رواية التضحية بالحب الفصل الرابع والاربعون44 بقلم اروي عادل
حور ٠٠٠ ارتحت كده خليته ساب القصر ٠
بس احب اقولك انك عمرك ما هترتاح
بعد متعرف الحقيقة و هتبكى بدل الدموع دم على كل كلمة قولتها ل مراد
ملك ٠٠٠ بس يا حور اسكتى
حور ٠٠٠لاء مش هسكت تانى بعد النهاردة.
كفايه بقالى خمس سنين وانا ساكته
كفايه بقى .. وانتى كمان يا ملك لازم تتكلمى و تعرفى الكل مين هى ندا لازم الكل يعرف حقيقتها و ليه هى اتجوزت حسام
حسام ٠٠٠يعنى ايه بقالك خمس سنين ساكته
و تتكلمى تقولى ايه
حور ٠٠٠ الحقيقة
يوسف ٠٠٠ حقيقة ايه يا حور
حور ٠٠٠ أنا شوفت كل حاجة حصلت بين مراد و ندا
حسام ٠٠٠ إللى شوفتى كلنا شوفنا و عارفينوا
حور ٠٠٠ لاء مش عارفين حاجة ..إللى انتو عارفينوا ده مجرد وهم و عشش فى عقولكم و صدقتوا .عشان انتو عايزين تصدقوا
لكن الحقيقة غير كده خالص ..مستعدين تسمعوا الحقيقة إللى هتزلزل جدارن القصر ده
نسرين بخوف من القادم
نسرين ٠٠٠ انتى عايزه تقولى ايه .حور لو هتقولى حاجة توجع بالله عليكى اسكتى الموضوع مش مستحمل
حور ٠٠٠ماهى كده الحقيقة لازم توجع
يوسف ٠٠٠ اتكلمى يا حور فى ايه
حور ٠٠٠ هتكلم انا بقالى خمس سنين شايله حمل كبير جوه قلبى . و شايله معاه ذنب مراد
الحوار بدأ من خمس سنين يومها روحت
ل مراد على أوضته اقنعو عشان يتوسطلى عند مامى عشان أشارك فى عرض أزياء ساعتها مراد رافض و اتريق عليا كمان ساعتها اتعصبت و قولتله
بقلم٠أروى٠عادل
((## فلاش بال##))
حور ٠٠٠ ماشى يا مراد انا غلطانه انى جيت اتكلم معاك انت.. انا هروح اتكلم مع حسام هو الوحيد الطيب فى البيت ده و بيفهمنى
اخذ مراد المنشفه فى يده و هو يقول
مراد٠٠٠ اه احسن روحى لحسام انا مش ناقص وجع دماغ .. اه ابقى خدى الباب وراكى لانى داخل اخد دش
قال جملته و دخل الحمام .. لذلك اتعصبت حور و نوع من أنواع العقاب تركت باب الجناح مفتوح وخرجت
وقامت بالإتصال على هايدى وهى فى طريقها إلى جناح حسام
( بداية المكالمة )
هايدى ٠٠٠ الو ايه يا حور كلمتى مراد
حور ٠٠٠ كلمته وهو مش موافق ..انا رايحه دلوقتى اتكلم مع حسام ..
هايدى ٠٠٠ طيب شوفى رأى حسام و ردى عليا ..دى فرصه بالنسبالك لو عايزه تكون عارضة أزياء
هنا رأت حور . ندا و هى بتتسحب على اطراف أصابعها وهى ترتدى قميص نوم و عليه روب شفاف
لذلك قالت وهى مازالت تتحدث مع هايدى فى الهاتف
بقلم٠أروى٠عادل
حور ٠٠٠ أيه ده . هى بتعمل ايه
هايدى ٠٠٠ فى ايه .. انتى بتتكلمى على مين
حور ٠٠٠ ندا طالعة من جناحها بتتسحب
لابسه هدوم ماينفعش تخرج بيها من أوضتها
هايدى ٠٠٠ طيب هى رايحه فين
هنا دخلت ندا جناح مراد.. الذى كان الباب مفتوح بالفعل
حور ٠٠٠ أيه ده دى دخلت أوضتة مراد
هايدى ٠٠٠ مش معقوله ..طيب مراد شافها
حور ٠٠٠ لاء مراد فى الحمام
هايدى ٠٠٠ طيب شوفيها بتعمل ايه فى الأوضة
حور ٠٠٠ مش شايفه حاجة هى دخلت و قفلت الباب وراها
هايدى ٠٠٠ انتى هتفضلى واقفه كده دورى على ايه طريقة تقدرى تشوفى بيها ايه إللى بيحصل جوه الأوضة و انا معاكى على التليفون
هنا دخلت حور جناحها
و دخلت على شرفة جناحها
ثم من قفزت من شرفتها إلى شرفة جناح مراد
و لأن باب الشرفة كان مصنوع من الزجاج أستطعت حور ترى و تسمع كل ما يحدث فى جناح مراد لذلك قالت حور لهايدى على الهاتف
بقلم٠أروى٠عادل
حور ٠٠٠ هايدى انا شايفه كل حاجة
هايدى٠٠٠ ايه إللى بيحصل عندك
حور ٠٠٠ دى قلعت الروب و نايمه على سرير مراد بطريقه مش محترمه
هايدى ٠٠٠ و مراد فين
حور ٠٠٠ لسه فى الحمام
هايدى ٠٠٠ طيب تليفون مراد فين
حور٠٠٠ انتى بتسألى على تليفون مراد ليه
هايدى ٠٠٠ ( بأرتباك ) هتصل عليه عشان أحذروا
حور ٠٠٠ لاء التليفون مش معاه فى الحمام .التليفون فى الأوضة
هايدى ٠٠٠ طيب كويس
حور ٠٠٠ هو ايه إللى كويس
هايدى ٠٠٠ ولا حاجة ...حور باباى بيتصل عليا دلوقتى هرد عليه و ارجع اكلمك تانى أوعى تقفلى الخط
هنا قامت هايدى بتعليق مكالمة مع حور
ثم قامت بالإتصال على حسام وقالت له
هايدى ٠٠٠ الو حسام انت فين
حسام ٠٠٠ بتسألى ليه خير فى حاجة
هايدى ٠٠٠ اه . انا كنت بتكلم مع مراد و قالى انه تعبان .وبعد كده قفل الخط من ساعتها بحاول اكلمه مابيردش ..انا خايف عليه اوى
حسام ٠٠٠ طيب أضقفلى كده لما اشوف
إنهى مراد المكالمة ثم حاول يتصل على مراد لكنه لم يجيب ..لذلك دار السيارة ليرجع للقصر مره أخرى
بينما عند حور التى مازالت تنظر من خلف الزجاج شرفة مراد..
بعد ما قامت هايدى بإلغاء تعليق المكالمة وقالت
بقلم٠أروى٠عادل
هايدى ٠٠٠ قوليلى ايه إللى بيحصل عندك
حور ٠٠٠ مش عارفه أقولك ايه انا هقفل
قالت جملتها ثم انتهت المكالمة
هنا ظلت تنظر ما يحدث بصدمة
مراد ٠٠٠ أنتى اتجننتى. بتعملى ايه هنا . كمان ايه القرف إللى انتى لابسه ده
ندا ٠٠٠ ايه مش عجبك
هنا أخذ مراد الروب من على الأرض
ثم قال
مراد ٠٠٠ البسى الروب
اخذت ندا الروب و ألقت به على الأرض وقالت
ندا ٠٠٠ سيب الروب ده و بصلى يا مراد
مراد ٠٠٠ إللى انتى بتعمليه ده غلط يا ندا
ندا ٠٠٠ مراد انا لسه بحبك مش قادره ابعد عنك انت الراجل الوحيد إللى اتمنيت انام في حضنه
ثم وضعت يديها على صدره العارى لأغرائه
لكن مراد ابعد يدها عنه بقوة وقال بغضب
مراد ٠٠٠ أنتى انهبلتى ايه إللى بتقوليه ده ..
يظهر انك نسيتى نفسك..و نسيتى كمان انك مرات اخويا
ندا٠٠٠ بس انا مش بحب حسام .. انا بحبك انت . لو طلبت منى دلوقتى انى اسيب حسام انا هسيبه بس .......
قطع عبارتها وقال بحده
مراد٠٠٠ لا كده كتير .. انتى شكلك مش هتفهمى بذوق
هنا توجه للباب و بعد ما فتح الباب قال
مراد ٠٠٠ اطلعى بره ..يلا اطلعى بره
هنا حضنت ندا مراد من ظهره وقالت
ندا ٠٠٠ لاء مراد متعملش معايا كده
كان مراد على وشك دفعها عندما ظهر حسام
بقلم٠أروى٠عادل
((##العوده من الفلاش باك##))
************
حور ٠٠٠ هو ده إللى حصل .. واللى هنا شوفتو بعنيه
شعرت أن قدميها لم تقوى على حملها لذلك جلست نسرين و هى تضع يديها على رأسها فى محاوله منها ان تستوعب ما سمعتو .. كما هو حال يوسف ..بينما ملك لم يكن الأمر غريب عليها لانه حور حكت لها من قبل
بينما حسام اقترب من حور و جذبها من ذراعيها بقوة وقال بغضب جحيمى
حسام ٠٠٠ قولى انك بتكدبى .. قولى ان كل ده من وحى خيالك انتى
حاولت ملك تبعد حسام عن حور
بقلم٠أروى٠عادل
ملك ٠٠٠ بس يا حسام ابعد عنها هى ماقالتش غير الحقيقة
حسام ٠٠٠( بصراخ) حقيقة ايه لما دى الحقيقة كانت ساكته ليه السنين دى كلها
حور ٠٠٠ ملحقتش اقولك حاجة .. كل حاجة حصلت بسرعة . وانت عملت حادثه و ماكنتش فى وضع يسمح ان اى حد يتكلم معاك .. و بعد كده مراد طلب منى متكلمش
حسام ٠٠٠٠ يعنى ايه طيب مراد متكلمش ليه كان بيسمع اتهامه و اهانته وفضل ساكت طيب ليه
حور٠٠٠ عشان كان مصدوم فيكم .
يوسف ٠٠٠ اكيد حس بخذلان مننا كلنا.. احنا من غير تفكير صدقنا ان مراد ممكن يعمل حاجة زى دى ..و كلنا صدقنا انه خاين .. ماحدش فين كلف نفسه و سأله. هو صح عمل كده ولا لاء ..
نسرين ٠٠٠( ببكاء ) انا ازاى مقدرتش افهم أبنى .. مراد عمره ما هيسامحنى على إللى عملته فيه. انا ماكنتش بضيع اي فرصه عشان افكرة أد ايه هو واحد خاين .. ليه بس
يا حور سكتى السنين دى كلها حرام عليكى .طيب حتى كنتى جيتى قولتلى ليا انا
حور ٠٠٠ أنا كنت عندى ١٧ سنه كنت مكسوفه اجى اقولك على إللى شوفته .. ماكنتش عارفه اصرف ازاى .. بس انا قولت ل مراد قولته ان شوفت إللى عملته ندا... قالى متكلمش وخلى كل واحد يفكر فيه زى ماهو عايز مش مهم
حسام ٠٠٠ معنى كلام ان هايدى لما اتصلت عليا كانت عارفه ان ندا فى أوضتة مراد عشان كده رجعتنى وقالتى أرجع اشوف مراد عشان تعبان ..
حور ٠٠٠ أيوه.. انا فى الأول ماكنتش فاهمة هى ليه كانت بتسألنى عن تليفون مراد اذا كان معاه فى الحمام ولا فى الاوضة
حسام ٠٠٠ عشان لما أتصل عليه مايردش ساعتها اضطر ارجع عشان اطمن على مراد
حور ٠٠٠ انا ماكنتش فاهمة حاجة بس لما حكيت ل ملك هى إللى وضحتلى إللى. حصل ساعتها فهمت إللى عملته هايدى
يوسف ٠٠٠ و هايدى تعمل كده ليه
ملك ٠٠٠ لانها بتحب مراد ..كانت عايزه تبعد ندا عن مراد بأى طريقه ..و خصوصآ انها كانت عارفه ان..
صمتت ملك فجأة عندما انتبهت ماذا تقول
لذلك قال حسام
حسام ٠٠٠ سكتى ليه ..فى ايه تانى لسه مخبينوا عليا
حور ٠٠٠هايدى كانت عارفة ان ندا بتحب مراد .وان مراد و ندا كان بينهم علاقة قبل مع انت تعرف ندا
حسام ٠٠٠ يعنى انا الغبى الوحيد إللى فيكم
ملك ٠٠٠ لاء انت انضف واحد فينا طول عمرك دوغرى و مالكش فى الف و الدوران عشان كده اتخدعت و صدقت ندا
نسرين ٠٠٠ يعنى ندا كانت تعرف مراد قبل حسام
ملك ٠٠٠ اه .. انا إللى عرفت مراد على ندا فى الوقت ده كان مراد بيعرف بنات كتير..فصاحب ندا شوية و بعد كده سابها بس ندا فضلت تلف وراه فى كل حته عشان يرجع لها
بس مراد كبر دماغه من ناحيتها خالص. وبعد كده معرفش ازاى.. لاقيت ندا اتعرفت على حسام ساعتها انا جيت ليك يا حسام.. و قولتلك ابعد عن ندا هى مش شبهك ولا مناسبه ليك .حتى مراد قالك نفس الكلام
بس انت قولت اننا غيرانين منها و منك لأنك لاقيت حب عمرك .. و اتجوزتها بسرعة.. ساعتها ندا فضلت تلف حوالين مراد بكل الطرق بس مراد كان بيصدها ...و كل مره كان بيوقفها عند حدها
حسام ٠٠٠ طيب كان قالى .. اي حد فيكم كان فهمنى على بيحصل من ورا دهرى
ملك ٠٠٠ ماكنتش هصدقنا.. كانت ندا زى. ما يكون عملالك تنويم مغناطيسى.. او غسيل مخ ..كنت بصدق على كل كلمة تقولها ماكنتش شايف فى الدنيا غيرها. هى بس
قال حسام بكسره و قهر وهو يخفض رأسه للأرض
بقلم٠أروى٠عادل
حسام ٠٠٠ عندك حق .. انا إللى غلطان سيبت واحده زى ندا تلعب بيا .. انا إللى استاهل كل إللى حصل فيا
عندما رأت نسرين حالة حسام شعرت أن قلبها يتمزق وهو يكاد ينخلع من مكانه لذلك قالت
نسرين ٠٠٠ ارفع رأسك ..انا مش عايزه اشوف الكسرة إللى في عينك دى تانى ..المفروض دلوقتى تكون فرحان و فخور ان اخوك ماطلعش واحد خاين. ..وانه حافظ على شرفك حتى من نفسه
هنا نزلت دموع حسام وهو يقول
حسام ٠٠٠ هيفيد بأيه الكلام ده.. انا خلاص خسرت أخويا لدرجة انى عمرى ما هيبقى ليا عين أبص فى وشه تانى..
يوسف ٠٠٠ متقولش كده ..مراد رغم انه يبان
انه قاسى بس هو قلبه طيب مافيش احن منه ..و مابيعرفش يشيل من حد
حسام ٠٠٠ متهيألك ..مراد عمره ما هيسامحنى بعد إللى قولتهوله ..
قال جملته وهو يغادر المكان
نسرين ٠٠٠ رايح فين يا حسام
حسام ٠٠٠ أنا عايز ابقى لوحدى
قال جملته ثم انصرف و انصرفت خلفه ملك
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
فى جنينة القصر
~~~~~~~~~~
ملك ٠٠٠ حسام . حسام استنا حسام انا بكلمك
هنا وقف حسام وقال
حسام ٠٠٠ ملك لوسمحتى سيبنى لوحدى دلوقتى
ملك ٠٠٠طيب قولى رايح فين
حسام ٠٠٠ مش عارف ..
ملك ٠٠٠ طيب ممكن نروح مع بعض ايه مكان تهدى فى اعصابك شويه
حسام ٠٠٠ ملك بقولك انا عايز اكون لوحدى
ملك ٠٠٠ أنا واللهى هقعد معاكى بس مش هفتح بوقى بكلمة واحده .
حسام ٠٠٠ ملك انا فيا إللى مكفينى ياريت تسيبنى فى حالى
ملك ٠٠٠ ما انا بصراحة مقدرش أسيبك وانت فى الحاله دى
حسام ٠٠٠ متخافيش مش هعمل فى نفسى حاجة انا مش ضعيف أوى لدرجة
ملك ٠٠٠ عارفه انك مش ضعيف و عارفه كمان انك مش هتعمل فى نفسك حاجة.. بس صدقنى انت دلوقتى محتاج حد تتكلم معاه حد يسمعك و يقدر يفهمك .. صدقنى يا حسام ساعات كتير الكلام بيريح
حسام ٠٠٠ وانتى الحد ده
ملك ٠٠٠ جربنى و مش هتندم
بقلم٠أروى٠عادل
🕳🕳🕳🕳🕳🕳🕳🕳🕳🕳🕳🕳🕳
فى إحدى الكافيهات على النيل
الذى يبدو على الطراز القديمة
~~~~~~~~~~~~~~~~~
حسام ٠٠٠ عندك حق المكان هنا مريح لأعصاب
ملك ٠٠٠ أنا يجى هنا كتير
حسام ٠٠٠ بتيجى لوحدك
ملك ٠٠٠ أه ساعات لوحدى و ساعات مع صحابى
حسام ٠٠٠ صح يا ملك انتى ليه لحد دلوقتى مرتبطيش
ملك ٠٠٠ نصيب
حسام ٠٠٠ حبيتى قبل كده
ملك ٠٠٠ طبعآ حبيت .
حسام ٠٠٠ تعرفى الحب ده حاجة غريبه أوى
فجأة بيدخل شخص غريب حياتنا لا تعرفو ولا هو من دمنا.. لكن بيكون فى يوم و الليله أهم شخص فى حياتك بتزعل لزعله و تفرح لفرحه و بيكون من أهم أولوياتك و كأنه احتل كيانك. مع انى هو الشخص نفسه اللى من فترة قصيره مكان له وجود فى حياتك
ملك ٠٠٠ عندك حق .. تعرف الحب ده حاجة مجنون من غير عقل أو تمييز . و من غير أى حسابات .. تلاقى نفسك فجأة أسير الحب شخص معين . يطلع الشخص ده صح يطلع غلط انت و نصيب بقى بختك يا ابو بخيت
حسام ٠٠٠ هو احنا بنحب ليه
ملك ٠٠٠ عشان نتوجع
حسام ٠٠٠ و تعرفى المشكله فين اننا بنحب
و احنا عارفين ان الحب كله وجع . زى ما نكون احنا إللى بنجيب التعب لنفسينا
ملك ٠٠٠ و اللهى عندك . احنا إللى اغبياء
طالما عارفين الحب بيوجع بنحب ليه
حسام ٠٠٠ صح بنحب ليه . اسمعى من النهاردة مافيش حب
ملك ٠٠٠ اه من النهاردة مافيش حب ولا وج..
هنا صمتت قبل أن تكمل عبارتها
حسام ٠٠٠ سكتى ليه
ملك٠٠٠ ياريت كان بالكلام.. كان زمان الكل مرتاح.. بس للأسف الحب زى المرض المزمن لما بيدخل الجسم مش بيخرج من غير لما ياخد الروح معاه
حسام ٠٠٠ مين هو
ملك ٠٠٠ ( بأرتباك) مش فاهمه تقصد ايه
حسام ٠٠٠ مين إللى خلى قلبك أسير له
سكتت ملك وهى لا تعرف بماذا تجيب
لذلك كمل حسام حديثه و قال
حسام ٠٠٠ تعرفى انا كنت فاكر انك بتحبى مراد
ملك ٠٠٠ مراد مش ممكن انا عمرى ما فكرت فى مراد بطريقه دى طول عمرى بعتبر مراد زى أسلام بالظبط
حسام ٠٠٠ مين إللى قلبك شايل له كل الحب ده
ملك٠٠٠ايه فجأة كده بقيت مهتم اوى تعرف مين إللى انا بحبه. كل ده فضول
حسام ٠٠٠ واللهى مش فضول ولا حاجة ..
بس انا عايز اعرف مين المحظوظ ده
ملك ٠٠٠ولا محظوظ ولا حاجة . هو اساسآ عايش حياته عادى .. و ميعرفش أى حاجة عن مشاعرى
حسام ٠٠٠ ( بأستغراب) قصدك حب من طرف واحد . طيب ليه إللى يجبرك على كده
ملك٠٠٠ ( بألم ) ما انت لسه قايل من بأيدينا
ياريت كان بايدى كنت شيلت حبه من قلبى من سنين
حسام ٠٠٠ ياريت انا كنت ألقى واحده تحبنى نفس الحب ده .. كنت راميت كل حاجة ورا دهرى و روحتلها
ضحكت ملك بمراره ثم قالت
ملك ٠٠٠يمكن تكون فى واحده بتحبك نفس الحب ده بس عينك مش شايفاها
نظره لها حسام بأستغراب هو لا يفهم لماذا يرى الحزن فى عينيها وهى تنظر له
🕳🕳🕳🕳🕳🕳🕳🕳🕳🕳🕳🕳🕳
كانت الساعة تجاوزت ١٢ و مازال مراد يتجول بسيارتة هو يشعر بغضب جحيمى كما كانت كلمات حسام بقسوتها تتردد أمامه
لذلك كان يقود بطريقة جنونية إلى أن فجأة وجد نفسه أمام العمارة التى تسكن بها تمارا
لذلك قامه بالإتصال بها بعد عدد رنات قالت
بقلم٠أروى٠عادل
( بداية المكالمة )
تمارا ٠٠٠ ألووو مراد
مراد ٠٠٠( بضيق) صحيتك من النوم
تمارا ٠٠٠ لاء انا لسه مانمتش
مراد ٠٠٠ ممكن اشوفك دلوقتى
تمارا ٠٠٠( بقلق) مراد مال صوت
مراد ٠٠٠ مخنوق شويه
تمارا ٠٠٠ من ايه .
مراد ٠٠٠ هقولك بعدين . بس دلوقتى انا محتاج أشوفك
تمارا ٠٠٠ انت فين دلوقتى
مراد ٠٠٠ أنا تحت بيتك
تمارا ٠٠٠ ثوانى و هنزلك
( إنتهت المكالمه )
خرجت تمارا على أطراف أصابعها من المنزل حتى لا يسمعها أحد ..
بينما كان مراد ينتظرها فى سيارته أمام العمارة
هنا صعدت تمارا السيارة و قبل أن تنطق بكلمة.حضنها مراد بقوة
هنا قالت. تمارا
بقلم٠أروى٠عادل
تمارا ٠٠٠ مراد مالك ..فى ايه انت كده قلقتنى
خرج مراد من حضنها وقال
مراد ٠٠٠ خلاص انا كده بقيت كويس
انا بس كنت محتاج حضنك
تمارا ٠٠٠ أيه ياعم الرومانسى. منزلنى من البيت فى نصاص الليالى عشان بس حضن
مراد ٠٠٠ انا مستعد لحاجات كتير اكتر من الحضن . بس انتى هتستحملى
اتسعت عين تمارا بخجل وقالت بعصبية
تمارا ٠٠٠ انت قليل الأدب.. وانا غلطانه انى سمعت كلام و جيت اشوفك
كانت على وشك نزول من السيارة لكن مراد أمسكها لذلك قالت
تمارا ٠٠٠ سيبنى خلينى انزل
هنا قال مراد بحزن
مراد ٠٠٠ أنا سيبت القصر
تمارا ٠٠٠ ليه .. أوعى اكون انا السبب
مراد ٠٠٠ لاء انتى مالكيش دعوة بموضوع ده
تمارا ٠٠٠ آمال ايه إللى حصل
مراد ٠٠٠ ( بحزن) حصل إللى كان مفروض يحصل من سنين و كل واحد قال إللى فى قلبه لتانى . عشان ينتهى الأخوه إللى بينا
تمارا ٠٠٠ براحه كده و فهمنى ايه إللى حصل
بعد ما حكى مراد ما حدث قالت تمارا
بقلم٠أروى٠عادل
تمارا ٠٠٠ لو عايز انا ممكن أروح اتكلم مع حسام و أفهمه كل حاجة
مراد٠٠٠ ( بعصبيةو غيره ) تمارا انا مش.. ناقص وجع قلب انتى من النهاردة مالكيش أي علاقة بحسام .و انسى خالص موضوع الممرضة ده فاهمه
تمارا٠٠٠ حاضر بس اهدى متعصبش نفسك. انا اساسآ قولت ل حور انى مش راجعه الشغل تانى
مراد٠٠٠ كويس عشان اخلص من الحوار ده خالص و ارتاح بقى
تمارا ٠٠٠ طيب هتروح فين دلوقتى
مراد ٠٠٠ عند خالى فؤاد . وبكره هشوف شقة عشان استقر فيها
تمارا ٠٠٠ على فكره مازن عايز يبيع الشقة بتاعته
مراد ٠٠٠ وانتى عرفتى منين انتى لسه بتتكلمى معاه
تمارا ٠٠٠ يادى أم الغيره بتاعتك لا يا سيدى
مامت مازن قالت لماما و ماما قالتلى
بعدين اساسآ مازن ساب الشقة من اسبوع
مراد ٠٠٠ خلاص بكره ابعت المحامى يشوف الموضوع ده
تمارا ..ولا محامى ولا حاجة .. كلم حاتم هو إللى متوكل موضوع بيع الشقة
مراد ٠٠٠ خلاص اكلمه بكره
تمارا ٠٠٠ يعنى انتى هتبقى جارى
مراد ٠٠٠ شوفتى بقى الزمن آخر صبرى اكون جارك انتى
تمارا ٠٠٠نععععم يا عم الأمور .. أنت تطول اساسآ تكون جارى ..ده امك داعيلك ساعة استجاب انك تكون جار تمارا لاشين
مراد٠٠٠ بس بس انتى هتردحيلى .
تمارا ٠٠٠ ما انت إللى بتقول كلام ينرفز
مراد ٠٠٠ بقولك ايه انا مابحبش الجيران إللى صوتهم عالى تمام
تمارا ٠٠٠ آمال بتحب الجيران إللى صوتهم ايه
مراد ٠٠٠ يا سلام لو صوتهم يكون شتوى دافى
تمارا ٠٠٠ بس تعالى انت بس و ابقى جارى
و انا هسمعك الصوت الشتوى .و الصوت الصيفى ده هنا هسمعك فصول السنة كلها
بتقلباتهم ايه رايك
مراد ٠٠٠ لاء وعلى قلبك ابيض
هنا على صوت رنين هاتف مراد لذلك قال
مراد ٠٠٠ غريبه دى حمدى
تمارا ٠٠٠ مش ده الظابط إللى كان ماسك قضيتى
مراد ٠٠٠ ايوه هو ..بس غريبة انه بيتصل عليا فى وقت زى ده
تمارا ٠٠٠ طيب رد
أول ما رد مراد على الهاتف صاح وهو يقول بصدمه
مراد ٠٠٠ هرب .. هرب ازاى
تمارا ٠٠٠ ( بخضة)فى ايه يا مراد
مراد ٠٠٠ عصام هرب من السجن