رواية التضحية بالحب الفصل الثالث والاربعون43 بقلم اروي عادل

مراد٠٠٠ اسمعى يا بت انتى هتتكلمى هتتكلمى برضاكى أو غصب عنك .. انا ليا أساليب كتير تخليكى تتكلمى .. برغم أنى مابحبش بس انتى إللى هضطرينى اعمل كده ٠٠

رجعت شروق للخلف بخوف وهى تقول برعب 

بقلم٠أروى٠عادل 

شروق ٠٠٠ ليه هو حضرتك هتعمل ايه يا باشا

مراد ٠٠٠ دلوقتى هتشوفى بعينك لو متكلمتيش ...مع انى ماكنتش حابب اعمل كده

شروق ٠٠٠ابوس ايدك يا باشا انا ماليش دعوة.. ده انا واحدة غلبانه واللهى ان...... 

بلعت باقى جملتها عندما صاح بها مراد بصوت مخيف بث الرعب بها ..مما جعلها تشعر برجفه قويه و رعب عارم سيطر عليها

مراد ٠٠٠ ده اخر تحذير ليكى وبعد كده هنسى انك واحده ست. وهتعامل معاكى بطريقة تخليكى تندمى على اليوم إللى اتولدتى فيه

هنا نظره له حمدى وهو لا يفهم هل تهديد مراد لها حقيقى .اما هو مجرد تهديد من مراد ليجعلها تعترف 

بينما كان الرعب من مراد قد تمكن من شروق لذلك قالت هى ترتعش

بقلم٠أروى٠عادل 

شروق ٠٠٠أنا هقولك على كل حاجة يا باشا  و هعترف مين قالى اعمل كده 

مراد ٠٠٠ أنا كنت عارف انك عاقله مش هتتعبينى. اتفضلى قولى 

شروق ٠٠٠ عصام يا باشا هو إللى قالى اعمل كده

حمدى ٠٠٠ طلب منك ايه بالظبط

شروق ٠٠٠ ( كاذبة) اتصل عليا و قالى ان فى واحده اسمها ياره عندنا فى البيوتى سنتر..و طلب منى اخد تليفونها و اتصل من تليفونها على اختها تمارا و اقول لها أن اختها عملت حادثة .. وأنها موجوده فى الشقة دلوقتى .بعد كده أديتها عنوان الشقة

مراد ٠٠٠ ( بغضب) انتى عارفه إللى عملتى كانت نتيجتة ايه . اقسم بالله لا أدفعك تمن إللى عملتيه ده غالى اوى

شروق ٠٠٠ ( بخوف) انا اسفه والله ما كنت اعرف ان الموضوع كبير كده .. انا كنت فاكره انه بيعمل فيها مقلب عادى يعنى

مراد ٠٠٠ عادى . تجيبى بنت شقة مشبوه.. و تقوليلى انك كنتى فاكره مقلب عادى.. هو شرف البنت و سمعتها بقى لعبه بالنسبالكم 

شروق ٠٠٠ واللهى عصام تضحك عليا و قالى ان تمارا دى تبقى مراته و انا صدقته

مراد ٠٠٠ (بغضب) و آنا مش مصدق كلامك ده

حمدى ٠٠٠ اهدى يا مراد مش كده

مسح مراد بيده على وجهه فى محاوله منه لتهدئت نفسه

بينما طلب حمدى من العسكرى التحفظ على شروق لحين الانتهاء من التحقيق مع عصام

أول ما دخل عصام رمقه مراد بنظره حاده غاضبه

بعد ما وجهه الرائد حمدى عصام بأعترافات البواب و شروق و ايضآ شهادة كل من حور و ملك و أسامة . 

عصام ٠٠٠ تمارا دى بتاعتى انا من وهى عيله صغيره . و هتفضل بتاعتى لحد ما تموت 

كان مراد بيحاول يسيطر على غضبه لكن كلام عصام جعلها بفقد أعصابه 

لذلك اندفع مراد اتجاه عصام و لكمه عدد لكمات مما جعل عصام ينزف من فمه و أنفه 

بينما تدخل حمدى ليعبد مراد عن عصام 

هنا شعر مراد أن ظل أكثر فى غرفة التحقيق سوفه يفتك بعصام أو يقوم بقتله 

لذلك قال مراد 

مراد ٠٠٠ أنا طالع بره .. بعد ما تخلص تحقيق مع الحيوان ده نادينى 

بعد ما انتهى حمدى من التحقيق و قال له التهم المنسوبة إليه. ثم قال حمدى

حمدى ٠٠٠ اكتب يابنى امرنا نحن الرائد حمدى...... بحبس عصام فتحى ابو العينين ١٥ يوم على ذمة التحقيق مع مراعاة التجدد فى ساعته و تاريخه.... كما أمرنا بحبس شروق عبد.... ٤ ايام على ذمة التحقيق 

كما أمرنا بالأفراج على تمارا محسن سالم لاشين ..بدون ضمان 

بقلم٠أروى٠عادل 

🕳🕳🕳🕳🕳🕳🕳🕳🕳🕳🕳🕳🕳

منزل ميرفت 

~~~~~~~~

ميرفت ٠٠٠ حمدالله على السلامه يا حبيبتى انا مش مصدقه ان الكابوس ده عدى على خير 

نرمين٠٠٠ الحمدالله ربنا كريم كان لازم يظهر الحق

اسلام ٠٠٠ ده إللى أسمه عصام ده طلع مصيبة كان مخطط كل حاجة بالمسطرة

حور ٠٠٠ بس على مين مراد كشف كل حاجة 

ياره ٠٠٠ اهو غار فى داهية

أسلام ٠٠٠ مراد هو هيتحبس أد ايه فيها الحوار ده

مراد ٠٠٠ من سنه لتلات سنين 

حاتم ٠٠٠ بس مش قليل أوى على إللى هو عمله

فؤاد ٠٠٠هو ده القانون . و الحمدالله احنا قدرنا نلم الموضوع مافيش حد عرف حاجة

كانت تمارا ساكته شاردة فيما حدث لها 

لكن فجأة صاحت وقالت ببكاء مرير 

تمارا ٠٠٠ يعنى ايه هو ده القانون..طيب بهدلتى و كرامتى إللى أنداست عليها بالجزمة و أهانتى ..هو صحيح محدتش عرف حاجة بس انا اتكسرت قدام نفسى ..انا ما استهلش يحصل فيا كده ... واللهى ما استاهل اللى بيحصل فيا ده

قالت تمارا ما قالته ثم انصرفت على غرفتها

بينما ظلوا الجميعآ صامتين وهم ينظرون

ل تمارا بحزن على حالها 

بينما أغلق مراد عينه بألم هو يشعر بغصه قوية تعتصر قلبه على حال الذى وصلت إليه تمارا وكل ما كان يريده فى ذلك الوقت هو أن يضمها إليه ليخبئها عن هذا العالم الظالم على محبوبته

بينما ذهبت خلفها ياره و سلمى

هنا قالت نرمين

بقلم٠أروى٠عادل 

نرمين ٠٠٠ تمارا عندها حق بصراحه الولد إللى عمل فيها كده لازم ياخد جزاءة على إللى عملو فيها

أسلام ٠٠٠ ماهو اكيد هيتسجن 

ميرفت ٠٠٠ مش كفايه انا مش هيكفينى فى الموت على إللى عمله فى بنتى

فؤاد ٠٠٠ هو هيتحاسب على إللى عمله .. بس المهم دلوقتى تمارا انا خايف عليها بجد .الموضوع ماكنش سهل عليها

حاتم ٠٠٠ اه الله يكون فى عونها .. صعب أوى إللى حصل معاها 

هنا قال مراد بدون مقدمات

مراد ٠٠٠ طنط ميرفت انا بتقدم اطلب تمارا للجواز 

هنا الصدمة الجميع 

بقلم٠أروى٠عادل 

ميرفت ٠٠٠ انت بتقول أيه 

مراد ٠٠٠ إللى حضرتك سمعتي انا بتقدم ل تمارا دلوقتى 

ميرفت ٠٠٠ مراد انا مقدره إللى عملته مع تمارا من غيرك كانت تمارا زمانها لابسه القضية دعارة و كان مستقبلها انتهى .. انا هفضل شايله جميلك ده العمر كله ..بس برغم كده انا مقدرش أوافق على حاجة زى كده

فؤاد ٠٠٠ ليه يا ميرفت مراد بيحبها

ميرفت ٠٠٠ بس انا مش قادره انسى انه كسر قلبها . و اتخلى عنها 

فؤاد ٠٠٠ بس مراد عمل كده غصب عنه .وانتى عارفه هو عمل كده ليه.. بعدين اذا كان انتى قدرتى تنسى و سامحتينى انا بعد إللى عملته معاكى ..لية مش قادره تنسى إللى عمله مراد مع تمارا 

ميرفت ٠٠٠ بس ده راح خطب بنت خالته قدام تمارا ... و بعدين صح انت مش خاطب. عايز تتجوز تمارا ازاى وانت لسه خاطب

مراد ٠٠٠ أنا خلاص هسيبها

نرمين ٠٠٠ معلش انا هدخل لانى بعتبر مراد زى أسلام بالظبط ... ميرفت انا لسه عارفه من كان يوم ان مراد بيحب تمارا .. و انا شايفه لو الولاد بيحبوا بعض احنا مالناش ندخل لان فى النهاية دى حياتهم

فؤاد٠٠٠ انا كمان رأى من رأيك.. فى النهاية دى حياتهم

ميرفت ٠٠٠ يعنى اطلع منها انا

حاتم ٠٠٠ ماحدش قال كده ياخالتى بس من حق تمارا هى إللى تقرر توافق أو لاء

أسلام ٠٠٠ صح يا طنط ميرفت.. خدى رأى تمارا و بعد كده قررى 

لان ميرفت عارفه رأى تمارا قالت 

ميرفت ٠٠٠ خلاص يظبط دنيته الأول بعد كده ابقى اشوف رأى تمارا

مراد ٠٠٠ أنا بالنسبالى موضوع هايدى منتهى

بس المشكلة فى حسام محتاج بس وقت عشان اتكلم معاه و افهمو الموضوع يراحه

ميرفت ٠٠٠ خد وقتك براحتك

فؤاد ٠٠٠ بس خلينا نعرف رأى تمارا بردوا حتى على الأقل يكون له حافز عشان يواجه اى حد

نرمين ٠٠٠ وافقى يا ميرفت بالله عليكى

خلى الولاد يفرحوا

هنا نظرت ميرفت لحور و ملك وقالت 

ميرفت ٠٠٠ روحوا اسألوا تمارا عن رأيها

.لو انى عارفه رايها 

🕳🕳🕳🕳🕳🕳🕳🕳🕳

غرفة

~~~~~~~

طرقت حور الباب وقالت

حور ٠٠٠ ممكن أدخل 

ياره ٠٠٠ اتفضلوا 

حور ٠٠٠ تمارا انتى لسه بتعيطى . يلا أمسحى دموعك 

ملك ٠٠٠ احنا جايبين ليكى خبر هيفرحك أوى طنط ميرفت قالت لينا نسألك....

قطعت جملتها حور وقالت

حور ٠٠٠استنى انتى يا ملك انا إللى هقولها ده أخويا انا

ياره ٠٠٠ هو فى ايه.. 

حور ٠٠٠ مراد طلب ايد تمارا

مسحت تمارا دموع وقالت بدهشة 

بقلم٠أروى٠عادل 

تمارا ٠٠٠ انتو بتقولوا ايه.. 

حور ٠٠٠ مراد طلب ايدك من طنط ميرفت .. هااا قولتى ايه

سلمى ٠٠٠و ماما وافقت 

ملك ٠٠٠ اه وافقت طلبت مننا نسأل تمارا عن رأيها 

ابتسمت تمارا بخجل وقالت 

تمارا ٠٠٠ قولى لماما انها هى عارفه رأيها كويس

حور ٠٠٠ هى بردوا قالت كده

بعد ما كانت حور على وشك مغادرة غرفة قالت تمارا 

تمارا ٠٠٠ حور قولى ل حسام انى مش هرجع الشغل تانى .. انا كده مهمتى معاه إنتهت 

حور ٠٠٠ بس حسام مس هيقدر يستحمل ان..

قطعت تمارا عبارتها وقالت

تمارا ٠٠٠ حسام لازم يفهم انى انا بالنسباله ممرضة وبس . و عشان يفهم ده. لازم ابعد

وهو خلاص مبقاش محتاجلى 

هنا رأسها حور وقالت

حور ٠٠٠ حاضر هقوله 

🕳🕳🕳🕳🕳🕳🕳🕳🕳🕳🕳

خرجت كل من حور و ملك و ياره و سلمى 

ثم قالت حور

حور ٠٠٠ طنط ميرفت تمارا بتقول لحضرتك انتى عارفه رايها

مراد ٠٠٠ فهمت ايه انا كده 

ياره ٠٠٠. يعنى مبروك

ميرفت ٠٠٠ بس أسمع مافيش حاجة هتبقى رسمى غير لما تخلص من كل مشاكلك اظن انت فاهم قصدى 

مراد ٠٠٠ فاهم 

ميرفت ٠٠٠ كمان لازم أهلك يكونوا موافقين على تمارا .. انا مش هجوزك بنتى غصب عن أهلك 

فؤاد ٠٠٠ ما احنا بردوا أهله

ميرفت ٠٠٠ تمام انتو اهلى على عينى و رأسى بس لازم أمه و ابوه يكونوا موافقين و يجوا يطلبوا بنتى رسمى دى الأصول ماحدش يزعل منها 

مراد شعر بضيق من كلامه ميرفت لانه يعلم أن من المستحيل أن توافق نسرين على جواز مراد من تمارا برغم ذلك قال

مراد ٠٠٠ عندك حق دى الأصول 

بقلم٠أروى٠عادل 

🕳🕳🕳🕳🕳🕳🕳🕳🕳🕳🕳🕳🕳

فى مساء اليوم 

القصر 

~~~~~~~~~

حكت ملك و حور كل ما حدث

ملك ٠٠٠ بس بصراحة تمارا صعبت عليا أوى 

يوسف٠٠٠ انا كنت متأكد ان تمارا بريئة 

حور ٠٠٠ بس إللى. اسمه عصام ده كان مخطط لكل حاجة ..بس الحمدالله مراد كشف كل حاجة و طلع تمارا بريئه

نسرين ٠٠٠ و لما الهانم طلعت براءة ..ليه مراد ماجاش على القصر .. ولا هو لسه قاعد جانبها يواسيها

ملك ٠٠٠هو قالنا ان رايح مشوار ممكن يتأخر شوية 

نسرين ٠٠٠ شوفت عمايل ابنك .. مش كفايه بقاله كام يوم مختفى. ويوم ما يظهر يروح يجرى وراه الست تمارا فى اقسام الشرطة

حتى مكلفش نفسه يسأل عنى ولا عنك

يوسف ٠٠٠ هو كلمنى النهاردة

نسرين ٠٠٠ لاء واللهى كلمك .. طيب وانا مكلمنيش ليه .

يوسف ٠٠٠ نسرين انا حذرتك كتير من معاملتك مع مراد ..بس انتى مابتسمعيش الكلام خلتى ابنك يبعد عنك 

شعرت نسرين بحزن بعد كلام يوسف برغم انها تعلم أن يوسف لديه حق فيما قاله 

و لكنها كعادتها لا تعترف بخطئها لذلك قالت

نسرين ٠٠٠ هو انا عملت ايه عشان تقولى الكلام ده .. انا كل إللى عملته كان عشان مصلحة ولادى

يوسف ٠٠٠ مصلحة حسام بس . انتى عمرك مافكرتى فى مصلحة مراد ...حتى يوم معرفتى انه بيحب تمارا روحتى عشان تخطبيها لحسام.. ده غير انك جبرتى مراد يخطب هايدى عشان يبعد تمارا عنه

نسرين ٠٠٠ كلكم كنتوا عارفين حالة حسام ..وعارفين أد ايه هو متعلق بتمارا .. كان المفروض اعمل ايه اسيب حسام يدمر

و ينهار و يرجع تانى لحالته الأولى 

يوسف ٠٠٠ أنا مقولتش تعملى كده . بس كان ممكن نشوف حل .لا يجرح مراد ولا يضر حسام 

نسرين ٠٠٠ صدقنى مش هتلاقى حل الاتنين بيحبوها .. كأن تمارا دى مرض أو عدوى أصابة ولادى

يوسف ٠٠٠ روحتى انتى بكل قسوه قررتى تبعدى مراد عن تمارا

نسرين ٠٠٠ ( بحزن) انا ماكنتش اعرف انه بيحبها بشكل ده ..مين كان يصدق اصلآ ان مراد ممكن يحب كلنا كنا بنقول ان مراد من غير قلب

هنا قالت ملك

بقلم٠أروى٠عادل 

ملك ٠٠٠أقفلوا على موضوع ده . حسام جاى 

حسام ٠٠٠ مساء الخير

يوسف ٠٠٠ مساء الخير .. حسام انا فرحت أوى النهاردة لما عرفت انك روحت الشركة 

حسام ٠٠٠ واللهى وانا كمان يا بابا انت متتصورش أد ايه الشغل فى الشركة كان وحشنى أد ايه

ملك ٠٠٠ دى احسن حاجة عملتها انك تطلع بره القصر و تختلط بالناس من تانى

حسام٠٠٠ انا فعلآ ناوى اعمل كده

حور ٠٠٠طيب كويس أوى .. بس قولى انت ناويت ترجع تشتغل فى الشركة تانى..ولا دى مجرد زيارة و السلام

حسام ٠٠٠ مش عارف .. لسه بفكر 

نسرين ٠٠٠ مش محتاجة تفكير يا حبيبى انت لازم ترجع لشغلك و تعيش حياتك زى الأول و خصوصآ انك بقيت كويس و رجعت تمشى على رجليك زى زمان

حسام ٠٠٠ اه صح . ياريت ماحدش يقول 

ل تمارا انى بقيت امشى على رجلى عادى و استغنيت عن العكاز

يوسف ٠٠٠ ( بأستغراب) ليه بس يا حسام هو حد يكره انه يكون كويس

حسام ٠٠٠ بس تمارا لو عرفت انى بقيت كويس مش هتيجى الشغل تانى

هنا نظرت نسرين ل يوسف ثم قالت

نسرين ٠٠٠ بس يا حبيبى اكيد هيجى يوم

و تمارا تسيب الشغل . هى مش هتشتغل ممرضة طول حياتها

حسام ٠٠٠ أنا مش عايز افكر ان ممكن اليوم ده يجى. انا اساسآ مش عارف اتخيل حياتى من غيرها 

هنا شعرت ملك بغصه بصدرها 

بينما شعرت حور بضيق من كلامه حسام وفى نفس الوقت شعرت بالأسى عليه لذلك قالت بحده و قسوة

حور ٠٠٠ بس تمارا مش ناويه تيجى الشغل

تانى. وانت لازم تتعود على حياتك من غيرها

و اكبر بقى و متبقاش زى العيل الصغير إللى بيشبط فى لعبه و هى مش بتاعته

استغرب حسام من الطريقه الهجومية التى تحدثت بها حور هى أول مره تتحدث معاه بهذه الطريقة ..

بينما صاحت نسرين فى حور 

نسرين ٠٠٠ حووووور انتى اجننتى ازاى تكلمى أخوكى الكبير كده

حور ٠٠٠ أنا اسفه بس كان لازم حد فينا يقولوا و يفهموا ان تمارا مش جايه هنا تانى

حسام ٠٠٠ استنى يعنى تمارا مش رجليها مكسوره ولا حاجة..هى إللى مش عايزه تيجى الشغل تانى

هنا نظر يوسف و نسرين لبعض بينما قالت حور 

بقلم٠أروى٠عادل 

حور ٠٠٠ اه تمارا رجليها كويسه هى بس كان عندها حبة مشاكل بس النهاردة قالتلى انها مش هتشتغل هنا تانى .. لان مهمتها إنتهت لما انت بقيت كويس

حسام٠٠٠ ( بغضب) مين إللى قال لها انى كويس . انا قولت محدش يقولها حاجة 

حور ٠٠٠ هى مش محتاجه حد يقولها هى كانت عارفه ان رجلك بقت كويسه من فترة

مش تنسى انها قبل ما تكون ممرضة هى طالبه فى كلية طب ..يعنى اكيد هى فاهمه 

انك بقيت كويس

حسام ٠٠٠ يعنى ايه انا مش هشوفها تانى 

لاء مش ممكن . مش ممكن . مش ممكن

هنا الكل أتصدم عندما سمعوا صوت مراد وهو يقول بحده

مراد ٠٠٠ ما تسترجل بقى .و خليك راجل

و بلاش شغل العيال الصغيره 

نسرين ٠٠٠ مرااااد انت ازاى تكلم اخوك كده

مراد ٠٠٠ لو سمحتى . ياريت ماحدش يدخل بينى و بين أخويا 

حسام ٠٠٠ و انت افتكرت بس دلوقتى انى اخوك

مراد ٠٠٠ لاء انا عمرى ما نسيت أخويا.. أخويا الكبير إللى كان يوم من الأيام هو قدوتى فى الحياة

ضحك حسام وهو يقول

حسام ٠٠٠ يا راجل ضحكتني .بقى عمرك ما نسيت انى اخوك ...آمال لو نسيت كنت عملت ايه اكتر من إللى انت عملته

كانت يوسف ينظر ل حسام و مراد بحزن و أسى فهو فى خلال الخمس سنوات الماضية ..كان يخاف من هذه اللحظه الذى سيوجه فيها الأشقاء بعض

فطالما أرعبته فكرة ان سيأتى اليوم الذى سيقفان أمام بعض

بينما صرخت نسرين و قالت

بقلم٠أروى٠عادل 

نسرين ٠٠٠ مراد و حسام . مالهوش لازمه الكلام ده..كمان ده مش وقته

حسام ٠٠٠ لاء ده وقته .. الأستاذ مراد بيقولى خليك راجل .. يعنى هو شايفنى مش راجل . من حقه لانى لو كنت راجل صح كنت قتلته يوم ما شوفتو مع مراتى

مراد ٠٠٠ بلاش الاسطوانه إللى سمعتها منكم دى الف مره لدرجة انها مبقاش تأثر فيا 

و مراتك دى كانت ست خاينه .. وانا حذرتك منها قبل الجواز. قولتلك بلاش ندا .. لكن انت مابتسمعش كلام حد .. زى ما حور قالت بالظبط انت عامل زى عيل صغير إللى بيشبط فى اى لعبه يشوفها ...الأول كانت ندا إللى ماكنتش مناسبة ليك ... و دلوقتى تمارا إللى مش حاسه بيك

نسرين ٠٠٠ ( بصراخ ) بس يا مراد اسكت اسكت

مراد ٠٠٠ سكوتى مش هيغير الحقيقه

حسام ٠٠٠ انت عارف ايه هى الحقيقة الحقيقة انك السبب فى كل حاجة وحشة حصلت فى حياتى ..الحقيقة انك واحد خاين .. والكل هنا شاف بنفسه أد ايه انت واحد وسخ ... واطى.. خاين

يوسف ٠٠٠ حسام ولا كلمه تانى

مراد ٠٠٠ لاء خلى يقول إللى عنده يلا كمل وسخ و واطى و خاين و ايه كمان كمل

حسام ٠٠٠ أنا يجد قرفان انك أخويا . انا لو بأيدى كنت كسرت رابط الدم إللى بينى و بينك

أتصدمت نسرين التى وضعت يديها على أذنيها حتى لا تسمع المزيد بينما جلس يوسف على أقرب مقاعد له و كأن قدمه لم تستطيع أن تحمله 

بينما صرخت حور وهى تقول بغضب و بكاء 

حور ٠٠٠ بس بقى كفايه . حرام عليك كفاية 

مراد معملش حاجة.. معملش حاجة

هنا حضنت ملك حور بينما قال مراد

بقلم٠أروى٠عادل 

مراد ٠٠٠ ( يحزن) عايز تكسر رابط الدم إللى بينا و مش قادر تعملها تمام . انا اقدر اعملها من النهاردة انت مش أخو....... 

هنا صرخت نسرين و هى تضع يديها على فم مراد و تقول بقهر الأم 

نسرين ٠٠٠ اخرس انت و هو انتو اخوات برضاكم أو غصب عنكم .. مش بكلمة واحدة تقدروا تنهوا رابط الأخوة انتو فاهمين

حسام ٠٠٠ لأ خلى يعملها ..اساسآ مافيش أخ يعمل فى اخوه إللى عمله هو فيا

مراد ٠٠٠ وانت لو أخ بجد ماكنتش صدق ان اخوه ممكن يعمل .. او ابسط حاجة كنت سألتنى..لكن لأ انت دورت على السهل وهى انك تشيلنى انا الليله ..و انت عشت دور الضحية و الزوج المخدوع . 

حسام ٠٠٠ انت هتستعبط عايزنى اكدب عينى إللى شافتك مع مراتى فى أوضتة نومك 

مراد ٠٠٠ وانت شوفت ايه.. قول قدام الكل شوفت ايه انطق

سكت حسام هو يتذكر أحداث هذه الليله المشئومه 

مراد ٠٠٠ سكت يعنى خلاص اقولك انا انت شوفت ايه ..شوفت مراتك وهى بتحضنى من دهرى و انا بفتح الباب عشان تخرج بره الأوضة ..ايه مافكرتش فيها 

يوسف ٠٠٠ بس يا مراد كفايه

مراد ٠٠٠ صح كفاية .. احنا اساسآ وصلنا لطريق مسدود و بعد الكلام إللى حصل دلوقتى . وخلاص انا ماينفعش أقعد فى المكان إللى فيه حسام تانى بعد النهاردة 

يوسف ٠٠٠ انت بتقول أيه

نسرين ٠٠٠( ببكاء) أنت عايز تسيب القصر

حور ٠٠٠لا يا مراد متعملش كده . انا هقول....

قطع مراد جملتها وقال

مراد ٠٠٠ خلاص معدش ينفع ...معلش خلى أمل تجهز شنطة هدومى و انا ابقى اجى الصبح اخدها 

قال جملته ثم غادر القصر ولم يهتم بصراخ نسرين و حور ولا صدمة يوسف

هنا قالت حور ل حسام 

بقلم٠أروى٠عادل 

حور ٠٠٠ ارتحت كده . خليته ساب القصر . 

بس احب اقولك انك عمرك ما هترتاح بعد متعرف الحقيقة و هتبكى بدل الدموع دم على كل كلمة قولتها ل مراد

ملك ٠٠٠ بس يا حور اسكتى

حور ٠٠٠ لاء مش هسكت تانى بعد النهاردة .. كفايه بقالى خمس سنين وانا ساكته 

كفايه بقى و انتى كمان يا ملك لازم تتكلمى 

وتعرفى الكل من هى ندا ..لازم الكل يعرفوا حقيقتها و ليه هى اتجوزت حسام

حسام ٠٠٠يعنى ايه بقالك خمس سنين ساكته و تتكلمى تقولى ايه.

حور ٠٠٠ الحقيقة 

يوسف ٠٠٠ حقيقة ايه يا حور 

حور ٠٠٠ أنا شوفت كل حاجة حصلت بين مراد و ندا 

حسام ٠٠٠إللى شوفتى احنا شوفنا و عارفينوا

حور ٠٠٠ لاء مش عارفين حاجة إللى انتو عارفينوا..ده وهم عشش فى عقولكم

و صدقتوا.. عشان انتو عايزين تصدقوا 

لكن الحقيقة غير كده خالص 

مستعدين تسمعوا الحقيقة إللى هتزلزل جدارن القصر ده