رواية ليلي والذئب الفصل السادس6بقلم جمانه السعيدي
ليلى...الشرطه طلعت امر إلقاء قبض على هاشم
لان اخر واحد راسلته سمر وطلبته منه يجي البيتها
كان هاشم
بالاضافه سمر جان عدها ذهب هواي كميه جبيره
الذهب اختفى ما موجود
اذن دافع القتل هو السرقه
الي قتل سمر جان يعرف هي عدها ذهب والهذا السبب
خطط حتى يقتلها وياخذ الذهب
يومين والشرطه كدرت تقبض على هاشم
وجابو للتوقيف
بلتحقيق اول ماسئل الضابط هاشم عن سمر راسا انهار
وكام يصيح اني ما قتلتها
اني وصلت لكيتها مقتوله اني ماقتلتها صدكوني ما قتلتها
الضابط...انت اخر واحد دزتله رساله سمر وطلبت منه يجي
هاشم...اي صحيح هي دزتلي رساله وبقت تلح عليه
حتى اجي البيتها
بس اني ما قتلتها اني وصلت لكيتها مقتوله
الضابط...انت اخر واحد وصل البيتها قبل لا تنقتل
هاشم...أقسم بلله اني وصلت لكيتها مقتوله
الضابط...وين الذهب
هاشم...اي ذهب اني مااخذت شي
الضابط...بلتحريات عنك عرفنا انت مطلوب فلوس
الأكثر من واحد
وعندك ويا الديانه مشاكل
اعترف وخلصنا ليش تخلينا نتخذ وياك غير اساليب
هاشم...اي مطلوب بس ماتوصل اقتل سمر اني ماعندي هاي الشغلات واني عارض بيتي للبيع بس ينباع
راح اسدد
اقسم بلله اني ما قتلتها ولا اخذت اي شي منها
جمانه السعيدي
الضابط...احجيلنا شصار بيوم الحادث
هاشم.. اني اعرف سمر من زمان بس بهاي الفتره انقطعت العلاقه بينا لان هي كلشي عدها بفلوس الي ما تستافد منه ما تقربه عليها
وهي تعرف اني عندي ازمه ماليه
دزتلي مسج تعال بسرعه عندي شغله تفيدك
رديت عليها ماعندي فلوس ليش ترديني اجي
كتبتلي شغله تفيدك تحصل منها فلوس
اني الصراحه ضايج حيل كلت اروح اشوف شتريد وهم اغير نفسيتي شويه
وصلت للشقه لكيت الباب شويه مفتوح دكيت الباب
محد.رد عليه
صحت سمر سمر ماكووو
اتوقعت هي عايفتلي الباب مفتوح
دخلت جوه شفتها واكعه على الكاع قربت عليها
هزيت جسمها ما تتحرك
عرفت اكو مصيبه بلموضوع عفتها وطلعت اركض من شقتها
صدكني اني ما قتلتها اصلا مابقيت اقل الخمس دقايق
بلشقه شلون لحكت اكتلها واخذ الذهب
الضابط...بصماتك بلشقه وعلى جسم القتيله
واختفاء الذهب واعترافك انت كنت موجود بلشقه
كلها ادله ادينك
اعترف احسن ليش اتعبنا
هاشم...اني ما قتلتها ولا اعرف اي شي عن الذهب
ليلى...من اعترافات هاشم اتأكدت هو الي قتلها وميمون بريئ
بديت اشتغل على اعترافات هاشم
ولبسته القضيه لان ماكو غيره الي قتلها
دافعت دفاع مستميت على ميمون
الحد مااجت المحاكمه وترافعت كدام القاضي
عن ميمون اني لازم اوكف وياا
حتلو هو كسرني وازوج عليه بس هو بريئ ليش
ينعدم على قضيه ماارتكبها
ونحكم بهاي القضيه هاشم مدان انحكم بلاعدام
اما ميمون طلع من هاي القضيه
واخيرا ضهر الحق
جمانه السعيدي
طلع ميمون وسط حفله اهلها استقبلو باب السجن
بلهلاهل والفرح
طلعنا اني وياا وابوي على بيت عمي كانو مسوين عزيمه
بمناسبة برائة ميمون
من بعد العزيمه ميمون اترخص من اهله حتى نرجع البيتنا
بس وصلنا للبيت حضني بأس ايدي
ميمون...اني اسف كانت غلطه بالف غلطه بعد ما تنعاد ابد
انتي ما تستاهلين يصير وياج هيج
ليلى...محد شفعلك عندي غير علاوي خفت ابني يتربى يتيم واله اني هاي الغلط بلنسبه اليه ما تغتفر
انت بمكان ما تساعدني وتشيل عني المسؤليه
وتفرح النجاحي
رايح تزوج عليه وياريت تزوج وحده بيها خير
رايح مزوج وحده لاعبه لعب ما مخليه واحد ما مصاحبته
ميمون.. غلطه وبعد ما تتكرر
جمانه السعيدي
اول يومين اني وميمون اخذنا اجازه من شغلي وشغله وبقينا اني وياا بلبيت
اعتبرنا هاي بداية صفحه جديده
لازم ننسى الراح ونبدي من جديد
ابد ماحاولت افتح هذا الموضوع وياا مره ثانيه
اريد انسى كلشي وهو هم ينسى
لان اني شريكه وياا بهاي الزواجه اني الي خليته
يروح يدور غيري
مستحيل افتح هذا الموضوع مره ثانيه
لازم نبدي من جديد هلمره اريد انتبه الحياتي
مااريد ميمون يضيع مني مره ثانيه
من بعدها قررت ارجع الشغلي مااريد القضايا تتراكم عليه
كعدت الصبح حضرت الريوك كدعت ميمون
ليلى...تكعد تتريك وتطلع الشغلك
ميمون...لا تعبان ومالي خلك اريد ابقى بلبيت ارتاح
ليلى...براحتك ابقى علاوي هنا ودير بالك علي
ميمون...لا اخذي الاهلج مالي خلكه
ليلى...تمام
تريكنا اني وعلاوي وبدلتله أخذته الاهلي وطلعت للشغل
يوم يومين اتلاثه ميمون مايقبل يطلع للشغل
ليلى...ليش عايف شغلك وكاعد بلبيت
ميمون...نفسيتي تعبانه بعد هاي المصيبه الي صارت
ليلى...براحتك
ميمون....انتي ضايجه لان كاعد بلبيت
ليلى...لا براحتك
ليلى.اطلع للمحكمه الصبح واخذ ابني وياي
والعصر ابقى بلبيت
شغلت ولد محامي بالمكتب بمكاني وزهراء ويااا
يستلمون القضايا بمكاني
جمانه السعيدي
العصر انظف واطبخ واغسل ملابس
وهم مااريد ميمون يتملل من البيت لان كاعد وحده
فات شهر كامل وميمون مايقبل يطلع للشغل
ليلى...ليش ماتروح تشوف شغلك
ميمون...اي شكم يوم واطلع
ليلى...الزباين راح يرحون منك
ميمون....لامايرحون انشاء الله اريد نفسيتي تتحسن
هم اعيد نشاطي من البدايه
اذا تردين ترحين للمكتب روحي اني ابقى هنا
عادي ماكو مشكله
ليلى...لا شغل المكتب ماشي اني خليت حازم
يشتغل بلمكتب بمكاني
ميمون....زين تمام
ليلى...مرن شهرين وميمون كاعد بلبيت
واني مليت من الحجي وياااا ومااريد اضغط علي
يمكن صدك نفسيته تعبانه
صار يخلص كل وقته بلبيت على التليفون
بلنهار نايم وبليل لو يطلع ويرجع متأخر
لو لازم التليفون ورايح بعالم ثاني
صرت اني شايله كل المسؤليه الوحدي
الشغل والبيت وطلبات البيت وهو كاعد وماخذ راحته
بس إلى متى راح يبقى هيج كاعد بدون شغل
الشهر الثالث خلص والوضع نفسه ما تغير
رحت اشتري شغلات من السوك وبلصدفه مريت من الشارع الي بي شغل ميمون
احجي وياا نفسي واكول شوف السوك والناس كلها تشتغل
وميمون كاعد وساكت حرامات مايفتح المحل ويشتغل مثل قبل
وصلنا كبال محل ميمون شفت اكو لافته غير اسم محل
ميمون مغيرين الافته والمحل مفتوح
يااا شو هذا المحل مفتوح والناس داخله طالعه
نزلت من السياره اريد افتهم شكوووو
ليش اللافته متغيره ومنو الي فاتح هذا المكان
اذا ميمون كاعد بلبيت