رواية جبروت انثي الفصل العشرون20 بقلم نوسه حمد
قتيبه قال لي برسل ليك السواق اجدعوها في اي مكان قلت ليهو انا م بجدعها انا بوديها لي اهلا لانها موصياني قال لي انتي جنيتي اهلا ماشه تقولي ليهم شنو انتي عايزه توقعينا وشنو موصياني دي هي امك ولا ابوك وبتعرفيها من وين اسمعي كلامي من مكانك لو اتحركتي م تلومي الا نفسك وبعدين انا تاني م ح اثق فيك واعتبري دا اخر يوم ليك معانا وانتي الطلبتي انك تكوني معانا وتشتغلي زي شغلتي ما جبرتك انا كان كفايه عليك الاوردرات قلت ليهو انت صدقتا دي الكميرا الخفيه انا من ايدك دي لي ايدك دي ورسل السواق قفل مني وانا كل م اعاين للبت اتزكر كلاما والبت ماتت بصوره فظيعه اتخيلت نفسي مكانا وقلت احتمال تكون حيه يارب السواق يجدعها في مكان تلقا فيهو ناس ولو مكان م فيهو ناس اعمل شنو البت م تستاهل بسببب لحظه شيطانيه دمرت نفسها وفقدت روحها بقيت اتعوذ عليهم واستغفر فجاه السواق جا وانا م كنت سامعاهو لقاني استغفر قال لي الشيخه اول مره احس زول شغال معانا وبخاف ربنا من الخلعه قلت ليهو منو البخاف لا لا انا نهاي م بخاف ويلا نجدعها في اي مكان وداير اشيل البت قال لي دقيقه انتي غبيه قلت ليهو كيف قال لي عايزه تمسكيها عشان بصماتك تمسك فيها ولي غباي بصماتي شنو م عارفه قلت ليهو كيف م فاهمه قال لي شكلك جديده المهم اقيفي عايني لي بس بقيت اعاين ليهو وطبعا بي يدو م مسكها بقا يرفع فيها بي خشبه والبت كلو دقيقه تقع منو انا م فضل لي الا بالقوه ارفعا منو بس قلت ما ح ادخل في حاجات زي دي وانا زاتي فقدت المصداقيه في اي زول من هنا ولقدام روحي ح اشك فيها مستحيل ادي زول الامان المهم بقدره قادر قدر البت لفاها في شوال خيش وجدعا ورا ف العربيه والدم مغرق المكان وملابسو زاتا اتملت ومشينا مكان اظنها الحدود السعوديه عديل انا من الخوف خلاص قنعت من نفسي ووكلت امري لله وشغاله ادعي في سري لمن الواطه صبحت حتي نحنا رجعنا وصلني مكان بلاقي قتيبه مكان زي كورنيش انا من الخوف والتوتر الماسكني بقيت راقده في الشارع وخلاص فاض بي حسيت نفسي طاشه شبكه سمعت صوت تلفون بيضرب ودا م تلفوني فتحت شنطتي لقيتو تلفون البت متصله ليها امها ميه مره وابوها متين مره انا قفلت التلفون وبقيت افكر اعمل شنو دي حاجه مستحيل يتسكت عليها قتيبه اتصل علي كنت كرهاناهو شديد لي مراد امسكو اشنقو وانتهي منو قلت ليهو م عندي مزاج لتوصيل انا عايزه انوم قال لي طيب بكره عندنا احتفال قلت ليهو احتفال بمناسبه شنو قال لي جايننا ضيوف من بره وكده قلت ليهو كويس قال لي تحبي تحضري بي قلبي قلت ليهو دا المطلوب قلت ليهو طوالي قال لي تمام بس بكون بليل قلت ليهو م عندي مشكله انا خلاص قلبي دا مات موته قال لي دا الدايرنو وقفل الخط قلت ياريتني م مشيت مع البت وهدي فرصه اني اشوف الناس الشغال معاهم جات
اتصلت علي علاء وريتو بي اي شي قلت ليهو يلا انا حاسه نفسي نجسه لو صليت صلاتي م ح تمشي الليله اخر لي يوم قبضتوهم قبضوتهم م قدرتو ان شاء الله الحله تحرق بالفيها علاء قال لي نوسه استهدي بالله اقسم بالله خلاص هانت وبالاحتفال دا ح اكونو مجتمعين كلهم وصدقيني ح نقبض عليهم وح نتخلص من اكبر تجار مخدرات ودعاره والفضل يرجع ليك قلت ليهو يارب بجد انا تعبت شديد ما نفسي اذنب اكتر قال لي انتي تابعه لينا ما شغاله معاهم فعلا قلت ليهو ومحمد يا علاء عليك الله م تقيضوهو معاهم م عندو ذنب اكيد مهددنو قال لي م تخافي ان شاء الله تطلعو منها بالسلامه انا ح اجي بكره عشان اتم باقي الشغل ح افهم اياد علي اي شي وخلي بالك اوعك تغلطي لو غلطتي ح تخربي اي شي ومابعيد يكتلوك كوني حريصه ح اخلي اياد يركب ليك سماعه عشان نقدر نفهم اي شي قلت ليهو تمام رجعت البيت وبقيت عايشه علي اعصابي ام اياد قالت لي انتي مالك شايله الهم وشغلك ليه صعب كده قلت ليها يمه ادعي لي انا ما مستحمله اي شي قالت لي ربنا كريم قومي استحمي وصلي وادعي بالحاجه العايزاها انه مجيب الدعوات قلت ليها حاضر يمه وربنا يديك العافيه دخلت استحميت وصليت وبقيت ادعي وابكي واخدتا لي نومه طويله صحيت بصوت التلفون علاء قال لي انا وصلت مع اياد البسي اي شي وخليك جاهزه والتعليمات البقولا ليك اوعك تخالفيها سامعاني قلت ليهو حاضر وربنا يقدرني بقا يوصي فيني ويحذر فيني وانا قلبي ما معاهو سرحانه كيف اشوف محمد وكيف افهمو اني جايه تبع الخطه بس م قلت لي علاء المهم قلت ليهو تمام فهمتا قال لي يلا اتظبطي انا واياد جايين عليك مشيت ناديت هبه ظبطت فيني مكياج لمن م عرفت نفسي واتصلت كلمت سعد بي اي شي قال لي انا ح اجي معاهم وما اوصيك علي نفسك وانا م واثق في اي زول قبل تدخلي رسلي لي اللوكيشن قلت ليهو تمام انتظرت علاء واياد جو وقالو لي نحنا وراك ما ح نقدر نجي الا نتأكد انو كبارهم موجودين قلت ليهو تمام انا برسل ليك اول باول قال لي ظابط واعملي حسابك من اي زول هناك قتيبه اتصل علي وجا ساقني مشيت معاهو وكان بتغزل فيني طول الطريق كنت قرفانه من نفسي ونهاي م خليتو فتح وشي عشان ما يعرفني المهم وصلنا مكان كده رهيب قصر ولا شنو م عارفه قلت ليهو نحنا وين قال لي الليله انتي ح تشوفي كبارنا ولازم تشاركينا قلت ليهو ح اشاركم طبعا انا مفتكره اشاركهم في الرقيص في برنامج لكن ما مفتكره اني اشاركهم في شراب خمره ولا مخدرات والناس ديل سكرانين بس واعيين وناس نظيفين وظاهر عليهم العز وفيهم ناس انا شفتهم بس وين م عارفه شكلهم فنانين انا ساعه مصدومه وكل دقيقه اجيبو لي شي وانا خايفه منهم موت م قادره ادخل شي في خشمي ولبس البنات كعب شديد اطمم البطن وبقيت اعاين نفسي المح محمد ان شاءالله لمحه فجاه شفت هناء طوالي اندسيت منها وكنت مرعوبه رعب مبالغ فيهو واشوف ليك خطيبت اخوي والولد القال داير اختي وخلاص قلبي وقف وبقيت قنعانه حسيت اني ح اشوف اختي بس ما شفتها بقيت مندسيه منهم وما ظاهره نهاي قتيبه قال لي ارح اعرفك عليهم قلت ليهو انا عايزه اتعرف علي كباركم الزيك م عايزه اتعرف عليهو قعد اضحك قال لي تمام خليهم يجو
بعد شويه جو ناس كده قتيبه مشا مني وبقا يتكبكب فيهم عرفتهم ديل الكبار وبقيت بعاين وبصور من غير م يشعرو وبحول لي علاء في اثناء م بصور شفت محمد من غير م اشعر مشيت عليهو وقفت في وشو محمد اتغير واتبهدل اول م شفتو حسيت نفسي كاتم وماقادره استحمل وهو عاوز يزوغ مني مسكتو من يدو قلت ليهو محمد فشنو اتغيرت ليه وكنت بتكلم بصوت عالي لانو صوت الموسيقي كان اعلي محمد م عايز يعاين لي وبقا يدسدس في دموعو مني وفات مني لحقتو قلت ليهو محمد ليه م عايز تتكلم معاي وكنت بتكلم باعلي صوت عشان يسمعني قلت ليهو محمد انا نوسه مرتك مع كلمتي دي الموسيقي وقفت والناس صنت وبقا صدا صوتي ف السماء وكلمه انا نوسه مرتك اترددت ميه مره انا بقيت اتلفت والناس اعاينو لي طوالي هناء جات وقفت في وشي وبقت تكورك قالت ليهم دي الجابا هنا شنو والجابا منو انتو مجانين البت دي مبلغه فينا الشرطه وفي غيبانا الحكومه جات ميه مره عشان يقبضو علينا انا قلبي بقا ادق محمد بقا ماسكني عليهو وخايف منهم وعايزين نزوغ منهم مسكنا قتيبه قال لينا دخول الحمام م زي خروجو انتو تموتو هنا بس الاتنين واتشهدووو