي بدعواتك الحلوة دي يا ست الكل.
وهنا تغمزه علا......عمورة حبيبي
عمر .....نعم يا لمضة هانم ...أنا معايا رقم غرام محنا بقينا أصحاب خلاص ..وهى وعدتني تكلمني ..
إيه..رئيك .تخده .........عمر....أنا ليه ..هي مش صاحبتك أنتي ...
علا .....طيب بقه كده...أنا غلطانة مش هدولك .
عمر..لا هاتيه إحتياطي..ربما يضيع منك فيبقى عندي إحتياطي.
علا ..بضحك....مقلنا من الأول ..
خده يلازيرو...طماطمية..لف واجري ورايا
.وراحت تجرى. علا. ...وعمر يجري وراها...والست نجية مامتهم .تتضحك عليهم..وتدعلهم بالفرح ديما ويحنن قلوبهم ديما على بعض
وجه يوم خطوبة...سمر زميلة هدير...
واستعدت.هدير ..بعد ما اشترت الطقم الجديد ..ال كانت فرحانة بيه جدا بس كان على حساب صحة والدها ال اضطر للسهر أكثر عشان يوفر لها ثمنه.
غرام...اش اش يا موزة...إيه الحلاوة دي كلها.
هدير. بجد. شكلي حلو في الطقم الجديد .
غرام....آه طبعا يا حبيبتي..بس الميكب مش أوفر شوية. متقللي حبة..عشان بابا متكلمش معاكي.
هدير....أوف بقه ..ده فرح ..وطبيعي الميكب كده ..وبابا ميحبكهاش في اليوم ده .ويسبني براحتي شوية. أنا كبرت ومبقتش صغيرة .
غرام...معلش ..مهو بيخاف علينا ..برده ..عشان محدش يأذينا ..الدنيا بقت وحشة والناس مبقاش ليهم أمان.
هدير..بتتغطرس...وفرى نصايحك لنفسك..ويلا باي عشان اتأخرت...سلام.
وتوصل هدير..الخطوبة. وتسلم على سمر
سمر...كنت هزعل لو كنتي مجتيش..
هدير .أنا قلتلك .مقدرش مجيش في يوم زى ده وأقف جمبك ..أنتي زي غرام أختي بالظبط عندي.
سمر ...تسلمى يا حبيبتي...وتكلم خطيبها أحمد.دى الدكتورة هدير زميلتى.
أحمد. .أهلا وسهلا بيكي.
سمر ..تغمز ..لسامر عشان يجي ..ويشوف هدير...