رواية الضحية
الفصل التاسع9
بقلم نجلاء فتحي
الفصل الحادي عشر من هنا
بعد محادثة طويلة عريضة كل كلمة قالتها داليا صح لم تكذب بل هى ضحية ومجنى عليها وليس جانى مطلوب للعدالة
الأب/ صدقت الراجل تبعك وجاب معلومات البت بريئة ومتجوزة
جابر/ مكملتش السن
الأب/ كفايه بقاااااا جايز ذى عندنا عرفى ولما تكمل السن تكتب رسمى لازم تعتذر ليها يا جابر
أحد البنات/ أخويا ميعتذرش لواحدة من الشارع
الأب/لسة مصممة من الشارع
الفتاة الآخرى/ كل دة والهانم نايمة لو ميت زمانه صحى من كلامنا وجريت لغرفتها وفتحتها وقالت/ ألحق يا جاااااابر البت سرقتنا وطفشت الحرامية دى
_______
أجتمعوا الجميع فى الغرفة
الأب بحدة/ سرقت إيه الأوضة ذى ماهى مفهاش حاجة تتسرق
الأم بحزن/ هدومها ذى ماهى حتى إللى كانت عليها سبتها
الأب بأنفعال/ التعليم خرب دماغكم أنا علمتكم أحسن علام وبتباهى بيكم قصاد الخلق جيتوا على بنت غلبانه طلبت الحماية لو أى واحدة فيكم فى ظروفها كانت عملت ايه ،،،دى عيلة ١٨ سنه يا ناس ومكملتهمش وتعبانة وحامل
أهى سابت ليكم البيت ومشيت علشان ترتاحوا حتى الهدمه إللى عليها سابتها خرجت بهدومها إللى جات بيها،،،، يبقا سرقت إيه البت قعدت هنا شهرين إيدها مش أتمدت على حاجة حتى الأكل والحمام تستأذن البت معدنها طيب ،،،،،، يارب مليش ذنب لو حصلها حاجة بخلى ذنبى منها عيالى السبب فشلت فى تربيتهم نسوا دينهم وغرتهم الدنيا ،،،،،،نظر لزوجته الباكية:" بتعيطى لية صعبانة عليكى أنتى مشيتى ورا كلام عيالك ونطقتيها يا حاجة ياللى عارفة الله وبتصومى وبتصلى وطردتيها ثم قال بعتاب دة أنا قولتلك أنتى وأبنك على ظروفها خذلتونى قدام ربنا معرفتش أحافظ على الأمانة إللى وعدت ربنا أحافظ عليها طول ما أنا عايش ،،،ثم رحل من أمامهم وهو يقول :-لله الأمر من قبل ومن بعد
الأم ببكاء/ كل واحدة على بيتها دلوقتى ،،،،أبوكم عندة حق عمرة ميغلط أبدآ ،،،،،،دفاعة عن داليا كانت أمانه وضاعت ،،،،، البت مشفتش منها غير كل خير ،،،مشيت وراكم وظلمتها ودة عقابه عند ربنا كبير ،،يارب أحمى داليا وسامحني
نظروا البنات لبعض ثم رحلوا بحزن فأبوهم وأمهم زعلانين منهم
جابر ركب سيارته وخرج يبحث عنها شعر بتأنيب الضمير
،،لأسف لم يجدها أو بمعنى أصح شافته هى وأختبأت
بقلم نجلاءفتحى عاشقةالكلمات
_____________
متولى أبو داليا شايف العذاب ألوان من رضا على أعتقاد عارف طريقها وخفيها عنه
___________
أولاد رشا من زوجها توفيق تعبوا جامد وأصيبوا بعدوى فطريه ودايخة بيهم على المستشفيات فجأة بدون مقدمات ،،وتوفيق يدعو الله ينجوا أولادة ،،،فهل يستجيب الله لدعائة ؟؟؟
_______
قضت داليا الليل داخل مدخل عمارة فهى هربت حين سمعت خناقة الراجل الطيب مع أولادة بسببها وسمعت أعتراض الحاجة على وجودها ماذا تنتظر خرجت من المنزل بدون علمهم ولم تعلم بخبر حملها ولا أنها بريئة أمامهم وصادقة فقد برائها الله أمامهم
،،لم تعلم أن جابر يبحث عنها ليرجعها ويساعدها حين رأته ظنت يسلمها للحكومة عقلها الصغير صور لها هذا ،،،ما يحزنها الأن جربت طعم الحنان والأسرة والأن حرمت منه أبتسمت بسخرية / هربت من توفيق ومش معايا فلوس ونتجتها اتجوزت رضا ،،،،ودلوقتى هربت من بيت الراجل الطيب وبرضو مش معايا فلوس وياترى يحصلى إيه تعبانة أووى معقول حامل نتيجة التحليل مطلعتش يارب لا مش عايزة عيال من رضا مش عايزة أشيل مسؤلية طفل أزاى
لم يأتي لها نوم خايفة ،،سمعت أذان الفجر ،،دعت ربها ينقذها جلست على باب المسجد ومدت إيدها تشحت لأول مرة فى حياتها تريد المال حتى تسافر من هنا لم تنطق بحرف واضعة الطرحة على وشها فقط وتدعو الله بقلبها يرسل لها المال ،،،
كيف يخذلها الله وهى على بابه وواثقة فيه ،،ربنا أحن علينا من أقرب الناس لينا وعلى الفور أرسل لها المال مع بعض من جنودة فى الأرض على هيئة بشر مع انتهاء الصلاة وإغلاق المسجد أتى لها أمام المسجد وقال:- متخافيش أول مرة أشوفك أنتى هنا من المنطقة
هزت رأسها بخوف بنفى
الشيخ / من قليوب
كذبت هى وقالت أيوة فخافت يكون مثل الشيخ الذى طردها من المسجد من قبل فى القاهرة واتهامها تسرق صندوق الجامع
الشيخ/ خايفة لية
داليا/ مدخلتش الجامع ومش أسرق صندوق التبرعات محتاجة فلوس وجيت قدام بيت ربنا
الشيخ/ ومين أتهمك بالسرقة بس مخبية وشك لية ،،،على العموم خدى دول إللى معايا ولو محتاجة أووى تعالى بكرا بعد الظهر ألملك فلوس من الناس دى أنتى فى حماية ربنا وطلبة مساعدته
داليا/ كتر خيرك
الشيخ/ أسمك إيه
داليا/ مش لازم ،وشكرآ على الفلوس بجد محتاجها أووى ربنا يبارك فى حضرتك ويكتر من أمثالك
الشيخ/ اللهم امين،،باين عليكى بنت ناس والزمن غدار ،،، أستنى أقفل المسجد وأجبلك فطار ،،،
شهقت داليا وجريت حين لمحت سيارة جابر تأتى عليها ،،،أستغرب الشيخ من تصرف هذة الفتاة وأحتار فى أمرها وبسرعة بديهة ندة على جابر الذى أوقف السيارة ونزل يسلم علية وحكى لة الموقف وختم الحديث وقال:' ومرة واحدة قالت متر جابر صرخت وطلعت تجرى
جابر بلهفة/ أوصف البنت بسرعة
الشيخ/لابسه عباية وطرحة سمراء نازلة على وشها ،،ملامحها مش باينه
جابر/ طولها و وزنها
الشيخ/ أقصر منك ، مركزتش فى جسمها الدنيا ليل برضو يا متر ،،باين عليها متعلمة ومؤدبه تعرفها
جابر/ ها لا، تعرف مشيت منين
الشيخ/ من هنا
جابر/ شكرا يا راجل يا طيب
أستغرب الشيخ/ أزاى ميعرفهاش،وسار بسيارتة فى طريقها ،، وهى ذكرت أسمة وجريت
__________
كانت داليا تجرى بأنفاس لاهثة متقطعة و قابضة على المال بيد من حديد تهرب من جابر حتى سمعت صوت قطار يأتى من بعيد لم تجد محطة القطار قريبة ،،، واقفت تلتقط أنفاسها وجدت عربية نصف نقل وأشخاص ينقلون من عليها خضار طازج ،،سألت أحدهم هل يوجد محطة قطار قريبه من هنا ،، فأجابها الشخص أخر السوق طوالي دة أول قطار من القاهرة لأسكندرية مراكز ويقف فى قليوب
داليا/ مفيش طريق مختصر
الشخص/ لا السوق دة أقرب طريق حظك حلو أحنا الفجر والسوق فاضى كمان ساعتين متعرفيش تحطى رجلك من الزحمة، ،اسمعى توكتوك جاى نطى فية يوصلك بسرعة مفيش وقت ١٠ دقائق ويوصل القطر ومش بيقف كتير
أوقفت داليا التوكتوك وقالت/ المحطة بسرعة
السائق/ ١٥ جنية يا أبلة دى أصتباحة ولا تقولى المشوار صغير بعشرة جنية ومناهدة
داليا بلهفة/ موافقة أمشى بقا
وصلت هى وأعطت السائق ٢٠ جنية وتحجج هو مفيش باقى لمحت القطار يدخل المحطة جريت للقطار وتجاهلت باقى الفلوس ،وحين دخلت المحطة ووصلت الرصيف أنطلق القطار بسرعة متوسطة ،،،جريت لم تلحقة ،،ثم توقف القطار مرة أخرى وكانت أخر عربة على أخر الرصيف ،،
ناظر المحطة بصوت عالى / وقفتلك القطر يا بنتى أجرى أركبى بسرعة أخر الرصيف بعد كدة أطلعى بدرى مش كل مرة تلاقى القطر يقفلك دى صدفة
جريت هى ونفسها لم تشعر بيه وقفزت أخر عربة ،،أطلق ناظر المحطة صفارة ،،أنطلق بعدها القطار فى طريقة ،،،،جلست هى على أقرب كرسى تلتقط أنفاسها وتكح وتهوى وبكت من ألام بطنها وصدرها لم تستطيع تتنفس بسهولة من الجرى لكن فى النهاية الله معها لن يتركها
_____________
أتت الساعة الثامنة صباحآ لم ينام الحاج ولا الحاجة حتى عاد جابر إليهم وحكى ليهم وشاكك هذة الفتاة التى قال عليها شيخ المسجد ممكن تكون داليا ،،ثم قرر الرجوع للقاهرة فالمنزل حزين ورجع بسيارتة على أعتقاد العمل ينسيه ما حدث
⚘️ملحوظة المسافة بين قليوب والقاهرة قريبة جدا ⚘️
______
كانت تريد النوم لكنها تحاملت على نفسها وفى إيدها المال الذى حصلت علية من أمام المسجد ليس الكثير لكنة يكفى معها مال ،، توقف القطار ولاحظت لا يوجد أحد غيرها فهى أول مرة تسافر وتركب قطار ،،نزلت من القطار لمحطة الإسكندرية التى قرأت لافتتها حمدت ربها لم يأتى لها الكمسرى فهى لا تملك تذكرة ،،،لم تعلم أين تذهب سألت عن الحمام دخلت غسلت وشها وشربت وتوضأت ثم خرجت وسألت عن جامع المحطة ،،ترجلت لة وحين واقفت بين إيد الله تاركت دموعها بحريه لم تعلم كم من الوقت واقفة بين إيد الله فهى تصلى من أجل الحمايه وأن ييسر لها أمرها ،، وحين أنتهت خرجت وجلست فى المحطة شعرت بتقلصات بيطنها حاولت تلهو عقلها بشئ أخر لا مفر ،،،ثم ترجلت لخارج المحطة ،وهى محنية ومحتضنه بطنها ودموعها تجرى على وجنتيها ،، أخذت تنظر للناس بعيونها غير قادرة على التحدث ودايخة ،،أتت لها فتاة أسرعت إليها وسندتها وأخرجت من حقيبتها زجاجة مياة وأتى لها شاب يجرى يحمل فى إيدة كرسى بلاستك وعلبة عصير ، كان يجلس على مقهى شعبى أمام المحطة ،تجمع حوالين منها الناس وأنهمرت عليها الأسئلة ،،،هل تعانى من مرض ما ،، هل صدمتها عربية،،وأسئلة من هذا القبيل
وحين أرتخت أعصابها حملها الشاب الذى جلب لها كرسى وعصير ووضعها فى سيارته لأقرب مستشفى.
___________
أتى العصر وبدأت تفوق داليا فتحت عيونها وجدت نفسها على سرير ومعلقة فى إيدها محلول مغذى ،،، ألتزمت الصمت، ،،،أتت ممرضة وأغلقت المحلول وقالت :- حمدالله على السلامة
أسمك إيه، ،متخافيش أحنا هنا فى مستشفى وجابك واحد قاعد برا ،،،لم تجد الممرضة رد منها فتركتها ،،، طرق الباب ودخل شاب وقال:- عامله إيه
داليا/ بخير
الشاب/ كنتى تعبانة قدام المحطة وجبتك هنا عنوانك إيه أوصلك أو أتصل بجوزك
داليا بخوف / جوزى لية
هرش الشاب فى ذهنة/ هو حضرتك مش متجوزة
داليا/ ليه
الشاب/ المستشفى عملتلك أشاعة على بطنك فى جنين عمر شهرين ونصف ،،قال بتوجس حين رأى أتساع حدقه عينها ،،حاول يكلمها مش عارف يعملها إيه من تيبث جسدها
فقال بتوجس:- حضرتك أنسه لسة
داليا/ ح حامل أنا ،،،أيوة متجوزة
تنفس بهدوء/ أصل حالتك تقول عكس كدة ،،أخرج الفون وقال:- رقم جوزك أو أهلك إيه
داليا بخوف ملحوظ/ لية عايز جوزى،،،،أنت تعرفة
الشاب/ لا وضع طبيعى تروحى بيتك ،،ساكته لية
داليا بأندفاع/ فلوسى ،،فلوسى معاك
الشاب بصدق/ مكنش معاكى حاجة
داليا بصدمة/ فلوسى
الشاب/ مكنش معاكى شنطة
داليا / كنت ماسكة فلوسى فى إيدى
الشاب/ كتير
داليا/ ٢٨٠ جنية
الشاب بسخرية/ هى دى فلوس
داليا بحدة/ بالنسبة ليك ،،بالنسبالى طوق نجاه 😭😭
الشاب/ أهدى عارفينى طريق أهلك سكوتك ده معناة هربانه
نظرت له بعيون عتاب / هو أنا شكلى عامله عاملة وربى متجوزة
الشاب/ أسف ،،،ساعديني بأى معلومة عنك أكيد مش أفضل جنبك ورايا مصالح
داليا/ هربانة من جوزى ومليش حد فى الدنيا أعتبرنى من ملجأ
الشاب/ لو كنتى كدة الملجأ هو أهلك يجبلك حقك دة إللى أعرفة ،،،،،، ولا ليكى أهل وجزم
داليا/ التانية
الشاب/ والعمل
داليا/ كتر خيرك ،،وشكرآ متعطلش نفسك علشانى
الشاب/ أنا خدتك من قدام المحطة لحد هنا فى رقبتى مستحيل أتخلى عنك معنديش أخوات بنات ومعرفش يعنى إيه أخت بس أكيد راجل مقبلش بنت تتعرض لحاجات وحشة بسببى المستشفى هنا مش لوكاندة والشارع صعب
داليا/ ليا رب
نفخ الشاب/ أسمك إيه
داليا/ ملوش لازمة
الشاب/ شكلك عامله بلوة على العموم خلى معاكى الورقة دى كتبت أسمى ونمرتى عليها لو عايزة حاجة كلمينى ،،،،وحين لاحظ ترددها ترك الورقة بجوارها ومعها ٢٠٠ جنية وقال:- دول إللى معايا ربنا معاكى سلام
تريد هى أن يظل معها لقد أرتاحت له لكنها فى بلوة أكبر هى حامل من بلطجى الذى أجبرها أبوها أن يتزوجها عنوه ،،،الأن تحمل حتة من هذا البغيض بداخلها كيف ستعيش ،،،إذا كان بمفردها ومطمرمطة فما بالك بنطفة تتشكل وتتبلور بداخلها
_____
خرج الشاب من الغرفة وهو يتحدث بالفون ويقول :- أيوة يا باشا العربية معايا
المتحدث/ أنت فين يا أبن ****** متأخر على ميعادى
الشاب بتوتر/ فى عمل خير بنت أغمى عليها و٠٠
المتحدث بمقاطعة/ أخرس، ،تحكيلي قصة حياتك،، تولع ،،متأخر على الأجتماع ،،تلاقيك علشان مسمسم شاقط واحدة بعربيتى
الشاب/ أبدآ يا باشا دى عربية أكل عيش ربع ساعة وأكون عندك
المتحدث/ ولا عندى ولا عندك عنوانك فين أبعت حد ياخد العربية ومشفش وشك تانى يا 🐕 محتاج أسافر دلوقتى
الشاب يتوسل/ محتاج الشغل أمى مريضة ،،مظلوم
المتحدث بحدة/ عنوانك يا بهييييييييييم
الشاب/ قدام مستشفى ******
ثم أغلق الهاتف ولفت نظره حديث الممرضة التى تتابع حالة الفتاة التى جلبها لهنا
الدكتور/ متأكدة من كلامك
الممرضة/ أيوه طبعآ ملهاش حد وحامل وشكله جاى حرام والبت رافضة تتكلم مع حد
الدكتور/ تبقا صيدة خليها هنا متخرجش ليها لازمه ولا أقولك أعملى معاها ذى إللى قبلها
الممرضة/ عنيا يا دكتور ،،مفيش حاجة كدة ولا كدة
الدكتور/ وأنتى مروحة فوتى على المستشفى الخاصه بتاعة الدكتور( عز ) تلاقى شيك بأسمك
الممرضة بفرحة/ يخليك للغلابة يا بية ،،فى شاب جابها أحاول أزحلقة
الدكتور/ يكون أحسن ثم رحل
شئ جوه الشاب يقول الحديث يخصة لكنة تجاهل الأمر وعقلة مشغول أمه مريضة وهو طرد من وظيفتة من أجل الخير
ألتفت الممرضة بعد ما أخفت فرحتها وقالت:- يا أستاذ يا أستااااذ أستنا
ألتفت لها الشاب/ عايزه إيه
الممرضة/ الحالة بتاعتك تعرفها
الشاب بنية سليمة / لا وحكى ليها الوضع
الممرضة بتصنع الخوف/ أخلع من هنا الحكومة جاية وباين عليك أبن حلال مش وش بهدلة
الشاب/ وأنا مالى
الممرضة/ جاى بواحدة مجهوله وحامل جايز العيل تبعك
الشاب بحدة/ خير تعمل شر تلقى أنا ماشى سلام كتر خيرى لحد كدة ،،
نزل أمام المستشفى ينتظر يسلم السيارة بغل من هذا العمل الخيري الذى فعلة وأتى علية بشر
أبتسمت الممرضة بخبث ودخلت لداليا/ مسكينه لازم تهربى
داليا/ لية
الممرضة/ الشاب إللى معاكى بلغ عنك أنك سرقتية
داليا/ مستحيل، ،باين علية أبن حلال ،محصلش فلوسة أهى
الممرضة/ أسندى عليا أهربك الحكومة لو جات تتسجنى
داليا بتسرع/ أروح فين
الممرضة/ دكتور أبن حلال قرر يساعدك عربيته تحت
داليا/ يعرفني منين
الممرضة/ مش وقت كلام