مو ت امي حطمنيي ودمرني ودخلني في دوامه حزن مايعلم بيها الا ربنا 😭💔امي ماتت حسره علي فقد ابوي كانو قلبها معلق بقلبو امي مالقت في وشها زول دايم غير ابوي انا شفت حياتي واخوي شاف حياتو هم كانو زي المحطه بتقيف فيها عشان نعدي بس فقدهم عظيم الحياه بدونهم كعبه مجرد احساس انك خلاص م ح تنطق كلمه امي وابوي احساس قاتل 😭😭😭 بقيت قاعده في بيتنا وما طايقه اي شي بكري وعلي اتناقشو معاي بس لا حياه لمن تنادي الدنيا مسخت علي وقربتا اكفر بكري قال لي نوسه ياها حال الدنيا كلنا بنموت قلت ليهو عليك الله تفها من خشمك انا عارفه انو كلنا بنموت بس ي بكري الله لا ضوقك فراق الام والاب انا م معترضه في قدر ربنا بس ماقادره اتخيل. حياتي بدونهم انا كنت بجري في الحياه عشان ابقا دكتوره وناجحه واتعلم واثبت ليهم انو الحياه كفاح مش استسلام زي ما هم فاكرين انا مرضت يا بكري وكنت طفله الحاجه الجاتني خلت امي وابوي علي حسب عقلهم يستسلمو ويسمعو كلام الناس وتعاليق علي مرضي وانا كنت عاجزه او م عاجزه كنت قاصر عقلي علي قدري وسمعت في مرضي قصص وحكاوي في البقول كفتها شيطان وفي البقول عندي هستريا بكري انا كلمه هستريا م كنت فاهاماها شنو بتزكر للان لمن قالوها لي قلت ليهم خلاص عندي هستريا عالجوني كنت بفتش لمرض عندو علاج عشان اتعالج واتم قرايتي وم كنت مفتكره علاجها انو يعرسو لي وابوي قرر يعرس لي ع حسب فهمو لحالتي اتزوجت وياريتني م اتزوجت دخلت ف الحرام مرتين مره لمن عشتا مع محمد وهو مطلقني وحملت منو وانا م كنت عارفه الطلاق وذنبي في رقبتو وذنب حملي في رقبتو والمره التانيه لمن انت عقدت علي قدام الناس عشان تتستر علي وعلي الفي بطني ومعروف انو المرأة لمن تكون حامل ما لم تلد العقد عليها حرام بكري قال لي نوسه دا كلام شنو انتي عارفه وضعك كان كيف انا عايز استر الفي بطنك عايز انسبو لي ما عايزو يعيش ولد حرام نوسه انتي عارفه شنو انك تحملي وانتي مطلقه بالتلاته ومحرمه الطفل دا يبقا ولد حرام وفي نظر الناس والشرع انو ابن حرام وانا كان همي انتي والفي بطنك الما عندو ذنب انو يجي والقا نفسو كده وكان همي اني اتستر عليك وحرام اني اعيش معاك من غير عقد انا م ممكن كان أضاري الغلط بغلط اكبر منو انتي مفتكره لو عيشتي معاي من غير م نعقد ما ح نقع في الغلط نوسه كان ح نغلط الف مره وكان حياتك كلها معاي حرام انا عملت العقد وربنا عالم بي نيتي وانتظرتك لمن ولدتي عملت عقد جديد عشان م نخالف الشرع وربنا عالم بالنوايا حياتك معاي ما حرام انا طلبتك علي سنه الله ورسوله بس وضعك كان مختلف وحساس في نفس الوقت ما تحسبي حياتك معاي الاولي حرام ربنا عالم بالنيه وانا ح اسال شيخ من الموضوع دا وعشان خاطري ما تزعلي نفسك الحاجات دي كلها جات وما عندك علم بيها قلت ليهو بس عندي علم بي اني حامل وما صاح انت تتزوجني قاطعني ف الكلام قال لي نوسه كان عندك حل انتي غير زواجنا انتي عارفه لو جيتي لي اهلك بي قسيمت طلاقك واعرفو انو انتي كنتي عايشه معاهو بالحرام وكمان حملتي الحا يحصل شنو كان ح تبقا فضيحه ودمار لطفل م عندو ذنب وانا ربنا عالم بي ما نفسي اشوفك مكسوره انا الوحيد الكنت عارف البدور في قلبك قبل عقلك وعارف قدر شنو انك انكسرتي وما هان علي اخليك وكان لازم يحصل كده وعشان اطمنك اكتر انا ح اسال شيخ واشوف رايو شنو البقولو لينا بنعملو عشان نكفر علي غلطنا والحمد لله انا بعد ولادتك بسند عملت عقد جديد وبديت معاك حياه جديده لغايه م ربنا رزقني بي حمد ومحمد وانتي هسي ي نوسه كلامك دا زي المحملاهم ذنبك قلت ليهو لا ي بكري انا بتكلم ليك انهم كان فهمن محدود وانا تعبت عشان اصل للفيهو انا دا واقنعهم انو الستره م زواج الستره قناعه وتربيه وعلم كان نفسي افهمن الحياه واوريهم التعليم مهم قدر شنو بس ربنا اخد امانتو وانا عافيه ليهم وهم م عندهم ذنب في الحصل لي وربنا انتقم من الكان سبب في الانا فيهو دا قال لي نوسه دا ماضي واتقفل ممكن تنسي اي شي ونرجع بيتنا نبدا حياه جديده مع اولادنا انا مشتاق ليك وصابر عليك م عايز ازعلك قلت ليهو بكري حس بي انا قلبي مقطوع وروحي ح تطلع وشكلي ح الحقهم ماقادره اعيش ولا ارجع زي زمان خليت الحزن سيطر علي ما لعنت الشيطان استحملني وح ابقا كويسه باذن الله انت ارجع الخرطوم عشان جامعتك وانا ببقا كويسه بتصل ليك تجي تسوقني علي سمعني وجا جاط فيني وحلف علي طلاق امش مع راجلي ما اداني فرصه اتكلم دنيا جهزت لي حاجاتي وبكري ساقني وفي نفس اليوم علي ساق مرتو وفات قفلنا بيتنا لاول مره ودا تالت حاجه حطمتني والمسافه كلها ابكي حسيت اني ادمرت نفسيا ما قادره اتجاوز اي شي بقيت اقرا قران واستغفر كتير ولسه مواصله في دوامه الحزن اي زول اتكلم معاي وانا لسه بكري قال لي انا اخدت اجازه وح نمشي كلنا عمره ومنها تعمري لي امك وابوك اتزكرت اني م عمرنا ليهم ولا حججناهم بقيت ابكي باعلي صوت اتمنيت الدنيا تمهلني واعمر ليهم واحججهم بس الحمد لله علي ما اراد الله بكري طلع مني وكان زهجان شديد البت الشغاله معاي قالت لي الحي ابقا من الميت زوجك محتاج ليك انتي زوله متعلمه وفاهمه ماتخلي الشيطان يغشك وتفقدي زوجك مهما كان حبو ليك واستحمالو ليك صبرو بنفذ وح تندمي انا شايفه وعارفه وياما اشتغلت مع نسوان لاهياهم الدنيا وما جايبين خبر لي رجالهم والرجال يا اعرسو فيهم يا اخونوهم انا انخلعتا قلت ليها معقوله بكري يعمل كده قالت لي دي فطره والشيطان شاطر اوعي واصحي لي نفسك وعايني لي نفسك من مات ابوك اظنك ما عاينتي ليها بالمرايه ارجعي للحياه ي نوسه زوجك محتاج ليك اكتر من اي زول كلامها اثر فيني شديد بكري حاول اوصل لي المعلومه بس بطريقه غير مباشره وانا كنت غبيه والحزن مالي قلبي وقررت اني اتغير وابدا بي نفسي طبعا هو طلع زهجان مني شديد اتصلت عليهو قلت ليهو مشتاقه ليك جيب لي معاك من السوق حاجاتي الخاصه م تنسا قال لي نوسه انا اشتقت للحياه الطبيعيه معاك والحمد لله انك رجعتي للصواب اكتبي لي اي شي بتحتاجي ليهو من كريمات وعطور وملابس واي شيء ح اجيبو ليك معاي قلت ليهو حاضر حسيت نفسي مبسوطه من قراري وفعلا كلام بتي الشغاله صاح الحي ابقا من الميت وربنا يقدرني واسعدو. بكري جا مبسوط وشايل لي اي شي بالطابق وفرحان شديد وانا رجعت احسن من اول بقيت اهتم بنفسي وبي بكري
مره طلب مني اني امشي معاهو الجامعه وافقت ومشينا وعرفني علي ناس دفعتو وكانن في الشله معاهو بنات زي البنشوفهم في التك توك والتلفزيون انا الغيره دايره تكتلني وبقيت م بشوف طبعا بكري حسا بي جا قرب مني ومسكني من يدي كانو بطمن فيني انو انا ماشايف غيرك رده فعلو شالت الغيره الفي قلبي وصحصحتا اكتر وهن م احسن مني انا لازم ابقا احلي عليهن وما خليت لي قروب بنات م دخلتو وبقيت مهتمه بنفسي شديد وبقيت رهيبه بكري فرحان ومبسوط شديد مني والحمد لله حياتي رجعت للاحسن
يوم جاتني دعوه من ناس المدرسه كانو عاملين مهرجان كبير وطلبو مني أشرفهم بكري في الاول رفض بس حنستو وافق وقال لي م بقدر امشي انا بس ح اخلي زول يسوقك بالعربيه تمشي وتجي في نفس الزمن وما تسوقي اولادك وافقت وجهزت نفسي وتاني يوم مشيت الكرنفال وكانو معلقين في البوستر بتاع الكرنفال صورتي وصوره بكري لمن شفتها العبره خنقتني ورحبو بي وفضلوني وكنت قاعده مع المدير قدام وطلبو مني ادي الطلاب كلمه تشجعهم ودي كانت اول مره اطلع فيها مسرح وحكيت قصتي والمعاناه الانا كنت فيها وقدمت ليهم اي كلمه ممكن تشجعهم علي انهم يتفوقو مهما كانت ظروفهم وكانت اجمل لحظات حياتي اني وصلت مرحله اني اشجع غيري واحكي الصعوبات الواجهتهتا وكرموني ونزلت واستاذنت منهم وطلعت سمعت صوت بناديني اتلفت وراي وياريتني ما اتلفت شفت محمد وانا قلبي انقسم النص من الانا شف