بقيت شغاله في الامتحان بي يد ويدي التانيه بهز بيها في سند وهو ببكي لانو السخانه تكتل والفصول م مكيفه وهو معود ع التكييف والامتحان كان ساهل وحلو شديد وانا مبسوطه ومن ناحيه تانيه سند موترني شديد والمراغبين بقو يجو يسالو وانا تركيزي كلو ف الامتحان فجاه في مراغب جا وقف جنبي وقال لي جيبي امسكو ليك قلت ليهو لا لا خليهو ورفعت راسي ياريتني مارفعتو لقيتو دا محمد بصوت واحد شهقنا الاتنين لمن الناس لاحظو لينا انا قلبي وقف ختيت القلم وضميت علي ولدي شديد وهو ببكي محمد بقا مجمد في مكانو وشكلو كان م مريح كانو مريض وجسمو هزيل انا بعاين ليهو بخوف لغايه م جا المراغب الكان مراغبنا قال ليهو خليها بي راحتها طفلها معود عليها شكلو وسند ببكي من الكتمه لاني كنت م عايزه محمد يشوفو حسيت ولدي نفسو انكتم فتحت وشو وكان ببكي لمن صوتو رايح محمد كان بعاين ليهو شديد وانا بقيت في ولدي بعد زمن حتي سكت وحصلت جوطه ف الامتحان وبعد معانا سند نام وتابعت الامتحان وخلص الزمن سلمت ورقتي وطلعت لقيت بكري منتظرني قال لي نوسه فشنو من بره سامع انو البت العندها طفل احماها الامتحان وكان خايف اني اكون م امتحنت سمح قلت ليهو تعبني سند بس تاني نام والحمد لله الامتحان ساهل شديد وكنت مهمومه وملامحي بتقول اني شايله حمل كبير في راسي طلعت ركبت ف العربيه وكنت بتنفس باخر انفاسي بكري شال مني سند وقال لي نوسه بسم الله حتي يهدا قلبك وختا يدو في قلبي وانا قلبي ضرباتو زايده وبكري حافظني حفظ قال لي نوسه مالك ف الاول قلت م اكلمو بس تاني قررت اكلمو قلت ليهو محمد انخلع قال لي محمد منو قلت ليهو ابو سند فجاه بقا يكورك ويجوط ويضرب في العربيه قال لي نوسه انتي جنيتي سند دا ولدي انا منو القال ليك دا ولد محمد قلت ليهو بكري نحنا برانا م معانا زول وانت وعلي الوحيدين العارفين انو سند دا ولد محمد قال لي نوسه شوفي سند دا انا ابوهو ومكتوب بي اسمي ومع نفسك م تقولي الكلام دا انا م بسمح ليك فاهمه ولا م فاهمه اول مره احس بكري عصبي شديد وبكورك فيني قلبي وجعني حسيت اني تايهه محمد م ح يخلي سند انا شفت نظراتو ليهو والمشكله انو سند في نظر الناس ولد بكري كيف اقول انو م ولدو والسر المحتفظه بيهو ح يتعرف واهل بكري بعد كانو بحترموني تاني م ح يحترموني اتمنيت ما كان اوافق وانفضح احسن من بكري انفضح بقيت ادعي ربنا انو محمد م يسالني ولا يكون علق علي الشبه لانو سند قطعه من محمد قررت اني م اجيبو الامتحان وبكري اتصل علي امو قال ليها تجي ضروري وتودي اخواني لي حبوبتي امو جات وكلمها قال ليها نوسه حامل وانا خجلت خجل قلت تقول ولدها ما تما التلاته شهور تحمل فيهو كيف لكن امو طيبه فرحت شديد قالت لي مبروك وما تشيلي هم انا ولاداتي كانت كده كنت بحمل من الاربعين والحمد لله م تعبت انتي بس هسي عشان الامتحان ام بكري ساعدتنا شديد وانا وبكري بس طابلين علينا الغرفه اكل م بناكل زي الناس اجتهدنا شديد وعانينا معانا ما يعلم بيها الا ربنا بس رغبتنا ف النجاح والتفوق ما قلت بالعكس زادت زياده وكل يوم الامتحان بجي احلي من القبلى بكري زاتو متكيف لدرجة خوفت منو انو يتفوق علي رغم المعانا ورغم الصعوبات وولدي العيان خلصت الامتحانات علي خير واخر يوم كان الرياضيات بكري قال لي بعد ننتهي عازمك واليوم داك قشرنا قشره ومشينا طبعا المركز بتاع بكري قريب لينا بنزلني انا اول بجي راجع يسوقني الناس كلها عرفتنا كانو بقولو لي مرت الجلابي وماعارفين نحنا كنا كيف خلصت الامتحان وطلعت متاخره وانا ماشه لاقاني محمد قال لي نوسه كيفك قلت ليهو عليكم السلام عايز حاجه قال لي نوسه الولد الكنتي شايلاهو ولدي صاح قعدت اضحك قلت ليهو انا اكتر حاجه حمدت عليها ربنا اني م ولدت منك لاني كنت عايشه معاك في الحرام وذنبي في رقبتك لمن تموت وانا ح ادعي عليك لمن اموت قال لي نوسه انا عايز اصلح الذنب الارتكبتو وعايز اتزوجك ونربي ولدنا انا انظلمتا شديد مرتي دمرتني وغشت علي وانا الكنت بحترمها وبحترم اهلا غشت علي وفهمتني اني م بلد وهي الكانت م بتلد وكسرت قلبي ومن يومها انا بفتش عليك عايزك ونزلت مخصوص مراغبه عشان الاقيك نوسه اعفي لي خلينا نرجع انا نفسيا تعبان انتي وولدي الوحيدين الحا تطلعوني من الانا فيهو انا بترجاك ارجعي لي نوسه انا اتغيرت انا م عايز غير الستره وماعايز اي بت غيرك م لقيت بت زيك وانا رغم اني كنت اشوف الموت م اشوفو بس قطع قلبي قلت ليهو محمد اي صاح انا حملت منك بس تاني يوم اجهضتا والحاجه الما عارفها انت انا اتزوجت بكري وعندي منو سند وهسي حامل الحمد لله محمد قال لي كيف تتزوجي وانتي حامل مني حرام قلت ليهو الحلال اني اعيش معاك واحمل منك وانت مطلقني ياخ ما تزكرني حرام عليك انت وانا قلت ليك اجهضتا تاني يوم واتزوجت بكري بعد شهر والحمد لله انا مبسوطه في حياتي ربنا يديك بت الحلال تسعدك وتسندك قال لي طيب انا عايز ولدي نوسه الولد الكنتي شايلاهو ولدي قلت ليهو انت بتفهم بي وين الولد م ولدك ولد بكري عشان م تعشم فيهو قال لي غشي علي كل الناس الا انا وانا بحس ودا ولدي وح اشيلو منك وحا يتربا في حضني بالحسنه ولا بالرجاله قعدت اجوط فيهو واكورك قلت ليهو انت مجنون وتاني لن فكرت تتكلم معاي بطلب البوليس قال لي انا زاتي عايز البوليس دا وانتي م حمل جرجره محاكم اديني ولدي وشوفي حجه غير انو ولد بكري وقدامك شهر بس يا تاني نتلاقه ف المحاكم طلعت منو وقلبي مقطوع بكري لاقاني وشاف دموعي عرف انو محمد اتكلم معاي وبكري بطبعو صعب وفيني م بتفاهم دخل المدرسه وضرب محمد ضرب لغايه م مسكوهو منو وجا ساقني وقميصو كان ملان دم وحالتو بالبلا عايزه اتكلم معاهو سكتني وكان ببكي قال لي نوسه سند ولدي فاهمه حسيتو داير يجن عديل قلت ليهو ولدك ي بكري وبقا يسال فيني من كلام محمد وريتو ليهو قال لي نحنا م عندنا قعاد في مدني ح نمشي اي ولايه تانيه قلت ليهو وشغلك قال لي شغلي ح يكون في مكانو نمشي بورسودان نعيش هناك قلت ليهو عرس علي قال لي ماف طريقه عندنا اسبوع نقعدو وتاني نسافر انا قلبي وجعني حسيت بي بكري لو شالو مني سند ح يموت عديل قرر قرار وما عارف عواقبو وبورسودان م بنعرف فيها زول قلت ليهو بكري ما نمشي قال لي لا نمشي والجزيره انا تاني البجيها انتي تاني م عندك جيه قلت ليهو والجامعه قال لي جامعه شنو ي نوسه وسند وكانت دموعو في عينو انا بقيت في البقنع بكري شنو انو سند دا م ولدو بعد كنا عايزين نقضي يوم حلو الهم داير يكتلنا رجعنا البيت وكنا تعبانين شديد دخلت الغرفه عشان انوم بكري مشا جاب سند ورقدو جنبو وانا كنت بعاين ليهو وقلبي مقطوع كانو حاسي انو لو بعدو منو محمد بجي يسوقو وبقا مهموم قال لي نوسه انا ممكن ادي محمد اي شي بس يخلي لي ولدي قلت ليهو بكري خلينا ننسا الموضوع دا قال لي طول م انا قاعد هنا م بنسا الا نمشي وانسب مكان بورتسودان قلت ليهو طيب كلمنا علي وعلي قال نحضر عرسو وبقينا في تجهيزات عرس علي ومبسوطين وانا مشيت لدكتوره عديل عشان اتظبط لانو الحمل مبهدلني وظبطتا نفسي شديد وكنا مبسوطين ودنيا طايره من الفرح وغايتو شكلي ظلمتها وحكمت بي ظاهرها بس حتي في العرس كانت رزينه وهاديه وعلي عمل عرس رهيب ما خلا زول ما عزمو القراب والبعاد وكنا مبسوطين وفرحانين شديد والحفله مدوره وانا وبكري في النص مع علي ودنيا واخر بهجه وفرحه في عز فرحتنا ديك عيني م تقع الا في عم محمد المختفي من سنين ومحمد جايين علينا بكري لمن شاف محمد وشي بقا احمر من الغضب ومسكني من يدي وطلعنا وفي ليلنا داك سوقنا اولادنا ومشينا بيتنا وتاني يوم دغش مشينا بورسودان وكانت بدايه حياه جديده بس بكري كان بعرف ناس هناك اجرو لينا ووضعنا ظبط وانا سوقت البت الشغاله معاي اتفقنا انا وبكري ننسا الماضي ونربي اولادنا وانا طلعت حامل بتؤام كنت تعبانه منهم بس بكري مخفف علي شديد والبت مساعداني في اولادي والاكل مرات جاهز مرات بقدر اقوم اعملو وبكري زاتو بعمل الاكل مرات لانو حالتي صعبه انا ☝🏼 وبكري فتح محل في بورسودان والشغل كان فيها احسن من مدني الحمد لله ❤️
يوم النتيجه عمي محمد اتصل علينا وقال لينا انا منتظر اذاعتكم واناكنت واثقه انو ح يزيعوني بس الكم م عارفه وبكري اليوم داك م مشا الشغل قال لي م بفوتك براك وبدا المؤتمر وانا قاعده ومتوتره وقلبي ادق بكري ماسكني من يدي وقاعد جنبي وبقول لي اهدي حبيبتي انتي متفوقه وانا م قادره دموعي عشره عشره خوف وتوتر م طبيعي وبدات الاذاعه وانا كنت الاولي من الفرحه لمن صدمتا عديل وبكري ضاميني عليهو ويبكي وفي عز بكانا داك بكري زاعوهو التالت والفرحه بقت فرحتين والحمد لله الفضل يرجع لي ربنا وبكري
الفصل الثامن والعشرون
بقيت فرحانه وبكري مبسوط لي انا اكتر من نفسو ونزل طوالي وزع الحلاوه والبارد والناس رغم انهم م بعرفوني بس اتلمو فيني كلهم اباركو لي والنسوان ازغرتن وانا من الفرحه دموعي م وقفت وفرحتي دي بعد تعب ومعانا وقصص مايعلم بيها الا ربنا بس الحمد لله ربنا جبر خاطري وفرح قلبي ووصلت للعايزاهو وبقيت استقبل في مكالمات اهلي واهل بكري وعم محمد قالو ضبح ليهو ناقه ووزعها وام بكري مبسوطه وبيتها ملان ضيوف وناس امي برضو واتلمو خالاتي واهلي كلهم ومبسوطين لي كنت بتكلم معاهم فيديو وشفت فرحتهم والناس ملمومه وابوي فرحان لي شديد بس حسيتو تعبان وماقادر يعبر عن فرحتو المرض خلاص هلك جسمو وبقا عباره عن طفل راقد ف السرير انا قلبي وجعني وجاني احساس حزن ما طبيعي رغم انو دي فرحتي بس اصعب شعور تحسو انك تشوف والدك بيموت قدام عينك والمرض بياكل في جسمو احساس موت مهما كانت فرحتك ما بتقدر تتجاوزو💔وفرحتي كانت ناقصه امي قالت لي ي بتي ما تبكي ياها حال الدنيا ومصيرنا نموت كان انا كان ابوك قلت ليها يمه م تقولي كده انا عارفه مصيرنا نموت بس نفسي تكملو معاي الحياه م نفسي اكون براي بدونك انا بتعب قالت لي الحمد لله ربنا اداك البسندك اولادك بالدنيا قلت ليها نفسي تربو معاي اولادي قالت لي ان شاءالله ي بتي وهسي كدي قشي دموعك ديل وقومي علي راجلك وانا قايمه ع الضيوف ديل الحله كلها منكسره فيني قلت ليها شوفي بت تساعدك قالت لي خالاتك م قصرن والله ودعتها وقفلت بكري قال لي نوسه انا مبسوط م قادر اصدق انو احلامي كلها اتحققت انتي واولادي وبتي ربنا عوضها بي ام حنينه زيك وانا ربنا فتحها علي في شغلي وفي قرايتي الحمد لله وعايز زي ما ربنا فرحني افرح غيري رايك شنو نبدا بي اهلي ولا اهلك قلت ليهو الاقربون اولي بالمعروف شوف اهلك واقاربك لو في يتيم اتكفل بيهو ربنا بجزيك كل خير قال لي صاح والله قلت ليهو البتعملو م تتكلم بيهو عشان اجرك ما يروح قال لي اكيد قال لي وتاني قلت ليهو تتزكر المكتبه والراجل الكبير الشغال فيها تتزكر لمن ما كان عندنا كان بساعدنا كان بطبع لينا الورق قال لي اي قلت ليهو اسال منو وساعدو قال لي بكلم ابوي يشوفو ولا علي اخوك قاعد في مدني بكلفو بالمهمه دي قلت ليهو وشيل رقمو اهم شي عشان لو احتاج شي يرجع ليك قال لي تمام
مرت الايام وبقينا محتارين في الجامعه انا طلبت من بكري نقرا طب جامعه الخرطوم ولا الجزيره بس بكري خايف شديد من محمد وانو يشيل ولدو وجاتو فوبيا من الحاجه دي قال لي نوسه نقرا هنا قلت ليهو لا ي بكري خلينا نتوكل ونقرا هناك وافتح مكان هناك افضل والخرطوم سمحه قال لي الخرطوم سمحه ونفسي اعيش فيها عديل موش اقرا فيها وبس بس انتي عارفه الحاصل قلت ليهو محمد ما ح يعرف مكانا وانت نسيت الاذاعه ح تجي تعمل معانا حلقه وح نقول اننا مستقرين هنا وتاني يوم للحلقه نرحل الخرطوم انا نفسي اقرا طب الخرطوم قال لي قلتي كده قلت ليهو حلمي بس الانت شايفو قال لي تمام ي نوسه وهسي بمناسبه الاذاعه دي انا عايز يومهم البجو نعمل كرامه رايك شنو وما تخافي بجيب ليك طباخ عديل والبنات بساعدنك ما تشيلي هم قلت ليهو تمام وبقينا نجهز في نفسنا للاذاعه وبكري عمل كرامه وعزم اصحابو وكل الناس البعرفهم وناس الاذاعه جو اكرمناهم وعملو الحلقه وانا كنت فخوره بنفسي وبي بكري كل كلامي وشكري لرفيق دربي بكري وهو كمان وكان احلي يوم في حياتي ❤️❤️❤️❤️
ما عدينا ايام وبكري قال لي نشتري بيت ف الخرطرم بيت ايجار تاني م بسكن فيهو قلت ليهو الشايفو بس انت ح تنقل شغلك ومحتاج لاي قروش قال لي القال ليك منو ح انقلو مكاني ح يكون شغال فيهو وبشتغل فيهو الولد المعاي ولد امين وصادق من اولاد كردفان قلت ليهو طيب وهناك قال لي اصلا كده كده شغلي ماشي وقروش الحمدلله عندي لمن ادرس موضوع الخرطوم وم ح افتح في اي محل عايز اشتري دكان في سعد قشره قلت ليهو ان شاء الله حبيبي
ربنا وفّقنا واشترينا البيت ونزلنا الخرطوم وسجلنا للجامعه وربنا سهل لينا الامور بدعواتنا ودعوات الاهل الحمد لله وانا خلاص بقيت تقيله واهلي م قادره امشي ليهم بس بشوفهم مكالمه فيديو والشي الفرحني دنيا طبعا امي متكيفه منها وهي زاتا شكلها بتحترم النسب وعايشين قصه حب هي وعلي مبالغه وربنا اكرمهم وحملت وعلي طاير من الفرحه بس الشي الكان تاعبني انو امي وابوي براهم علي استقرا في مدني واشترا الشقه الكنت ساكنه فيها انا وماسك شغل بكري هناك وعندو شغلو الخاص شغال توزيع للولايات وربنا فتحها عليهو ورزقو كان مبارك الحمد لله
كنت عايشة اجمل حياه لغايه يوم م صحيت بخبر وفاه ابوي حسيت انو الدنيا ضلمت في وشي واتمنيت اموت انا ومشينا الجزيرة وانا من البكا لمن اغمي علي وامي كانت حالتها تحنن كانو قلبها انقسم النص 💔امي م عندها غير ابوي من اتزوجت عايشه معاهو في الحلوه والمره اختارت تكون ليهو اكتر مما تكون للمجتمع وما النوع البتطلع كتير ولا بتاعت قهوات ولا بتاعت ونسات كل حياتها نحنا وابوي موت ابوي مرض امي وبقينا في امي لا اكل لا شراب وكل واحد فينا حالتو حاله ودينا امي الدكتور اداني ليها حبوب مهدئه عشان كانت م بتتكلم وانا غلبني افوت اخلي امي عشان مرضت شديد قلت لبكري ارجع خليني قال لي م برجع افوتك انتي واولادي وامك نسوقا معانا البيت كبير وانتي زاتك محتاجه ليها سرحت وعاينت لي امي حسيت انها هي المحتاجه لي اتناقشت معاها وانو عايزين نسوقها رفضت قالت لي م بقعد مع نسيبي علي قال ليها طيب ارح معاي انا رفضت قالت لينا امشو انتو انا خلاص حياتي عشتها مع ابوكم والجاي دا الموت كنا بنزعل من كلامها شديد بس امي يأست بعد موت ابوي وهي في سن صغيره وانا م قدرت ارجع بيتي بكري رجع وساق اولادو وساق اختو معاهم وانا جمدت السنه ماقدرت ادخل وبكري نزل قدامي جامعه وكل يوم بمر علي انا ماشه فيهو تقيله لغايه م ولدت ولاده مبكره وربنا رزقني بي تؤام اولاد حمد ومحمد ❤️ بكري جا وعمل السمايه وكل الناس مبسوطه لي الا امي م جايبه خبر والدكتور قال لينا م نوقف منها الحبوب عشان حالتها ما تسوء اكتر وقدر م اتكلمت معاها بحسها روحها متعلقه في ابوي وبعد ولادتي بي شهر امي لحقت ابوي ودا تاني حاجه كسرت قلبي والحزن اتمكن فيني …