رواية دمعة فاطمة الفصل السادس بقلم مصطفي جابر
أنا عايزك انتي يا تمارا سيبي رعد واطلقي منه انا اللي بحبك بجد وانا هطلق ميرفت وهرجعلك ڤيلاتك وهكتبها بإسمك وهطلق ميرفت دلوقتي لو قولتيلي إنك موافقه
تمارا بصدمة وغضب: فيلا اي هو انت فاكرني ببيع نفسي بحتة طوبة وحجر أنا مش ميرفت عشان تشتريها بالفلوس
حسام بخبث: انا عارف انك عايزاني بس خايفه من رعد بس بعد ميستهلكيش انا اللي بحبك واستاهلك.
تمارا بزعيق وبقرف: اخرس يا حسام أنا بكرهك بكرهك من قلبي ولو انت آخر راجل في الدنيا عمري ما هبصلك لأني بحب جوزي ومش رخيصه زيكم.
حسام اتعصب وحاول يقرب تمارا زقته بعيد...
تمارا بغضب : لو لمستني هخلي البوليس يجيبك ويدفنك تحت الأرض فاهم.
حسام بغيظ وهو بيكتم غضبه: هتشوفي يا تمارا هتشوفي أنا هخليكي ليا ازاي.
تمارا ركبت عربيتها بسرعة وبصت له قبل ما تتحرك: ربنا يلعنك يا حسام انت مش بس خسرت أمك وأخوك… انت خسرت رجولتك كمان.
بعد شويه
...رجعت البيت بحزن ومش عارفه تقول ل رعد ولا تخبي...
تمارا لنفسها: اقوله والنار بينهم تزيد ولا أسكت ؟ بس لو سكت حسام هيتمادى معايا اكتر وانا غبيه عشان روحت له كان هدفي اقنعه يخلينا ناخد محمود بدل ما يتربي التربية البايظة بتاعهم.
رعد دخل يسرح شعره لاقها سرحان والدموع في عنيها..
رعد بقلق: مالك يا تمارا عيونك مليانه دموع لي فيكي حاجه وجعاكي نروح ل دكتور يا حبيبتي .
تمارا بدموع وغضب: لا يا رعد انا كويسه بس بصراحه كدا انا قابلت أخوك حسام النهاردة وعاوزاك تعرف كل حاجة.
رعد باستغراب: قابلتيه فين ولي ان شاءلله عايز منك ايه.
تمارا بتوتر : قال لي اطلق منك وأتجوزه هو وقال هيطلق ميرفت ويرجع لي الفيلا بإسمي دا مجنون طمعان فيا وفي كل حاجه .
رعد وشه قلب أحمر مسك الجاكت بسرعة:
هو اتجرأ وقالك كدا طب ورحمة ابويا مانا سايبه و يا بموتي يا موته النهارده .
تمارا بزعر: لا يا رعد عشان خاطري احنا ملناش غيرك وحياتي عندك.
رعد بغضب: وحياتك اييي هو احنا هنفضل ساكتين له كدا لحد امتي
تمارا بحزن: لا بس متخليش غضبك يعميك مراته غاسلة له دماغه صدقني والله العظيم.
رعد سابها بغضب وهي جريت وراه..