بقيت اترجا في اياد اخليني اصل محمد منعني وقال لي نوسه تعبنا كلو ح تضيعيهو وانا اطمنك محمد م ح تجيهو حاجه بأذن الله بقيت ادعي في سري محمد م يستاهل يقع معاهم ف الفخ بس الناس ديل ضموهو كيف وقالو ليهو شنو الله اعلم سعد قال لي محمد مستحيل يمشي معاهم ساي الا اذا استفذوهو في عرضو اللهو انتي قلت ليهو كيف قال لي دا الداير اعرفو واصبري م تقلقي حتي لو شفتي جنبك م تتكلمي معاهو نهاي اعملي فيها روحك م بتعرفيهو ولا شفتيهو قبل كده قلت ليهو مستحيل قال لي نوسه م تخلي عاطفتك تتحكم فيك الوضع م متحمل قلت ليهو ربنا يقدرني قال لي داير ارسل لي عبيد افهمو انو لقينا محمد عشان يبلغ اهلو ويقول ليهم مشو شغل في الدهب هو وسعد عشان ما يشكو خليتو اتصل عليهم وانا رجعت بيت ناس اياد لقيتو ملان ضيوف شكلها عندها جمعيه كل مره بجوها قرايبها سلمت عليهم وعرفتهم علي قالو ليها شكلها بت حلال ان شالله تكون من نصيب اياد قلت ليهم انا متزوجه بس زوجي عيان شويه قالو لي الف سلامه ليهو اتمنيناك تكوني من العيله قلت ليهم ياريت اياد ولد محترم شديد ربنا اديهو بت الحلال امو قالت لي امين م عندك اخت هنا انا قلبي انقطع وحسيت العبره خنقتني قلت ليها عندي ان شاءالله قالت لي بس اختك دي دايرنها نحنا قلت ليها ان شالله وكانو جادين في كلامهم بس اختي ياحليلا دمرت نفسها بي يدها بقيت ادعي ربنا يسترها ومايحصل لي زي م حصل لي مني وانا وغيري
تاني يوم قتيبه اتصل علي قال لي الليله دوامك لازم تجي قلت ليهو حاضر كلمت اياد من بدري قال لي م عليك انتي بس امشي وانا وراك بالعربيه واوعك تخافي والعايزو منك علي قدر م تقدري من البنات ديل جيبي لينا معلومات. بس اوعك تحسسيهن انك عايزه تشيلي معلومات المهم اتصرفي وبقا يضرب لي في امثال قلت ليهو فهمتك خلاص انت بس م تخليني براي ممكن يقدرو بي قتيبه م عرفني بالمكياج بس هناء لو شافتني ح تعرفني قال لي م اظن تصلي مرحله انك تلاقي هناء للزمن داك بكون قبضت عليهم قلت ليهو ي رب ومشيت طبعا متظبطه كاني بت شوراع ومارقه لاقيت قتيبه اداني تلفون واداني معلومات عن البنات والمكان بالزمن واداني الطلبيات ركبت مع السواق والتلفون اشيل واتصل كل بت مواعيدها بالظبط بلقاها ف المكان اول واحده بت كده من النوع بتحب الحريه اللبس وطريقه الكلام والعز ظاهر في وشها سلمت عليها اديتا الطلبيه قلت ليها دا شنو قالت لي كيف دا شنو انتي بتستعبطي ولا شنو واسلوبها كان قوي شديد وظاهر عليها من البنات البتعاطن قالت لي عايزه تصاحبيني ولا شنو دا شنو العبط والقرف دا وادتني القروش وفاتت جا واحد بي عربيه ساقها بقيت اتحسر عليهم شباب م يستاهلو والله
مشيت للتانيه ودي تحسي وراها قصه قلت ليها الحاجات دي ليك صاح قالت لي اي نحنا كم واحده من غير م اشعر قلت ليها ربنا اهديكن قالت لي امين يارب اول مره زول يقول لي كده ادعي لي عليك الله قلت ليها انتي مدام م عايزه الحاجه دي ليه مواصله فيها خلي عندك عزيمه وامنعي نفسك منها قالت لي صعب اخليها طوالي وكل م افكر اخليها الناس ديل يجيبو صنف اقوي والبنات احكن بيهو وارجع تاني ليهو وبشده قلت ليها انتي بتعرفي الناس ديل من وين قالت لي هو في زول م بعرفهم ديل ف الدوله وخارج الدوله م مقصرين انتي جايه من طرف قتيبه ولا هناء قلت ليها قتيبه قالت لي غريبه اول مره اشوف بت ناس تشتغل الشغله دي قلت ليها ابوي اتوفا ليهو شهر وعايزه قروش قالت لي اسمعيني ممكن انا اديك قروش وتخلي الشغله دي لو ماعايزه بس م تقولي ليهم انا قلت ليك كده قلت ليها لالا قروش بياتو مقابل قالت لي بدون مقابل عايزه اساعدك واكسب فيك اجر عايزه اعمل حاجه لله عشان لو موتا فجاه ما اكون مزنبه اتاثرت ليها قلت ليها ربنا اهديك يا اختي ونصيحتي ليك خلي الشغله دي امشي لطبيب نفسي امشي مركز ادمان اتعالجي قبل تندمي قالت لي ان شاءالله حسيت البت دي وقعت في الحاجات دي غصبا عنها وفجاه لقت نفسها مدمنه وماهي بس حسيت اغلبيه اللاقيتهم كده وما قدرت اجيب معلومات اكتر جيت راجعه حكيت لي اياد قال لي الناس ديل م ح نصل ليهم الا تمشي معاهم مكان ساكنين عديل قلت ليهو لا دا م اتفاقنا قال لي عارف بس ما قدرنا نشيل اي معلومات ممكن لو قبضنا عليهم كده مسافه يعترفو كبارهم يهربو ونحنا م عايزين ديل عايزين الكبار ديل م ح يفيدونا ديل احتمال اكونو مجبورين علي الشغله دي نحنا عايزين الليهم يد في القصص دي كلها قلت ليهو اعرف كيف قال لي قربي من قتيبه قلت ليهو لا انا بقرف عديل من صوتو قال لي ماف حلل غشي عليهو واوهمي بي اي شي وقولي ليهو انا عايزه ابقا زيك ما عايزه ابقا بتاعت توصيل شوفي كلامو شنو قلت ليهو طيب
تاني يوم مشيت كذالك للبنات وبقيت اديهن محاضرات وحسيت أغلبيتهم مجبورين كلامي اثر فيهم بس في واحدات قادرات قاعدات يزلني وبقيت اخاف يحكو لي قتيبه ودا ما من صالحي بقيت احاول اقرب من قتيبه وقاعده الاقيهو كتير
قلت ليهو قتيبه انا عايزه اشتغل زيك كده قعد اضحك قال لي صعب الحاجه دي الكبار م بثقو في الناس بالساهل قلت ليهو انت مالك انا بقنعهم انت بس وصلني ليهم انا عايزه خلال شهر اغني عديل عايزه قروش حسستو اني مريضه قروش قال لي م تستتعجلي نحنا كتلنا الروح حتي وصلنا للانحنا فيهو دا الشغله دي عايزه زول م عندو ضمير او ضميرو مات من كترت الذنوب المغرقاهو قلت ليهو م تشوفني كده انا م عندي ضمير ممكن ابيع امي عادي قال لي بس نحنا دا العايزنو لمن نشوف الزول م فارق معاهو شي بنرتاح عديل ف التعامل معاهو قلت ليهو انا جاده بس انت م عليك وصلني ليهم قال لي م بالساهل تلاقيهم ديل ناس عندهم سمعتهم م ظاهرين للناس بالشغله دي ناس نظيفين تحسيهم بس الوراهم الله لا وراك ليهو قلت ليهو انا متين ابقا زيهم كده قال لي عايزه تبقي زيهم بالسهوله دي ي بت صعب انك تبقي زيهم ممكن تبقي زيي لكن بعد يختبرو قوه قلبك قلت ليهو شوف في اي شي انا جاهزه قال لي بكلمهم واشوف رايهم قلت ليهو م عندك مشكله انا ف اي وقت بجيك قال لي مستعده تعملي اي شي قلت ليهو اي شي بعملو انت بس وريني طبعا بتكلم بثقه وانا من جواي قلبي واقف كان قرب مني يسمع ضرباتو بس قتيبه دا اكتشفت منو ما ذكي نهاي جاتو الفرصه بدل مره ميه مره يعرفني انا نسيبه بس غبي غباء م عادي حكيت لي اياد قال لي شوفي قتيبه دا البوصلنا ليهم وكويس انك اتعاملتي بي ذكاء خلي الثقه الجاتك دي ثابته في كل كلامك م تحسسي انك خايفه حتي لو كنتي خايفه قلت ليهو حاضر
سعد قال لي انا قلقته علي محمد تاني م شفناهو قلت ليهو هانت انا ح اعرف مكانو انا عايزه امشي مع قتيبه علي اساس اني ح ابقا راس كبير قال لي راس شنو ودا كلام شنو انتي مالك اتغيرتي كده قلت ليهو سعد اتغيرت شنو دا كلو تبع الخطه قال لي خطه شنو ياخ اقبضو عليهم كده واريحوك واريحونا انا زهجت والله امور المدينه دي م بتنفع معاي راجع للخلا اقعد وسط الشجر وسط بهايمي افضل لي من الغزاره دي قلت ليهو مافي زول مرتاح فيها ولا عاجباني بس نفسي اصل للحلم المنتظراهو زمن قال لي انا بديكم يومين قدرتو تصلو اهلا وسهلا م قدرتو تصلو بصل لي محمد وبنرجع باديتنا قلت ليهو اصبر ي سعد م تخرب علينا وعد يومين نصل للعايزنو قال لي وريتك انا غايتو حاولت اقنعو بس ليهو حق انا زاتي زهجت وندمتا علي يومي المشيت فيهو لي هناء اريتني كان سمعت كلام امي وقعدتا بس الندم م بفيد لازم انجز
نص الليل جاتني مكالمه من قتيبه قال لي عايزنك في مهمه ضروري تعالي قلت ليهو كويس صحيت اياد وريتو قال لي ارح بس اوعك تغلطي مشينا سوا لقيت قتيبه منتظرني ومعاهو بت والبت شكلها بت ناس وخايفه قلت ليهو دي منو قال لي دي غلطت وعايزين نتخلص من غلطها من غير م اشعر قلت ليهو حامل قال لي عرفتي كيف قلت ليهو بت غلطت يعني عملت شنو اكيد حملت بالحرام قال لي بس يلا انا عايزك تمشي معاها للعمليه وتنتظريها لمن تنتهي وتجيبيها قلت ليهو طيب مشيت مع البت والبت ترجف م عارفه جاني احساس انها ح تموت احتمال عشان ضوقتا الحاجه دي مشينا مكان مهجور وريحتو مقرفه دخلنا فيهو لقينا المره واقفه منتظرانا لمن شفتها اتزكرت قصتي زمان بس م ياها دي واحده تانيه البت رقيقه تبكي ومتوتره قعدت جنبها قلت ليها معليش انتي ليه عملتي كده قالت لي غصبا عني وانا ابوي لو عرف بكتلني قلت ليها احسن ابوك اكتلك وتتوبي من تموتي في يد دي قالت لي كيف يعني انا ح اموت انتي جربتي الاجهاض قلت ليها ي غبيه انا مالي ميته هدي حيه جنبك ارزق بس قلت ليك كده ساي قالت لي والله غلطه مستحيل تتكرر وانا بعد انتهي من الهم دا ح اخلي ابوي يوديني عمره اكفر عن ذنوبي قلت ليها ان شاءالله وادعي لي معاك قالت لي م بنساك انتي شكلك طيبه قلت ليها تسلمي
فجاه المره جاتنا قالت ليها انتي جيتي تتونسي قومي خليني اشوف شغلتي انا م فاضيه ليك قلت ليها ممكن براحه دا م اسلوب قالت لي انتي منو عشان تعلميني الاسلوب خشمك وعندك قلت ليها سمح والبت دخلت معاها جوه ميه ساعه م جات طالعه بعد الشمس شرقت جاتني طالعه قالت لي البت دي شكلها ماتت انا انخلعت قلت ليها كيف قالت لي عادي وكانت بتتكلم ببرود قالت لي شوفي جماعتها ح يتصرفو كيف انا طالعه بيتي بقلب بارد طلعت وخلت البت غرقانه في دمها بدون رحمه انا لو عندي سلطه اعلقها من رقبتها ونوع دي اخطر من المخدرات البت كلاما في اضاني شبعت بكا عليها اتصلت كلمت قتيبه قال لي برسل ليك السواق اجدعوها في اي مكان