رواية جبروت انثي الفصل الثلاثون30 بقلم نوسه حمد
الدكتور قال لي انتي فحوصاتك سليمه بس للاسف يا استاذ انت عقيم محمد بقا مندهش ومخلوع وكل علامات الخوف ظهرت في وشو ودموعو بقت جاريه الدكتور اتكلم معاهو وحاول يفهمو انو كل شي قسمه ونصيب وانو الكمال لله انا قاطعت الدكتور وغمزت ليهو قلت ليهو معليش ي دكتور ممكن اتعالج صاح الدكتور كان صريح شديد قال لي للاسف لا كان نفسي يطمن محمد بس الحمد لله قدر الله وما شاء فعل انا ماعاينت للمستقبل ولا فكرت في نفسي واني محتاجه أطفآل جاتني لحظه اتزكرت فيها الاجهاض العملتو ودموعي بقت نازله ودا كلو بسببي انا ربنا حرمني من الولاده لاني قتلت لي روح وطفل برئ م عندو ذنب بس لكن صعب اني اتقبل اربي طفل حرام بقيت ابكي ومحمد يبكي وكان ما طايقني ولا طايق صوتي وانا ما قادره اخليهو في حالو انا مستعده اموت وراهو ولا اخليهو رجعنا البيت ومحمد حدي الان حرف ما نطقو وانا من جنبو م قومتا رغم السنين العيشتهم معاهم حسيتو مضايق مني وما راغبني قلت ليهو محمد ما تخلي الحاجه دي تخرب علاقتنا انا والله رضيانه وما عايزه اطفال عايزه اعيش معاك محمد بقا يبكي بكا قال لي نوسه انا عايز اطفال عايز اسمع كلمه ابوي جا ابوي جيب لي ابوي اعمل لي انا عايز لمن ارجع البيت اولادي يتلفو حوليني نوسه الحياه بقا ماليها طعم انا خلاص الدنيا اتحنضلت علي وكان ببكي انا متاكده محمد عمرو ما بكا في حياتو غير اليوم دا عملت ليهو الاكل رفض يوم كامل ما عايز يفتح خشمو معاي ومتأثر شديد انا بقيت فيهو هو ماقادره احكي لزول الحاصل لاني م نفسي احسسو بي عجزو وانا شخصيا الحاصل علي متقبلاهو وخلاص ربنا م قاسم لي اطفال م ح اكسر رقبتي ومستحيل افكر ابعد من محمد وح اعيش معاهو بس هو م قادر يسمعني ولاعايز يتفاهم معاي وخايف شديد الدنيا كسرتو 💔💔💔💔
مرت الايام وام محمد مشغلاها ليهو انو لازم يعرس وهو رافض وما عايز يتكلم معاها ومحمد شهر بس انقسم النص الهم ح يكتلو وحسيت نفسي في حرب وصراع حرب نسابه وصراع مع الواقع العايشه فيهو ومحمد م عايز يتعايش مع الوضع وكنت مخنوقه شديد وغالبني البعملو وحياتي من جنه انقلبت لي جحيم واهلي زاتهم كل مره اقولو لي اتعالجي عشان تلدي في نظر كل الناس المشكله مني بس للاسف العيب م مني اهلي بقو يدسو مني لو مرت اسماعيل حملت ولا نهي عشان ما يحسسوني بالعجز كنت بزعل منهم كده كده ح اعرف وح اتحسس لمن اعرف انهم داسين مني اكتر الدنيا بقا ماليها اي طعم اتكلمت مع محمد انو نمش دكتور تاني رفض وبشده وقال لي الموضوع دا تاني ما افتحو معاهو ولو عايزه الولاده ح اطلقك انا كلمت اطلقك دي لمن اسمعها احرا من لمن الدكتور قال لينا ما بتلدو قاعده اقول ليهو محمد انا م عايزه طلاق ممكن م تجيب لي سيره الكلام دا بقول لي مصيرك تتطلقي وانا كان قلبي مقطوع عايشه في توتر ومحمد م عايز يقتنع انو انا مقتنعه بالقسمه وما ح افارقو
مرت الايام وجاتنا امو وابوهو وطبعا من وشهم حسيتهم ما طايقني المهم اكرمتهم وقومتا باللازم قالو لي معليش ممكن تخلينا مع محمد برانا قلت ليهم جدا طلعت منهم دخلت المطبخ وبقيت اشتغل في شغلتي انظف واغسل ف العده واعمل في اكلي فجاه سمعت صوت محمد عالي ومحمد ما النوع البعلي صوتو قدام ابوهو بعمل ليهو الف حساب حسيت انو اتكلمو معاهو في موضوع الولاده واننا متزوجين لينا عشره سنه ومرتك ما حملت ومرتك عاقر جيت داخله قلت ليهم مالكم صوتكم عالي سكتو م ردو علي امو قالت لي كلو منك الا كاتباهو عند شيخ مره عاقر عايز بيك شنو م رديت عليها نهاي لانو م عايزين نكلم زول بي انو محمد عقيم عشان ما اتحسس قلت ليها محمد م عايز يعرس لو ربنا قاسم لينا ولد بنلد خلونا بي راحتنا هو مرتاح وانا مرتاحه قالت لي انتي مرتاحه والراحه ظاهره في وشك بس ولدي من الهم انقسم النص عدم الجنا حار ولو عندك كرامه خليهو يعرس اجيب ليهو ولد ينفعو ويسندو ويرث الفيهو دا محمد بقت دموعو جاريه وانا همي فيهو والله م شغاله بي كلام أمو الجارح دا وجرحت بيهو ولدا من غير قصد قلت ليهو محمد كفايه عليك الله م تبكي انا معاك ابوهو قال ليهو شوف ي ولدي انا ح اخطب ليك وكسر رقبه تعرس الراجل محلالات ليهو اربعه ما تطلقا بس تعرس عشان تلد محمد قال ليهو للاسف لو عرستا ميه م ح الد لانو انا الما بلد ما هي بعد اهلو كانو ناقشين ريشهم بقو صغار وما مصدقين كلام محمد لغايه ما حكا ليهم من طق طرق للسلام عليكم وتاني غلبهم البقولو وخشمهم عندهم ابوهو قال ليهو ربنا يصبرك يا ولدي ودموعو بقت جاريه وامو اتجرست شديد وتاني فتحو علينا باب الحزن لحقتهم حدي الشارع قلت ليهم عليكم الله الكلام دا سر ولا لي اخوان وأخوات محمد م تحكوهو محمد الفيهو مكفيهو
انا كنت مرتاحه وما زعلانه علي قسمتي محمد اتجرس شديد والحاجه دي صعبه اخير منها الموت بس تاني اتقبلها ورجع يحبني شديد وانا انبسطتا انو اتجاوز الفيهو وكنت مرتاحه وصحتو بدت ترجع ليهو وعايشين احلي اتنين وما ناقصنا شي انا كنت بجيب بت اسماعيل تقعد معاي وتملي علي البيت وكانت بتحب محمد شديد وبتقول ليهو بابا وهو كان بحبها حب لدرجه انا بغير منها محمد حنين شديد لو ربنا قسم ليهو اطفال كانو ح يكونو اسعد ناس بس الحمد لله نعمه بت اسماعيل اخوي ماليه علينا البيت بس مرات اهلا بجو يسوقوها ومحمد بخليهاا يومين وبلحقها وهي زاتا كانت عايزه تعيش معانا بس لكن ماف زول بقنع من جناهو اهلا كل مره بضربو لينا نوديها ليهم وكنت عايشه في امن وامان وسعاده ما يعلم بيها الا ربنا ❤️❤️🫰🏻🫰🏻🫰🏻🫰🏻
مرت الايام ومحمد عندو ود عمو استشهد في السعوديه انا م شفتو بس الناس كانو بحكو بيهو انو زول طيب وحنين والحله كلها بتعرفو اهلو حزنو شديد عليهو والمرحوم كان صاحب محمد من الطفوله لعبو سوا بس الظروف البعدتهم محمد اختار الخلا وشغل الزراعه وهو اختار الجيش وكان شغال في الحدود السعوديه ومتزوج وعندو اطفال اصغر ليهو طفل عمرو سنه وعندو تقريبا تلاته اطفال بتين وولد
شهر انا م شفت محمد ومشيت اهلي عشان كنت مشتاقه ليهم وجيت وجبتا معاي بت اسماعيل حسيت محمد ما متقبلها زي زمان وحسيتو متغير قلت احتمال لسه حزنان علي ود عمو م ركزت معاهو شديد لغايه ما يوم سمعت انو محمد عايزين يعرسو ليهو مرت المرحوم بعد تطلع من الحبس عشان ما تمشي اهلا وتسوق اولادو معاها وهي كانت من كسلا الخبر دا نزل علي زي الصاقعه ما كنت مصدقه انو محمد ممكن يعمل كده بس كل تصرفاتو كانت بتقول كده قلبي انحرق والدنيا ضلمت في وشي وزعلت شديد محمد صبرت معاهو ورضيت اني انحرم من الجنا يجي يعرس فيني ما قلت ليهو انا ماشه اهلي سوقتا بت أسماعيل ورجعت اهلي وقعدت في بيتنا وكنت كئيبه شديد محمد اتصل علي قال لي ليه مشيتي من غير اذني قلت ليهو انت م فاضي لي ي محمد بالك في حاجات تانيه قال لي حاجات شنو ي نوسه وانتي قاصده شنو قلت ليهو لا م قاصده حاجه ي محمد ربنا يهون قال لي بكره خليك جاهزه انا جاي اسوقك قلت ليهو طيب بقيت افكر اني اوجهه محمد واعرف مصيرو هل ح يتزوج مرت المرحوم ولا دي اشاعات مطلعنها الناس بقيت محتاره اسكت والمصيبه تقع في راسي ولا اتكلم واعرف الحقيقه لو صاح اطلب الطلاق لانو ما ح اقبل انو يتزوج فيني