رواية التضحية بالحب الفصل الثاني والاربعون42 بقلم اروي عادل
اليوم التالى
قسم الشرطة
مكتب الرائد حمدى
~~~~~~~•••••••
بدأت التحقيقات و الاستجوابات
فى حضور مراد
أول استجواب كان نصيب تمارا التى قالت كل ما حدث معاها بالتفاصيل
بقلم٠أروى٠عادل
حمدى ٠٠٠ يعنى انتى ما اخدتش بالك ان إللى بتتكلم معاكى مش ياره أختك
تمارا ٠٠٠ لاء ..هى أول ما قالتلى انها عامله حادثه انا اتخضيت حتى ما أنتبهتش من أن طريقة كلامها مختلفه عن ياره
مراد ٠٠٠ تمارا تقدرى تقوليلى الاتصال ده كان امتى بالظبط
تمارا ٠٠٠ كان بعد الضهر على طول
مراد ٠٠٠ بس انا عايز الوقت بالظبط بالدقايق و الثوانى
تمارا ٠٠٠ ممكن تشوفه على التليفون
حمدى ٠٠٠ تليفونك هنا صح
تمارا ٠٠٠ أيوه اخدوا منى ساعة القبض عليا
هنا بعت حمدى إحد العساكر ليجلب هاتف تمارا من الأمانات
هنا نظره مراد ل تمارا نظره يبعث فيها الاطمئنان..بينما لاحظ حمدى نظرات مراد
ل تمارا و العكس
مراد ٠٠٠ تمارا البواب قال فى التحقيق انك انتى كنتى بتترددى على العماره كتير صح الكلام ده
تمارا ٠٠٠ لاء ما انت عارف انا أول مره اروح العمارة دى
حمدى ٠٠٠ استنوا بقى يعنى ايه هو عارف
واضح ان فى حاجة بينكم انا مش فاهمها
مراد ٠٠٠ تمارا تعتبر خطيبتى
أتصدمت تمارا عندما وصفها مراد بأنها خطبته لم يكن حمدى اقل صدمة من تمارا عندما قال بدهشه
بقلم٠أروى٠عادل
حمدى ٠٠٠ خطبتك ازاى يعنى انا عارف انك كنت خاطب بنت خالتك
مراد ٠٠٠ أهو انت قولت كنت .مافيش حاجة بتفضل على حالها
حمدى ٠٠٠ عشان كده طلبت شهادتك فى القضية
مراد ٠٠٠ لاء عشان حاجة تانى
حمدى ٠٠٠ أيه الحاجة دى
مراد ٠٠٠ من حاولى أسبوع و بالظبط يوم خطوبة أخوات تمارا.. وهناك تمارا قابلة عصام و حصل خناقة بينهم و عصام ساعتها هدد تمارا انها هتكون ليه برضاها او غصب عنها
حمدى ٠٠٠ فى شهود على الكلام ده
مراد ٠٠٠ حور اختى و ملك بنت عمى شافوا عصام وهو بيهدد تمارا و كمان كان بيحاول يخطفها .. انا كمان معايا تسجيل الكاميرات إللى كانت . بره القاعة و متسجل كل حاجة
هنا فتح مراد هاتفه ليشاهد حمدى تسجيل
ما حدث بين تمارا و عصام خارج القاعة
مراد ٠٠٠ هو صحيح الصوت مش واضح بس واضخ أوى انها كانت بتتخانق معاه انه كان عايز يخدها معاه بالقوة
حمدى ٠٠٠ الفيديو ده هيغير مفاهيم كتير فى القضية
مراد ٠٠٠ طبعآ .. منين بقول انها مراته من اكتر من شهر و منين كان عايز يخطفها
نظر حمدى ل تمارا وقال
بقلم٠أروى٠عادل
حمدى ٠٠٠ طيب وانتى ليه مقولتيش على كلام ده قبل كده ليه
تمارا ٠٠٠ ماكنش عندى فرصه انى اقول حاجة الكل كان مصدق انى واحده مش كويسة و حضرتك كنت موجود و شوفت إللى حصل
مراد ٠٠٠ وفى حاجة كمان حصلت اليوم ده
حمدى ٠٠٠ حصل ايه
تمارا ٠٠٠ عصام يومها هددنى لو خرجت من بيتى أنه هيشوه وشى بمية نار ساعتها انا
ما أهتمتش بتهديده.. تانى يوم كنت خارجه رايحه الشغل عادى لاقيت اتنين على موتوسيكل راموا على وشى مبيد حشرى و جريوا ساعتها انا كنت فاكره انها ميه نار
بس بعدها عصام بعتلى رساله بيهددنى فيها انى لو اتكلمت أو خرجت من البيت تانى هيأذى اخواتى و ماما
حمدى ٠٠٠ عندك ما يثبت كلامك
تمارا ٠٠٠ اه الرساله لسه موجوده على تليفونى
مراد ٠٠٠ و كمان تسجيل الكاميرا إللى قدام العمارة إللى فيها بيت تمارا مسجل عليها كل حاجة . كمان ملك بنت عمى كانت موجودها ساعتها
حمدى ٠٠٠ تمام هبعت اجيب التسجيل
مراد ٠٠٠ بعد الحادثه دى انا كنت خايف على تمارا أوى عشان كده انا كلفت مخبر خاص عشان يلازم تمارا يعنى زى الحارس شخصى يتابعها ..و عشان يبقى عينه علي تمارا
يبقى وراها فى كل حته تروح فيها
و هو أسامة عبدالعال
حمدى ٠٠٠ الكلام ده ايه علاقته بالقضية
مراد ٠٠٠ له علاقة طبعآ تمارا ماكنتش بتخرج من البيت ده حسب كلام الحارس ..يبقى ازاى و البواب بيقول انها كانت بتيجى كل يوم العماره
حمدى ٠٠٠ اه فهمتك
هنا جاء العساكر وهى معاه هاتف تمارا
و بعد ما شاف الرائد حمدى رسالة التهديد عصام .. ثم رآه الوقت الذى تم إجراء المكالمة به. قال
حمدى ٠٠٠ اكتب يابنى المكالمة إللى بين تمارا و شقيقتها ياره . بدأت الساعة
١٢:٣٥:١٧ وانتهت ١٢:٣٩:٤٣ يوم الخميس
الموافق٠٠٠٠
ثم طلب من تمارا تنصرف و جاء الاستجواب الثانى و كان من نصيب أسامة عبد العال
بعد ما سأله حمدى عن بياناته قال
حمدى ٠٠٠ رائد مراد بيقول انه كلفك بحراسة تمارا محسن لاشين حصل
أسامة ٠٠٠ أيوه يا فندم حصل كلفنى بحراستها بس من غير ما تاخد بالها
حمدى ٠٠٠ طيب خلال فترة حراستك ليها كانت بتخرج امتى بترجع امتى
أسامة ٠٠٠ يا يا فندم هى ماكنتش بتخرج خالص يعنى انا فضلت أربع أيام واقف تحت بيتها قبل يوم القبض عليها و خلال الاربع ايام دول ماخرجتش غير مره واحده مع أخواتها وساعتها راحت قابلت مراد باشا
و كان معاه سيادة العقيد فؤاد ابو النجا
حمدى ٠٠٠ طيب يوم القبض عليها انت شوفتها لما خرجت
اسامة ٠٠٠ أيوه يافندم .. كنت باين عليها انه مخضوضة أو خايفه وقفت تاكسى و راحت على السوبر ماركت إلى جانب العمارة و سألت على العمارة رقم ١٦
حمدى ٠٠٠ سألت على العمارة يعنى هى ماكنتش تعرف المكان العمارة
أسامة ٠٠٠ يا فندم هى لو كنت تعرف مكان العمارة ماكنتش سألت عليها
حمدى ٠٠٠ و لما طلعت العمارة فضلت أد ايه فى العمارة
أسامة ٠٠٠ يعنى حوالى عشرين دقيقة كانت نازله مقبوض عليها
طيب امضى على أقوالك
بعد انصرف أسامة
جاء دور ياره
وبعد ما عرفت عن نفسها قال حمدى
بقلم٠أروى٠عادل
حمدى ٠٠٠ تمارا بتقول انك اتصلتى بيها وقولتى انك عملتى حادثه انك موجودة فى الشقة ( عنوان الشقة)
شعرت ياره بأرتباك لذلك قال مراد
مراد ٠٠٠ متخافيش قولى على حصل بالظبط
ياره ٠٠٠ أنا ما أتصلتش بيها فى حد أخد تليفونى و هو إللى اتصل بيها
حمدى ٠٠٠ أنتى كنتى فين يوم الخميس الموافق(٠٠٠) الساعة ١٢:٣٥
ياره ٠٠٠ كنت فى بيوتى سنتر و تقربيآ الوقت ده كنت فى الساونا
حمدى ٠٠٠ و تليفونك كان معاكى
ياره ٠٠٠ لاء انا سيبت تليفونى فى شنطتى بره الساونا
حمدى ٠٠٠ كنتى لوحدك ولا كان معاكى حد
ياره ٠٠٠ كانت معايا حور و مالك
حمدى ٠٠٠ أنتى شكه فى حد ممكن يكون اخد تليفونك واتصل بيه على اختك تمارا
ياره ٠٠٠ اه شروق
مراد ٠٠٠ فى تسجيل فيديو لازم تشوفو الأول
بعد ما شاهد حمدى الفيديو قال مراد
مراد ٠٠٠ البنت إللى ظاهره عندك فى الفيديو أسمها شروق معروف عنها انها بتقلد الأصوات.. و الساعة ١٢:٢٩:٢ دخلت الأوضة و اخدت تليفون ياره و بعد خمس دقيقه دخلت الاوضة تانى و رجعت تليفون ياره لمكانه ... لو قارنا الوقت ده بوقت المكالمة إللى تمارا قالت ان ياره اتصلت بيها فيه هيطلع نفس الوقت ..يعنى ساعتها التليفون كان مع شروق
حمدى ٠٠٠ كده يبقى كل حاجة تقريبآ بقت واضحه
طيب امضى على أقوالك
بعد ما انصرفت ياره أصبح الأستجواب التالى من نصيب حور
حمدى ٠٠٠ اتفضلى اقعدى
حور ٠٠٠ ( بأرتباك) متشكره
مراد ٠٠٠ مالك مرتبكه ليه
حور ٠٠٠ يعنى اكيد لازم أرتبك وانت شايفنى كل يوم فى قسم شرطة
ابتسم الرائد حمدى وقال
بقلم٠أروى٠عادل
حمدى ٠٠٠ متخافيش انا هسألك سؤالين و هتمشى على طول
حور٠٠٠ اوكى تمام
حمدى ٠٠٠ ممكن أعرف علاقتك ايه بتمارا
حور ٠٠٠ تمارا بتشتغل ممرضة لحسام أخويا
واحنا كمان صحاب
حمدى ٠٠٠ طيب تعرفى ايه عن علاقتها بعصام
حور ٠٠٠ أنا أعرف ان كان فى مشاكل بينهم و كمان ان عصام ده كان عايز يتجوز تمارا غصب عنها ..
حمدى ٠٠٠ طيب ايه إللى حصل يوم خطوبة أخوات تمارا
حور ٠٠٠ يوم خطوية انا شوفت عصام و هو بيحاول يسحب تمارا لبره القاعة خالص كان عايز يخطفها
حمدى ٠٠٠ طيب تمارا كان رد فعلها
حور ٠٠٠ تمارا كانت بتصرخ و بتقاومه
ساعتها ان أدخلت اساعدها و كانت معايا ملك
حمدى ٠٠٠ ممكن تقوليلى هو قال ايه ليها بالظبط
حور ٠٠٠كان بيقول لها انها بتاعته برضاها او غصب عنها
حمدى ٠٠٠ أنتى كنتى فى البيوتى سنتر مع ياره
حور ٠٠٠ اه كنت معاه
حمدى ٠٠٠ طيب فى حاجة بين ياره و شروق تخلى شروق تأذى ياره او تمارا
حور٠٠٠ لاء مافيش حاجة بينهم اساسآ ياره دى كانت أول مره ليها تروح البيوتى سنتر
و أول مره تشوف شروق أصلآ
مراد ٠٠٠ أنتى قولتيلى انا شروق بتعرف تقلد الأصوات كويس أوى
حور ٠٠٠ اه . و كل إللى بيشتغلوا فى البيوتى سنتر . ومعظم الزبائن عارفين ان شروق شاطره فى تقليد الأصوات
ثم سألها حمدى بعد الاسئله أخرى
ثم بعدها استجوب ملك انتى قالت نفس كلام حور
هنا استدعى البواب
بعد ما قال بياناته قال له حمدى
حمدى٠٠٠ حسب أقوالك المره السابقة أن تمارا جات مع عصام يأجروا الشقة مع بعض
و انها عرفت عن نفسها انها زوجة عصام
البواب ٠٠٠ أيوه يا باشا حصل
مراد ٠٠٠ طيب ممكن تقولى الكلام ده كان امتى بالظبط
البواب ٠٠٠ من شهر كده
مراد ٠٠٠( بسخرية) يا راجل مع انك فى التحقيق الأول قولت من اكتر من شهر بعد اربع ايام بتقول شهر .. هى الايام بتقل كده ليه.. تصدق أنها الايام مابقاش فيها بركه
البواب ٠٠٠( بتوتر) معلش يا باشا انا اتلخبط شويه
هنا ناهض مراد من مكانه وهو يلف حول البواب مما جعل البواب يشعر بتوتر
بقلم٠أروى٠عادل
مراد ٠٠٠ لاء اسمالله عليك من الخبطه. بس بالله عليك ابقى خد بالك عشان ان مابحبش الغلط الكتير .. بينرفزنى
البواب ٠٠٠ حاضر يا باشا هاخد بالى
مراد ٠٠٠ طيب قولى بقى انت قولت ان تمارا كانت بتيجى كل يوم الشقه إللى فى العمارة
أأرتبك البواب من طريقة مراد فى الاستجواب
لذلك قال
البواب ٠٠٠ تمارا مين
مراد ٠٠٠ يا راجل هتزعلنى منك بقى مش عارف تمارا مين
البواب ٠٠٠( بأرتباك) اه صح تمارا معلش
يا باشا الواحد بقت الذاكره بتاعته ضعيفه
مراد٠٠٠ ياعم متقولش على نفسك كده
ده انت فاكر انها كانت بتيجى كل يوم العماره . وكمان فاكر انها كانت بتيجى من العصر و تمشى بعد العشا و تقول ذاكرتك ضعيف انت اكيد خايف من الحسد
كان مراد يستجوبه و هو مازال يلف حوله
مما جعل البواب يشعر بالتوتر و الأرتباك
لذلك قال البواب
البواب ٠٠٠ هو فى حاجة يا باشا هو انا متهم بحاجة
هنا وضع مراد يده على كتف البواب مما جعل البواب يشعر بالخوف حين قال مراد بطريقة ارعبت البواب
مراد ٠٠٠ بصراحه اه ٠٠٠ انت متهم . و بص بقى انا واحد خلقى فى مناخيرى و مابحبش الكلام الكتيرى .بعيد عندك الكلام الكتير بيتعبنى ..هتيجى معايا سكة و دوغرى
كان بها ٠٠٠ هنلف و ندور على بعض يبقى انت إللى هتجيبو لنفسك
البواب ٠٠٠ ( برعب ) إللى انت عايزه يا باشا انا هعملو
مراد ٠٠٠ برافو عليك جدع .. قولى بقى انت ليه كدبت و قولت انك عارف تمارا وأنها بتيجى العمارة على طول
البواب ٠٠٠ بس انا مكدبتش يا باشا دى حقيقه
هنا صاحت بها مراد هو يضرب بيده على سطح المكتب بقوة و يقول بغضب
بقلم٠أروى٠عادل
مراد ٠٠٠ حقيقة ايه يالا انت هتستعبط بروح امك .. انا عندى شهود هنا يقولوا ان تمارا ماخرجتش من بيتها بقالها أسبوع.. ايه كانت طالعه بدورين..بتروح العماره و فى نفس الوقت ماخرجتش من بيتها
هنا بلع ريقه بصعوبه و خوف ثم تاتأ برعب وهو يقول
البواب ٠٠٠ أنا.... أنا....
حمدى ٠٠٠ أنا أنا ايه اتكلم ..
مراد ٠٠٠ حظك الأسود ان قبل القبض عليها يوم .. والوقت إللى قولت انها كنت موجوده فى العمارة كانت معايا
هنا أتصدم البواب لذلك كمل مراد كلامه
مراد ٠٠٠ اه معايا انا عشان البنت إللى انت أتبليت عليها بتكون خطيبتى
تتطلع له البواب وهو يشعر بأن الدماء تنسحب من جميع جسدها .. هو عقله لا يستوعب بماذا ورط نفسه و انه ذهب فى داهيه دون محال لذلك قال بخوف
البواب ٠٠٠ أنا هقولك كل حاجة يا باشا
هنا جلس مراد وقال
مراد ٠٠٠ طيب قول يا راجل اطربنى
البواب ٠٠٠ من أسبوع كده جالى عصام دى كنت أول مره أشوفو وقالى انا عايز بأجر شقة رقم ١٦ أنا أستغربت لانه صمم على الشقة دى بالذات مع ان الشقة دى سمعتها مش أد كده .... بس انا قولت مش مهم المهم انه هيأجر الشقة بدل ماهى مركونه كده ..بس ساعة كتابة العقد طلب من حاجة غريبة
حمدى ٠٠٠ حاجة ايه دى
البواب ٠٠٠ أنه يكتب العقد بتاريخ قديم شويه ..و ساعتها دفع مبلغ كبير اوى انا اول ما شوفت الفلوس وفقت على طول
و ساعتها قالى انه متجوز عرفى و ورانى عقد الجواز .. بس بعدها بكام يوم ..بس قبل
ما البوليس يهجم على الشقة بيوم جه قالى
بقلم٠أروى٠عادل
((##فلاش بالك##))
عصام ٠٠٠ مساء الخير يا عمنا
البواب ٠٠٠ مساء الفل يا أستاذ
عصام ٠٠٠ أنا عايز اطلب منك خدمه كده
و هتاخد تمنها ٥٠ الف جينه
عينه لمعت بطمع
البواب ٠٠٠ أمورنى انا تحت أمرك
هنا طلع صوره ل تمارا وقال
عصام ٠٠٠ أنا عايزه تقول أن البنت إللى فى الصوره دى تبقى مراتى. و هى جات معايا وانا بأجر الشقه من شهر ..و كمان هتقول انها بتيجى ليا الشقه و خصوصآ الأسبوع ده كانت بتيجى كل يوم
البواب ٠٠٠ اقول ايه .. و اقول لمين لمؤاخذه
عصام ٠٠٠ للبوليس
البواب ٠٠٠ بوليس ايه يا أستاذ لا يفتح الله انت عايز تدوينى فى داهيه
عصام ٠٠٠ لا داهيه و لا حاجة ده هو استجواب بسيط هتقول الكلمتين إللى قولتلك عليهم ولا من شاف ولا من درى
و هتاخد ٥٠ الف جنية
البواب ٠٠٠ مين البت دى
عصام ٠٠٠ مراتى انا وهى متجوزين عرفى بس أهلها الله يسامحهم مش عايزين يعترفوا بجوزنا عشان كده انا بعمل كل ده
البواب ٠٠٠ لأ بردوا الموضوع صعب
عصام ٠٠٠ طيب أسمع بقى انت كده كده هتتأذى فى الحوار ده لأنك مأجر الشقة مفروش من وراه صاحب الشقة الحقيقى
كمان بتأجرها لأي اتنين و السلام المهم تاخد لفلوس
البواب ٠٠٠ أي اتنين ايه مش انت قولت انك معاك مراتك
عصام ٠٠٠ ساعتها هقول هى مش مراتى و انت إللى هتشيل قضية المهببة دى ..
البواب ٠٠٠ انت عايز منى بالظبط
عصام ٠٠٠ عايز اخليك تكسب ٥٠ الف جنية
البواب ٠٠٠ و افرض حصل فى الأمور أمور هعمل انا ايه
عصام ٠٠٠ متخافش مش هيحصل حاجة
و ٥٠ ألف هتاخدهم مقدمآ من دلوقتى كمان
بقلم٠أروى٠عادل
((##العوده من الفلاش##))
البواب ٠٠٠ الطمع عمانى و خلانى اعمل كده
مراد ٠٠٠ الطمع يخليك تفترى على سمعة بنت
البواب ٠٠٠ واللهى كنت فاكرها مراته.
حمدى ٠٠٠ اكتب يابنى أمرنا نحن أكتب أسمى بالكامل حبس ( اسمى البواب) أربع أيام على ذمة التحقيق
هنا بعد ما أمر العساكر بأخذ البواب طلب دخول شروق
بعد ما عرفت شروق عن نفسها قالت
شروق ٠٠٠ يا باشا انا مش عارفه انا هنا ليه .
انا معملتش حاجة
حمدى ٠٠٠ متستعجليش دلوقتى هتعرفى عملتى ايه قوليلى .تعرفى تمارا محسن لاشين
شروق ٠٠٠ لاء معرفش حد باسم ده
حمدى ٠٠٠ غريبه ولا تعرفى اختها ياره
شروق ٠٠٠ ياره مين دى
حمدى ٠٠٠ ولما انتى متعرفيش تمارا اتصلتى عليها ليه
شروق ٠٠٠ أنا ما أتصلتش على حد و تليفونى اهو يا باشا ممكن تشوفو
مراد ٠٠٠ سمعت انك بتعرفى تقلدى الأصوات حلو أوى ما تقلدى لينا دلوقتى اى حد خلينا نشوف موهبتك
شروق ٠٠٠ دى حاجة على أدى .. بعملها عشان اسلى بيها زباين البيوتى سنتر
مراد ٠٠٠ طيب ماتسمعينى حاجة ولا اقولك قلدي لى صوت ياره
توترت شروق من طريقة استجواب مراد الساخره
شروق ٠٠٠ ياره مين
مراد ٠٠٠ اه صح انا نسيت انك متعرفيش مين ياره.. طيب شوفى تسجيل الفيديو ده يمكن تفتكرى مين ياره
هنا شاهدت شروق فيديو لها وهى تفتح شنطتة ياره و تأخذ الهاتف منها ثم وخرجت بره الغرفة و بعد دقائق رجعت الهاتف مكانه
هنا بدأت ترتبك وهى تقول بتوتر
بقلم٠أروى٠عادل
شروق ٠٠٠ أنا عارفه انى غلطت ماكنش ينفع اعمل كده
مراد ٠٠٠ ماكنش ينفع تعملى ايه بقى
شروق ٠٠٠ أسرق.. انا لما شوفت تليفون الانسه ياره . بصراحة التليفون زغلل عينى
و سرقته من شنطتها .بس بعدها ضميرى أنبنى عشان كده روحت و رجعت التليفون فى شنطتها تانى
مراد ٠٠٠( بضحك) لا يا شيخ تليفون ياره إللى تمنه ٧ ألاف جنيه جذب انتبهك و
زغلل عينك و تليفون حور الأيفون إللى تمنه ٦٥ الف جنية ما زغللش عينك.. ولا حتى تليفون ملك ..طيب ازاى ده حتى بيقولوا ان سرقت اسرق جمل
لا تعرف شروق بماذا تجيب لقد حاصرها مراد بهذا السؤال فقالت بتأتأه
شروق ٠٠٠ ما.....ما....م
هنا قطع مراد عبارتها صائحآ بها بحده مما جعلها ترتجف مكانها
مراد ٠٠٠ أنتى هتمائمائى .. ما تنطقى
شروق ٠٠٠ أنا قولت لحضرتك إللى حصل
حمدى ٠٠٠ فى مكالمة من تليفون ياره على اختها تمارا .فى نفس الوقت إللى التليفون كان معاكى .. و ده معناه ان انتى إللى اتصلتى على تمارا
شروق ٠٠٠ بس انا ما أتصلتش على حد
مراد ٠٠٠ اسمعى يا بت انتى هتتكلمى هتتكلمى برضاكى أو غصب عنك .. انا ليا أساليب كتير تخليكى تتكلمى .. برغم انى مابحبش العنف بس انتى إللى هضطرينى اعمل كده
رجعت شروق للخلف بخوف وهى تقول برعب
شروق ٠٠٠ليه هو حضرتك هتعمل ايه يا باشا
مراد ٠٠٠ دلوقتى هتشوفى بعينك لو متكلمتيش مع انى ماكنتش حابب اعمل كده
بس أمرى لله
شروق ٠٠٠ ا أبوس ايدك انا ماليش دعوة ..انا واحده غلبانه واللهى ان..... .
بلعت باقى جملتها عندما صاح بها مراد بصوت مخيف بث الرعب بها مما جعلها تشعر برجفه قويه و رعب عارم سيطر عليها
مراد ٠٠٠ ده اخر تحذير ليكى و بعد لكده هنسى انك واحده ست و هتعامل معاكى بطريق هتخليكى تندمى على اليوم إللى اتولدتى فيه
ل
ه حمدى هو لا يفهم هل تهديد مراد لها حقيقى .. أما أنه مجرد تهديد من مراد ليجعلها تعترف .
بينما كان الرعب من مراد قد تمكن من شروق لذلك قالت هى ترتعش
شروق ٠٠٠ أنا هقول كل حاجة يا باشا و هعترف مين قالى اعمل كده