رواية ليلي والذئب الفصل الخامس5بقلم جمانه السعيدي
ليلى...طلعت من المركز مااشوف هلكد ماادموعي تنزل
مثل المطر على خدي
ااشر بابا السياره صعدنا ورجعنا البيت اهلي
بابا...اليله ابقي هنا لا ترجعين البيتج وحدج
امي...شصار صدك طلع ميمون مزوج
بابا...عوفيها هاي السالفه باجر نحجي بيها
ليلى....دخلت الغرفة اختي لكيت علوش نايم اخذت من اختي دشداشه بدلت وتمددت
هذا الموقف مايروح من بالي ابد
شلون كل هاي الفتره وهو كاعد يستغفلني شلون ما حسيت بي مجاي اكدر اتخطى هذا الموقف
كمت ابجي صعب عليه اتحمل هاي الاهانه
اختي...لا تبجين خلاص موزين عليج الحزن
ليلى...شلون ماابجي شلون مقهوره كلش
اختي...خلاص هو راح ياخذ جزائه
بقيت اليل كله احوس الحد اذان الفجر واني بعدني كاعده
ساعه اكول اعوفه ياخذ جزائه
ساعه اكول لا اساعده
ساعه اكول اني السبب هو بسبي راح ازوج وعافني
ارجع اكول ليش ما تحمل وساعدني يدور بس راحته
غفيت وجه الصبح كعد علوش اجت امي اخذته مني
للساعه تسعه ونص الصبح سمعت صوت عمتي بيتنا
هي وعمي
امي...ليلى ماما اكعدي اجو عمج وعمتج
ليلى...مااريد اشوف احد اصلا راسي يوجعني كافي عليه
ابنهم دمرني الله لايرضا علي
ماما..عيب تعاي اكعدي وياهم يردوج عيب مهمه يكون
لازم تكعدين تحجين وياهم
ليلى..اكيد جاي يحجون بموضوع ميمون
ماما...ميخالف هم مالهم ذنب تعاي احجي وياهم
ليلى...هسه اجيت وراج
جمانه السعيدي
كمت غسلت وجهي ورحت سلمت عليهم وكعدت
عمتي ام ميمون.... يمه ليلى احنا جايين عليج
ترا ميمون بريئ ماقتل هاي المره وانتي اكثر وحده تعرفين هو مستحيل يقتل
عمي...بويه ليلى اريدج توكفين ويانا ويا زوجج
اذا مو الخاطرنا الخاطر هذا الطفل
شنو ذنبه يكبر وهو مايعرف ابو
ليلى...اني افضل تشوفون محامي غيري لان اني ناويه اطلب الطلاك
عمتي...لا على بختج بنت الأصول تنعرف بهاي المواقف
وهذا زوجج لا اضلمين بختج وتيتمين ابنج
ماتعرفين شلون ازوجها
ايجوز ضحكت علي وورطته بهاي الزواجه
اني عرفت هي منفصله قبل ومايصير عدها اطفال
اكيد تتردد علي وبدت تضحك علي
وانتي تعرفين شغله كله ويا النسوان
ليلى...شنو هو زغير وتضحك علي لو اول مره يتعامل ويا النسوان كولي هو عاجبه ياخذ وحده ثانيه
عمي...اني عمج مثل ابوج وجاي اكلج انتي الوحيده الي تكدرثن تطلعين ميمون من هاي المصيبه
طلعي من السجن وبعدين انتي وياا احرار شيعجبكم
انتم احرار تردون تكملون تردون واحد يعوف الثاني
بس هسه هو محتاجج واكع بمصيبه ساعدي هلمره
بس هلمره
ليلى....بقيت ساكته خاف احجي ويزعلون لان اني كلش مقهوره من ميمون
جمانه السعيدي
رجع ابوي من الشغل
بابا...هااا بابا ألبوم ماطلعتي للمحكمه
ليلى...مالي خلك شلون اباوع بعيون المحامين
والمحاميات شراح اكول شلون زوجي طلع مزوج عليه
بابا...عوفي هذا الحجي زوجج واكع بمصيبه وانتي
الوحيده الي تكدرين تساعدينه
ليلى...خل يخلون محامي غيري
بابا...لا محد راح يدافع عن ميمون غيرج
ميمون ماسوه جريمه ازوج عادي وهذا الشي لا حرام ولا عيب
وانتي كنتي دائما تكولين ميمون يشكي من غيابج عن البيت
انتي اكبر سبب الهذا الزواج
كان لازم تنتبهين وتراعين بيتج مثل ما مشيه شغلج
ولأن انتي اكبر سبب بهذا الزواج
لازم تدافعين عم ميمون وطلعي من السجن
ليلى. الصراحه كلام ابوي وعمي وعمتي اثر بيه
صحيح اني كنت مهمله بعلاقتي بليمون بس مو توصل بي يزوج عليه
بابا...اني اليوم ابوج واكلفج بهاي القضيه اذا انتي بنتي وتحبيني لازم توكفين وياا زوجج وتساعدي بطلع من هاي الشده
ليلى...بابا ترا اني كرامتي انهانت ميمون ازوج عليه
بابا...انتي عايفه المصيبه وتكولين ازوج
ترا زوجج راح ينعدم اذا ماوكفتي وياا
طلعي من السجن وبعدين اسئلي ليش ازوج عليج
يعني اذا ازوج عليج تعوفي يموت ماكو هيج حجي
ليلى كلام ابوي بي واقعيه اذا اني زعلت علي وعفته
هسه راح اخسر ابو ابني للابد
شنو ذنب علوش يكبر بدون ابو
ليلى...اني راح اساعده بس الخاطر علي مااريد ابني يكبر يتيم مااريد علي يعاتبني من يكبر
جمانه السعيدي
ثاني يوم رحت للمركز وطلبت اشوف ميمون
كعدت والشرطي راح جابه واجا
بس شافني فرح
ميمون...هلو ليلى هلو حبيبتي عرفت انتي اصيله ومراح تعوفبني ابد
ليلى.. ادخل بلموضوع كبل احجيلي كلشي حتى اكدر اساعدك
ميمون.. قبل كلشي لازم تعرفين اني مو قاتل
ليلى...شلون تعرفت على سمر
ميمون...ترددت عليه هواي كشاخه وانيقه مرتبه
تشتري شغلات بدون حساب عايشه حياتها
ماكو شي غالي عليها ابد تصرف بدون معنى
هي الي بدت تتحرش بيه
بهاي الفتره كانت العلاقه بينا بارده وانتي مشغوله عني
وهي كل يوم تجيني وتبقى اكثر من ساعه موجوده
بمكان شغلي حجي وضحك منا ومنا
لمن تفاجئت بيها عرضت عليه الزواج
ميمون....بس اني مزوج
سمر...اي واذا مزوج شنو يعني الشرع محلل اربعه
ميمون...زوجتي محاميه
سمر...يمه محاميه شلون ازوجت محاميه
ميمون...احبها
سمر...واني ما كلت لا تحبها نزوج بيتي اني عندي شقه ملكي انت يمتى ما يعجبك تعال
بليل بلنهار بكيفك اني ماعندي شي راح اخليك تعيش بغير عالم
انت مخبل رايح مزوج محاميه
هسه راح اخليك تعرف شنو زواج حقيقي
ميمون...ماعندي مهر انطيج
سمر...مااريد مهر بس اجي هنا واخذ اي شي يعجبني وكلشي ماادفعلك
اني متعوده على العطور الراقيه والكريمات الاصليه
ميمون...متفقين بس زواجنا نكطع مهر يم الشيخ وبس
اي عقد محكمه ماكو لان بس أعقد بلمحكمه زوجتي تعرف وراح تكلب الدنيا علينا
سمر...موافقه بس تكتبي مؤخر لان انت مراح تدفع شي
لا سكن ولامهر تجي على الحاظر
ميمون...متفقين
جمانه السعيدي
ليلى...هو يحجي واني ودي اطفر علي اخنكه شلون فرط بيه شلون
ليلى...كمل احجيلي عن يوم الحادث
ميمون...رجعت للبيت لكيته واكعه بلكاع
حاولت اكعهدها بس ماتكعد قربت عليها عرفت هي ميته
واكو آثار أصابع على ركبتها
اتصلت على الشرطه
الشرطه بس وصلو قبضو عليه
زين اذا اني قتلتها ليش باقي يمها ليش اتصلت على الشرطه جان انهزمت وفضيتها
ليلى.. هذا كلشي
ميمون...وداعتج هذا كلشي
ليلى...اني راح اشوف التقرير الطبي واشوف ملابسات القتل
ميمون. ليلى انتي تعرفين اني بريئ مو
ليلى...اشوف التحقيق وبعدين نتاكد
شلت جنطتي ومشيت قبل لا اطلع صاح وراي
ليلى لا تعوفيني حبيبتي
ماحجيت وياا طلعت وطبكت الباب
رحت اسئل عن نتائج التحقيق
سمر وحده ملعبه صاحبت علاقات متعدده
تصاحب الأشخاص الي عدهم فلوس لو منصب لو تاجر
وتبدي تستغلهم
هذا الشي اكتشفته الشرطه من تليفون سمر
لان بي أرقام ومحادثات مالها عدد
تسحب هديااا فلوس مقابل علاقه بينها وبين هذا الشخص
عدها كم هائل من العلاقات
من شافت ميمون شاب و حلو ويشتغل قررت
تستغله وتأخذ منه فلوس
ماكدرت تدخل ويا علاقه وتستغله لان هو ما منطيها مجال بلبدايه
قررت تقدمه عرض زواج مجاني
بسبب توتر العلاقه بين ميمون وليلى
ميمون وافق على هذا العرض المجاني
شافت احسن طريقه تزوجه وهيج هو يصير مسؤل عنها وهم تكدر تاخذ اي شي مواد تجميل عطور
كلشي بلاش
من يطلع ميمون تتصل على اي واحد من جماعتها
وتطلب منه فلوس مقابل اي خدمه يطلبها
الشرطه راجعت تليفونه لكت اخر واحد متصله علي
اسمه هاشم ومتفقه ويااااا يجيها بلشقه
على نفس الموعد الي هي انقتلت بي
الشرطه طلعت قوه تقبض على هاشم
تحقق وياا وتشوف شنو السبب الي قتلها علموده
وهيج ميمون راح يطلع برائه
بس يلزمون هاشم ويعترف بجريمته