_تقي بصوت مذ،بوح..طلقني..طلقني..طلقني
_بصدمه وذهول ينظر لها مسرعا..ولكنه أطمئن سريعا
وبدأ بأخذ أنفاس الاطمئنان لأن زوجته كانت ما زالت نائمه..وكانت تتمتم بهذه الكلمه وهي نائمه..وكأنه حلم أو كابوس وبدأ يوقظها من منامها
_سيف..تقي..أصحي يا تقي..أصحي
_تقوم تقي مفزوعه وتدخل في نوبه بكاء فيأخذها سيف بين أحضانه ويهدئها..بقلم..محمد طه
_تقي بتوسل وهي تبكي..ما تطلقنيش يا سيف..ما تطلقنيش يا سيف
_سيف يهدئها ويطمئنها..أطلقك إيه بس يا تقي..إنتي بتقولي إيه..دا كان كابوس..إهدي يا تقي متخافيش..
مش هطلقك
_وبعد ما إن هدأت وأطمئنت..أراد سيف أن يعرف تفاصيل الكابوس الذي حلمت به تقي..لكن تقي رفضت أن تروي له ما حدث..لأنه كابوس سئ جدا
وبعد إلحاح من سيف قررت تقي أن تحكي له ما رأت في منامها
_تقي بخوف..كان فيه 5 بلطجيه مكت،فينك..وكانوا بيعذ،بوك أبشع أنواع العذ،اب..وجسمك كله كان بينذ،ف د،م
_سيف بإستفسار..وكانوا بيعذ،بوني ليه..وكانوا عايزين مني إيه..بقلم..محمد طه
_تقي بدموع..كانوا عايزين ياخدوني منك..وكانوا عايزينك تطلقني..وأنته كنت رافض تطلقني..وأنا كنت بترجاك إنك تطلقني عشان يسيبوك ويرحموك من التعذ،يب..لكن أنته رفضت إنك تطلقني..لحد ما بعد الشر (وصمتت قليلا) لحد ما بعد الشر روحك طلعت و،مت
_سيف بابتسامه..أولا دا كان كابوس..والتفسير الوحيد ليه..هوا إني طول ما أنا عايش مش هطلقك..
أطمني بقي
_تقي بنبره صوت كلها خوف..لأ يا سيف مش دا التفسير الوحيد..فيه تفسير تاني..فيه تفسير تاني
_سيف بابتسامه تميل إلي السخريه..وإيه هوا بقي التفسير التاني يا مفسره الأحلام
_تقي بنظره غضب..أنته هتتريق..طيب لعلمك بقي..
التفسير التاني ده..هوا الأقرب للكابوس ده
_سيف بجديه..طيب سمعيني ونشوف..التفسير بتاعي ولا التفسير بتاعك
_تقي بتردد وصوت متقطع..ممكن تكون حياتك معرضه للخطر طول ما أنا على ذمتك..وإنك لازم تتخلص مني عشان تنقذ حياتك
_صمت سيف ولم يتحدث بكلمه واحده..لأن ما تقوله زوجته إحتمال كبير أن يكون هوا الأقرب للحقيقة..
وظل يفكر ماذا يقول لها وماذا سيفعل إن كان هذا صحيحا..ولاحظت تقي شرود سيف وتفكيره الذي أخذ وقتا كثيرا..لكنها صدمته صدمه كبيره جعلت عقله يتوقف عن التفكير..بقلم..محمد طه
_تقي بثبات وجديه.. طمن نفسك يا سيف..أنا ما حلمتش بكابوس ولا حاجه..أنا كنت بمثل عليك..وألفت الكابوس دا من خيالي..مش أنته لوحدك اللي بتعرف تألف وتكتب..أنا خليتك ف الكابوس تختارني وتتمسك بيا وتضحي بحياتك عشاني..ودلوقتي أنا بسيبلك الواقع..وشوف أنته بقي هتختارني ولا هتختار حياتك(وتصمت قليلا وتكمل)
الإختيار ليك يا سيف
_أنتفض سيف من سكوته وحاول أن يظهر لها غضبه مما فعلته وكيف تتلاعب به بهذه الدرجه
_سيف بهدوء غاضبا..هوا أنا لسه هختار يا تقي..ما أنا أخترت خلاص..والدليل إنك مراتي وحبيبتي وكل حياتي
_تقي بهدوء وجديه..مراتك بس يا سيف..عقلك هوا بس اللي اختارني..إنما لسه قلبك لحد دلوقتي ما اختارنيش..وأنا حاولت وعملت المستحيل عشان أدخل ف قلبك..لكن دايما كنت بلاقي بابه مقفول ف وشي (وتصمت قليلا وتكمل) خد وقتك يا سيف..
وراجع نفسك من تاني..أنا كل اللي عيزاه إنك ما تظلمنيش معاك
_ثم قامت وتركته يفكر فيما قالت له..وظل هوا يفكر كثيرا فيما قالت زوجته..لأنها قالت له الحقيقه التي كان يخفيها عنها..لأنه بالفعل قلبه يعشق غيرها
**************
_ياسين ما زال عنده أمل في أن تتغير زوجته معه..
ويفكر في إرضائها وإسعادها بشتي الطرق..وبدأ يفكر في أن يأخذها إلي مكان هادئ ليتناولو العشاء..
وذهب إليها ليعرض عليها الأمر
_ياسين بابتسامه..أنا عازمك على العشا ف مكان هادي كده ورومانسي ومحضرلك مفاجأه
_ياسمين بجفاء وتريقه..والمكان الهادي والرومانسي ده هنتعشي فيه إيه..محن..بقلم..محمد طه
_إبتسم ياسين من رد زوجته وجاءت بعد الابتسامه ضحكات عاليه..وأراد أن يتحدث وهوا يضحك..لكنه لم يعرف أن يتحدث حتي إنتهي من ضحكاته التي أخذت وقتا كثيرا..ثم أجاب عليها بإجابه ممزوجه بالمزاح ولم يكن يقصد السخريه
_ياسين مبتسما..آه..هنتعشا محن على شويه مياصه وهنحلي بشويه دلع
_ياسمين بنظره لا مبالاه..والله أنته فايق ورايق..
(وتصمت قليلا وتكمل بجديه) هوا أنته معاك قرشين ذياده عايز تضيعهم وخلاص
_ياسين يقترب منها ويمسك بيديها وينظر بعينيها بكل حب وبصوت هادئ..أنا معايا أجمل وأرق زهره ياسمين ف الدنيا كلها وعايز أسعدها على قد ما أقدر
_ياسمين بهروب من نظراته..وهوا أنا قولتلك إني مش سعيده ومبسوطه..وفر فلوسك وأنا هحضرلك عشوه حلوه..وبعدين أنا مش هقدر أخرج..أنا مش عارفه أنا مالي اليومين دول..بقيت بحس بإرهاق ودوخه وتعب من أقل مجهود (وتسحب يديها من بين يديه وتقوم) هقوم أجبلك فاكهه
_ياسين يقف ويمسك بيديها..طيب والمفاجأه..دا أنا كنت محضرلك قصيده..بقلم..محمد طه
_ياسمين بعفويه..أنا ما باكلش العصيده..بس لو أنته بتاكلها أنا ممكن أعملهالك
_ياسين باستغراب وقليل من الغضب..عصيده إيه وأكل إيه..بقولك قصيده يعني كلام غزل..هوا إنتي متعرفيش يعني إيه قصيده
_ياسمين تتصنع الابتسامه..معلش سمعت غلط
_ياسين يتجاهل كل ما حدث من زوجته..ويضع يديه على خصرها ويقترب من وجهها وينظر بعينيها وبصوت هادئ..دا أنا بتغزل ف عيونك وخدودك وصوتك وشفايفك
_تهرب ياسمين من بين يديه وبكل برود..أنا هدخل أشوف المطبخ عشان مكركب..هروقه وآجي تقول اللي أنته عايزه (وتتركه وتذهب إلي المطبخ)
_ويقف ياسين لا حول له ولا قوه..ماذا يفعل معها..
لقد حاول معها كثيرا..لو كان يروض حجرا لكان لان بين يديه بكل سهوله
_خرج ياسين من شقته وهوا عقله شاردا ويفكر ماذا يفعل معها أكثر مما فعل..كل إنسان وله طاقته..وظل يفكر لماذا تتهرب منه..ما الذي بداخلها..قلب هذا أم حجر..ثم جلس ياسين على درج السلم وما زال عقله شاردا
_وكان يسكن بالشقه المجاوره له صديقه المقرب سيف وهوا أيضا خرج من شقته وعقله شاردا ويفكر..هل هوا حقا مقصر مع زوجته..هل هوا حقا يظلمها
_حتي رأي صديقه ياسين جالسا على درج السلم فذهب وجلس بجواره..والاثنان عقلهما شاردا وغارقا بالتفكير..إلي أن توقف أحدهم عن التفكير وقطع تفكير الآخر..بقلم..محمد طه
_سيف..مالك يا صاحبي
_ياسين بغضب..أنا الحمدلله يا صاحبي كويس..هيا اللي مش عارف هيا مالها..أنا كنت فاكر إنها بعد الجواز هتتغير وهتبقي إنسانه طبيعيه
_سيف بنظره إستغراب وقليل من السخريه..إنسانه طبيعيه..ليه هيا مالها..طلعت مجنونه ولا إيه
_ياسين بابتسامه خفيفه..يا ريت..كنت عذرتها
_سيف..أومال مالها
_ياسين..عندها حاجه كده إسمها برود عاطفي
_سيف مبتسما وهوا يستلقي على الدرج نائما..برود عاطفي..تصدق هيا دي نفس المشكله اللي عندي
_ياسين بإستغراب..إيه..مراتك هيا كمان عندها برود عاطفي
_سيف وما زالت الابتسامه على وجهه..لأ..دي المشكله دي عندي أنا..................