محمد قال لي نوسه مستحيل اخليك تمشي المكان دا وصفي لي مكانهم دا وارجعي البيت وخلي امك تلحقني لو جاتني حاجه اعفي لي وكلمي اهلي وخليهم يجو يدفنوني هناك قلت ليهو محمد بعد الشر عليك م تقول كده وانت م مجبور انك تمشي انا المجبوره وانا الح امش وانت كلم امي عايزه امشي منو مسكني قوي من يدي وجراني قال لي نوسه انا ف نظرك ديوث ولا شنو انتي عرضي مستحيل اخليك تمشي براك اسمعي كلامي امشي خلي امك تلحقني واوعك تجي حتي لو كتلوني وفات انا قلبي انقطع والشارع كلو ابكي وصلت البيت بي قدره قادر والدنيا ضلام والحله انارتها ضعيفه جدااا وصلت البيت قلت ليها يمه الحقي بتك قالت لي بتي مالا قلت ليها يمه بتك الليله ح تضيع وانتي واخوي السبب م سمعتو كلامي بقيت ابكي واتحسر وقالت لي اسكتي م تتكلمي انتي موهومه وراجلك زاتو موهوم دايرين تخلوني اطّلع انصاص الليالي قلت ليها يمه راجلي كتر خيرو مشا يشوف بتك وانتي لسه خاته الامان للناس ديل يمه نهي لو جاتا حاجه في رقبتك انتي قالت لي ي بت تفيها من خشمك وبقت تتصل علي اخوي وحلفت ابت تمش وانا بقيت مقلقه ومحمد م جا حاولت اتصل شكلو تلفونو في العربيه وخلاص روحي طلعت ما قادره امش لانو محمد محزرني وقلبي بقا ادق ونهاي ما اطمئنيت بدل اضيع واحد ضيعتا اتنين ودموعي نهاي م وقفت وامي همها بارد تتصل لي اخوي والواطه بدت تصبح ومحمد لا جا لا نهي جات وخلاص انا المعاي كملت اخوي ردا علي امي وكلمتو بالكلام القلتو ليها قال ليها دقيقه وارجع ليك والدقيقه مشت في ساعه والشمس بقت في نص السماء اخوي رجع لي امي انا بقيت واقفه جنبها وبقول ليها قال ليك شنو هي شغاله تقول ليهو ايوااا وتعاين لي انا خلاص حيلي مات قفلت منو قالت لي ي بت انتي موهومه ودايره تجنيني معاك اختك قاعده مع خطيبت اخوك قلت ليها يمه اقسم بالله ماف قالت لي ي بت م تحلفي هسي اختك بتجي انتي الكذب دا بتستفيدي منو شنو حكيتي لي قصص كلها خيال قلت ليها يمه اقسم بالله انا جاده بحلف ليها كده نهي جات قالت ليها يمه فشنو مالكم جايطين واتصلتي علي خجلت مع الناس قلت ليها ناس منو يا قليله ادب انا موش حزرتك واديتا كف وامي بدل الكف ادتني ميه غلبني اقاومها لانها امي قالت لي شوفي هنا ي بت البيت دا تاني م تعتبيهو واطلعي بره وطردتني وانا الدموع مغرقاني ومشيت بيت ناس هناء لقيت البيت صاني مافيهو اي زول والخوف داير يكتلني بقيت افتش لمحمد زي المجنونه اسال زول زول ماف زول جاوب لي والحله كلها لفيتا م خليت شارع ولا خليت زقاق ولا خليت بحر ولا خليت مكان اتقدم واجي القا بيت ناس هناء مقفول كانهم رحلو مشيت بيت ناس خطيبه اخوي قلت ليها احسن تعترفي راجلي وديتو وين قالت لي راجل شنو انتي اظنك مجنونه تألفي ساي قلت ليها انتي عارفه كويس اني م بألف وعارفه كويس الحقيقه بس عايزه تتوهيني انا لكن اقسم بالله انا اتوه بلد بي حالها واندمك ي بت الحرام مسكتها ختيت فيها دقه عمرها م تنساها وشوهت ليها وشها ابوها جا يحجزني طيرتو بعيد امها خافت مني وجرت واتلفت علي ابوها قلت ليهو انتو عايزين تعملو فيها شفوت بس انا م بتقدرو علي لو م خليتك تمش وتكلم نفسك تعال تف لي ف وشي ي ديوث وطلعت منهم ودموعي كابه سيل وغلبني مكان امش اتصلت علي علاء قلت ليهو عايزه أقابلك ضروري قال لي انا ف القسم عندي شغل قال لي فشنو قلت ليهو في مصيبه قال لي شنو قلت ليهو انا لافه بالشوراع ما لاقيه مكان ارقد فيهو قال لي محمد وين بقيت ابكي قلت ليهو محمد انا السبب قال لي ي بت فشنو محمد الجاهو شنو قلت ليهو انا عايزه افتح بلاغ محمد اختفي قال لي معاك قروش ولا م معاك قلت ليهو م معاي قال لي امشي موقف الامجادات واركبي عربيه واديني السواق قلت ليهو طيب وقبل ده كلو شيلي مفتاح عربيه راجلك قفليها وجيبي التلفون حقو قلت ليهو طيب فتحت الشنطه حقتي لقيت فيها المفتاح فتحت العربيه شيلت التلفون ولقيت لي قروش شيلتهن ومشيت الموقف ركبت عربيه وقلت لي علاء انا معاي قروش م محتاجه قال لي طيب اديني السواق اوصف ليهو قلت ليهو تمام اديت السواق وصف ليهو مكان قاعد قال ليهو سلمني ليها وانا دموعي م وقفت كل دقيقه اعاين لي خلفيه محمد وصورتو واقعد ابكي السواق قال لي ربنا يرحمو قلت ليهو بعد الشر زوجي عايش بس بعيد مني قال لي بدل تبكي ادعي ربنا يلم شملكم وربنا قادر يلمكم بقيت ادعي في سري وابكي والتلفون بقا يتصل ابو محمد انا غلبني ارد وشغال يتصل ويتصل اتزكرت البوكسي حقو بتاع الشغل بكون عايز محمد يرجع البوكسي ليهو وانا ما قادره ارد ارد اقول شنو وصلت علاء وحكيت ليهو قال لي انتي انا محزرك ما تتصرفي من راسك اختك فهمتيها اي شي تاني فاتت معاهم ابقا هي حره شوفي ضيعتي راجلك واختك جات كانو م حصل شي قعدت ابكي وابكي وخلاص الدنيا ضلمت في وشي علاء قال لي اسكتي كلو لخير وفتح لي محضر وحرك قوه عشان يفتشو محمد مشو بيت ناس هناء وقالو مافيهو زول حتي سالو الناس قالو ليهم الناس ديل سافرو انا قلت اكيد كتلو محمد مستحيل يمشو ساي وبقيت ابكي وجيت راجعه الحله وبقيت افتش لي محمد ف البيت وكانو الناس ديل الارض انشقت وبلعتهم بعد شويه جا ولد اتزكرت الولد دا شفتو اول يوم عند ناس هناء وقالت لي دا ولد عمي بس شكلو اتغير شكلو بتعاطا كتير بقا ضعيف ومبهدل قلت ليهو ناس هنا وين حسيتو م طبيعي شكلو بقا مريض نفسي ولا مالو ما عارفه قال لي بوليس جا هنا 👈 وبقا يأشر علي الغرفه قلت ليهو هناء وين ما افادني بحاجه شكلو طاشي شبكه ودا كلو بسبب المخدرات الله يقطعها ويقطع اي زول بتاجر فيها ناديت لي ولد من الحله واديتو تلفون محمد قلت ليهو ارجع ف الرقم دا قول ليهو لقيت البوكسي دا موقف والتلفون بضرب ووصف ليهو المكان دا خليهم يجو يشيلو البوكسي دا لو سالك من صاحب التلفون قول ليهم م عارف عنو شي وبديك الدايرو قال لي تمام انتظرتو لمن اتصل علي ابو محمد وكلمو بالقلتو ليهو كلو قال ليهو تمام خليك واقف جنبو نحنا ح نجيك وقفل منو قلت ليهو شكرا ليك واديتو قروش قلت ليهو م تجيب سيرتي ومشيت ركبت المواصلات لغايه م وصلت امي مدينه وحكيت ليها الحصل لمحمد وطبعا هي ف الغضب مافي زول بقدر اتحكم فيها بقت جايطه وقالت لي انتي م عارفه محمد دا ولد منو ابوهو ح يمسح قريتكم من الخريطه الله يستر انا قلبي بقا يدق وخلاص انتهيت عديل رسلت لي سعد وقالت ليهو تتصرف تلقا محمد قبل ابوهو عشان ابوهو لو عرف حاجه ح يدمرنا كلنا وانا اولكم الدنيا مسخت لي وبقت تحكي لي بي ابو محمد انو زعيم قبيلتهم وعمده والناس ديل ف الادب والاحترام بضربو بيهم المثل قالت لي مفتكره محمد شغال معاي لا لا محمد دا بجي يطمئن علي بس قلت ليها فعلا انا شفتو بالحساب قالت لي انا م عرضت عليهو انو يعقد عليك مشيت عشان اكلم سعد وما لقيتو وصيتو ليهو قال لي انا بعقد عليها وبنوت قبيلتو منتظرات منو اشاره واهلو كمان هسي نقول ليهم شنو ح يجي يسالني انا قلت ليها يمه مدينه انا بمش افتشو ولو م لقيتو بكتل روحي وراهو قالت لي لا م تتحركي براك امش معاك سعد ونادت سعد ومشينا بقينا لافين ونسال انا كنت شايله تلفون محمد سعد قال لي لو عرفنا مكان الناس ديل انا بعرف القا محمد بس انتي لميني فيهم قلت ليهو اتزكرت انا الضابط كان مديني حساب اتواصل مع قتيبه دقيقه افتحو وادردش فتحتو ورسلت ليهو ردا علي طوالي قال لي وين انتي ي زوله جينا بلدكم وما لقيناك قلت ليهو ابوي اتوفي قال لي البركه فيكم وبقيت اسال فيهو واتحقق قال لي كان نفسي الاقيك قبل اسافر قلت ليهو مسافر يعني قال لي لا لا لسه بس حولنا شغلنا بورتسودان قلت ليهو انا كمان جايه بورتسودان عايزه اشتغل في وكاله بعد ابوي اتوفي ماعندنا زول بصرف علينا ومحتاجين قال لي شغلك عندي بس انتي اصلي بورسودان قلت ليهو تمام قلت ليهو بكره بجي ان شالله اتصلت علي علاء حكيت ليهو بالحاصل قال لي حلو انا بتصل علي ضابط هناك يستلمك ويأمنك واصلا كده كده انتي عامله محضر اختفي زوجك يعني ح نقبض عليهم والقضيه ح تظبط ان شاءالله نحنا قدرنا نصل لمعلومات مهمه جدااااا قلت ليهو طيب انا بكره بتحرك وربنا يستر ………….يتبع
الفصل الثامن عشر18
علاء قال لي اتحركي بدري وما تجي براك كويس وريتو انو معاي سعد قال لي سعد دا منو كمان حكيت ليهو بيهو قلت ليهو دا الجا وصلك لمن كنت مع امي مدينه قال لي تمام قلت لسعد قبل امش عايزه امش لي امي قال لي تمام امشي مشيت ولقيت بيتنا فيهو ضيوف شكلو صوت الونسه من بره ظاهر دخلت امي من شافتني جات عشان تطردني قلت ليها ماشه يمه وح ترتاحي مني وجيت عشان اقول ليك انا بدل المره جيتك الف مره عشان تفهمي الحقيقه وتصدقي وانتي مصره انك ما تفهميني م عارفه السبب شنو انتي اتغيرتي ولا في شنو قالت لي لو بتي م بتشرف بيك بت تطلع بالشهور وتجي بي راجل وتجي تقول لي لي حملت بالحرام واجهضتو دي م بت رجال قلت ليها لا انا بت رجال وبت رجال شديد كمان انا ربنا عالم بي والاغتصاب دا احتمال تخليص حق لاني انا ما البت الكعبه زي م انتي واخوي فاهمين بس اسالو نفسكم عملتو شنو عشان ربنا يجزيكم بكده ادتني كف لمن وقعتا قلت ليها الكلام لمن احرقك دي رده فعلك بتكون معناتا في شي انا م جيت راجعه عشان اقول كده انا جيت اقول ليك نهي امانه في رقبتك لو حصل ليها الحصل لي م تلومي الا نفسك وانا يا امي قلبي قسا خلاص ما ح تشوفيني تاني الا اذا كنتي علي فراش الموت وانا ظهرت عشان اخد حقي وحق ابوي وبنات الحله وزوجي الضاع بسبب اختي دا ذنبو في رقبتي وزواجي ليهو قسيمه بس عشان يحميني من كلام الناس وهن وينن الناس الحله كلها ادمرت كانكم ما عايشين في الكوكب احتمال نحنا نكون البيت الوحيد او بالحساب ما ماشين في طريقهم وغصبا عننا عايزين يمشونا بس ليهم يوم والله انا جيت اودعك انتي ونهي قالت لي عليك اسهل وعلينا امهل عايزه ادخل لي نهي منعنتني وانا سامعه صوت الضحك عالي امي مسكتني قالت لي لا م تمشي معانا ضيوف ح تفضحينا قلت ليها لا ح ادخل وانتي امي م تخليني استخدم معاك اسلوب العنف زحيتا مني ودخلت لقيت نهي معاها خطيبت اخوي ومعاهم ولد وجيهه وشكلو م من الحله م سلمت علي نهي ولا خطيبه اخوي وقفت قصاد الولد قلت ليهو انت منو بقا اعاين لي نهي وخطيبه اخوي عايزه تزوق جريتا من شعرها العاجبه دا بطريقه الولد زاتو مندهش فيني قال لي انتي المراءه الحديديه قلت ليهو بس الله يفتح عليك بتطلع ولا ح يحصل ليك زي م حصل للحيوانه دي الولد جرا جري التقول م راجل مسكت خطيبه اخوي قلت ليها لو لقيتك هنا بقطع كراعك امي جات جاريه قلت ليها خشمك م تفتحي لانو انا خلاص الجوه في قلبي احرق البيت بالفيهو فشنو ياخ م تجنوني امي قالت لي ي بت اوعك تجني فيني الولد دا جا يخطب نهي وجا عشان اشوفها قلت ليها لا ابشرك شافا وغلطت معاهو كمان نهي بقت مخلوعه من نظرتها خلاص عرفت انو نهي وقعت في فخهم ودا الاسلوب التاني للدمار امي قالت لي قايلاها زيك قلت ليها يلا هي فعلا م زيي انا خدروني وهي مشت بي كرعينا وبي كامل وعيها وبعد انا حزرتها نهي بقت تمتم وتحلف انو انا كذابه واتهمتها قلت ليها الولد دا بتعرفي وين اهلو وين قبيلتو جاك براهو مدلدل يدينو قالت لي جايب اهلو يوم الشنطه عشان عايزين نتزوج انا واخوي قلت ليها تمام م عندكم مشكله بس عرسو بره البيت دا م القاكم فيهو دا اصلا لو بقا عندكم وش ومشيت منهم وغضبت غضب شديد قدر م حاولت احلها من هنا تتعقد من هنا صبري خلاص نفذ مشيت حكيت لي سعد قال لي بتتسهل ان شالله
تاني يوم مشينا بورسودان ووصلنا متاخرين لاقانا زميل علاء استلمنا ورحب بينا انا وداني اهلو وسعد قال لي بقعد في اي مكان لو احتجتي حاجه اتصلي لي قلت ليهو سمح مشيت معاهو بيتهم وكانت في والدتو كبيره ف السن رحبت بي ورغم كبر سنها بس شكلها منظمه ومرتبه قامت بي ضيافتي ومنعتني اساعدها بس اصريت اني اساعدها عشان م صاح
بقيت متواصله مع قتيبه وصاحب علاء نبهني انو ما ارسل اللوكيشن لي قتيبه وافهمو اني نزلت مع قرايبي وكده قلت ليهو حاضر
علاء قال لي قتيبه بكون نسا شكلك العليك انك تتمكيجي لو م بتعرفي تعرفي وتغطي وشك تكون عيونك بس الظاهره ونهاي م تفتحي وشك لمن نصل للعايزنو قلت ليهو حاضر بس م عندي مكياجات قال لي معاك قروش قلت ليهو اي قال لي بكره شوفي ام صاحبي دا توصف ليك قلت ليهو حاضر الصباح بنشرب ف الشاي قلت ليها يمه عايزه بوتيك ببيع حاجات بنات عايزه مكياجات قالت لي خلاص بخلي بت جيرانا اسمها هبه تسوقك قلت ليها حاضر صاحب علاء اسمو اياد حزرني اني اكلم زول بي اي تفاصيل قلت ليهو حاضر وبقيت قاعده مع امو مره طيبه وعلي نياتها مشت جابت لي هبه وجات هبه زوله مرحه وحيويه قالت لي اخيرا لقيت بت قدري قلت ليها تسلمي قالت لي ح اوديك مكان حلو قلت ليها طيب ونحنا ف الشارع قلت ليها نفسي اتعلم كيف اخت مكياج قالت لي انا بوريك خبره ف المكياج قلت ليها تسلمي وريتا اني جيت شغل هنا في وكاله وكده قالت لي ممتاز والله ربنا يوفقك مشينا اشترينا الحاجات والبت م صدقت وقعت فيني مكياج وطبعا جابت لي كريمات قالت لي ح تبقي ناعمه وهي م جايبه خبر قالت لي ليه انتي بتلبسي كده قلت ليها تعويده نحنا عاشين في الخلا ودا الزي بتاع الباديه لو سمعتي بيهم قالت لي م سمعت بس ح اسمع منك بي قلبي قلت ليها انا زاتي م بعرفو المهم البت دي ظبطت فيني مكياج انا روحي م عرفتها خلي قتيبه يعرفني وصورتني بي تلفونها وكنت لابسه اللبس البدوي وكنت مغطيه وشي ختيتا ف الفيس ولقيت رسايل الناس مبالغه قتيبه مرسل لي ميه رساله قال لي اقابلك اليوم كلمت علاء قال لي انتظري اياد انتظرتو لمن جا اتصلت علي سعد وجا لمن شافني لمن انخلع قلت ليهو سعد دي لزوم الخطه عشان قتيبه بعرف شكلي قال لي ربنا يهون ويحفظك المهم وصلت مكان قتيبه منتظرني وديل خلوني وفاتو سلمت عليهو وعوجتا لساني كاني بدويه واصلا في كم كلمات حفظتها منهم وبقيت اونس فيهو قال لي حبيت الزي بتاعكم بس ممكن اشوف وشك قلت ليهو مستحيل 🙅 قال لي ليه فيها مشكله يعني قلت ليهو نحنا عندنا م بتفتحي وشك الا لزوجك قال لي احتمال اتزوجك لو شفتك قلت ليهو لا انا جيت اشتغل م عايزه زواج المهم اشتغل قال لي م عندك مشكله بتشتغلي اي شي قلت ليهو اي قال لي اي شي اي شي قلت ليهو اي شي المهم بس اجيب قروش قال لي طيب انا بكره بجي اسوقك بي عربيتي ولا برسل ليك السواق قلت ليهو لا بجيك انا مكان عايزني قال لي تمام قلت ليهو الشغل كيف وعباره عن شنو قال لي خدمه توصيل ومحتاجين بنات وماتخافي بسواقك اكون قلت ليهو حلو شغله بسيطه وساهله قال لي لا م ساهله التسليم بكون في مكان مقطوعه قلت ليهو كيف م فهمت قال لي م ح تفهمي الا عديل قلت ليهو تمام قلت ليهو علي شرط نتلاقه في مكان عام خاص مستحيل الاقيك قال لي جدا مشيت منو حكيت لي اياد قال لي يلا شكلو عايزنك تشتغلي توزعي معاهم مخدرات انا بقيت اتعوذ واستغفر قلت ليهو مستحيل قال لي المستحيل شنو وطيب ح نقبضهم كيف انتي مفتكره نفسك ح تشتغلي عديل لا طبعا دا تبع الخطه قلت ليهو ربنا بسالني قال لي ربنا بسالك اذا انتي كنتي فعلا عايزه تشتغلي بس انتي شغاله معانا عشان توصلينا ليهم قلت ليهو طيب سعد قال لي م مطمن وقلبي ماكلني والناس ديل م ساهلين شكلهم ح تضيعي انتي ومحمد
اياد قال ليهو لا باذن الله م ح تجيها حاجه
تاني يوم قتيبه اتصل علي كلمت اياد وسعد ومشينا وقفت عربيه وركبت معاهم معاهو بت قدري ف العمر بتتكلم بي لغه غلبتني زاتو قلت ليهو جنسها شنو قال لي لا دي مصطلحات بنفهنا نحنا وح نفهمك ليها بس عايز اوريك شغلنا عشان تتعلمي المهم البت دي بتصلن عليها بنات بتلاقيهن وتديهن حاجاتهم دي علي اساس انها اوردرات عاديه بس انا فاهمه هي مخدرات سالتهم قلت ليهم دي منتجات تفتيح ولا شنو قالو لي لا دي منتجات كتيره م ضروري انتي تفتيحيها انتي بس عليك تسلمي وتجيبي قروشك المهم البت دي خلال اللحظات دي لاقت ميه بت وبنات شكلهن بنات ناس وصغار م كبار ف السن انا قلبي انقطع واتوجعتا وجع وبقيت متاثره وظاهر في عيوني قتيبه قال لي دا شغلنا مريح صاح بي قلبي قلت ليهو مريح جسديا بس نفسيا م مريح قلت ليهو بسيط ماصعب بس م بقدر انا اليوم كلو اكون لافه ادوني نص يوم قال لي البريحك بس نحنا معاك فيهو قلت ليهم نزلوني مكان سوقتوني قال لي تمام نزلوني ومافاتو سمح لمحت محمد ركب معاهم في نفس العربيه عايزه اجري وراهو اياد مسكني من عبايتي قال لي وين ماشه اوعك ح تخربي علينا اي شي قلت ليهو لا لا يا اياد انا لازم الحق محمد اكيد محمد مغصوب محمد ح يضيع مني قال لي محمد م صغير بفهم قلت ليهو لا لا مستحيل محمد اكون مشا معاهم ساي سعد قال لي نوسه خليهو بعد شفناهو بنعرف نصل ليهو قلت ليهو اياد بعدين الشرطه بتقبض عليهم ومعاهم محمد وح يتورط قال لي م بتورط ي نوسه اصبري خلينا نفكر ونشوف علاء رايو شنو من ناحيه انبسطتا اني شفت محمد ومن ناحيه زعلانه محمد كيف اشتغل معاهم دا الحا نعرفو الحلقه الجايه …