بقيت محتاره اعمل شنو واتصرف كيف والموضوع حساس وخلاص فاض بي عديل م بقدر اطلب من زول قروش ولا متعوده علي الحاجه دي المهم بقيت افكر وافكر وقلت اشوف اخوي اقول ليهو عايزه اشتري عبايه غير كده ماف حل قلت لي امي لو اتصل اديني ليهو قالت لي طيب وبقيت كل يوم اراغب حساب الضابط منتظراهو يرسل لي بس نهاي م رسل واحترمتو شديد لو دا واحد تاني كان استغل الفرصه بس الحمد لله الله وقعني ف الزول الكويس يوم جاتني هناء امي لمن شافتها داير تكتلني عديل قلت ليها هناء عايزه مني شنو قالت لي جيت اشوفك وقتيبه رسل ليك قروش عشان لو احتجتي حاجه ولا عايزه فواكه قعدت اضحك قلت ليها هسي قتيبه دا كان راجلي ما اظنو يعمل كده ي بت انتي غبيه انتي كنتي بتعرفي نسيبه الزمان بتتزكريها الكان لمن اخوها يجلدها ف الصاح بتجي تحكي ليك انتي ي بت انا هسي اتغيرت تغير ما ح تعرفي الا لمن تغييري دا يصلك واتوقعي قريب قعدت تضحك بي استهتار قالت لي كدي امرقي من حملك دا وتعالي اتفاصحي غضبت غضب ولو مافي بيتنا كان كتلتها قلت ليها هناء انا هسي ما قادره احدد انتو عملتو فيني شنو بس وعزه جلال الله واعدم امي انا القا نفسي فعلا حامل والولد دا اغتصبني وانتي بتصوري فيني اقسم بالله اقسم بالله السودان دا ما يشيلنا الاتنين وطبعا بتكلم معاها وبسجل عايزه اضمن حاجه لو فعلا اغتصبني قتيبه هناء قالت لي نوسه م عندك حل غير تتزوجي قتيبه قلت ليها انتي م بتفهمي زواج عديل انا موافقه وبغصب اهلي بس عرفي لا قالت لي عرفي عشان الحمل ما تنفضحي قلت ليها انفضح مره ولا انفضح تاني وتالت ومليون مره وهسي ي هناء انتي مرتاحه حرمتيني من مدرستي وحياتي ربنا يحنضل عليك حياتك وما تشوفي يوم حلو انا بطلع منها بس لو طلعت ما تنتظروني قالت لي اعرفي اطلعي بس قلت ليها باذن الواحد ويلا يا استاذه من غير مطروده وقولي لي قتيبه خليك راجل ولد رجال بطل امور الاستفزاز عشان شين في حقك قبل حقي وما محتاجه لقروشك فاتت مني وانا الخوف اتملكني وحسيت نفسي فعلا الولد دا عمل فيني شي انتظرتا اخوي اتصل وامي ادتني ليهو قلت ليهو عايزه عبايه قال لي جدا ح ارسل ليك قروش مع امي وسالني من القرايه قلت ليهو تمام قفلت منو وشبعت بكا اتزكرت كل لحظه حزرني فيها من هناء اخوي كانت عندو نظره حقيقيه بس انا كنت م بفهم وغبيه الموضوع دا رغم صغر سني بس حسيتو كبر عقلي وبقيت اقول سبحان الله البت دي بتمر بكل مرحله بظروفها فتره المراهقه بتكون نفسك تلبسي وتطلعي وتحبي بعد تبقي في الزواج ببقا همك في الحمل والولاده ومخك بكبر مع الهموم وانا ربنا كبرني قبل اواني وحسبي الله ونعم الوكيل فيهم بقيت محتاره اعمل شنو واخوي بعد ارسل القروش امش لياتو دكتوره لو مشيت لدكتور ف الحله ح يفضحني بس لازم اتصرف وغلبني البعملو فتشت لكل حلول الارض غلبتني رسلت لي علاء سلم علي ورحب بي قال لي كيف صحتك وعملتي شنو انا راجيك قلت ليهو علاء انا م عارفه اتصرف انا اهلي صعبين ومجتمعنا صعب م عارفه اعمل شنو وحكيت ليهو بي هناء ورسلت ليهو التسجيل قال لي السؤال يا نسيبه البت دي واثقه من حملك شديد ليه انا قلبي بقا ادق قلت ليهو م عارفه والله قال لي في شي غلط حسسني كانو انا فعلا حامل قلت ليهو علاء اقسم بالله ورب العباد انا م غلطت انا عمري م ح اخلي ولد يلمسني انا قدري اقع في الناس ديل وربنا يخفف علي انا م قادره عليهم وماح يخلوني في حالي هم مصرين اني اتزوج ف السر وانا يا علاء لو اغتصبني فعلا اهون لي اعيش كده ولا اقع ف الغلط مرتين قال لي احترمتك واحترمت فهمك وما عليك يا نسيبه انا حاسي بيك بس انا لازم اصل لحل معاك خليني الاقيك قلت ليهو انا خايفه قال لي مني قلت ليهو اي قال لي زي م وريتك انا عندي اخوات زيك والما برضا ف اخواتي ما برضا فيك انا عايز احل مشكلتك زي ما انتي طرقتي بابي م عايز اسدو في وشك شوفي انتي العايزاهو شنو لو عايزه بجيك ف الحله رايك شنو قلت ليهو الناس اقولو شنو اخوي بقطع رقبتي قال لي معليش مع احترامي الشديد لي اخوك كان وين لمن انتي مشيتي المكان المشبوه دا قلت ليهو اخوي انت م عارف اخوي دا ساي ياريتو ماف خلانا قال لي فات وين بقيت احكي ليهو اخوي دا كان كيف وحزرني من هناء بس انا حسب مراهقتي ما ركزت في كلامو ولا خوفو علي وكنت بشوف الحاجه دي م مريحه لغايه م وقعت ف المصيبه دي وغلبني احلها كيف قال لي طيب ي نسيبه شوفي امك دي لو طلعت يوم انتي اتصلي علي انا بجيك في اي محل قريبه اوديك الدكتوره ونشوف الحاصل شنو قلت ليهو ممكن كده دا حل ودعني وقفل مني حسيت انو ولد ملتزم ماليهو ف اللف والدوران ولا عايز يجاريني في الكلام
بقيت منتظره امي تجيها حاجه عشان تمشي لغايه م يوم جاهم بكا ف الشرق والناس كلها مشو الصباح اتصلت علي علاء كلمتو قال لي مسافه السكه واكون عندك معاي عربيه نهي تقرا كان عندها امتحانات لبست عبايتي وطلعت وما كلمتها انتظرت علاء في ظلط الحله بره وغطيت وشي بي طرحتي وبقيت منتظراهو فجاه وقفت جنبي عربيه شرطه انا قلبي ادق نزل القزاز وقال لي نسيبه قلت ليهو اي نزل من العربيه وكان لابس لبس الجيش وانا اول مره اشوفو طويل ولونو قمحي وجميل جمال ما عادي سلم علي وقال لي اركبي وقفتك شينه ركبت ودور العربيه قلت ليهو ماش وين قال لي الحصاحيصا انا بقيت خايفه قلت ليهو لا قال لي ليه مالك موش امك ماف قلت ليهو ماف بس انا خايفه قعد اضحك قال لي اطمنك انا متزوج وعيني ملانه والله ومرتي في وجودا وغيابا ما بخونا انتي هسي اختي عايزه اساعدك والله حسب م لجأتي لي قلت ليهو جزاك الله الف خير ومشينا بقينا نسال من دكتور نساء وتوليد كل م نسال اوصفو لينا دكتور هو قال لي دكتور م عايزين الا دكتوره بقينا نسال وصفو لينا واحده مشينا ليها ولي سوء حظو لاقا بت خالت مرتو هناك قال لي طبعا ح يبقا حوار بس النشوف قصتك ومرتي بقدر افهما وبقا منتظر معاي واتكلم مع البت عشان تدخلني بدري وافقت ليهو واعتزرت للناس دخلنا للدكتوره وحكينا ليها وانا دموعي كانت عشره عشره وقلبي ادق خلاص دا تقرير مصير قالت لي اتفضلي ورا الستاره وانا الدنيا ظلمت في وشي بس مجبوره عايزه اشوف مصيري وكنت ببكي شديد الدكتوره طلعت وقالت لي علاء للاسف اختك ما بت انا حسيت انو الدنيا لافه بي وصوتهم بسمعو بعيد وراسي لفه لمن اغمي علي وما وعيت بي اي شي والناس كلها شكلهم اتلمو فيني وركبو لي دربات فتحت عيوني لقيت روحي براي بقيت افتش لي علاء اتصلت عليهو تلفونو مغلق الدكتوره قالت لي الحبوب دي تاخديها بعد الفطور ودي لو حسيتي بطمام قلت ليها مالي انا قالت لي عشان الحمل ……