رواية جبروت انثي الفصل السابع والعشرون27 بقلم نوسه حمد
اياد ساق نهي والبنات ازغرتن وانا طلعت اخر واحده اول م طلعت بره الاقيني محمد في وشي انا لمن انخلعت وبقيت م مصدقه عيوني محمد قال لي نوسه ما نطقا سمح انا بقيت ابكي واترميت في حضنو وهو م مصدق واقول لي نوسه اسكتي انا جنبك م ح افوتك تاني اعفي لي قلت ليهو اعفي لي انت انا تعبتك معاي محمد انا توبتا والله توبه مافيها رجعه قال لي نوسه ربنا يحفظك بس انتي تعبتي نفسك قبل تتعبيني قلت ليهو تاني بيتي وانت وبس قال لي نفسي🥰 انا جبتا اهلي واليوم عقدك انخلعتا قلت ليهو محمد اهلك اول مره يشوفوني وانا م لابسه كويس قال لي الفات شنو هسي ترجعي تلبسي الجدله زي اختك وهم خليهم يمشو اتكلم مع اياد وفاتو وانا ست الكوفير دخلتني ولبستني جدله فيها نظام غجري زي لبسي الكنت بلبسو طلعت احلي علي حقت نهي واول مره البس التوب فعلا التوب السوداني هيبه البت م اتاخرت فيني شلت تلفوني عشان اتصل لمحمد يجي يسوقني اتزكرت انو حاظرني فتحت الرسايل لقيتو ردا علي اخر رساله رسلتها ليهو قال لي منتظرك بره حبيبتي اول م تخلصي اطلعي طوالي قلت ليها راجلي واقف بره قالت لي نادي عشان نصوركم وريتو قال لي جاي لكن ماف زول يصورك تمام كلمتهم قلت ليهو زوجي صعب قال م تصورو ممكن تمسحي صوري احترمت رغبتي وقالت لي جدا وحذفت الصور
انتظرتو عشان يجي يسوقني ودي كانت اول مره يشوفني فيها بتوب بقا يتشهد ويحصن فيني وانا كاني م مصدقه م قادره استوعب اي شي م قادره افرح ولا قادره اعبر عن اي شي الحاجه الجواي دي اكيد مرت بي اي عروس بتكوني م فاهمه اي شي وببساطه دي فرحت الدنيا لمن تفرح م بتحس بتفاصيل الفرح اي نعم قلبك بيسعد بس م بتحس بي اي تفاصيل طلعنا بره الكوفير ولقيت اولاد قبيلتو منتظرنو وشالغين ليهو ابشر يا عريس وبقو يضربو ف السلاح وانا عندي فوبيا من السلاح بقيت اكورك واكورك لغايه م محمد وقفهم وانا مغمضه م واعيه عديل احساسي انو الطلقه ح تجي في زول واحسن اغمض من اشوفها محمد بقا يسمي لي ويقول لي نوسه مالك سمي وانا لمن برجف قلت ليهو من زمان عندي فوبيا من ضرب النار ف المناسبات محمد قال لي طبعا دي من عاداتنا وكل واحد هسي شايل سلاح والما بضرب سلاح بشوف نفسو ما عزاني قلت ليهو محمد خلاص انا م ماشه قال لي معقوله بس ح اوقف ضرب السلاح كلم اصحابو قال ليهم كلم اي زول هناك لمن اجي انا م يضربو سلاح نهاي عشان العروس عندها فوبيا قالو ليهو تمام بس الله يقنع اعمامك الكبار قال ليهو بلغهم وركبنا ف العربيه وكان ماسك يدي وم مصدق قال لي نوسه انتي مفتكراني اتزوجت صاح نوسه انتي مفتكره الحب دا ساهل وبتنسي علي سهل انا حاولت بكل الطرق انساك م قدرت وكنت مفتكر انك م عايزاني عشان وضعي قلت ليهو مالو وضعك ي محمد قال لي نحنا ناس خلا وما متعلمين اي نعم عندنا القروش بس م متعلمين انتو ناس متعلمين ومرات بحسك لمن تتكلمي انك اعقل مني رغم اني اكبر منك سنا ودا الفرق بين المتعلم والجاهل اي نعم بعرف اكتب واقرا بس ركيك فيهن شديد مخي م متفتح زيكم ويانوسه انا ح اخالف المجتمع وح اقري كل اولادي وبناتي م ح اعرس ليهم صغار زي ما بعملو اهلي قلت ليهو ان شاء الله ي محمد
محمد طول السكه يونس فيني وانا بالي نهاي م معاهو ولا فاهمه بقول شنو بخيالي بفكر اقنع نفسي انو محمد جا خلاص وانو انا لابسه جدله والليله يوم فرحي م قادره اقتنع نهاي محمد قال لي نوسه مالك متوتره قلت ليهو م مصدقه اقسم بالله انا خلاص يئست وقنعت منك قال لي بس انا م قنعت وكنت منتظر اخلص شغلي لانو كان عندي حصاد واجيكم لغايه م اتفاجات بي اتصال من علاء قال جاي هو واياد قلت ليهو شنو قال لل زي م بقول ليك قلت ليهو اياد زاتو جاكم قال لي اي انتي م عارفه قلت ليهو اقسم بالله م عارفه ونهي معقوله م عارفه بديت اتراجع بزاكرتي اتزكرت نهي اصرت علي اني البس واسماعيل اخوي جابني هنا البس وقال لي نهي اعملو ليها زيك قلت ليهو اهلي عارفين قال لي طبعا بس انا قلت ليهم م تكلموها وانا بي اي شكل كنت متقبل اقدمك لي اهلي بس م عايز فرحتك تنقص من اختك عشان كده قلت ليك البسي م عايز احوجك لحاجه ي نوسه واعفي لي انا اتسرعتا وزعلت منك بي ي نوسه فاض بي انا تعبت اقنع اهلي وانتي تجي تقولي لي انا قتلت المره وح يحكمو علي بالاعدام نوسه عايزاني اقول ليك انتتي شاطره وانتي صاح والبركه العملتي كده نوسه انا كنت مصدوم قفلت تلفوني وانتهيت حصادي وجوني ناس علاء اكرمتهم وحكو لي بالحاصل كلو واياد قال لي نوسه بتخطط لي عرسنا مع بعض م تصدمها قلت ليهو م اوصف ليك وانا بجهز مع نهي و اي شي بزكرني ليك وكملت الدموع الناس كلهم فرحانين الا انا م عشان م عاجبني عرس اختي كنت مبسوطه ليها بس كنت مجروحه بفراقك وما قادره انساك قال لي ولا ح تنسيني علاقتنا م حب مراهقه ولا مضيعه وقت ولا ملي فراغ نحنا عرفنا بعض ف ظروف كانت صعبه ماره بيها انتي والحمد لله بقيت ليك سند قلت ليهو يعني مستحيل انا انساك ي محمد ووعد الله اكون ليك سند وزوجه صالحه وم اغلط عليك ولا علي اهلك قال لي واثق منك ي نوسه ونحنا عاداتنا م زيكم تتزوج اكون بيتك براك وعندنا خصوصيه عكسكم المره تقعد مع اهل راجلها قلت ليهو انتو الصاح ونحنا المتعلمين للاسف غلط والحمد لله اني وقعت فيك م عشان انا كعبه وح اتكاعب مع اهلك لا انا عايزه اعيش حياه زوجيه م نكديه مرات انت نفسك بتزهج منها م بالك ناس عايش معاهم ودي حقيقه اي بني ادم بس ربنا ادانا الصبر وبنستحمل زمان اهل ابوي كانو بحسسو امي وبحسسونا اننا اقل منهم وبتعمدو اغيظونا في الكلام كانو بضحكو علي لبسنا وناسيين انو دي قسمه ولدهم وما اكذب عليك في نسابه بتمنو لي مرت ولدتهم كل الخير بس برضو الخير دا م يكون اكتر من خيرهم وديل واحد ف الميه والباقي بكرهوها وبكرهو اولادا وبدوك احساس انكم في حرب شد وانا بشد طول السكه بنتكلم في مستقبلنا البكره ماضامنين نعيش ليهو قلت ليهو محمد م نسبق الحواداث نقدم ان شاء الله وقسمتنا نرضا بيها حلوه ولا كعبه اهلك حبوني ولا م حبوني المهم نحنا نحب بعض ونوعد بعض نكون سند لبعض انا ح اخلي اهلي واختارك انت امي ربنا يديها الصحه والعافيه بجيها ان شاءالله قال لي نهاي م بحرمك منها لو قلتي نسوقا معانا طوالي بيتك كبير اشيل قبيلتك كلها قلت ليهو اخوي ماح يوافق طبعا بس ح اجيها ان شاءالله وان شاءالله تبقا كويسه وتجيني براها قال لي ان شاءالله
وصلنا البيت وصوت الحفله من بدايت الشارع وكانو حفل جماهيري اولاد حلتنا كلهم جوه الداره فرقه ندخل زاتو ماف اعمام محمد من شافونا قامو يضربو ف السلاح وانا بس غمضا وبقيت ماسكه محمد ومحمد يكورك يقول ليهم وقفو السلاح محمد ضاميني عليهو وبكورك فيهم لمن وقفو السلاح محمد قال لي نوسه معليش فتحت عيوني لقيت اهل محمد كلهم في وشي النسوان الكبار اباركن لي ومبسوطات والرجال باركو لمحمد وانا من بعيد باركو لي اما البنات الصغار القدري الغيره في وشهن واقولن هسي ياها دي الجينا ليها من هناك مصيرو يعرس فيها انا الغيره دايره تطلع روحي ومحمد م فاضي لي مع اصحابو في واحدات كده شكلهن قادرات جن قعدن جنبي واحده فيهن مستفزه شديد بتعاين لي بقرف واستفزاز وانا طبعا اتبسم ساي زي الهبله م فاهمه شي البت دي قربت مني وقالت لي لبسك شين وتوبك م حلو اختك احلي منك بت جرئتها ما لاقتني قلت ليها شكرا من زوقك والله والبت دي كانو عندها نقص في واحده قالت لي م تشتغلي بيها دي حاسده ساي قلت ليها دي منو قالت لي بت عم محمد كانو خاطبنها لمحمد ومحمد قال عاوز من بره القبيله واختارك انتي وربنا يقدرك علي التنمر الحا تشوفي في حياتك اهلي ديل م برحمو والله قلت ليها م مشكله قسمتنا بناخدها لو في كلام او افعال وربنا يستر دي حرب جديده