محمد قال لي مرتو دي نسيبه ودي رغده طالبات عندي ما قال ليها دي زوجتي الاولي والانا الان في عصمتو 😭انا حسيت الدنيا ما شايلاني ورغم اني وصلت لطريق مسدود مع محمد بس م عارفه قلبي وجعني لمن عرفت انو اتزوج والدنيا مسخت لي رغده قالت لي تغشي علينا محمد م زوجك ومعناتا بكري لمن ضربو قبضك معاهو قلت ليها انتي مجنونه انا ما البت البقبضوها مع ولد ومحمد دا زوجي والان انا في عصمتو وم ح ابرر ليك اكتر من كده ومشيت طوالي منها
مشيت الداخليه وقلبي كان موجعني ودموعي نهاي م وقفت والدنيا مسخت لي بكيت قدرتي لمن حلقي قفل والمشكله اني نازله امتحانات وغالبني اقرا معاي واحده ف الغرفه قلت ليها ممكن تلفونك ادتني ليهو اتصلت علي بكري ردا علي بطمام بطن بس بكري ضعيف قصاد دموعي قلت ليهو بكري وبقيت ابكي بقا اقول لي نوسه مالك فشنو الحاصل شنو وانا م قادره انطق حرف بس بقول ليهو بكري تعال هسي حسا بي مضايقه خمسه دقايق وقال لي اطلعي منتظرك
انا طلعت لقيتو مخلوع علي قال لي نوسه فشنو قلت ليهو مضايقه قال لي طيب ارح نمش مكان تشربي فيهو عصير وتحكي لي شنو المضايقك وما عاش ولا كان البضايقك قلت ليهو م عايزه بكري ماشه البحر قال لي نوسه بحر شنو سمي بالله قلت ليهو بسم الله بس وديني البحر ممكن قال لي طيب قشي دموعك دي وادخلي البسي احلي عبايه عندك وغسلي وشك قلت ليهو حاضر مشيت لبست وجيت طالعه قال لي وينا ضحكتك ابتسمت بسمه خفيفه وجواي نااااار قال لي يلا مشينا البحر وقعدت في الرمله بقيت اعاين للبحر ودموعي عشره عشره بكري قال لي نوسه لو ح تبكي كده انا ح ارجعك الداخليه اهدي شويه واخدي نفس عميق وعايني لي في عيوني واحكي لي اتهربتا من عيونو م نفسي اضعف انا بقيت بين قصتين غامضات م عايزه ازيد الطين بله قال لي فشنو قلت ليهو محمد قال لي مالو قلت ليهو متزوج ابتسم لا شعوريا قال لي والمشكله وين كدي استهدي بالله انتي هسي مقطعه نفسك كده عشان هو متزوج قلت ليهو انت م عارف العلي اهلي عايزين يعرسوني لي ود عمتي محمد راجل ايلاف قال لي معقوله اهلك ديل م نصاح اعرسوك لي واحد مرتو دمرتك قلت ليهو اهلي ما عارفين الحقيقه وانا ما عايزاهو نهاي لو اقعد بايره كده عاين لي كده وقال لي انتي بتبوري قلت ليهو الحاصل علي دا هسي شنو قال لي حرم توافقي هسي اعقد عليك قعدت اضحك قلت ليهو بكري انت اخوي والحمد لله انت متزوج وبي مرتك وقريب ح تبقا اب بقا صاري لي قال لي نوسه بطلي مثاليه انتي بتحبيني وبتخافي علي اسامه حكا لي قلت ليهو بمناسبه اسامه انت ليه بتعمل في نفسك كده قال لي نوسه والله انا شربت بالحساب اول ما راهقتا شربت مع اسامه واضايقت وكنت ح اموت واصلا هو م بنفع مع معدتي وعشان كده ابوي طلع من الحله وجينا مدني وتاني يوم عرسي ما كنت متخيل مره غيرك تكون مرتي وتالت شي لمن قلتي لي الاستاذ الوجيهه المكسر البنات دا راجلي قلت ليهو طيب فهمك للشراب في المره التانيه والتالته شنو الاولي خليها طيش شباب وربنا انقذك قال لي عشان انسا قلت ليهو الناس بتنسا كده اتقرب من ربك استغفر الهي نفسك بالطاعه ح تنسا سريع اكتر مما تشرب وتضر نفسك قال لي ونعم بالله بس ياهو دا السايد في القري تشرب عشان تواجهه المشكله قلت ليهو واجهتها قعد اضحك قال لي لا طبعا نوسه انا فاهم بس خليها بالنيه واوعدك تاني ما اشرب قلت ليهو ولا تباري اسامه قال لي بالمناسبه اسامه بقا شيخ عديل الناس كلها م مصدقه انك لا تهدي من احببت لكن الله يهدي من يشاء قال لي نوسه خليك مني انا هسي عايز افهم ود عمتك دا في راسو في شنو قلت ليهو بكري ود عمتي بارد برود انا بردح ليهو بظهر لي برقم جديد قال لي من اساسو تدي رقمك ليه قلت ليهو عرفت حقايق كنت ما عارفاها وعرفت عدوي من صليحي وما زعلانه بس قلبي دا موجعني انا مستحيل اعرسو واسافر معاهو قال لي م عليك الموضوع دا بنفكر نحلو انا الدايرو منك ترمي الهموم دي ف البحر ونمشي المكتبه نبدا قرايه في حاجات كتيره فايته علي عايزاك تشرحي لي قلت ليهو تمام اي عشان نكون متفوقين قال لي بأذن الله يلا انتي انسي وما تمشي البلد عايزين نقرا دي نهايه سنه قلت ليهو تمام ارح نطلع نمش المكتبه الكنا بنقرا فيها ديك قال لي تمام مشينا ولقينا عمي الكان قاعد زمان رحب بينا وقال لينا المكتبه حقتكم تجو في اي زمن وبارك لي نجاحي وقال لي عقبال نشوفك اكبر دكتوره ي بتي قلت ليهو ان شاء الله يا رب
طلعنا بكري وداني الداخليه وحسيت نفسي كويسه شديد وكل م اتزكر كلام بكري اجتهد في قرايتي وحسيت نفسي احسن من اول وبقيت م مركزه مع محمد نهاي واشوف الموت م اشوفو وهو كمان حسيتو انو خايف من رده فعلي وانا اساسا م عندي عليهو سلطه وما بفرق معاي
بكري قال لي نوسه عايزك قلت ليهو شنو قال لي م تركزي مع البتقال ليك بالحقيقه قلت ليهو البتقال شنو حكا لي البنات مطلعات فيني كلام وانو محمد م راجلي واني عملت معاهو علاقه قعدت اضحك قلت ليهو دي رغده بس اقسم بالله لو جابو لي فيديوهات عديل انا ما شغاله بيهم قال لي بس دا العايزو منك واها في جديد قلت ليهو طولت من اهلي ما تابعت كلامي اشوف علي اخوي جاي علينا سلم علينا وقال لي مالك م جيتي قلت ليهو انا ممتحنه قال لي ابوي هداك داير يجن قلت ليهو انا ممتحنه طمنوقال. لي لا لا ارح طمني انتي قدر ما طمنتو ابا قال لي بس جيبا لي بكري قال لي خلاص امشي وبكره تعاالي بدري ودعناهو ومشينا طالعين كده الاقينا محمد في وشنا علي بقا مخلوع وبعاين لي وبعاين ليهو مفتكر انو محمد جايني انا قال لي انتي دا شنو البتسوي فيهو دا لقيتك مع بكري وهدا جاييك محمد موش قلتي ما عايزاهو ويطنطن تحت تحت محمد سمعو عديل محمد قال ليهو ابو النسب كيفك قال ليهو شوف ي زول ما ابو النسب ونحنا نفتش ليك عايزين القسيمه بتاعت البت دي قال ليهو البت قالت ليك عايزه طلاق علي بقا يعاين لي ويعاين ليهو قال ليههو اي قالت ليك ولمن جيت ترجعا رفضت عشان موقفك البايخ قال ليهو طيب م مشكله نسمع من نوسه ي علي والعايزاهو هو يبقا كفايه انكم تغصبوها علي حاجه نوسه م صغيره ولو هسي قالت م عايزاني بطلقا قدامك علي قال لي ردي ساكته مالك عايزه الزول دا انا اتبكمتا وغلبني اتكلم بقيت اعاين محمد قال لي ردي وخليك مطمئنه م تخافي انا معاك قلت ليهو لا م عايزه اطلق عايزه ارجع لمحمد ماتابعت كلامي سمح جاني ليك كف طاخ من علي ومسك محمد من قميصو قال ليهو انت لو راجل ما بتجي تلاقيها من ورانا لو راجل كان جيت سقتها من البيت وبموافقتنا وبمعلوميتنا نحنا موش تجي تلاقيها من ورانا والطلبه كلهم اتلمو واسمعو في الشكله بسبب غباء اخوي اثبت علي التهمه الحايمه في المدرسه والناس كلها م عارفين الحقيقه انو علي اخوي ماعارف انو محمد استاذ في المدرسه ومفتكر انو جاي يلاقيني ولمن بقول ليهو كده قصدو انو يجي يرجعني منهم بس السمع السمعوهو الناس شي والحقيقه شي انا بيقيت واقعه في نار 🔥
الفصل العشرون
علي بقا يشاكل في محمد والناس كلها اتلمت بقا يقول ليهو لو انت راجل ود رجال ما بتجي تلاقيها من ورانا ولو راجل كان جيت سوقتها من البيت وانا خلاص بقيت م بشوف والطلاب بقو اعاينو لي بعد انا كنت متفوقه وكنت قدوه الطلاب بسوء فهم يفهمو اني كعبه محمد حسا بي متوتره وبكري الوحيد العارف الكلام الاتقال فيني والتهم القالوها فيني الطالبات بكري جا قال لي علي استهدا بالله انت فاهم غلط محمد م جا يقابل نسيبه محمد استاذ هنا ف المدرسه علي بقا يعاين لي قال لي صاح الكلام دا قلت ليهو اي وانا لمن اجي ارجع محمد مابرجعو بوراكم ح يكون بموافقتكم وانا هسي بقول ليك ياعلي انا عايزه ارجع لمحمد طبعا علي مظبط الموضوع مع محمد ود عمتي اعرسوني ليهو ويسفروني معاهو وماهاميهم مستقبلي عندهم الستره بس البت تعرس وناسين انو والله بت الرجال مستوره مهما الظروف مرت بيها ح تكون مستوره علي قال لي كيف الكلام دا موش الزول دا جا وانتي براك قلتي ما عايزاهو وانا وابوي حنسناك عشان ترجعي ليهو قلت ليهو زمان شي وهسي شي تاني انا عايزه ارجع لمحمد وهو اصلا م مطلقني بس انا زعلت وهسي م زعلانه علي قال لي كدي خلاص ارح ح نتفاهم ف الكلام دا ساقني وفات ولا اعتزر لمحمد ودا مؤشر لي انو م ح يوافق وبقيت خايفه يجبروني اني اطلق
مشينا الحله ودخلت البيت لقيت محمد ود عمتي قاعد اونس في ابوي وشكلو شغال اطبل ليهم عشان يعرسوني ليهو بس وين السماء قريب ولو عرسوني ليهو اطفش تاني م اجي سلمت عليهو ببرود وجيت سلمت علي ابوي بالحضن وقعدت جنبو ومحمد بعاين لي وانا م طايقاهو ولا طايقه خلقتو صريت ليهو وشي ومشيت لقيت امي قاعده في غرفتي ومنتكيه تشرب في قهوه ومعاها عمتي يا سبحان الله الحنيه دي جات متين ليهن من عرفت عمتي دي مشاكلانا وما بتريد امي ولا انا
من شافتني قامت تحضن فيني وتبوس فيني والغاليه بت الغالي طبعا انا زوله واضحه م بحب التمثيل بادرتها سلاما احتراما ليها بس لكن ما مثلتا زيها وسلمت علي امي ومشيت المطبخ اكلتا واستحميت وصليت مسكت كتابي امي جاتني قالت لي دا شنو البتعملي فيهو دا عمتك قاعده تجي تقعدي معاها ولا تقعدي تمسكي كتابك قلت ليها يمه بطلي تمثيليه انتي عارفه عمتي دي تشوف الموت م تشوفك هسي عشان دايره توقعيني في ولدها منتكيه وتضحكي معاها يمه انا ما بنسا اي كسرت نفس جاتني بسببهم واكون لي معلوميتك انا عايزه ارجع لي محمد زوجي والشي الما عارفاهو انتي محمد شغال استاذ في مدرستنا ولاقا علي اخوي وطلب يرجعني وانا موافقه امي قالت لي سجمي سجمي جنيتي انتي ماف حاجه اسمها ترجعي لمحمد مالك نسيتي جدعتو ليك قلت ليها زي ما انتي نسيتي كيد عمتي ليك انانسيت جدعت محمد لي وانتي عارفه محمد انصدم وم جدعني قالت لي هو انصدم اهلو انصدمو للان ماف زول عتب عتبه بابنا جاك قلت ليها هم بعرفوني كانو ما عرس كلفته عملتو انتو وانا رضيت وقت خلاص اقتنعت عايزين تتطلقوني بالعافيه عشان اعرس محمد واكون لمعلوميتك يمه لو م رجعت لراجلي محمد ود عمتي يحرم علي لاسباب هو عارفها كويس انا دسيتا منكم قالت لي كدي قومي وخلي الكلام دا اقعدي معاها شويه مشيت عشان امي م تنق فيني عمتي بقت شغاله تمثيل ومثاليه قربت احرجا بس برد بطرف لساني لمن فاتو مننا امي مشت حرشت علي ابوي وكلمتو بي كلامي وقررت اني احكي الحقيقه عشان يرفضو ود عمتي قلت ليهم انا رافضه محمد لاسباب قالو لي شنو مالو محمد ولد م شاء الله عليهو قلت ليهم عارفه بس الانتو ما عارفنو وانا عملتو من وراكم انكم لمن قررتو تعرسو لي مشيت رسلت ليهو بتلفون ايلاف عشان هو قبل يسافر وانا م فاهمه شي قال لي انا بسافر وبجي بعرسك المهم لمن دخلت ليهو احرجني وايلاف لفتو ليها وعرستو وم كده وبس انتو ما حصل يوم سألتوني انا بقيت كويسه كيف نسيتو حالتي الكانت بتجيني كان نفسي تسالوني وتلاحظو للحاجه دي بس للاسف كلكم م صدقتو اني بقيت كويسه عايزين تعرسو لي وتسفروني معاهو يلا النوريكم انا حالتي دي كانت بسبب تنافسي في المدرسه مع ايلاف وهي وعمتها عملو لي عمل اني اكون كده واعترفت لي بنفسها وكانت ما عارفه انو دي انا حكيت ليهم اي شي دسيتو منهم وقلت قطع شك اعرفو الحقيقه ما يعرسو لي محمد بخشم واحد قالو لي هدي الله شفاك وايلاف ربنا جازاها واطلقت م عندها معاهوكلام وماف زول اصلا بدخل فيك ح تهاجري معاهو قلت ليهو عندها منو بت وياعالم بتها دي بعد تكبر تسوي فيني شنو انا م عايزه محمد ودا اخر كلام علي قال لي ونحنا ماعايزنك ترجعي لمحمد راجلك لو كسرتي رقبتك الجدعك مره بجدعك تاني ودا اخر كلام وتنتهي امتحاناتك دي وننتهي من درامه المدرسه دي وتاني عينك ما ح تشوف مدني انا قلبي وجعني بقيت ابكي وابوي يبكي معاي وبقول لي علي خليها م تغصبا علي مصر علي كلامو وقال لي المدرسه انا بمش معاك يوميا تمتحني وتجي راجعه انا بكيت قدرتي وحالتي بقت بالبلا رسلت لبكري حكيت ليهو قال لي نوسه نهرب قلت ليهو لا ي بكري م بقدر اقولو علي شنو الناس انا لازم اتصرف ح اموت لو عملو الفي راسهم قال لي طيب ي نوسه خلي اي شي وركزي ف القرايه ح تتسهل ان شاءالله
قفلت تلفوني وبقيت مركزه في قرايتي وحاولت اقنع علي اقعد ف الداخليه ورفض بقا يوديني يوميا الامتحان ويجيبني بقيت م قادره الاقي بكري ولا محمد راجلي بشوفو من بعيد وعلي سلام الله م بدي ليهو يوم طلبت من بكري يجيب لي رقم محمد رفض حنستو تحانيس وجابو لي اتصلت عليهو وحكيت ليهو قلت ليهو انت الوحيد الحا تنقزني قال لي طيب ي نوسه ماف حل غير ترجعي عصمتي قلت ليهو لا انا م عايزه ارجع ليك انا عايزه كده عشان م يعرسو لي ود عمتي لمن يقنع ويخليني قال لي طيب ي نوسه انا ح ارجعك وح ااجر ليك شقه هنا والكلام دا يكون سر مرتي م تعرف حسيت اني رخيصه شديد قلت ليهو اصلا انا م عايزاك ي محمد عشان زوجتك تعرف ولا م تعرف انا زي م وريتك ما عايزاهم يغصبوني قال لي طيب اخر يوم ف الامتحان بشوف لي ناس يشغلو علي اخوك واطلعي انتظريني ف المكان الضربني فيهو بكري انا بجيك قلت ليهو طيب اتفقتا معاهو علي كده بكري م وريتو لانو اكيد علي اخوي ح يسالو اخر يوم للامتحان جبت معاي تلفوني وعملت القالو لي محمد بالحته واتسحبتا وطلعت ماف زول شافني بقيت منتظره محمد واتصلت عليهو قال لي اتصرفي اندسي في اي مكان ووريني برسايل علي اخوك هايج وقالب المدرسه انا عامل فيها نفسي بفتش معاهو المشكله بكري بقا يفتش فيك اتصرفي ووريني برساله انا بجيك محل طلعتي تمام هسي هم كلهم قاعدين اتصرفي اختفي قلت ليهو تمام وتلفوني ادق بكري مره وعلي ميه مره وانا م برد اتواصلت مع محمد رسايل لغايه م وصل لي وجا بعربيه قال لي نوسه انا م عارف اقول شنو بس دي مشكله ليك ولي قلت ليهو انت امام ربنا زوجي وانا عايزه ارجع ليك قال لي غرضك من الرجوع شي وكده حرام انو انتي تكوني في عصمتي انا قلبي بقا ادق قلت ليهو خزلتني مره مفترض م اثق فيك تاني وجبتا لنفسي الكلام بس مسكني من يدي قال لي نوسه لا م تقولي كده انا عايز ارجعك زوجه قلت ليهو من ورا مرتك واكيد ح يكون من ورا اهلك صاح زوجه سريه يعني قال لي لا انا اتزوجتك عديل قلت ليهو من بعدنا من بعض سنين وانا ف نظر الناس مطلقه عايزني كيف اعيش معاك ف السر قال لي اختاري واحد من الاتنين يا تقبلي تكوني زوجتي ف السر يا ارجعك اهلك واطلقك ما اتوقعت محمد اتصرف معاي بالاسلوب دا وبطني طمت وبقيت بين نارين لو رفضت ح ارجع اهلي وح يعرسو لي محمد ود عمتي ويسفروني معاهو ولو وافقت انا م نفسي اكون زوجه تاني لمحمد ولا عندي استعداد بكده انتو رايكم شنو