قريت الرسايل وشفت الصوره حسيت نفسي م كويسه عديل انا واثقه من نفسي م غلطت غلط لدرجه اني انفضح لو غلطت ح تكون اني سمحت لبكري يمسك يدي وربنا اغفر لي بقيت افكر ليه ايلاف عايزه كده وعشان شنو رديت عليها قلت ليها شوفي يا ايلاف انا بي امكاني اني افضحك في كل القروبات بالرسايل العندي واني عملت لي عمل ودمرتيني ودمرتي حياتي عشره سنه وممكن كان اقبل دردشه راجلك واخونك وافضحك بس انا م قليله اصل زيك وشوفي الصوره دي ما بتخوفيني بيها اولا الصوره دي اتشالت لغرض تشويه سمعه وانا كنت بودع في بكري واتحداك تلقي فيني ثقره لو وريتي ناس الحله كلهم انا ما سأله فيك كتبت ليها الرسايل دي وانا بمثل فيها اني م خايفه بس انا جواي الخوف ح يكتلني وح اموت عديل لانو سمعتي فوق كل شي وهي عايزه تخرب لي سمعتي قررت اني اوجهه المشكله دي بكل مافيها من ثقل رغم اني م ح اقدر ومجرد الناس م يشوفو الصوره دي في نظرهم انا قليله ادب والناس م بترحم وما بختو النيه السمحه بالعكس ح يبدو يألفو وتأليفهم اصعب من الصوره دي والكلام دا كلو عشان انا انكسر بس انا م ح انكسر
تاني يوم اتصلت علي الشيخ قلت ليهو البت الكتبتني تاني هددتني ممكن توريني اوراد انا ازكرهم يوميا يحصنني قال لي ليك بي ازكار الصباح والمساء وسوره البقره ويس مع صلاه الصبح ان شاءالله عوجه م بتجيك وماتخافي من بني ادم خلقو ربنا قوي قلبك بالايمان وخلي عندك ثقه انو ربنا م ح يخزلك وانا مابنساك ح ادعي ليك ي بتي شكرتو شديد وكلامو طمن قلبي وتوكلت علي الله وعملت بالقالو لي
مرت الايام وبديت انسا تهديد ايلاف لي ومشيت مدني نزلت مدرسه والمدير استقبلني انا وعلي ووداني الداخليه علي اطمئن علي شديد ورجع انا قلبي كان مقطوع لاني اتعودتا عليهم شديد وابوي محتاج لي بس انا لازم افرحهم اكتر واكتر
فقدتا بكري شديد مشيت لي عمي محمد عشان ابلغو اني نزلت مدرسه قال لي خلاص انا قاعد لو احتجتي لشي قلت ليهو الله اديك العافيه يا ابوي وسالتو من بكري نزل مدرسه ولا لا قال لي بكري مرتو حامل ورافضه الاكل والشراب واليوم كلو تستفرغ وعايشه بالدربات وما بتسمع كلام زول غير بكري عشان كده قاعد معاها انا قلبي جوه انهرد هرد ودموعي قربت تجري بس حبستها قلت ليهو الله يسعدو يا عمي بتمني ليهو كل الخير ويعني ما ح ينزل مدرسه قال لي ح انزل بس شويه لمن مرتو دي تتعود قلت ليهو طيب رجعتا زي ما بقولو خشمي ملح ملح وقلبي حارقني قررت انساهو واشيلو من بالي وابعد من سكتو للابد عشان ما يتأثر بس بالاخص حسيت من كلام عم محمد انو مرتو متعلقه بيهو شديد وانا مستحيل افرق بين اتنين ولا بقبل اكون زوجه تانيه وكلتي امري لله وجدعت الماضي وراي وبقيت مركزه مع مستقبلي وعقلي مافيهو غير القرايه بقيت مهووسه شديد بيها وكالعاده متفوقه شديد كنت
مرت الايام وبكري نزل معانا ف المدرسه انا لمن عرفتو اتنقبتا طوالي واتجنبتو تماما كل م يقرب مني كنت ببعد منو ووقفتو عند حدو قلت ليهو احترم نقابي دا واحترم الخوه البينا قال لي م ح اضايقك ي نوسه اوعدك
يوم رجعت الحله عرفت من ناس بيتنا انو محمد ود عمتي نزل وداير يعرس في ايلاف راسي بقا ملان وبقيت خايفه من ايلاف والفضيحه الحا تعملا لي وعايشه في توتر م طبيعي بليل سمعت صوت ضيوف مع علي قومتا وعيني فيها النعاس امي قالت لي ادخلي سلمي دخلت لقيتو محمد وياريتني ما شفتو طبعا محمد اتغير شديد وبقا وجيهه وجاهه م عاديه من بعيد سلمت عليهو وكنت مكمكمه بالتوب علي اخوي قال ليهو نسيبه دي اتنقبت وبقت م بتصافح قال لي ربنا يثبتك وكنت حاساهو ملهوف علي عرفت انو ايلاف مابتكون فضحتني معاهو يوم ناس بيتنا مافي وكنت انا راقده مع ابوي لانو كان عيان شويه سمعت صوت محمد ود عمتي لبست التوب واتكمكمت دخل سلم وسالني من علي قلت ليهو ماف استاذن طلع انا افتكرتو ح يطلع قعد في المظله قال لي نوسه عايزك قلت ليهو عايز شنو ي محمد قال لي عاوزك في كلام مهم يا تديني رقمك يا تقعدي اتفاهم معاك قلت ليهو لا م ح اقدر اقعد المظله دي فاتحه قصاد الباب وانت عارف ناس الحله بديك رقمي بس ياريت ما تسبب لي مشكله مع ايلاف مرتك قال لي انتي خايفه منها ليه انا محلالات لي اربعه قلت ليهو اي نعم بس انا م من ضمن الاربعه ديل حمر لي وطلع ما وصل الباب تلفوني اتصل قال لي ردي رديت عليهو قلت ليهو انت عايز مني شنو قال لي نوسه ايلاف كتبتك صاح انا راسي بقا لافي قعدت اتمتم قلت ليهو ايلاف لا لا ي محمد مستحيل ايلاف تكتبني ليه ما تظلمها قعد اضحك قال لي سبحان الله ماعايزاني اظلمها وهي ظلمتك وكانت مستعده تاني تظلمك اتزكرت الرسايل والصوره والتهديد وبقيت محتاره هل احكي لمحمد واستنجد بيهو واخرب حياه ايلاف زي م خربت حياتي ولا اسكت واثبت علي التهم وبالذات ربنا جاب لي محمد حدي عندي
الفصل السادس عشر16
بقيت اتمتم محمد بقا يسال فيني قال لي نوسه بسالك اخر مره وتردي بصراحه ايلاف كتبتك ؟؟ بقيت ساكته وما رديت قلت ليهو محمد خراب البيوت كعب وانا كويسه الحمد لله ماعايزه لي حاجه من زول ونفسي الناس تخليني في حالي وصدقني ح اكون مرتاحه وانت اول الناس لو خليتني ح اكون كويسه قال لي شكرا يابت الخال بس انا عايزه اقول ليك انا عرفت الحقيقه بالصدفه عارفه كيف قلت ليهو كيف قال لي تتزكري لمن في حسابك جاتك صورتك مع بكري قلت ليهو اي دي ايلاف صاح وبقيت ابكي قلت ليهو عايزه تشوه سمعتي وبكري متزوج وزي اخوي قال لي نوسه ممكن تهدي عشان انا ح اتكلم في حاجات كتيره انتي ما عارفاها انا ح احكيها ليك اليوم وللاسف اكتشفت مؤخرا انك ما عارفاها تتزكري لمن دخلتي علي بحساب ايلاف نوسه انا مفتكرو حسابك اليوم التاني رسلت فيهو ردت علي ع اساس انو دي انتي وقلت ليها وكاني انا بتونس معاك م تتزوجي اصبري علي اقنع امي وح اتزوجك واجيبك هنا وماقالت انها دي ما انتي وكانت بتجاريني في الكلام اتعودت عليها شديد ولاخر لحظه هي تتونس معاي امي كانت يوم تونس فيني قالت لي بكره عرس نوسه انا انصدمت كيف نوسه تعرس وهي واعداني م اتناقشت مع امي ورجعت الماسنجر لقيتو اون لاين المره دي اتصلت فيديو وبقيت مصر اني اتصل فيديو وفي النهايه ردت علي ايلاف قلت ليها دا موش حساب نوسه قالت لي لا دا حسابي ونوسه كانت بترسل ليك منو و كانت مكلماني اني ابلغك بكره عرسها قلت ليها وانتي منو قالت لي انا ايلاف صحبتها انا كنت غضبان قلت ليها تقبلي تتزوجيني من غير م تقول اي شي قالت لي موافقه وسبحان الله انا م شكيت في اي شي وكنت زعلان منك ومن وعدك لي وليه دمرتيني وكلمت امي وقصدت اني اخطب في نفس يوم زواجك عشان تفهمي انو ماف شي بفرق معاي ودا كلو انا عايش علي اساس انو دي انتي الكنتي بتتونسي معاي وزي ما غظتيني واتزوجتي انا كمان خطبتا بقيت اضحك قلت ليهو ياااااه اقسم بالله انا الزمن داك كنت موش بريئه كنت محل اودوني اهلي بمش زي الطفله ومستحيل انا افكر بالكيد الانت بتتكلم عنو دا قال لي اقيفي خليني اكمل انا نزلت مخصوص عشان احكي قلت ليهو طيب سمعت ابوي بكورك لي قلت ليهو دقيقه مشيت والتلفون في اضاني ابوي قال لي ي بت بتتكلمي مع منو ساعه انا بكورك ليك قلت ليهو لا يا ابوي م بتكلم دي حصه اون لاين وطبعا ابوي م فاهم شي سمعت محمد يضحك قال لي انتهيتي منها قلت ليهو ممكن اقفلها واسمعها وقت تاني قال لي لا لا اسمعيها بي راحتك بس انا خايف عليك ي بتي من مطمع الرجال قربت منو وقلت ليهو يابا ما تخاف اقسم بالله اموت ولا اخذلك يابا ماف راجل بملي عين اكتر مما انت وعلي اخوي مالين عيني عشان كده بطمنك م ح يجي يوم واكسر عينك انا واعيه ي ابوي انت بس م تنساني من دعواتك قال لي اشهد الله انا ليل نهار بدعي ليك لو قومتا نص الليل بدعي ليك انا ظلمتك وبقا يبكي ختيت التلففون جنبو وقعدت ليهو ف الواطه قلت ليهو لا انت م ظلمتني انا ظلموني الغيرك وظلمتني الظروف الحرمتني منك وبقيت ابكي وهو يقول لي لا ي بتي ما تبكي ما بقدر اشوف دموعك كفايه بكا انا عايز اشوفك قويه انا بتمني م اموت بس اشوفك دكتوره ومع راجلك بدعي ربنا احضرني اليوم ده قلت ليهو وعد ي ابوي زي ما تتمنا ح تلقاني وانا عمري الجايه ح اسعي للحاجه دي ومافضل كتير هانت انا هسي ف الثانوي ومتفوقه قال لي ربنا يفوقك اكتر وتفرحيني والمره دي تكوني جنبي عشان اضوق طعم الفرحه قلت ليهو ان شاء الله يا ابوي وقلت ليهو م تتعب نفسك انا ح اقوم اعمل ليك عصير وجايه قال لي سمح الله يحفظك
شيلت التلفون ومشيت لقيت الخط فاتح قلت ليهو انت م قفلت يعني قال لي معقوله انا مستعد اكون طول العمر في الخط وما ح اقفل نهاي قلت ليهو محمد ممكن اقول كلام قال لي اتفضلي قلت ليهو لو مفكر اني ح ارتبط بيك تبقا بتحلم قال لي نوسه بطلي كلامك دا واسمعيني احتمال تغيري رايك قلت ليهو انا بس بلغتك عشان ما تلومني قال لي طيب انتي اسمعي المهم ي نوسه الزمن اقوم اوقعني في تلفون ايلاف يوم وما تجسس بس كانت يوم بتتناقش بالتلفون وصوتا انا سمعتو وهي مفتكراني نايم سمعت اسمك وردها انو انا ما طلبت منو يرتبط بي حسيت في حوار حاصل في موضوعنا ودردشتنا ودي كانت صديقتكم اسمها منو كده ما عارف المهم فتحت الدردشه لقيت البت دي بتهدد فيها انها تعترف ليك بي عملتها وفجاه جات منك رساله فوق فتحتها سريع لقيتك رسلتي رسايل وحظرتيها بقيت اقرا وانا مخلوع معقوله ايلاف تضرك بالشكل دا وغرضها شنو من إلحاجه دي ورجعت للدردشه مع صاحبتها لقيت كلامي الحكيتو ليك واجهتها رفضت تحكي وطلقتها انا انخلعت قلت ليهو ليه ي محمد حرام عليك عشان بتك قال لي الكلام دا قبل تلد وطلقتي م مشت فيها وابشرك انا طلقتها وبالتلاته عشان انا م بحب الغش كان تجيني عديل وتحبني الحب م حرام بس تكذب علي والله لو والد منها ميه اطلقها وامي م رضت الكلام دا وهي الطلبت مني انزل عشان اتزوجك انا طوالي اتزكرت مشاكلها معانا وانها كانت بتكرهني هسي جايه تقول ليهو كده ما رديت عليهو قلت ليهو محمد طالما جبت السيره دي انا عايزه احكي ليك ايلاف يوم هددتني وحكيت ليهو قال لي لا دي م ايلاف دا انا راسي بقا كبير قلت ليهو انت بياتو حق تهددني قال لي انتظري شوفي الكلام قلت ليهو طيب قال لي انا كنت في صراع مع ايلاف من الزمن داك وهي كانت بتالف فيك وبتكذب علي ويوم انا قررت اشوف كلامها وصيت ولد من حلتنا انو يراغبك والظاهر كتار العايزين اخربو عليك انا انفعلت قلت ليهو كيف تعمل كده قال لي من حقك تقولي اي شي بس اسمعي للنهايه المهم الولد دا كل يوم يقول لي م شافك ويوم رسل لي الصوره دي انا بقيت م بشوف وصدقت كلام ايلاف وانك فعلا كده وعملت حساب ورسلت ليك منو عشان انتي حظرتيني وانا دخلت عليك عشان انصحك وبس والشي الشككني ح اوريك ليهو بكره انا طالع مشوار قلت ليهو لا انت عايز تطول المواضيع وكل يوم تتصل علي قول لي هسي قال لي نوسه والله عندي مشوار ابوي بناديني قلت ليهو طيب انا بكره بدري ماشه المدرسه لانو الليله غبتا اليوم دا بكره بشاكلوني وح اقفل التلفون وبختو هنا بجي افتحو يوم الخميس قال لي طيب اجي اوصلك قلت ليهو معليش مستحيل اقبل بكده ودعني وقفل
تاني يوم مشيت مدني الصبح وصلتا المدرسه بدري لقيت صاحباتي اتونسن ومنبرشات في استاذ جا جديد قعدت اضحك قلت ليهن انا مستحيل اجي يوم وابقا هبله زيكن كده وماف استاذ بنظر ليهو غير نظره استاذ قالن لي انتي ما شفتيهو لو شفتي ح تغيري رايك فجاه الجرس ضرب وجرينا الفصل اخر ناس واظنو الاستاذ الجديد دخل وكنت ماشه قدامهم ولمن دخلت بقيت سامعه صوت الاستاذ وماغريب علي وشايل صوت اجلد في الطلبه الدخلو بعد هو دخل الفصل وجو متاخرين لمن جا دوري انا بقيت مريله فيهو ومخلوعه وكل علامات الاندهاش جات في راسي تعجب استفهام وبقيت ماده يدي وبعاين للاستاذ في عيونو ما عشان هو جميل لسبب تتوقعوهو شنو البجاوب صاح بديهو جايزه يلا ارح مراقبه التعاليق…