_سيف وما زالت الابتسامه على وجهه.. لأ..دي المشكله دي عندي أنا
_ياسين باستغراب وعدم تصديق.. دا اللي هوا إزاي يعني.. إيه مكسوف تقولها بحبك
_يعتدل سيف بعد أن كان مستلقى ونائما على درج السلم.. ياض أفهم..أنته لما بتقولها بحبك.. بتقولها بلسانك ولا بقلبك..بقلم...محمد طه
_ياسين.. بالاتنين..بلساني وبقلبي
_سيف.. أنا بقى قلبي رافض يقولها بحبك
_ياسين.. ولما قلبك رافض يقولها بحبك.. اتجوزتها ليه
_سيف.. عشان كنت فاكر إني هحبها بعد الجواز.. لكن اللي قلبي حبها لسه مسيطره عليا وعلى قلبي
(وكان ياسين يعرف تفاصيل قصه حبيبه صديقه)
_ياسين.. اللي قلبك حبها دي في خيالك أنته..يعني
ملهاش وجود.. يا إبني حرام عليك أنا تعبت من كتر ما قولتك روح اتعالج
_سيف..وهوا فيه حد عاقل يروح يتعالج من اللي بيحبه
_ياسين.. والله يا سيف أنا ما ناقص وجع على وجعي ما دام أنته مبسوط كده يبقى أنته حر
_سيف يستلقي على الدرج مره ثانيه ويضع يديه تحت رأسه.. ومين قالك إني مبسوط كده يا صاحبي أنا غصب عني لقيتني برسم بنت ف خيالي وبحبها وأتعلقت بيها أكنها بنت بجد.. وكنت فاكر إن لما أتجوز هنساها وابدأ اتأقلم مع الانسانه اللي هتجوزها واحبها.. لكن لحد دلوقتي لا قادر أنساها ولا قادر أحب الانسانه اللي اتجوزتها..بقلم...محمد طه
_ياسين يستلقي على درج السلم بجوار صديقه ويضع يديه تحت رأسه.. شكلنا كده إحنا الأتنين عايزين نروح نتعالج.. أنته حبيت إنسانه ف خيالك وملهاش وجود.. وأنا حبيت إنسانه موجوده وف الحقيقه هيا ملهاش وجود
_سيف بتنهيده.. أنا هطلق تقي يا ياسين.. ما هوا مش هينفع أظلمها معايا
_ياسين.. على فكره أنته ليك عندي حل غير الطلاق بس لو تسمع الكلام
_سيف.. قول يا أبو الأفكار
_ياسين.. أعتبر تقي هيا البنت اللي ف خيالك..
وقولها كل اللي جواك.. ومع مرور الوقت صدقني هتحبها وتعشقها كمان
_سيف.. مش هينفع يا صاحبي.. عشان في الحب مينفعش نعتبر ده مكان ده.. لأنك لما بتعشق.. بتعشق الروح مش الجسم
_ياسين.. طيب هيا البنت اللي ف خيالك اللي أنته بتعشقها دي.. فيها روح
_سيف.. آه فيها روح
_يعتدل ياسين وينظر لصديقه باستغراب..فيها روح إزاي يعني
_يعتدل سيف هوا الآخر..هوا أنته مستغرب ليه كده..هوا أنته فاكر إن الإنسان بس هوا اللي فيه روح
الإنسان فيه روح..والحيوان فيه روح..والنبات فيه روح..والهوا والميه فيهم روح..والأماكن فيها روح
_ياسين بعدم فهم وقليل من الخوف..الأماكن فيها روح إزاي يعني..مسكونه وكده يعني
_سيف بإبتسامه..يا إبني مسكونه إيه وبتاع إيه..
أنا هفهمك..أنته لما بيكون فيه مكان كده قريب من قلبك وبتحب تروح المكان دا كتير وبترتاح ف المكان ده..مش بتقول المكان دا فيه حاجه بتشدني ليه..آهي الحاجه دي بقي تبقي روح المكان..الروح يا ياسين لا بتتسمع ولا بتتشاف..لكن قلبك بيسمعها وبيشوفها وبيحسها..فقلبك لما بيلمس الروح بيتعلق بيها وبيعشقها..بقلم...محمد طه
_ياسين يأخذ نفس عميق..أمتي يا ياسمين قلبك يلمس الروح اللي جوايه عشان يتعلق بيا ويعشقني (ويصمت قليلا) عارف يا سيف الشويه اللي أنا قعدتهم معاك دول..ياسمين وحشتني أوي فيهم
_سيف..أنا بقي اللي بحبها ما بتوحشنيش خالص..
لأنها موجوده ف خيالي ومعايا ف كل مكان
_ياسين..بقولك إيه أنا هقوم أدخل شقتي..وأنته سيبك من الهبل اللي ف خيالك ده..وأدخل راضي مراتك بكلمتين..أنا متأكد إنك بتحبها وهيا كمان بتحبك..يلا قوم أدخل راضيها بكلمتين
_سيف..يا إبني هوا نقول طور تقول أحلبوه..هراضيها إزاي بس..أنا مهما أقولها..قلبها مش هيحس بأي حاجه هقولها..قولي ليه
ياسين..ليه
_سيف..لأن اللسان ده عباره عن وسيله مواصلات..
بينقل اللي ف قلبك لقلب اللي قدامك..وأنا قلبي
مافيهوش أي حاجه ليها..ف مهما اللسان هيقول..قلب اللي قدامك هيفضل مقفول
_ياسين..الله عليك..دا أنته بقيت بتقول حكم وأشعار..يلا قوم أركب لسانك وخليه يوصلك لشقتك..ولا أنته ناوي تنام على السلم
(ويترك ياسين صديقه مستلقي على درج السلم ويدخل إلي شقته وكانت زوجته ياسمين ما زالت بالمطبخ فذهب إليها)
_ياسمين..إيه كنت فين
_ياسين..مفيش..قولت أنزل أتمشي شويه..قابلت سيف على السلم..تصوري عايز يطلق تقي مراته
_ياسمين بصدمه..لا إله إلا الله..ليه بس كده..إيه اللي حصل..بقلم...محمد طه
_ياسين بجديه..مفيش يا ستي..كل شويه تقوله بحبك بسبب ومن غير سبب..لحد ما صدعته..ويا ريت على كده بس..دا كل شويه تقوله يا قلبي يا عمري يا حياتي..ومش هتصدقي بقي الكبيره..بتقوله يا بيبي
_ياسمين تجاريه في كذبه..بتقوله يا بيبي..ليه فكراه طفل صغير
_ياسين باستغراب..لأ طفل صغير إيه (ويبتسم ويشرح لها)كلمه يا بيبي دي إختصار لكلمه حبيبي..
يعني لو شيلتي أول حرف من حبيبي هيتبقي كلمه بيبي
_ياسمين..طيب هوا إزاي ساكت على الكلام الفاضي ده..وأنته قولتلو إيه
_ياسين..أنا صبرته بكلمتين..وطبعا واسيته ف مصيبته (وعندما قال كلمه مصيبته كان يشاور بيديه ناحيته وكأنه يقصد نفسه وليس صديقه) تخيلي لما بينادي عليها بترد عليه وتقوله إيه
_ياسمين ما زالت تجاريه وتتسع عينيها..بتقوله إيه
_ياسين..بتقوله نعم يا نن عيني..نعم يا كبدي ويا كلوتي ويا فشتي
_ياسمين بغضب..يجيلها وجع ف فشتها..إيه البجاحه دي..وأنته قولتلو إيه
_ياسين بعصبيه..قولتلو دي قله أدب طبعا..قولتلو أنا مراتي عمرها ما غلطت وقالتلي حتي يا مرارتي
_ياسمين كادت أن تبتسم ولكنها تماسكت..وهيعمل إيه معاها قليله الربايه دي..هيطلقها
_ينظر ياسين إلي الأرض ويتحدث بصوت منخفض..
دا يبقي حمار لو طلقها..بقلم...محمد طه
_ياسمين..بتقول حاجه يا ياسين
_ياسين..بقول يبقي حمار إن مطلقهاش (ويصمت قليلا)بقولك إيه يا ياسمين أنا هغمض عنيا وإنتي إغلطي كده وقوليلي يا بيبي
(ويغمض ياسين عيناه مسرعا قبل أن ترد ياسمين وأنتظر حتي تقول زوجته ما يريد لكنه إنتظر كثيرا ولم يسمع أي شيء حتي أنه ظن أنها تركته وذهبت من أمامه..وبدأ ينظر بعينيه إليها إذا هي تستند على الحائط وكأنها تفقد الوعي وستقع على الأرض.أنتفض ياسين إليها مسرعا وأسندها ثم حملها إلي الفراش وكالعاده يظن إنها تتهرب منه وتتصنع التعب..ولكنه أخذ قراره حتي يقطع الشك باليقين)
_ياسين بجديه بعد أن هدأت قليلا..قومي غيري هدومك عشان هنروح نكشف
_ياسمين بنظره تعب..مفيش داعي يا ياسين..هما شويه إرهاق وبيروحوا لحالهم
_ياسين بإصرار..شويه الإرهاق دول أتكررو أكتر من مره..مفيش مشكله لما نروح نكشف ونطمن
_ياسمين بإستسلام..حاضر يا ياسين اللي أنته شايفه
(وأخذها ياسين إلي المشفي وتم الكشف على زوجته وتم عمل الفحوصات والتحاليل وبعد ثلاثه أيام أتصلت به إداره المشفي وأخبرته أن يأتي بمفرده..
وحينها بدأ قلبه يذداد قلقا)
_(في المستشفى)_
_ياسين متوترا..خير يا دكتور
(يصمت الدكتور ولا يريد أن ينظر بعينيه حتي كرر ياسين عليه السؤال مره ثانيه)
_ياسين إذداد قلقا..خير يا دكتور طمني
_الدكتور بحزن وكلمات متقطعه..المدام عندها سر،طان في الد،م.............