الفصل الثالث ..
الطريق .
تنظر هيام له باندهاش ثم تبدأ خطواتها نحوه
هيام / استاذ فارس ! خير ؟ حضرتك هنا دلوقت ، معقول !
فارس / شنطتك ، اتفضلي .
هيام / شكرا جداً لحضرتك ، واسفه اني تعبتك
فارس / لا عادي ، انتِ كويسة ؟
هيام / اه الحم ، اعطسي .
فارس / سلمتك شكلك اخدتي نزلة برد .
هيام / ايوه فعلا
فارس / ما انتِ اللي واقفة تحت المطر
تبتسم هيام وتقول
اعمل اية بحبها
فارس / بس بتتعبك
هيام / بس بحبها
فارس / حتي لو بتتعبك ؟
تتكلم هيام بخجل وتقول : اللي بيحب شئ من قلبه بجد عمره ما هيشوف التعب دة إلا لو المحبة قلت.
فارس / احتمال ، وانا اسف عطلتك ، اتفضلي شكلك نزلة بدري أكيد مستعجلة.
هيام / لا ابداً انا بحب اصحي وانزل بدري قبل معاد الشغل
فارس / احم
هيام / في حاجة ؟
فارس / لا ، تحبي اوصلك ؟
هيام / لا شكراً كفاية تعبتك امبارح معايا .
فارس / لا اطمني انهاردة مفيش تعب لاني مجتش بالعربية هنتمشي لحد العربيات ، تسمحي بدة ؟
تبتسم هيام وتقول
اكيد اتفضل .
فارس / انتي لسة فالدراسة ؟
هيام / لا انا مخلصة من سنة .
فارس / بتشتغلي فين ؟
هيام / في شركة إستيراد وتصدير
فارس / شغلك فيها إيه لو السوال يعني مش هيضايقك
تبتسم هيام وتنظر له وترد :
هيضايقني ليه بس ، انا مسكة حسابات الشركة .
فارس / كنتِ فكلية تجارة ؟
هيام / اه وانت ؟
فارس / اه بس انا متخرج قبلك كدا بحوالي ٣ سنين .
هيام / بتشتغل فاية ؟
فارس / في بنك.
هيام / ربنا يوفقك .
فارس / أنتِ كنتِ قاعدة امبارح فالكافية ماجدالينا ؟
هيام / ماجدالينا ؟ غريبة محدش عمره بيقول اسمها معروفة بفريدا كاهلو
فارس / اصل انا بحبها .
ينظر فارس لهيام يجدها تعطس كثيراً وكحة شديدة ويبدو عليها آثار التعب .
فارس / أنتِ كويسة ؟
هيام / اه انا بخير ، نزلة برد وهتروح .
فارس / هي الشركة قريبة من الكافية ؟
هيام / لا الشركة فالزمالك قريبة مني هنا لكن الكافية هو قريب من مكان الكورس .
فارس / كورس اية ؟
هيام / كورس تعليم الرسم .
فارس / معقول انتِ بتحبي الرسم ؟
هيام / اه جداً وانت ؟
فارس / بحبه بس حب عادي مش لدرجة اني اتعلمه بصراحة أنتِ شكلك شغوفة بيه .
تنظر هيام الي فارس نظرة حب وتقول بصوت هادئ
شغوفة بيه جداً .
يتوتر فارس لدقيقتين ولكنه يكمل حديثه بينما ظهر الارتباك علي هيام فتحاول تغير الموضوع .
هيام / انت ليه بتقول علي فريدا ماجدالينا ؟
فارس / عشان ده اسمها بكل بساطة .
هيام / أنا سعيدة جداً انك طلعت بتحبها .
فارس / هي جميلة فعلاً بالنسبة ليا هي امرأة قوية مُكافحة لأنها حربت ظروفها .
هيام / بما انك طلعت بتحبها قوي كده تعرف مقولة ليها مؤثرة ؟
فارس / بصراحة حالياً لا بس اوعدك هبحث واجيب ليكِ أبرز اقولها .
هيام / هتعبك معايا كدا !
فارس / خالص ، اصل انا شغفي في القراءة اني اجمع معلومات ، زي ما تعليم الرسم شغفك .
تنظر له هيام وتقول في نفسها
انت لا تعلم شئ ، لم يكن الرسم يوماً شغفي ، كان شغفي هو انت ، ان اعرفك ، أن ارسمك ، أن احاول تجميع ملامحك المُبعثرة في ورقة ما .
ينظر لها فارس ، حاسبي
هيام / اه
فارس / ايدك اتخبطت جامد في العمود وريني كدا
يمسك فارس بيد هيام بينما هي قلبها يرتجف ، ينفخ فارس في يداها برفق ، بينما هي أنفاسها تتصاعد مع دقات قلبها ، ثم ينظر لها فارس ويقول
فارس / تيجي نروح نكشف عليكِ ؟ شكلك تعبانة يا ..
هيام / لا انا بخير .
فارس / تصدقي انا نسيت أسألك اهم سؤال
هيام / اي هو ؟
فارس / اسمك اية ؟
تضحك هيام وتنظر له وتقول
هيام .
فارس / اسمك هيام
هيام / اي مش حلو ؟
فارس / لا بالعكس جميل وقليل ، تسمحي ليا اقولك يا هيا ؟
هيام / هيا !! طب معناه اي هيا دة ؟
فارس / بصراحة أنا شايف هيا اخف شوية من حيث النطق مش اكتر ، عندك مشكلة فيه ؟
هيام / لا أبداً
ثم تنظر حولها تجد نفسها في مكان غير المكان
هيام / يا خبر احنا فين ؟
فارس / اية ده اي جبنا هنا ؟
هيام / يا خبر
فارس / ايه تاني
هيام الساعة 10
هما الاثنان معاً 10
هيام / في تاكسي هناك اهو وفاضي ، يلا نركب
فارس / استني اشاور له
تركب هيام
ـ يلا يا فارس عشان يوصلك معايا في سكتي.
فارس / لا انا المسافة ابعد انا البنك قريب من الكافية .
يعطي فارس للسائق 50 جنيهاً ويقول له ابقي ادي الباقي للهانم ، ثم تنظر له وينظر لها
فارس / هشوفك تاني ؟
هيام / اكيد
فارس / هستناكِ
هيام / إن شاء الله
ثم يتركوا بعضهم البعض وتظل هيام تنظر له الي أن تختفي ملامحه ، تذهب هيام للعمل ، ثم تراها سميرة صديقتها
سميرة / أنتِ كويسة ؟ رنيت عليكِ مبترديش خير ؟
هيام / انا بخير جداً
سميرة / جاية متأخرة بس شكلك رايق.
هيام / شوية
سميرة / طب يلا بقا يا حبيبتي عشان ورانا شغل كتير انهاردة .
وبعد أن تنهي هيام عملها وبعد عمل شاق ونزلة برد شديدة وسخونية تأخذها سميرة للبيت بعد أن ذهبت بها للطبيب وطلب منها راحة لمدة ثلاثه ايام ، وبعد مرور أو يوم تبدأ درجة الحرارة فالانخفاض ثم تظل هيام في هذه النزلة لمدة أسبوع وتمد سميرة الإجازة لها وفي آخر يوم في الاسبوع يدق باب الشقة وتفتح الأم الباب .
أهلاً وسهلاً حضرتك مين ؟
انا فارس
الام / اهلاً بيك يا ابني ، اي خدمة ؟
فارس / في الحقيقة أنا في الكورس مع أنسة هيام وهي بقالها اسبوع مش بتحضر فأنا خدت العنوان عشان اطمن عليها
الام / طب اتفضل يبني ، والله هيام تعبانة من اسبوع ونايمة في السرير درجة الحرارة بتبقي 38 وكانت أول ما تعبت وصلت 39
فارس / يا خبر معقول طب حضرتك لية مودتهاش المستشفي عشان تبقي تحت إشراف الطبيب
الام / الدكتور بيجي ليها هنا والحمد لله درجة الحرارة من امبارح للنهاردة مُستقرة .
فارس / اقدر اشوفها ؟
الام / اتفضل يبني ، بس هي نايمة.
يدخل فارس الغرفة ويجلس علي الكرسي الذي يكون بجانب السرير ويوجد امام السرير كنبه يوضع عليها بطانية ، اما أمامه يوجد مكتب عليه اوراق مُبعثرة ، ثم ينظر فارس لهيا ويشعر بغصةٍ في قلبه ثم تسأله الام ماذا يريد أن يشرب ولكنه يرفض في الأول ولكنها تُصرُّ فيطلب منها قهوة مظبوطة ، ثم تتركه الأم جالس بجانب هيام وهي نائمة .
يمسك فارس بيد هيام ليطمئن علي حرارتها ، ثم يقول
أنتِ عارفه انا طول الاسبوع ده منتظرك ، المهم عندي دلوقتي انك تكوني بخير
ثم يضع يداه علي علي رأسها ليطمئن ولكنه يجدها دافئة الي حدا ما ، ثم تدخل الام فينزل يداه مسرعاً.
الام / اتفضل يبني
فارس / شكراً لحضرتك يا امي ، هو حضرتك قاعدة لوحدك ؟
الام / معايا هيام
فارس / اقصد يعني حضرتك يعني والد هيام
الام / هيام متوعاش علي ابوها مات وهي عندها 4 سنين كان مهندس الله يرحمه .
فارس / يعني حضرتك معندكيش غير هيام ؟
الام / حملت قبل هيام وخلفته بس ربنا حبه خده وهو ابن شهر وبعد سنتين حملت فهيام ومعنديش غيرها ثم تبكي الأم.
فارس / أهدي يا ماما ، اعتبريني انا ابنك لو ده مش هيزعج حضرتك .
الأم/ ربنا يبارك فيك يبني ، تشكر ويسلم سؤالك .
فارس / ده واجب وهستاذن حضرتك هاجي بكرا برده اطمن علي هيام وطبعا حضرتك لو احتاجتي اي شئ فاي وقت ابنك موجود وانا هكتب لحضرتك رقم تليفوني
الأم/ هنتعبك يبني
فارس / تعب حضرتك راحة يا ماما ، بس ممكن ورقة ؟
يرن جرس الهاتف
الأم/ طب عن اذنك يبني هرد علي التليفون ، عندك المكتب خد ورقه واكتب رقمك.
يتجه فارس نحو المكتب وهو يحاول أن يجد ورقة فارغة وسط زحام الاورق يقع دوسيه مفتوح وتبعثر أوراقه علي الارض ، ينزل فارس علي ركبته اليسري ويلم الأوراق يجد في يداه صورته ، فينظر في صدمة ثم يقف مرة واحدة وينظر علي هيام وينظر الي صورته ثم تدخل الام وتسأله هل وجد ورقة وكتب رقمه ؟
فارس / ها ...