رواية الضحية
الفصل الثالث عشر13
بقلم نجلاء فتحي
حملت داليا الصنية بيد مرتعشة ليس لأنها أول مرة تحمل صنية بل لأنها ترتدى ملابس كاشفة والرجال يشوفوها ،
كانت تتفادى البنات التى ترقص وجدت تجمع بنات حول شخص لأغوائه نظرت لة بقرف ووضعت الصنية ،، نظرت ليها المدام نظرة ناريه أنسحبت داليا وواقفت فى زاوية وراء كرسى كبير يسترها والأسم موجودة فى المكان حتى لا تتعرض لعقاب المدام
تركيز داليا مسلط على ذلك الراجل الأربعينى الوقح بأفعاله مع البنات وهى تقول لنفسها بأشمئزاز، ،تلاقيك مليان أمراض وعايش على اللبن رجلك والقبر فيك حيل تعمل إللى بتعمله دة
أوووف أتخنقت ،،لمحت المدام مشغولة مع ذلك الشخص الذى قدمت لة اللبن ،تسحبت للشرفه تستنشق هواء نظيف وكأنها غرقانه وصعدت لسطح الماء تملا رئتيها بالهواء سحبت مفرش من على الطاولة وغطت نفسها لم يغطيها كاملآ فرجليها ظاهرة ،،نظرت للسماء وقالت بصوت مسموع،،سامحنى يارب أنجدنى أسترنى لية بيحصل فيا كدة ،،،عارفة شلت ذنوب من جسمى إللى بان والعيون شافته أول مرة أعمل كدة،،، أنجدنى ذى كل مرة بحق صلاتى لولا خايفة منك وحرام كنت أنتحرت من زمان طالبة الحلال ،،أتفزعت على صوت جعل الدماء تهرب من عروقها
الصوت/ أمال موجودة هنا ليه
بحثت هى عن مصدر الصوت الشرفة خالية لا يوجد بيها أحد
بلعت ريقها/ بسم الله الرحمن الرحيم
ظهر من العدم شخص أتنفضت وقالت :- مش معقول بشر أكيد عفريت والطبل والأغاني والأرف إللى جوا حضرك صح
الشاب/ ههههههههه أنا بشر زيك
داليا/ أزاى وأنت طلعت من الظلمه كدة
الشاب/ كنت قاعد هنا وأنتى شديتى مفرش الطرابيزه من قدامى
نظرت داليا وتأكدت فعلا فى كرسى فقالت:- المكان ظلمة أووى
الشاب/ عادى الظلمه بتريحنى نفسيآ
داليا أنتبهت أنه ينظر لها ،حاولت تدارى شعرها تحت المفرش وتشد فستانها لأسفل وقالت:- بلاش البصة دى
الشاب/ أنتى هنا علشان أنا أبص
داليا بحزن/ عندك حق ما أنت دافع بقا ،،أحب أقولك دافع للى جوة مش ليا و وعز بيه دة جنهم مستنياه
الشاب بترقب/ تعرفى عز بيه
داليا/ بلا قرف أهو متلقح جوا دة راجل شايب أخرة يطفح لبن النوغه دة ،، يارب يموت
الشاب/ شكلك مغلوله منه
داليا/ أيوة طبعآ لولا الزفت حفلته دى مكنتش لابست كدة أستغفر الله العظيم
الشاب/ أنتى مين أول مرة أشوفك
داليا بحدة / وأنت مالك هو كل واحد أحكيله قصة حياتى ويستغلنى فى الأخر ،،أنا وافقه معاك ليه أصلا ،،،تطلع مين، تلاقيك عيل توتو معاك قرشين مش تعبان فيهم ،،،ولا شغال عند عز بيه المقرف دة ،نفخت ثم جريت للمطبخ
نظر الشاب فى أثرها وقال:- أنا قرف وأموت كمان ،،أممممم حلو النوع دة شرسه مع ضعف وماضى أليم ،،هرش فى ذقنه يفكر هذا النوع من البنات لم يمر عليه ما قصتها وكيف أتت لهنا
أتت المدام/ عز بيه واقف هنا لية الحفلة جوا علشانك يا بيه أتفضل كوبايه لبن ونوعك المفضل
ألتقطه عز منها/ بصراحة كدة مفهاش حاجة تلذ وخرجت أقعد فى البلكونه أغير جو
المدام بخوف أن تخسرة/ الحفلة على أعلى مستوى يا بيه
عز بضيق/ مفهاش ناهد وجاى ليها
المدام بكذب ولجلجة / ناهد ناهد مسافرة عند زبون
عز بسخرية / زبون بجد وراجعة ولا ذى عندى ذهاب بلا رجعه
المدام/ الكدب خيبة متلقحة جوا حامل وعلى وش ولادة رغم البنات عندى ماشية على البرشام بتاع حضرتك إللى كتبته ومعرفش حصل أزاى
عز/ العيل مصيرة أيه
المدام بخبث/ متباع يا بيه يا خسارة طلعت بت مش ولد
عز وهو يرتشف من كوب اللبن رشفة/ طماعة حتى فى فلوس العيال
المدام/ الولد سعرة أعلى وعلى حسب جماله
عز/ طبعآ مجهول الأب
المدام/أكيد ،،،، أقولك البت تولد من هنا ناخد بنتها نسلمها لأمها الجديدة وحلال عليك ناهد
عز/ هههههههههههه أنتى فى حاجة فى مخك كنت محتاج ناهد علشان أأجر رحمها الوحيدة عندك مخلفتش رحمها بكر لسة
الزبون عايزة كدة
المدام/ ميتجوز أسهل بدل حقن مجهرى وتأجير رحم
عز بغل/و أحنا مش نشتغل،
المدام/ يبقا طلبك مش عندى المرادى
عز/ بقالك فترة البنات هما هما مفيش جديد
المدام/ مش أى بنت تشتغل الشغلة دى ،،وإللى جوا ليهم أهل أختفت أروح ف داهيه
عز/ عايز بنت تكون جسمها سليم ولا بتشرب ولا بتحقن
[ يقصد ممنوعات]
المدام/ كلة بيشرب مايه( تقصد خمرة ) وسجاير ومعرفش بقا عند الزباين بيشربوا إيه أقولك أختار أى واحدة أعملها التحاليل وأكشف الكشف بتاعك لو نفعت مبروك عليك
عز/ هى الحجات دى بالساهل إللى أخدة أصرفة ،،مطلوب كلى وكبد ونخاج شوكى وقرنية وشوية رفايع كدة للدكتور منعم
المدام بيأس/ منعم بيه لسة مكلمنى جوا ،،،،،،بس طلبك انت كمان مش موجود أول ميقع عندى بنت خام أكلمك
عز / تمام ،،ثم دخل جلس بجوار الراجل الاربعينى وعينه تبحث عن الفتاة التى كلمها فى الشرفة وقال لنفسة/ معقول بتشرب هى كمان هى فين
أنتبه على صوت فتاة تدلع علية/ اللبن يا عز بيه
أخذه منها وقال للفتاة/ فى حد ناقص منكم
البنت/ لا كلنا موجودين أهو
تحدث عز مع ذلك الأربعينى الذى يدعى (منعم )صاحبة أن يجمع البنات كلهم أمامه
فرحت المدام معنى هذا ينهى الحفل بدرى ويختار ما أتى له وأحلى شيك تأخذة غدآ
عز/ ناقص واحدة
المدام/ ناهد وتعبانه جوه أندها
عز بين أسنانة/ شوفلى أى بنت موجودة هنا وهاتها معدا ناهد
منعم/ أوامر البيه
وهنا تذكرت المدام داليا قد نست وجودها
بقلم نجلاءفتحى عاشقةالكلمات
________
أقتحم منعم غرفة اتنفضت ناهد،،، وداليا كانت فى حمام الغرفه أخذت شاور وتبدل ملابسها لملابس محجبات وإللى يحصل يحصل
ناهد/ عايز حاجة يا منعم بيه
منعم/ فى بنت جديدة هنا عز بيه عايزها
ناهد بكذب ولجلجة / مفيش حد هنا أنا بس
منعم/ دى أخر أوضة فى الشقة متأكد فى بنت جديدة قدمت ليا صنية اللبن
وهنا سمعت داليا جمله منعم الأخيرة فتحت باب الحمام برفق
ناهد/ مفيش تلاقيها برا
منعم/ دى قدمت اللبن ليا
ناهد / معرفش بقا
خرج منعم وبلغ ملقاش حد وتذكر فى بنت قدمت له الصنية مش موجودة
بقلم نجلاءفتحى عاشقةالكلمات
_____
داليا/ بشكرك أووى
ناهد/ بصى أكيد عز بيه بيختار واحدة وأختارك وأنتى مش وش السكة دى أنتى واحدة محترمه ،،صحيح البنات مش بنشفهم تانى معرفش لية بس برضو مش عايزة أكون السبب فى أذيتك للطريق دة هتكونى زى
داليا/ أنا خايفة أوووى
ناهد بتعب/متخافيش،،،، كلامك مريح أقتنعت بكلامك كنت ناويه أهرب قبل الولادة وشكلها كدة معرفش
داليا / أدعى ربنا ينجدك
ناهد/ أزاى وأنا ٠٠٠٠
داليا بأبتسامه/ باب التوبة مفتوح المهم التوبه من قلبك ،،أقتنعى من جواكى بربنا وألتزمى وشوفى الهنا والسعد
ناهد/ المفروض النصيحة منى أنا يا كبيرة ليكى
________
عز/ متأكد فى بنت،،،عايزها،،، غضبى وحش
منعم/ هنتحايل عليكى أنطقى دى قدمت اللبن ليا على أساس عز بيه
أحد الفتيات/ أيوة فى، ،أسمها داليا يا بيه ،،و ملهاش فى الكار
عز تنفس براحة / عايز داليا دلوقتى ومحدش يقولها أنا عز بيه ،،،،منعم أنا فى العربية هاتها بأى وضع بعربيتك وتعال ورايا،،،ثم رحل
لطمت المدام/ فهى لم تكذب بل نسيت وداليا لا تنفع عز فهى رافضة العيشة دى وحامل كيف تنفعة ألتزمت الصمت
خرج بيها منعم وهى تبكى وتستنجد بناهد التى تستند على الحائط من شدة التعب وتبكى وتترجى منعم يسيبها فهى صغيرة
منعم/ هو أنا خطفك الذوق مش جاى معاكى دة أنتى فضيحة ثم ضربها بالرأس فى مقدمه جبينها داخت حتى غابت عن الوعي حملها نظرآ لخفه وزنها ورحل
ناهد ببكاء/ لية داليا دى نظيفة حرام عليكى رمتيها لعز ومنعم
المدام بصراخ / مش عايزة صوووت كل واحدة تغور على أوضتها هم وأنزاح
ناهد/ داليا تتعب عز دى حامل يسقطها من غير ميعرف لو قرب منها
تركتها المدام متجاهلة صراخها عليها ،،،
مسحت ناهد دموعها ودخلت غرفتها لمت فلوسها والمشغولات الذهبية ملكها وملابس على قد ما تستطيع أن تحمله. فتحت باب غرفتها لم تجد أحد الجميع بغرفهم، ،قالت لأول مرة من قلبها :- ساعدني يارب، فتحت باب الشقة وهربت وهى متألمه لتنقذ أبنتها قبل بيعها عند ولادتها رغم لم تأخذ قرش واحد لحد الأن
⚘️ملحوظة البنات تعلم أن عز يختار منهم واحدة يفعل ما حرمه الله ويتركها لكن حقيقة الأمر يتاجر بيها ،،،،لو فاكرين عز دة أتذكر أسمه قبل كدة وداليا فى المستشفى والممرضة قالت للدكتور عليها وهو قالها تروح مستشفى الدكتور عز تلاقى شيك بأسمها يعنى داليا هربت من الممرضة ولفت لفتها ووقعت فى إيد عز تانى بكامل أرادتة ولا يعلم كل منهما هذة المعلومه ⚘️
أوقات ربنا يرسل شخص ل لنساعدة وننقذة ويتضح أنه ينقذنا ويساعدنا هو بدون قصد ،،،مثل ما حدث مع مينا ربنا أرسل لة داليا ينقذها ويظل بجوارها زعل علشان عمل خير وخسر وظيفتة وعند علمة أن حدث حادث مروع تسبب فى وفاة الجميع نفس السيارة والأشخاص مع أختلاف بسيط تغير السائق لولا داليا كان مات ،،وقصاد الخير ونيته كرمه ربنا بوظيفة مريحة وراتب أعلى،،،حتى ناهد داليا نقذتها بدون قصد وجعلتها تبحث عن الحلال وتتمسك ببنتها بغض النظر الطريقة التى أتت بيها للدنيا
ياترى الدنيا مخبأة ليكى إيه يا داليا كل إللى يساعدك تكونى وش الخير عليه ،،
بقلم نجلاءفتحى عاشقةالكلمات
___________
أتى صباح جديد يا ترى مخبأ نهاره إيه لداليا ؟
أستيقظت هى بنعاس جلست نصف جلسة ماسكة دماغها بألم دى مش بيت المدام ومش أوضتى ،تذكرت ما حدث معقول عمل فيا حاجة وحشة ،، هدومى متغيره، ،شعرى شعرى شافة لمسة تركت سريرها وخرجت للصالة وجدت سيدة تقول لها/ صباح الخير يا أنسه
داليا/ أنا فين
السيدة/ شقة تبع عز بيه
داليا بغضب/ نععععععععم الكركوبه دة ميتحكمش فيااااااا
السيدة بعدم فهم / عز بيه مش كركوبه
داليا/ لازم أمشى
الست/ الباب عندك لو فتح مع السلامة ثم دخلت المطبخ بعدم مبالاة وقالت بصوت عالى :- أنا إللى غيرتلك هدومك علشان تنامي مرتاحة
فشلت داليا فى فتح باب الشقة / ياربى أقع من بلوة لبلوة
دخلت ليها المطبخ/ عايزة أصلى الصبح والفجر فاتني
السيدة/ بتصلى !!!!!
داليا/ الحمد لله
السيدة/ معرفش فى مصلية هنا ولا لا ومعرفش أتجاهات الشقة
داليا/ أوووف هى ناقصة ،،، خلاص فى أى اتجاة كلها أرض الله المهم أصلى بقلبي لحد م أعرف الاتجاهات مع أن دى مش حجة مش فى صحرا أحنا قوللى حضرتك مين مخطوفة زى
الست/ عز بيه مش بيخطف حد أنا هنا فى خدمتك يا هانم
داليا/ هانم مين، صلى على النبى فى قلبك دة أنا طالع عينى ،،حضرتك بتصلى
الست بكذب / أيوة
داليا/ أمال صليتى الصبح والفجر أزاى
الست بلجلجة/ فى أى أتجاة لحد مأعرف الاتجاه الصح ،،أحضر لحضرتك الفطار
داليا/ أنا مخطوفة أفطر أزاى
الست بغل/ قولتلك مش مخطوفة ،تحبى التوست ناشف ولا طرى والبيض أوملت
أو ول ضن،،ومعاة أورجنك جُوز
داليا/ أنا خريجة ثانويه عامة ومختش كلمات ذى دى فى الأنجليزى ،إيه التوست دة ،،
السيده/ نوع من العيش طرى ولا أحمصة فى التوستر
داليا/ يطلع إيه دة كمان
السيدة/ شاورت على التوستر
داليا/والبيض وفهمتة وإللى بعدة دة إيه
السيدة/ طريقة التحضير والأخير عصير طبيعى
داليا/ بصى علشان مش تتعبي نفسك أكل العفاريت دة منى ليكى وأنا لما أجوع أكل أكل أعرفه ،،بس أزاى مخطوفه وأكل🤔🤔
السيدة بضيق/ قولتلك قبل كدة عز بيه مش بيخطف حد عن أذن حضرتك ثم تركت لها المطبخ
داليا بتفكير/ زعلت لية ،،،يا ترى عايز منى إي يا جدو عز
________
مر شهر وداليا لحد ما مرتاحة وفى حيرة لا يجلس معاها غير الخادمة القليله الحديث ،،حاولت داليا مرة تهرب فشلت بسبب البودى جارد أمام باب الشقة
_____________
الخادمه/ داليا هانم عز بيه بعت لحضرتك العلبه دى
داليا/ مش عايزه منه حاجة
الخادمه/ قبلتى الهدوم
داليا/ رفضتها فى الأول علشان مكشوفة وقبلت بيها تانى علشان محجبات
الخادمه/ والبيه مش أعترض وجبلك
داليا/ الضرورات تبيح المحظورات ومكنش معايا هدوم لما خطفنى مجبتش هدومى
الخادمة بضيق/بذمتك دى منظر واحدة مخطوفة يعنى أبلغة رافضة العلبه
داليا/ أيوة وياريت يعرفني موقفى إيه معاه عايزه أشوفه ولا الباشا كبير وعنده لين عظام
الخادمه/ أووووف عز بيه شاب مش عجوز ثم رحلت
داليا بسخريه/ لازم تقولى كدة بيقبضك
_____________
(فى المطبخ )
عز بعصبيه/ يعنى رفضت،ولا فتحتها ومش عجبتها
الخادمه/ملمستهاش أصلآ
عز/ أزايز الويسكي شربت منها
الخادمه/ حطتها قدام عينها فى المطبخ وسبتها ولما سألت عليها قالتلى فضتها فى الحمام
عز/ دى غاليه ،،،ومطلبتش سجارة 🚬
الخادمه/ شكلها محترمه دى بتصلى
عز بأنبهار/ الصلاة مش مقياس ممكن ضميرها وجعها
الخادمه/ فى حاجة ملاحظاها عليها بطنها كبيرة شوية
عز/ بتاكل
الخادمه/ أيوة وأكلتها ضعيفة بس برضو جسمها تخن بسرعة
عز/ أخلص إللى فى إيدى يومين وجاى سلام
أغلقت الخادمه الخط وجهزت الطعام
_________
أرتشف عز رشفه من كوب اللبن ومحتار فى هذة الفتاة
دخل منعم المكتب / إيه يا كبير مش تبطل اللبن دة
عز/ أسلوبك السوقى دة مش عليا أحترم أنك دكتور
منعم/ بلاش الكلمه الأخيرة دى أحنا أسم بس
عز بثقة/ عادى إللى تحت السلم هو إللى بنى أسمى وتانى مرة تقولى يا دكتور أو بيه مش كبير والأرف دة
منعم بضيق/ طيب يا دكتور يا بيه الزبون عايز الرحم نظيف والبت بنت بنوت
عز بأنفعال/ أجيب لسيادته منين عزراء ،،، الحل أن واحدة من إياهم فتحت البوابه وطفشت من أهلها ومش حامل ،،، ورحمها بكر نزرع فية العينه بتاعتنا على نظافة
منعم/ شوف مين ألفاظه سوقيه حلو فتحت البوابه هههههه،والزبون وافق
عز/ وافق على تأخير رحم ،،،،ميعرفش البت فتاه ليل اقنعتة عزراء ومحتاجة فلوس ،،،هو يعنى يكشف عليها ومدام غاوى شروط كان أتجوز أسهل والشرع محلله أربعة وفى النور ،، بس أزاى عايز المدام توافق على ضرة ووضعها مستحيل جوزها يلمس واحدة غيرها ،،، تجى لواحد زى أنا ،،،،العينه من جوزها والرحم أى كلبة عادى
منعم/ الخروف عايز ولد ولا بنت
عز/ إللى معاه فلوس و يدفع عايز ولد
منعم/ الراجل أعلن مراته حامل
عز بحدة/ يعلن لية هو أنا حقنت ولا البت جهزت منبه علية عمليتى تنجح وأعلن حمل مراتك وتسافر برا شهور الحمل،الأخيرة علشان محدش يعرف مخلفتش
منعم/ أفرد بقا فى يوم الراجل مات ابو الطفل ومراته قالت دة مش أبنى وكشفت سر شغلنا
عز/ دى تفُتنى، ،إمضتها منورة العقد قبل جوزها ،،،، تفتح بؤقها تتسجن ،،،،المهم دلوقتى البت ناهد كنت ناوى عليها وطلعت حامل
منعم / داليا عايزها ،، لازم أتأكد جسمها والأجزاء إللى محتاجنها بخير
عز/فضيها
منعم/ قصدك تتقطع
عز/ أيوة ،،،ومنتساش نسبتى ذى ما بتجيب ليا بنات تأجر رحمها وتأخد نسبتك منى أنا أجبلك يتقطع وأخد نسبتى الصداقة حاجه والشغل حاجة تانيه
منعم / أنا باخد منك تمن عضو أنت بتاخد تمن كل عضو بأخدة مكسبى إيه بقا هوا
عز بمكر/ علشان غبى ،،أنا أعلى السعر عليك عالى على الزبون وشكرآ وإللى مش عاجبه يتألم ويموت ، تشرب لبن
منعم/ مليش فى الرضاعة بتاعتك ههههههههه
عز/ خف شرب شغلنا عايز الدماغ الصاحية يا خوفى فى يوم تكون مع بت من إياهم وتفضحنا
منعم بثقة/ صاحبك لو شرب المحيط فايق ،،خليك راهب على نفسك ومانع نفسك من لذة الدنيا والشرب أمال فلوسك دى توديها فين ياعم أسكر وأشرب وغير فى البنات والحريم ذى مبتغير شرباتك أعتبرهم سيجارة شربتها رمتها دوست عليها وبس
أخذ رشفة هو كوب اللبن/ معرفش طعم السيجارة علشان أدوقها
منعم/أنا ماشى سلام يا أبو لبن ،،نسيت داليا فاكرانى أنت
عز/ روحتلها
منعم/ دى شقة تبعك أروح أزاى أقصد لما خدتها من الحفلة للشقة بهدلتنى ودعت عليا إيه رأيك تأجر رحمها وبعدين أشوف شغلى مكسبها حلو
عز/ أتأكد مش أتلمست وجسمها مفهوش سم هارى
منعم/ ماشى خليها تولد على ٧ شهور تطلع تنزل أنت نسا وتوليد وضبطها ومعاك شهرين قبليها تجهيز كدة التسع شهور وأستلمها منك متنساش تبعت للمدام فلوسها قرفانى من أسبوع
عز/ كدبت ونكرت داليا
منعم/ بتقول نسيت
عز/ ملهاش حاجة عندى قصاد كذبها وكدبت عليا ونكرت فى الأول وجود ناهد
منعم/ ناهد هربت وهى حامل
عز بسخريه/ هتروح فين سهل تتجاب على وش ولادة وأى مستشفى تولد فيها لينا ناس وتتجاب يعنى تتجاب
منعم/ أنا متفق مع المدام ،،،،،،أخذ إللى ينفع يتباع من ناهد بعد الولادة وأحنا أولى بالفلوس إللى تخدها من بيع بنتها للخروف( يقصد الزبون)
عز/ بتشرب وبتحقن مينفعش كنت عايز رحمها وضاع، ، منين أجيب واحدة مش بتشرب
منعم/ عايزها برضو حتى لو القرنية بس سليمة مكسب
عز/ سهله
بقلم نجلاءفتحى عاشقةالكلمات
______
عز مشغول البال بداليا أول فتاه تعلق معاه بهذا الشكل لم يراها غير مرة واحدة فقط فى الحفله وكلامها مع ربنا جعلها فى نظره بازل لازم يحله ويكسب الجيم مع نفسة فحياته روتينيه فرصة ذهبيه وأتت له وهو التسلية كأنه أشترى جرو صغير أو قطه أخترقت الملل الذى يشعر بية وتسليه وتبهرة فهى فاقت كل توقعاته والمكان الذى أحضرها منه رفضت المدام تقول حكايتها لأنها لم تأخذ تمن داليا كا نوع من العقاب
______
⚘️⚘️فى كلمتين أستحملونى يا حلويات روايات وحكايات نجلاء بحب اللقب دة لكم أووى ،،
مش بشجع على هروب الفتاة أى بنوته مهما كانت ظروفك خليكى مع أهلك أو جوزك وربنا يصلح الحال أو تذهبى لحد واثقة فيه أوووى ،،وحاولى مش تبعدى ،،،،الشارع وحش وفى حاجات بتحصل للفتاة مش ينفع أكتبها ،،،،،داليا رغم صغر سنها وسلوك أبيها الفاسق التى تربت معاة لكنها عارفه ربنا وبتلجأ له وبيساعدها
تفتكروا بسبب دماغها ومش بتفكر صح بتوقع نفسها فى مشاكل تلاقى حل مع عز ، ويبقا صفحة فى كتاب حياتها وتقابل الأفضل ،لو مش هربت من زوجها كان ممكن أبنه يساعدها ،،،لو مش هربت من بيت الراجل الطيب فى قليوب كان حالها أفضل بكثير،، لو سمعت كلام مينا ومش راحت مع البواب لم تدخل بيت مخل مثل هذا ولا وصلت لواحد مثل عز ومنعم تفتكروا دى بداية حياة جديدة لداليا أم نهايه محتومه وواقع مرير وضحية ومجنى عليها وفى نظر البعض جانى متهمة بشرفها ،،لو لاحظتوا رحلة داليا تبدأ بعد طرد أبيها لها وأول حياة جديدة عاشت فيها بيت زوج أمها ،،ثم قليوب ثم أسكندرية وشقة مشبوها وحياة الرفاهية فى شقة عز ،،،،،،الله أعلم دائم أم مؤقت ،وقابلت أشخاص فيهم الحلو و فيهم الوحش تفتكروا مين الغلط منذو البدايه فى حياة داليا لو فى إيدك فرصة تحكم فى قضية داليا حتى طفلها لو أتولد ملوش أثبات ولا هويه طفل غير شرعى ودة صدمه لما تعرف ،،،الضعيف فى الدنيا دى ملوش مكان والكل طمعان فية حتى إللى فى علم الغيب متباع ما أرخص حياة الفقراء والمحتاجين لكن فى النهاية الله فوق الجميع هو المنتقم الجبار وعقابها لم يتخيلة عقل بشرى ويابخت إللى ياخذ عقاب ربنا فى الدنيا أما الأخرة فلا يلوم إلا نفسه ويابخت من فاق وتاب مثل ناهد التى كانت السبب فى توبتها تلك المسكينه بتاعتنا داليا ،،،إللى هروبها من المشكلة بيوقعها فى مشكله أكبر أنما لوكانت واجهت من الأول وعافرت مكنش حصل كل دة وخصوصا أهل الحارة عارفينها ويحبوها من وجه نظرى كدة ،،،⚘️