احب اعرفكم بنفسي انا علياء عندي 25سنه، كل الي بيشفوني بيقولو اني اكبر من سني بس دا سني الحقيقي بس هما بيقولو كدا وميعرفوش السبب ورا ان وشي يظهر اني اكبر من كدا بكتير وانا حبيت اعرفكم السبب او الاسباب دي وانتم تحكمو عليا هل انا استاهل فعلا الي حصل فيا ومعايا دا ولا لا.
احنا بنتين وولد واحد وبابيا متوفي من سنه واختي مخطوبه لواحد هي مكنتش عاوزاه بس الظروف بتاعتنا هي اجبرتها انها توافق عليه، اخويا عنده 18سنه وهو لازم يكون في المدرسه بس هو ساب المدرسه عشان يصرف علي البيت.
ماما ست كبيرة ومش بتقدر تشتغل وانا اكبر اخواتي شروق وعلي.
من حوالي 5سنين كنت لسه عشرين سنه وكنت بنزل مع بابا شغل معاه لان احنا عندنا محل حلويات كبير ومشهور كمان بابا كان معروف انه ليه اسمه وكان الكل بيجي ليه من جميع انحاء مصر عشان ياخدوا من عنده وطبعا كان عندنا فروع بس حصل صدمه كبيرة لينا دمرت كل دا خلت الحلم الي احنا كنا عايشين فيه راح من بين ايدينا......
في يوم كنت قاعده مع بابا في المحل بشتغل معاه وطبعا كنت زي زي اي حد بيشتغل في المحل مش بنت صاحب المحل اني اقعد علي كرسي واتامر علي الناس لا بابا مكنش ببحب كدا بيقول القرش الي مش بنتعب بيه مش بنحس بقيمته..
المهم دخل راجل كبير كان صاحب بابا وكان عنده محلات حلويات وكان جاي ياخد بضاعه من بابا في اليوم دا بابا كان تعبان وانا الي كنت واقفه في المحل مكانه فا طبعاً الراجل فكر اني بنت صغيرة ومش هعرف اتعامل مع العمال وانه هيعرف يضحك عليا ويستغل ان بابا مش موجود.. بس اتفأج اني جبت ليه الفواتير وكل حاجه وانه كان مستلم شغل ومش محاسب عليه وكان عليه فلوس كتيرة وجاي كمان ياخد بضاعه..
علياء.. ببرود.. حضرتك عليك فلوس هتدفع هتاخد بضاعه مش هتدفع مش هتاخد.
الراجل بغضب.. انتي مفكرة نفسك مين يابت عشان تكلميني بالطريقه دي وبعدين فين صاحب المحل دا، هو مشغل عيال مكانه سايب العيال تشتغل وهو نايم في بيتهم.
علياء بهدوء.. حضرتك انا بكلمك بحترام ولحد دلوقتي متجوزتش حدودي معاك لانك راجل كبير وعيب اوي تكون بنت صغيرة تقل من راجل اد ابوها، فالو سمحت اتكلم باسلوب احسن من كدا.
الراجل طبعا معجبوش كلامي وزعق اكتر والعمال كلهم اتلمو عليه وعلي صوته واحد منهم اسمه عادل هو راجل كبير ومن سن بابا.
عم عادل.. بهدوء.. في اية يا علياء يابنتي حصل ايه.
الراجل بقرف.. وبص لعم عادل من فوق لتحت.. انا مش عارف ازاي محل كبير زي دا وليه اسمه يشغل الاشكال دي.
انا طبعاً اتعصبت عليه.. حضرتك احترم نفسك لان شكلك عاوز يتقل منك قدام الصغير قبل الكبير.
الراجل.. بعصبيه.. انتي مجنونه يابت انتي انتي ماتعرفيش انا ابقي مين.
علياء بعصبية مكتومه.. مايهمنيش انت مين كفاية اني عرفت انك واحد مش محترم وانك ماينفعش يكون في بينا تعامل تاني.
الراجل.. طيب ملكمش فلوس عندي ويلا بقا. وكان ماشي بس وقفتو لما لقاني بتصل بشرطه...
علياء.. انا هتصل بشرطه وهما الي هيجيبو فلوسي منك، واه صحيح المحل هنا في كاميرات صوت وصورة يعني الهوليله الي انت عملتها دي كلها متسجله صوت وصورة وكمان معايا فواتير بامضاتك اهي والدفاتر وكمان شهود عليك شوف بقا هيهتدفع ياه هتتحبس انت عاوز ايه منهم... لقيتو بيبصلي اوي وازاي بتكلم معاه كدا انا كدا بهددوا عيني عينك.
الراجل رجع وقعد بهدوء.. واتكلم.. عاوز اراجع الحسابات كلها تاني.
علياء بهدوء..اول حاجه اعتذر من عم عادل دي اول حاجه وتاني حاجه خد ورقه وقلم ونتحاسب سوء والي ليه حق عند التاني ياخده من عنيه
تمام واهي معاك ورقه وقلم وانا كمان ورقه وقلم وهنحسب كل حاجه سوء ولو لقيت غلط في الحساب ماتدفعش وحسابك وصل اما بقا لو لقيت ان الحساب مظبوط هتدفع دلوقتي حالا.
الراجل بصلي بغضب مكتوم.. انتي عاوزاني اعتذر منه دا.. وبص لعم عادل بقرف.
علياء.. بصتله بقرف.. ايون هتعتذر من عم عادل وتكلم معاه بطريقه كويسه كمان.
عم عادل.. خلاص يابنتي.
علياء.. لا يا عم عادل لازم يعتذر منك وقدامنا كلنا.
الراجل.. بصوت واطي.. اسف.
علياء.. لا سمعني انت صوتك كان جايب لاخر الشارع دلوقتي علي صوتك واعتذر.
الراجل بوعيد ليا.. اسف وكان المرة دي عله صوته وسمعوه الكل.
علياء بنصر.. ايون كدا نقدر نكمل الي الحساب وقعدنا انا وهو كان بيحاول كتير يغلطني في الحساب بس انا كنت مصحصحه ليه وكل حاجه كانت مكتوبه بالتاريخ والفواتير وكمان امضاتو عليها.
حسبنا كل حاجه من سنة ما الراجل دا اشتغل مع بابا والي دفعو والي عليه طلع عليه اكتر من 100000جنيه..
الراجل كان مصدوم 😳مني وكان مفكر انه هيضحك عليا.
علياء ببرود.. حضرتك هتدفع كاش ايه.
الراجل.. المبلغ كبير اوي انا مكنتش مفكر ان عليا المبلغ دا كله.
علياء.. حضرتك احنا حاسبنا سوء ولو عاوز نحسب تاني انا معنديش مشكله.
الراجل.. بس انا مش معايا المبلغ دا دلوقتي.
علياء طلعت دفتر الشيكات ...
علياء.. حضرتك معاك كام دلوقتي.
الراجل.. معايا 50000 بس.
علياء.. تمام هاتهم واتفضل امضي هنا.
الراجل اتصدم.. انتي عاوزاني امضي علي شيكات علي بياض.
علياء.. ايون حضرتك هتمضي علي شيكات علي بياض امال انت مفكر اية اني هاخد منك الخمسين بس وخلاص كدا لا حضرتك عليك مبلغ كبير وانا هاكتب هنا اني استلمت منك 50000بس وباقي 50000 عشان نفتكر وحضرتك هتمضي هنا و انك دفعت بس خمسين.
الراجل مضي بوعيد ليا ولا ابويا ودفع الفلوس..
اخدت منه الفلوس وبدات اعد فيهم.
الراجل بصدمه.. هتعدي 50000الف.
علياء ببرود.. ايون هعد 50000الف مش اضمن حقي.
وبدات اعد فيهم وبعد مده خلصت وكانو ناقصين 100ج دول خمسين الي 100ج
الراجل.. حتي 100ج مش عاوزه تسبيها ليا.
علياء.. حضرتك انت قولت خمسين يبقو الخمسين كلهم كاملين ولو سمحت هات ال100ج
الراجل كان متعصب اوي.. وطلع 100ج من جيبه واديهوملي وانا سكت واخدتهم وهو مضي وكان عاوز ياخد بضاعه كمان بس موفقتش طبعاً لحد مايدفع المبلغ كله ولو هو مقلش ادبه عليا مكنتش هعمل معاه الحركه دي بس هو محترمنيش ولا احترم حد احترمه ليه.
بليل روحت البيت واول ما دخلت... الحقووووني جعااااانه يا ماما جعاااانه ياناس يا اهل البيت جعاااانه.
طبعاً ماما قبلتني بسلا"ح الام طبعاً كلنا عارفينه ايون هو ابو ورده دا وانا طلعت لساني ليها.. مجتش فيا مجتش فيا...
راحت هي مديني بالتاني والمرة دي جات فيا.
علياء بتمثيل انها اغمي عليها.. تسلم يا باشا مصر 🇪🇬.
وراحت واقعه طبعاً الكل ضحكو عليا و ماما حضرت الكل وقعدنا ناكل كلنا بس بابا جه ليه تلفون غير معالم وشه كلها