رواية جبروت انثي الفصل الثامن والعشرون28 بقلم نوسه حمد
كلام البت طمم بطني انا بعد الشفتو في حياتي ما عايزه ادخل في حرب نسابا لانو الدرامات الشفتها كوم ودرامات النسابه كوم تاني واخطر من الشفتو في حياتي بس لمن اتزكر محمد وحبو لي بنسا اي شي ومستعده اسامح اي زول من اهلو لو غلط علي سرحانه بعاين للناس مبسوطين ويرقصو ونهي واياد م شاء الله كانو حلوين شديد وانا نهاي م قومتا بس قاعده بعاين ومغطيه وشي مره اعاين للناس ومره ارجع بزاكرتي واتزكر زمان كانت عندي رغبه في الحفلات والرقيص واخوي كان بطلعني من شعري ف الحفله هسي دي حفلتي م عندي رغبه نهاي فعلا كل م تكبر كل م عقلك يكبر وتبدا توعا وتندم علي تصرفاتك زمان طبعا غير دا محمد لو عايزني اقوم كان ساقني بس مشا مع اصحابو البت المستفزه قالت لي م تقومي ترقصي زي اختك دي قلت ليها لو دايره اقوم م غالبني ولا مكسره البت ضايقتني بالكلام وخلاص قفلتا معاي قلت بدل قاعده كده احسن لي ادخل جوه رسلت لي بت لمحمد قلت ليها ناديهو محمد جا قال لي نوسه مالك قلت ليهو م مالي بس عايزه ادخل جوه قال لي فشنو قلت ليهو ماف حاجه ي محمد دخلني جوه انا عشان منظرك م يبقا شين م قومتا براي وانتظرتك قال لي طيب قومي مسكني من يدي ودخلني جوه مشيت لي امي لمن شافتني ضمتني عليها وتبكي كانها م مصدقه وتشيل وتبارك لي كانت مبسوطه شديد الناس مسكوني منها قالو لي م تبكي تخربي مكياجك الحفله م انتهت محمد ساقني وداني الغرفه بهناك قال لي انا م برجع الحفله تاني بنتظرها تنتهي وح نمش قلت ليهو لا ي محمد انت الجايب الفنان وعايز تفرح ارجع وخليني هنا قال لي مالك انتي فشنو بت عمي ضايقتك صاح انا شايفها تتكلم معاك قلت ليهو م عارفه بس م نفسي اشوفها تاني قال لي حتي لو شفتيها يا نوسه ما تركزي معاها واوعك تسكتي ردي ليها طوالي قلت ليهو محمد والله بغلبني ارد قال لي لا اتعلمي تردي لمن تردي تاني م ح تضايقك لو سكتي كلهم ح يضايقوك قلت ليهو واقولو مرت محمد كعبه قال لي دي م ليها علاقه بالكعوبيه والطيبه البغلط عليك بكلمه ردي ماتسكتي وطيبتك الجواك اتعاملي بيها مع البستحقها وهسي سيبك من دا نوسه خلاص انتي بقيتي حقتي قدام العالم كلو انا مبسوط شديد انا قلبي شغال ادق وروحي ح تطلع من الفرحه لمن م قادره اعبر قلت ليهو انا الما مصدقه حاسه اني بحلم قال لي لا صدقي وخلاص كلها شهر وح تكوني في بيتك
قلت ليهو ان شاءالله ربنا يهون محمد بقا قاعد معاي لمن الحفله خلصت والناس طلعو ماشين علاء جا بارك لي وشكرتو شديد علي وقفتو معاي ما اتوقعت انو يعاملني كده قال لي العفو انتي اختي وربنا يسعدكم وزي م وريتك بعد كده ركزي في حياتك قلت ليهو ان شاء الله وما تنساني ابقا زورنا قال لي باذن الله يوم زواجكم بجيكم ومعاي اولادي ونوسه الصغيره قلت ليهو تنورونا محمد قال لي ما نفسي افوت بس الناس ديل بتصلو علي انا ح امشي وشوفي الناقصك وارجعي لي قلت ليهو طيب محمد فات وشال قلبي معاهو
اياد جا بارك لي وشكرتو علي وقفتو معاي نهي قالت لي مفاجأة صاح قلت ليها يخسي عليك ليه م وريتيني كان اتجهزتا معاك قالت لي وطلعتي احلي علي م شاء الله وحضنتني عليها وبقينا نبكي باعلي صوت اياد قدر م حاول يسكتنا غلبو كنا وين وبقينا وين الحمد لله قدر ولطف ❤️
اهل اياد جو من الحفله وامو كانت مبسوطه لينا شديد وودعونا وفاتو
كان يوم حلو شديد والكل فرحان لينا اسماعيل قال لي مبروك والله وقعتي في راجل وعلي فكره انا كنت عارف بس محمد منعنا نتكلم وقال لازم يعملا مفأجأه وماقصرو في اي شي وانا سالت من اهلو وقبيلتو وطلعو ناس مافيهم اي كلام وليهم سمعتهم ربنا يسعدك ان شاءالله وعقبالي انا ولقيت لي عروس من اهل اياد ح اكلم اياد يشوفا لي قلت ليهو ان شاء الله تكون بت حلال وتوافق وترضا تعيش معاك هنا عشان امي قال لي ان شاءالله انا وضعي م بسمح لي ما ح اتزوج واحده م توافق علي امي عشان م ح اقدر انتن كل واحده تمشي علي بيتا تجننا ضيوف بس قلت ليهو م نفسنا نخلي ليك الحمل براك بس مابي يدنا شي 😭😭😭
كنت متاثره لي اسماعيل انو ح يشتغل ولا ح يحرس امي ولا ح يعرس وهل لو عرس مرتو ح توافق تعيش مع امي وتاكلها وتشربها ولا ح تحس امي تقيله عليها الدنيا دي قدر م نسكها هي ساكانا وزي ماقالت ايلاف عبدالعزيز دايره ليها صبر
بعد الناس فاتو دخلت عشان اشوف الحاجات الجابوهن لي نهي وما شاء الله الصالون ملان بالشنط والحاجات قلت ليها م شاء الله يا نهي اياد عزاك عزه جد قعدت تضحك قالت لي نوسه ديل حاجاتك انتي انا حاجاتي في غرفه امي قلت ليها خليك جاده محمد جاب شنطتي وحاجاتي قالت لي اي ي نوسه بقيت مخلوعه في الحاجات دي كلها لي انا معقوله واشتراهن متين والعزلن منو بقيت بسال في نفسي وبشوف فيهن وكل حاجه احلي من التانيه من الشنطه والحاجات عرفت زوق اهل محمد شكلهم راقيين شديد وناس عز فعلا بدل السد جايبين لي اتنين مشيت اشوف حاجات نهي لقيتهن شويه قلت ليها نهي والله انا الحاجات الجابوهن لي ديل ولا بستخدمن كلهن ح نقسمن النص قعدت تضحك قالت لي نوسه ممكن انا وانتي نقسم حاجه جابا لينا ابوي ولا اخوي بس دي حاجات ناس مستحيل اقبل بكده وانا والله ما هاميني الشنطه ولا الحاجات الجابوهن لي انا كسبت راجل اياد وامو طيبين شديد ي نوسه عشان كده كل الجابو لي انا متقبلاهو كتير ولا شويه قلت ليها نهي انا والله م قصدت شي وانا كنت ولا عشمانه زاتو في راجل وفي الراجل ما اي راجل محمد والحاجات دي شايفاها كتيره وانا م بطلع كتير انتي ماشه حياه جديده وناس جداد قالت لي انتي زاتك ويا نوسه ربنا اسعدك غايتو راجلك الكمال لله ربنا يحفظو ليك ويسعدكم ويديكم الزريه الصالحه وتملو البيت اطفال قولي يارب قلت ليها جمعااااا
محمد اتصل علي قال لي زوجتي وغره عيني اصبحتي كيف قلت ليهو كويسه ي محمد ودي شنو الحاجات الكتيره دي قال لي م يغلي عليك ودي عاداتنا وتقاليدنا ودي جابتن امي والله انا بس غير احاسب ومافهم زاتو جابو ليك شنو وكل الجابو ليك تتهني بيهو وتلبسي بالعافيه ولو نقصك شي ح اجيبو ليك مع هدايا اهلك قلت ليهو لا لا ي محمد هدايا شنو كمان قعد اضحك قال لي دي عاداتنا كده ح اجيبو ليكم هدايا لي اهلك وقلت لو احتجتي لشي اجيبو ليك معاهم قلت ليهو لا لا والله انا م محتاجه الا ليك قال لي انا كمان وهانت خلاص انتي ظبطي نفسك وانا عايز اجهز لمراسم عرسي قلت ليهو كيف قال لي نحنا م بنتزوج يوم بس ع الاقل اسبوع قلت ليهو واي دي تكاليف كتيره قال لي تكاليف شنو نحنا م بنجيب اي حاجه الاهل كل يوم زول بجيب ليك حاشيه ممكن في اليوم اضبح عشره خرفان وناقه ولا تور ويوم العرس دا مهرجان عديل قلت ليهو ياريتني كنت من اهلك احضر عرسك قعد اضحك قال لي م مشكله ح تحضري اخر يوم فيهو وشوفي مكان عايزه تلبسي وانا معاك قلت ليهو انا م بعرف اي شي والله شوف انت قال لي طيب تمام انا ممكن اشوف ليك كوفير قريب هنا تجي زي الليله وبكره العرس يوم الحنه واليوم التاني الزفاف قلت ليهو البريحك بس قال لي تمام قال لي نهي ليله زفافا قبلينا انا الح اجي اسوقك بورسودان عشان ما تتعبي قلت ليهو يعني امش قال لي اي طبعا ح تخليها براها وانا اياد عازمني ح امش من بدري باجر شقه خلي اياد يحجز لي نهي هناك رايك شنو قلت ليهو فكره والله وان شالله بتتسهل ❤️❤️❤️
مرت الايام وانا ونهي مبسوطين هي م فاضيه لي من الونسه والحب وانا اخطر عليها امي قالت لي كلام التلفون ضعفكن انتن محتاجات تشبعن نوم عشان تكونن نايرات للعرس كلمت محمد قال لي م عايزك تكوني نايره انا عايزك كده ما صدقت اني لقيت بت احبها وتحبني ومبسوط ف المراهقه العايش فيها دي وانا كنت مبسوطه اني وصلت الحب الحلال ❤️❤️❤️ كل م اتزكر الماضي وحياتي كانت ح تدمر بسبب العصابه ديل بتعوز وبستغفر والحمد لله لقيت راجل ولد قبيله اتقبلني بي كل شي بقيت احمد ربنا ليل نهار محمد بقا لي سند وزوج حنين وما قصر مني بس كل م اتزكر كلام البنات بطني تطم صراحه م عندي استعداد ادخل حرب تاني ولا مزاجي يتعكر بسبب الناس وربنا يستررررررررررر