قلت ليها هناء عندك يومين بس يا تعترفو للعالم دي بالحقيقه يا الاتنين ما تلومو الا نفسكم وما تطلعو الشر الجواي من هسي انا حدي الان صابره وصابره ع حاجات كتيره قالت لي الحل عندك قتيبه داير اعرسك الليله قبل بكره قلت ليها انا موافقه وهديك اهلي امش يطلب يدي وانا قرايه م عايزه قالت لي ياشاطره م ح يوافق هو قال ف السر عشان يتستر عليك من الفضيحه قلت ليها م انفضحتي انتي الامك قاعده في نص الرجال تعمل ف القهوه وانتي في نصهم عريانه اجي انفضح انا هو الفضيحه دي كيف ي استاذه قالت لي ما تعايريني انا ع الاقل ناس الحله م قالو حامل بالحرام مسكت اعصابي منها وخلاص قفلت معاي مشيت الفصل وانا م طايقه اي زول ونظرتهم لسه مقرفه وبطني طمت من حاجه أسمها مدرسه وناس وقررت اني م اجي المدرسه تاني وعارفه امي ح ترفض بس ما نفسي اكمل وانا كده كده بليده والحصل لي ح يطفشني من القرايه فأحسن اني اطلع بكرامتي انتظرت الحصص خلصت وشيلت شنطتي وطلعت ورا مني قالت لي نسيبه انا راجل امي صعب لو عرف انك كعبه وانا مبارياك بدقني ابتسمت قلت ليها تحيه لي راجل امك والله عارفه يا مني انا واحده من الناس اتمنيت اسمع كلام اخوي وابعد عن هنا وانا ي مني عايزه اقول ليك حاجه واحتمال تاني م نتلاقه مني اتخيلي هناء طلعت الكلام دا عشان تستفذني وتقول لي الولد عايز يتستر عليك ويتزوجني عرفي وانا يا هناء كفاي فضيحه واحده وهي اصلا والله كذب وانا الفيديو البتتكلمي عنو دا انا م فهمت فيهو شنو بس عايزه احكي ليك الحقيقه انا حبيت الولد الاسمو قتيبه وعمري م فكرت احب بس لي قدري وقتيبه دا بقا يمش ناس هناء يوم انا مشيت وناس هناء ديل م عندهم اي موضوع والله الاولاد قاعدين وهناء لابسه كيف وامها اخطر عليها بيتهم فعلا مشبوه بت الرجال م بتدخلو ودخلت لي قدري الولد دا جا قعد جنبي وانا لمن قعد جنبي بقيت ارجف وقومتا علي حيلي وماشه اهلي هو مسكني من يدي لمن راسي لفه اظني اغمي علي وما عارفه الحصل شنو شكلهم استغلوها فرصه صوروني كيف انا م عارفه انا م عايزه منك غير رد واحد يا مني الفيديو فيهو شنو قالت لي فيديو شين ي نوسه وما تساليني كتير وربنا يخفف عليك انا قلبي بقا ادق وبقيت اسال في نفسي لمن اغمي علي انا كنت م واعيه وانا زاتي اغمي علي كيف معقوله اكيد في شي غلط وبقيت اتكلم مع نفسي ودايره اجن عديل وكرهت نفسي اكتر مما انا كرهاناها وبقيت بي اي طريقه انا عايزه ابرئ نفسي لناس الحله واخد حقي تالت ومتلت
رجعت البيت قلت ليها يمه انا م عايزه المدرسه امي قعدت تكورك وتجوط وقالت لي ليه م عايزاها قلت ليها يمه ما عايزاها وما تساليني وكنت بكورك في امي شديد لمن نهي اختي جات كفتتني مسكتها ضربتها ضرب امي بقت تكورك ومحتاره فيني انا مالي وانا الوحيده العارفه انا مالي وميلي شين م بتقال وروحي طلعت عديل امي مصره انها تعرف انا ما عايزه المدرسه ليها وكل م تفتح معاي الموضوع بسكتها ومره يوم يومين ما مشيت المدرسه وكده كده مافارقه معاي قلت ليها عايزه تلفون قالت لي دي قله ادب وانا بتصل علي اخوك قلت ليها اتصلي علي ابوي زاتو ف القبر ما شغاله بيكم امي قالت لي ي بت انتي القوه دي جبتيها من وين واحسن تمسكي دربك عديل قلت ليها مالي انا عشان قلت عايزه تلفون قالت لي تلفون شنو وانتي بت صغيره قلت ليها ع فكره انا م صغيره انا كبيره وعايزه تلفون اقعد كده ساي اجن ولا شنو قالت لي لا م تجني ارجعي مدرستك قلت ليها م بقدر انا قنعت من مدرسه فيها هناء قالت لي شنو قلت ليها م فيها حاجه م تركزي المهم انا عايزه تلفون وضروري ي امي لو فعلا بتحبيني وبتعزيني جيبي لي تلفون انا محتاجاهو يمه قالت لي دايره تتونسي بيهو مع الاولاد بقلبي قلت ليها بارك الله في الطمم بطني من الاولاد بس انا عايزه انتقم بقيت أجادل فيها جدال ويومي اكرر الموضوع امي غلبها البتعملو اكتشفت امي خايفه من اخوي م كلمتو اني خليت المدرسه وانا كده كده بطلت اخاف منو ومستعده لو جا راجع ودقاني ادقو هو زاتو شده ما خلاص انا الغضب ماليني المهم قدرت اقنع امي وتجيب لي تلفون جبت رقم قتيبه واتصلت عليهو الولد مبقيني انا حامل وكمان خايف علي ولدو الفي بطني قلت ليهو قتيبه نحنا برانا برضو بتمثل قال لي انتي ليه م مصدقه انك حامل قلت ليهو انت مريض الله يشفيك ويشفي المعاك المهم انا ما ح استسلم لو طلعتو من بطني دي طفل اكتفي بفضيحه واحده م ح تضغطو علي امشي في السكه دي قتيبه انتو صورتو شنو قعد اضحك ورسل لي الفيديو لمن فتحتو لمن قلبي وجعني الولد دا صورني لمن اغمي علي والبصور فينا شكلها هنا لانو هناء عندها جيوب انفيه في حركه كده بتعملا وظاهره ف الفيديو الفيديو حسيت انو فيهو تركيب لانو جسم البت الفي النهايه نظيف وانا وسخانه وما ناعمه المهم اولاد الحرام ديل عملو لي فيديو ينزل راسي العمر كلو وهنا الشك دخل قلبي بقيت في روحي هل الولد دا اغتصبني وهل فعلا انا حامل وخلاص الدنيا مسخت لي وبقيت افكر براي اعمل شنو والله لا وراكم الانثي لمن تواجهه مشكله براها بتكون عامله كيف قررت اعمل صفحه ف الفيس باسم وهمي وبقيت اصادق ف الناس من طرف خلال يومين الصفحه ظبطت وبقيت افتش لقروبات نسائيه وقروبات استشارات ونزلت استشاره والحلول كانت مبالغه المهم بقيت اقرا ف التعاليق تعليق تعليق ورغم انو فيهم اساءه بس استفدتا وقويت زياده وكل التعاليق بتقول لي اوعك تستلمي ليهم اطلعي من الفيهو دا وندميهم علي اليوم الولدوهم فيهو واحده كتبت لي حل ظاااابط قالت لي مبدئيا اعملي واتسابين واحد حقك وواحد دا ختي عشان تحلي بيهو المشكله واحد بدل تسجلي بي اسم اكتبي مكان الاسم رقم قتيبه والتاني سجلي برقم هناء ابدي دردشي مع نفسك دردشه برئ بيها نفسك عشان تكون ليك سلاح تدافعي عن نفسك لو اهلك عرفو المهم كلام البت دا طبقتو بالحرف عملت لي دردشه ف الحسابين وبرئتا بيها نفسي وعملت اسكرنات وحفظتها وفي واحده تانيه قالت لي شوفي ليك ضابط ولد ناس يقيف معاك والاهم من دا الضابط اول م تلقيهو تمشي لاقرب دكتوره نساء وتوليد تتاكدي هل انتي اغتصبوك وفعلا حامل ولا الناس ديل عايزين يتهموك عشان يصلو للعايزنو المهم حلولهم انا ساعدتني شديد ووقعت ليك في الضباط طلبات صداقه ونصهم الكتير قبل لي قومت صليت وادعيت ربنا يوقعني في ولد حلال يساعدني المهم في ضابط كده اسمو علاء رسلت ليهو رسايل ردا علي طوالي وسلمت عليهو واتعرفت بيهو طوالي اتصل مكالمه فيديو كان شاكي فيني المهم عشان يطمئن انجبرتا فتحت الكميرا وفعلا طلع ولد حلال واعتزر لي قال لي افتكرتك ولد واسف م قصدي ازعجك بالاتصال قلت ليهو لا من حقك لانو دخلتي ليك غريبه وانت من وين قال لي انا اصلا من ابوعشر بس شغال في مدني وانا عرفتو بي نفسي وقلت ليهو عشان انا اكون معاك واضحه انا والله لا عندي ف التلفونات لا في الونسات بس ربنا وقعني فيهم وانا والله واقعه في مشكله ومحتاجه السند انت ولد حلال اقيف معاي ممكن الولد بقا شبه محتار فيني وشكا فيني قلت ليهو ربنا عالم بي قال لي طيب يا اختي م عندك مشكله انا بساعدك بس رأيك شنو تلاقيني ف القسم في مدني انا قلبي دقاتو زادت قسم ومدني واب علي دا كلام كتير قلت ليهو انا مستحيل اجي هناك اعفيني قال لي خايفه من شنو انا م زول كعب وعندي الاخوات ولو فعلا انا كعب ما بقول ليك تعالي القسم بقول ليك قابليني وبطلع اقابلك في اي مكان طيب م مشكله انتي اسمك منوقلت ليهو نسيبه قال لي ي سلام اختي اسمها نسيبه بت ابوي قلت ليهو لي الشرف قال لي طيب ي نسيبه مشكلتك شنو قعدت احكي ليهو من الاول ووريتو اي شي قال لي شوفي يا اختي انا بكون معاك واضح انا ح اساعدك لو فعلا انتي بريئه ومن غير م اظهر ف الصوره بس وعزه جلال الله القاك كذابه اسجنك انتي قلت ليهو موافقه فجاه اتزكرت لمن اغمي علي وانا م واعيه قلت احتمال الولد دا فعلا اغتصبني وانا حامل قلت ليهو علاء بس انا م ضامنه لمن اغمي علي الحصل شنو ولو فعلا الولد دا اغتصبني انا مستقبلي ضاع وحسبي الله ونعم الوكيل فيهم قال لي لازم تتاكدي من الحاجه دي قلت ليهو اتاكد كيف قال لي م عارفه تتصرفي وترجعي لي ولو لقيتك بنت لسه والناس ديل دايرين يعملو حوار عشان تقعي في غلط اكبر اقسم بالله امسحهم من علي وجه الارض وارجعي لي بعد تتاكدي خلاف ذالك ما ترسلي لي سلام انا قلبي بقا ادق اتاكد كيف وامش لدكتوره النساء والتوليد كيف اقول لي امي شنو وانا م عندي قروش والحيره دايره تكتلني وبقيت ادعي واتحسبن عليهم عايزين يدمرو حياتي بس يا انا يا هم