رواية الضحية الفصل الثامن8 بقلم نجلاء فتحي

رواية الضحية

 الفصل الثامن8 

بقلم نجلاء فتحي 

سمع جابر حكاية داليا لكنه لم يُخدع مثل أبوة فهو محامى وحالات النصب من اختصاصة لكنة لم يعترض كيف يكسر كلمة لوالدة أقنعة أنة مؤيد كلامة ،،وبداخله يود التأكد من كل حرف ،،،

_______

أتى الظهر  وتجمع بنات الراجل الطيب فرحآ بقدوم أخيهم وداليا تعمل بحب فى المطبخ وتساعد الست الكبيرة لكنها متجنبة البنات التى لم يحبوها وخايفة من نظَرات جابر المغلولة وأهلت نفسها تطرد من هذا البيت ،،،

الأب/ مش أصلى فى المسجد، ، يلا يا بنات إللى تنفع تدى ربها حقة تتوضآ

جابر/ جايز حد من البنات مغصوب على الصلاة ثم نظر لداليا 

فهم الأب كلام أبنه / لا حوله ولا قوة إلا بالله العلي العظيم ،،عايز تصلى فى الجامع أتكل على الله 

البنات رفضوا يصلوا بحجة لديهم ظروف   ،،،،لكن حقيقة الأمر لا يردون الوقوف بجوار داليا فى صف واحد فكذبوا ،  

أقام الأب الصلاه وكان الإمام وخلفة أبنه جابر،،، وفى الصف الأخير الأم وداليا  

_________

أنتهت الصلاة ،،والبنات يغلون من داليا ،،  

وضعوا الطعام كانت داليا تأكل وشها فى طبقها من عيون أولاد الراجل المسلطه عليها 

الأب/ خدى منابك يا داليا 

داليا/ حضرتك أديتنى لحمة

الأب بحنان/ خدى حتة الفرخة دى منى 

داليا/ كتير يا عمى الحاج

الأب/ نوليها يا حاجة مش طايل

داليا/ شكرآ

الأب/ بألف هنا 

حاولت البنات يرمون كلام على داليا لكن الأب كان واقف ليهم بالمرصاد ،،،شعرت داليا بتقلصات ب بطنها  تحملت على نفسها 

انتهت وجبة الغداء الصعبة وساعدت داليا فى لم السفرة منعتها البنات بحجة أنتى ضيفة كانوا يقصدوا هذا حتى تغادر 

_________

فى المساء ذهبت البنات لمنازلهم بأولادهم ثم أقترح الأب سهرايه حلوة على السطح الذى يعد فى الدور الخامس 

جريت داليا وألتقطت زجاجة الماية المثلجة وطبق الفاكهة عن الست الكبيرة ،،،وصعدوا للسطح 

تعالوا نوصف المكان 

واسع ونظيف وبية حوض وحنفية وغرفة من الطوب بيها أشياء سوف نعرف ماهى الأن ،،

كنس الأب السطح من التراب ألتقطت داليا منه المقشه رغم تعب بطنها وكنست هى 

ثم فتحت الغرفة التى قال لها عليها الراجل الكبير أو الأب وجلبت حصيرة كبيرة وفردتها على الأرض ،،وأحضرت مخدات يجلسون عليها 

بدأ الأب يحضر قصعه وبعض الخشب و عمل رقيه نار🔥  

 أتجهت  الحاجة لغسل  صنية الشاى والكوبيات والبراد فى الحوض ،،ذهبت ليها داليا وفعلت هذا بدلآ عنها ،،ثم أعطتها للحاج الذى جهز براد الشاى ووضعة على رقية النار 

الحاج/ أكلتى قبل كدة بصل مشوى

داليا/ باكلة فى الشوربه مسلوق 

الحاج/ أدخلى فى الأوضة وهاتى من الشيكارة كام بصلة كبار حلوين وتعالى ،،،،،وبدأ هو يشويهم على النار جنب براد الشاى

كل هذا وجابر متابع داليا ومعاملة والديه ليها فهى قليله الكلام هل هذا طبعها أم خداع ،

الأب/ قشرى البصلة ودوقى

داليا/ امممم تسلم إيدك يا عمى 

الأم/ الحاج أحسن واحد يشوى بصل و درة هههههههه

الأب/ نفسك فى الدرة مش عندى بكرة بأذن المولى أشوف حد زرعة وأجبلك يا أم جابر 

الأم/ تعيش يا حاج

الأب/ خد يا متر بصلة ولا كبرت عليها

جابر/ من إيدك حلوة يا حاج 

أعطى الأب  الشاى لزوجتة وجابر فداليا لا تحب هذا النوع من  الشاى، ،،وجابر لم يعلق يعتقد أبوة نساها 

الأب/ أحكيلك بقا البيت دة حكايتة إيه

جابر/ وأيه لازمته الكلام 

الأم/ محدش غريب 

الأب جلس براحة أكثر وسند مرفقة على المخدة  ونظر أمامه وقال/ على رأيك يا حاجة ،،،أسمعى يا داليا يا بنتى 

جابر بضيق / عن أذنكم نازل أريح شوية 

الأب بحدة/ أقعد معانا الشقق حر ،،تنفس جابر بضيق وهو ينظر لداليا بغيظ مين هى لتسمع حكاوي أبوة ،،،،،فقال الأب:- الست إللى قدامك دى شافت معايا كتير وصبرت أتجوزتها فى أوضة فى بيت عيلة عارفة يعنى إيه وهنا فى الفلاحين ،،،، هزت داليا رأسها بنفى ،،،،فقال هو:- يعنى ملهاش حاجة فى البيت حتى أوضتها  لو أنا جبتلها ربع كيلو هريسة شوفى ربع كيلو لازم أجيب للبيت كلة يدوق منه الكبير قبل الصغير ،،،مش من حقها تقول تعبانة تصحى من قبل الفجر تجهز مع حريم البيت سليفها وحماتها الأكل مفيش حاجة أسمها لجوزى ولبيتى لا كلة لبيت وعيال ورجالة الدار وست الدار واحدة بس هى حماتها  من ساعة م تفتح عينها لا حد أصغر عيل ينام فى الدار هى صاحية ملهاش كلمة أنا بختصلك ،،،،،،

برا أوضتنا هى غريبة عنى ممنوع الضحكة والهمسة معاها وهى مراتى ،،،،،

جوا الأوضة دى مملكتنا الحياة مكنتش مرتاحة كدة الأكل بمواعيده فاتك الفطار تستنى الغدا فاتك الغدا تستنى العشا مفيش ذى دلوقتى ،،المهم علشان من أوجع راسك بالكلام ،،،،خلفت عيالى التلاتة فى الأوضة وكنت براعى ربنا فى مراتى،،،،

 أمى جات عليها كتيييير أووى مكنتش أقدر أقول لامى أنتى غلط،،، عيب ممنوع ،،،جوا اوضتنا أراضي مراتى وأطيب خاطرها وتنام لاموخذة فى حضنى رايقة وصافية عارفة لية علشان مراتى ملزومة منى تبقا مطحونة طول اليوم فى الدار من كنس وطبيخ وخبيز وتنظيف تحت البهايم وخدمة الدار وأخر الليل عروسه ليا ،، المهم مستحملتش الوضع كنت عايز أعلم عيالى والبيت ممنوع فية العلام مصاريف ملهاش لازمه 

داليا / أنت أبوهم بتصرف عليهم البيت ملوش دعوة 

الراجل/ مفيش حد معاة فلوس غير أبوياااااا 

كلة يشقى ويقبض ويرمى فى حجر أبويا قبل م يدخل أوضتة ، لو عايز أشترى حباية طوفى لحد من عيالى لازم أخد فلوس من أبويا أجيب لعيال الدار كلها ،المهم ،أبويا مات وأمى طبعها اتكسر شوية ومرضت من حزنها على أبويا ،،خدت الجراءة وفصلت عن بيت العيلة إللى ممنوع فية واحدة تغضب وتروح لأهلها راحت تطلق على طول ،،ممنوع تريح وسط النهار فى أوضتها ملهاش راحة، ،، خدت ورثى من أبويا أخواتى أدونى ملاليم عقاب ليا علشان طلبت من الأخر كلوا حقى كان ليا ألفين جنية حقى زمان كأنهم ٢٠٠ ألف جنية عارفة أدونى كام 

داليا/ كام 

الراجل/ ٢٠٠ جنية كان مبلغ برضو بس لواحد عايز يشترى أرض ويبنى ويستقر مش حاجة ،،ربنا كرمني بحتة الأرض دى أشترتها ١٥٠ جنية تخيلى مكان البيت دة ،،وبنيت عشة خوص ذى بتاعة الأرض وعيشت فيها مراتى خلتها جنة واشتغلت أُجرى عند الناس وأنا صاحب ملك فى البلد دى حاجة صعبه  ،،،،الحاجة بقا صبرت و واحدة واحدة عيشنا فى أصعب ظروف وسط الفيران والتعابين والكلاب وفى عز الشتا الماية نازلة علينا  المنطقة كانت بعيدة عن قليوب وفى حتة مقطوعة مش ذى دلوقتى  وكانت هى صابرة ،سنة تجر سنة من حمد ربة على عيشته رضاه ربه ونصفة، ،حماتى هدت بنتها بجوز بط ناكله ،، الحاجة رفضت وربته وكان أول مرة نربى طيور لوحدينا جوز البط دول فاتحة الخير علينا ربنا رزقنا من وراهم بشوية بط  تاجرت فية والحاجة تحوش الفلوس  بنيت العشة فى الأرض الزراعية دى ونقلنا هناك لحد ما بنيت البيت مسلح كان ذى الشقة بتاعة مصر بس فى الأرض ورجعنا تانى للبيت كمية الفرحة متتوصفش كفاية أربع حيطان بتوعك محمية من الشمس والمطر وقطاع الطريق  ربنا كرمني أكتر وبقيت تاجر طيور لمواشى كبير معروف فى قليوب وأمى ماتت وأتورثت فيها وخدت نصيبى فيها  واشتريت الأرض الزراعية برا قليوب على الطريق إللى قبلت فيه،،،، أنا فلاح والفلاح يحب الزراعة والطين،،، علمت عيالى ودخلوا كليات وأتجوزا هنا فى قليوب معدا جابر محامى فى القاهرة ومش متجوز أبنى بقا    ربنا نصفنى فيه وبار بيا أنا وأمة الحمد لله الحال مشى معايا وجهزت البيت دة ووسعتة لحد ١٥٠ متر وعملت لكل واحد من عيالى شقة جاهزة على السكن محدش ضامن الظروف لو الدنيا مالت عليهم والحمد لله أبنى مش ياكل  حق أخواته البنات بعدى

داليا/ ربنا يبارك فى عمر حضرتك ،،،،أنت أب مشرف مش ذى إللى عندى جاحد

الأب/ حرام تغلطى فى أبوكى وأمك أدعلهم بالهداية  ،،المهم فهمتي قصدى كل واحد يتعب فى حياتة والنهاية مع الإيمان وقوة العزيمة يرتاح ،،صعب ترتاح فى شبابك وتتهان فى شيبتك، ،أنما لو خدت من الدنيا الوحش كلة بصحتك فى شبابك ترتاح فى عجزك، ،أن بعد العسر يسر 

داليا / فهمت قصدك يارب فك كربى

الأم/ كفاية كدة يا أبو جابر الناموس بهدلنا ،،يلا يا بنتى ننام أن شاء الله تبات ناااار تصبح رماااد أنتى أحسن من غيرك 

داليا/ فى أصعب منى 

الأب/ كتير ولوحدهم فى الدنيا  يمكن ظروفك جنبهم رحمة 

داليا/ الحمد لله 

الأب/ يلا ننزل ننام 

نزلوا جميعآ لغرفهم وأغلقت داليا الباب ولم تغلقة بالمفتاح أو الترباس لشعورها بالأمان، ،ثم خلعت حجابها وتسطحت على السرير تناجى ربها يفك الكرب شعرت بتقلصات بالمعدة  حاولت تتحمل وسمعت ما زال أحد صاحى تريد الدخول للحمام لتتقئ صعب حد يشيل همها فتحت الشباك الذى يطل على الخلاء وتقيات فى صمت جاهدة على عدم إصدار صوت ثم رمت نفسها على السرير تعبانة وحاله إعياء شديدة وعلى لسانها يارب 

بقلم نجلاءفتحى عاشقةالكلمات 

_____________

(فى ظهر اليوم التالى )

الأب/ شوفى داليا مش صحيت ودة مش طبعها

جابر/ أكل ومرعى وقلة صنعة

الأب بحدة/ أسكت 

دخلت الأم وصرخت / ألحقنى يا أبو جابر البت ذى اللمونه وعرقانة وقاطعه النفس 

جرى جابر قبل أبوة وحملها من الأرض للسرير وحاول يفوقها فشل

الأب/ رايح أجيب الصيدلى 

جابر/ وتقوله إيه 

الأب بحدة/ قريبتنا  ولا أسيبها تموت 

بعد وقت قال الصيدلى/ بصراحة مش عارف ضغطها وسكرها واطى ممكن أنيميا أو أو 

الحاج/ أو إيه

الصيدلى/ لو متجوزة تبقا حامل ،، لو بنت تكشف ممكن انيميا أو حادث عرضى مش خطر 

الحاج/ هى متجوزة 

الصيدلى/ للأمانه الطبية لازم تكشف يا  أبو جابر 

جابر/ تعبناك معانا يا دكتور 

الطبيب/ تعبكم راحة يا متر بعد أذنكم 

هرش جابر فى طرف أنفة/ وبعدين متأكد من حكايه جوازها دى عندى قواضى بالكوم فى المكتب إثبات نسب

 تسرب الشيطان لعقل الأب وسكت عن الرد 

نظر جابر لداليا النائمة ولشعرها الأسود الذى يراة لأول مرة جميلة لكنه أنب نفسة كيف نسى يغطى شعرها أمام الطبيب وهى محجبة لكنة تذكر هى زوجة بلطجى وواقفة على نصبة شاى كما قالت،،فأقنع نفسة واحدة مثلها لا تفرق معها تلتزم بالحجاب أم لا 

_________

جابر/ أمى حولى تفوقى البت دى بأى طريقة لازم أكشف عليها جايز حامل ولا غلطت مع حد ولا هربانة من أهلها بحاجة تانية أنا راجل قانون عواطفكم دى القانون ميعرفهاش 

الأم/ كلمنى عدل يا بنى مش فاهمة

جابر/ لو ثبت عملة جريمة وأنتم تسترتوا عليها تتسجنوا  وأثبتوا وقتها  نيتكم خير صعب 

لطمت الأم/ مش عيزاها فى بيتى يا أبو جابر لو ليا خاطر عندك

الأب بتوهان/ أغماء عادى خلاص خلتوها حامل فى الحرام وهربانة وكمان ندخل السجن 

جابر بعصبية/ بلاااااااااااش العاطفة والمثالية الذيادة دى، ،،،تودي فى داهيةةةةةةة

الأب بصدمه/ بتعلى صوتك على أبوك يا جابر بعد م كبرتك وصرفت عليك وبقيت متر قد الدنيا تهين أبوك

جابر بندم/ حقك عليا يا حاج من خوفى عليكم دة شغلى القاضى وقتها  يحكم  بالقانون والشهود والورق ،،،مفيش حكم باللين ولا القلب مفيش عواطف فى شغلنا

الأب/ فى رحمه ربنا ،،عداله السماء ، كرم ربنا هو إللى بيعامل بالنيات 

جابر/ حقك عليك،،، يارب أموت دلوقتى لو لسة زعلان منى

الأب بتسرع/ بعد الشر عنك وعن أمك وأخواتك البنات ،،،،خلاص مش زعلان وتانى مرة لو حسك عالى عليا مش أسامحك تانى 

جابر / مش تتكرر أوعدك 

_______

لسوء الحظ فاقت داليا وسمعت الحديث لا تريد الحمل ،، كانت سبب خلاف بين الراجل الطيب وأبنه هى صادقة بكل كلمة وما أثباتها ،،فتحت باب الغرفة وقالت:- أسفة تعبتكم معايا شكرآ يا عمى الحاج أنا ماشيه وتأكد كل كلمة منى صح لو طلعت حامل بجد جوزى أسمه رضا فى منطقة ******* وعيشت فى بيته أزيد من سنه والناس عارفة هناك كدة وعارفة حكاية أمى وأبويا وعنوان أمى فى منطقة ******** أنا كنت زمانى طالبة جامعية أسمى متسجل وملحقتش أروح ولا يوم عن أذنكم 

صرخت الأم وهنا العاطفة تتحدث فهى لديها مثلها/ رايحة فين السعادى أنتى تعبانة

نظر ليهم الأب بعتاب فقد أتهموا داليا بعرضها وشرفها ،،،،،،  ثم حاوط داليا بحنان أب وأدخلها غرفتها وحاول يهديها 

جابر حفظ العناوين فى ذاكرته وعلى الفور أتصل بالمساعد تبعة فى المكتب فى القاهرة وأعطى لة أسم داليا بالكامل و عنوان أمها وأبوها ويتأكد من صحة جوازها وكلامها ،،،لم يأتى له نوم تلك الليلة 

__________

مر يومين كانت داليا تعبانة لدرجة مش قادرة تنهض من السرير،   وجابر ملازم أبوة كيف يتركة فى هذة البلوة وأخواته البنات تركوا بيوتهم وظلوا معهم غيرانين على أمهم وأبوهم من داليا وخايفين عليهم تأذيهم ،،،

رن جوال جابر برسالة على الواتس فقال بربية/ البت حامل نتيجة التحليل طلعت والمعمل بعتها ،،

البنات نظروا لبعض/ أكيد فى الحرام،،،، أبن حرام يا أبويا ،،،،،،أطردها الفاجرة دى 

الأب بحدة/ أسكتى كل واحدة على بيتها وعيالها البيت دة بيتى داليا فى حمايتى 

أحد البنات/ بتطردنا علشانها لااااااااا أحنا إللى جواااااا وهى إللى برااااااا بتاعة الرجالة دى 

الأب بأنفعال/ أستنوا محدش يدخلها الأوضة البت تعبانة أقفوا عندكم

قطع حديثهم مكالمة الشخص الذى يأتى بمعلومات عن داليا 

الأب/ عالى السماعة خلينا نسمع 

المتحدث/ فعلا فى بنت أسمها كدة رغم سمعه أبوها وظروف معيشتهم محافظة على نفسها وطيبة والمفروض فى أولى جامعة  كلية الطب  أسمها متسجل هناك ،،،وأمها فى نفس عنوان المنطقة 

الأب بلهفة/ متجوزة متجوزة 

المتحدث/ أيوة من واحد أسمه رضا ومتجوز قبليها اتنين والناس أستحقرت أبوها أزاى يجوزها لواحد ذى دة من غير فرح ولا إشهار فجأة أختفت وفجأه ظهرت واقفة على ناصبه شاى وجوزها البلطجى رضا ،،،،وبعد محادثة طويلة عريضة كل كلمة قالتها داليا صح لن تكذب بل هى ضحية ومجنى عليها وليس جانى مطلوب للعدالة 

الأب/ صدقت الراجل تبعك وجاب معلومات ،،،،، البت بريئة ومتجوزة 

جابر/ مكملتش السن 

الأب/ كفايه بقاااااا جايز ذى عندنا عرفى ولما تكمل السن تكتب رسمى لازم تعتذر ليها يا جابر 

أحد البنات/ أخويا ميعتذرش لواحدة من الشارع

الأب/لسة مصممة من الشارع 

الفتاة الآخرى/ كل دة والهانم نايمة لو ميت زمانه صحى من كلامنا وجريت لغرفتها وفتحتها وقالت/ ألحق يا جاااااابر البت سرقتنا وطفشت الحرامية دى 

                       الفصل التاسع من هنا

لقراءة باقي الفصول اضغط هنا