فضلت.. في المستشفى تقريبا شهر.. مابين علاج نفسي وعلاج لجروحي...خلال الفتره دي حنان كانت بتزورني وابله سعاد... وبابا ماسبنيش... مي جاتلي... وقررت.. احكلها. عن كل الي عملته كنت عاوزه اخلص من هم ثقيل على صدري.. مي انصدمت جدا.. وفضلت تعيط وقالت..
_ليه يا ياسمين... ليه عملتي كده. دا أنا كنت بعتبرك أختي... ليه. دا أنا صدقتك
_سامحيني يا مي... ارجوكي واهو ربنا. عاقبني... أشد عقاب.. سامحي وأنا لما اخرج.. من المستشفى. والله لاروح لحد حسن وافهمه الحقيقه.. بس سامحيني
مي سابتني وخرجت... وما شفتهاش بعد كده..معاها حق.. انا خذلتها...
خرجت. من المستشفى.. ورجعت البيت...اكثر حاجه وجعتني لما ارجعت البيت.. كان ورد الياسمين الي ماما. زرعته كان كله. مات... كأن ماما حاسه بيه.. وحاسه بلي. بيحصلي
_ياسمين يابنتي. سامحيني انا انشغلت معاكي. واهملت الورد
_خلاص يا بابا..أنا حزرعه... من جديد
مر على الحادثه.. ثلاث شهور.. كان جروحي. خفت واثار التشوه علمت على وشي... كنت بخاف ابص لنفسي بلمرايه. كثير كنت عاوزه احتفظ بصورتي القديمه في بالي.. مش عاوزه اشوف ياسمين الجديده. ياسمين المشوهه... فضلت منعزله عن العالم.... الفتره دي... لحد اليوم الي زارني فيه طيف شمس.. في الحلم
_مس ياسمين... وحشتيني.
_شمس. حبيبتي. انت كمان وحشتيني
_ بس انت بطلتي تضحكي ليه... يامس... انت زعلانه.... اضحكي يامس.. اضحكي يا مس
_بسم الله الرحمن الرحيم.... ياحبيبتي. ياشمس.. هو انا اقدر اضحك بعدك... سامحيني ياشمس
... من اليوم دا وانا قررت ارجع للحياه..
الحياه مش هتوقف.. لازم اكمل.... اول حاجه. عملتها... زرعت. ورد الياسمين من جديد.. كنت بزرعها وانا بعيط واقول لماما... زرعتيه بلحب وانا بزرعه بدموع
كلمت حسن. وفهمته الي عملته... صح هو طردني... بس انا عندي امل انه يرجع لمي.
كلمت مي مره ثانيه. ورفضت تكلمني
مكانش عندي جرأءه اني اكلم رحمه او اطلب منها السماح... غلطي أكبر من طلب الغفران.... اكتفيت بأني ادعيلها كل يوم بالذريه والعوض
قررت.. اني ادور.. على شغل.... مستر ادم... رفض اني ارجع المدرسه.. وفهمني بطريقه.. مؤدبه ان شكلي معادش ينفع ادرس.. انا بشكلي حسبب تشوه بصري للتلاميذ... رجعت... بخيبه امل للبيت
لقيت محمود ابن خالي واخو رحمه مستنيني... الي فهمته انه عاوز يتجوزني... محمود انسان طيب وملتزم.... انا عارفه انه بيعتبر.. جوازه مني زي عمل الخير.. صح هو محسسنيش. وقال انه معجب بيا من زمان لكن انا كنت متأكده من دا... رفضت طلبه بذوق... واعتذرت منه
قررت ادور على شغل
فضلت ادور واترفض... وكنت بسمع عبارات الشفقه من الناس... زي ياحرام.. دي لسه اصغيره.. ياحرام... دي جميله ياخساره. . وساعات كنت بشوف نظرات.. الاشمئزار والقرف.. وساعات نظرات سخريه
على قد ما كانت النظرات والكلام يأذيني. على قدما كنت بحس اني استحق العقاب دا ومتقبلاه.... بعتبره تخفيف ذنب
وفضلت. امشي. كثير واسمع كلام كثير.. ساعات دموعي بتخوني وساعات .. بقاوم... و فجأءه وانا بعدي الشارع لقيت الدنيا بتلف بيا... لكن. فيه ايد مسكتني...
_يامدام. ... يامدام.. مالك انت كويسه. حاسبي
رفعت. عيني وبصيت عليه. كان ولد... عنده.. ١٤.سنه..بيبيع مناديل
_اه....اه...انا كويسه.... بس ممكن تساعدني اوصل. الحديقه القريبه دي.
وفعلا الولد ساعدني.... لحد ما وصلنا الحديقه.. القريبه
_محتاجه.. حاجه يامدام.. اجيبلك ميه. تشربي.... اجيبلك حاجه تاكليها. الظاهر انك مفطرتيش
_انا فعلا مافطرتش... طب ممكن تساعدني يا... انت اسمك ايه
_جود... انا سمي جود...
_ممكن ياجود... تشتريلي حاجه.. أكالها....بس ممكن كمان تجي انت تاكل معايا... نفسي حد ياكل معايا. من زمان. محدش كل معايا
_حاضر.. يامدام
_ياسمين... اسمي... ياسمين..
_حاضر يا مدام ياسمين
_خليها. ابله ياسمين
_حاضر يا ابله
فعلا جود جاب الاكل.. وكلنا انا هو... وعرفت منه. انه ولد يتيم الابوين. عايش مع عمه...وعمه بيجبره انه يشتغل عشان لقمته... رغم دا. جود متمسك. بدراسته... و بيدرس ويشتغل.. في نفس الوقت.. عجبني كثير وقررت اساعده.. اني ممكن ادرسه. المواد الي بيلاقي صعوبه فيها.. واني حديله. فلوس مقابل الوقت الي هيذاكر فيه.. عشان يقدر يدي فلوس لعمه....لكن هو رفض الفلوس دي كده..كان عنده عزه. نفس رغم احتياجه وصغر سنه.. يااا جود راجل صغير.. متمسك بدارسه الي غيره مضايق.منها يااا اد اي ساعات الواحد بيملك نعم مش بيقدرها... ..... لكن جود كان مكسور... لما سالته قال.
انه له اخت... في دار الايتام عندها عشر سنين.. عمه. رفض انه يتحمل مسئوليتها... فرماها في دار الايتام... جود بيروح يزورها كل. اسبوع تقريبا.... حزنت عليها كثير.... وقولت بيني وبين نفسي.... ياا احنا وصلنا للمرحله دي.. ان الواحد بيرمي لحمه. في شارع.. سايب بنت اخوه. للغريب. يربيها
طلبت من جود انه اروح. معاه. أزور اخته...... كنت عاوزه اساعده باي طريقه..
وطلبت. منه نروح نشتريها لبس. وحلويات والعاب... جود في البدايه. رفض. لكن انا اصريت. وقولتله. ان دي هديه مني لفرح اخته
ورحت انا وجود. لدار الايتام... وشفنا اخته... يااا اد ايه فرحت. لما شافت. اخوها. وفضلت هو وهي بيعيطو بحضن. بعض... عرفني عليها. واديت لها الهدايه... الي جبتهالها... وفرحت. بيهم جدا...... خرجنا انا وجود من دار الايتام.. ولفت نظري... دار المسنين. الي جنب..دار الايتام. ... بضبط.. عرفت من جود. ان دار الايتام ودار المسنين.. هو عمل خيري.. لمجموعه ..من رجال الأعمال.. بديرهم. ست اسمها الاستاذه رجاء
استوقفني اعلان. مكتوب على باب دار المسنين... مطلوب. فيه متطوعين مقيمين او بساعات محدوده.... ودعت جود واديته رقمي واتفقت معاه يتصل بيا لو احتاجني
رجعت. البيت.. وانا طالعه على السلم
سمعت رحمه. بتناديني
_ياسمين.... ابعدي عن محمود ياياسمين
_ابله.. رحمه... ازيك.. وحشتيني.. انا عارفه.. انك لسه زعلانه مني.. بس والله يا ابله. غصب عني
_ياسمين.. ابعدي عن محمود... اخويا ملاك. وانت شيطان.. مش حسمحلك. تقربي منه
_رحمه... انت.. ازاي.. تتكلمي مع ياسمين كده....انا مسمحلكيش.. تكلميها. كده... دا كان صوت بابا الي كان. لسه طالع السلم
_متسمحليش.. انت. نسيت. هي عملت. اي.. دي قتلت ابني. وفرحتي... دي. استكثرت عليك تكون سعيد.. دي تستاهل كل الي يجرالها
_اخرسي... يا رحمه. اخرسي..
بابا. قال الكلام دا.... وكان رافع ايدو وعاوز يضربها... لكن انا وقفت. قدامه. ومنعته
_بابا. ارجوك... ابله رحمه.. عندها. حق... ارجوك......ابله رحمه. متخافيش. انا. بلغت محمود برفضي...عندك. حق انا شيطان.. بس ارجوكي.. متتحوليش انت كمان لشيطان
ابله. رحمه... سابتني... ودخلت. الشقه.... وانا... مسكت.ايد بابا. وبوستها
_ارجوك يابابا...متزعلش.. ومتعملش. حاجه. لابله. رحمه.. ارجوك.. لو بتحبني.. متكلمهاش.. عني
_انا اسف. يا حبيبتي... اسف على الكلام الي هي قالته...
_متتاسفش يا بابا.. هي عندها حق. تعمل أكثر من كده.. هي لسه مجروحه مني
سبت. بابا وطلعت اوضتي.... ودخلت.. وانا بفكر.. اني مش عاوزه اخرب حياه بابا.... كفايه الي حصله.. فقد. البيبي... وكمان نظره الحزن والألم. الي بشوفها بعنيه. كل ما يبص لي.. ويشوف التشويه اللي في وشي. بحس عينيه بدمع كل ما بشوفني بالوضع ده
رن تلفوني وكانت مي... الي بلغتني انها رجعت لحسن
_يعني سامحتيني.يامي...
_مش.. حخسر. صاحبتي... يا ياسمين.. انا عارفه معدنك.. والضغط الي كنتي فيه الفتره الي فاتت... وكفايه اللي عملتيه حسن حكالي انك روحتيله... انا مش حسيبك.. وانت محتجاني
_متشكره جدا يا مي.. تعرفي اني فعلا محتاجالك ..وفي موضوع. انا عاوزه اخذ رائيك فيه.. عشان معنديش حد اكلمه
حكيت لمى قراري.. وانا ناويه. اعمل اي
_ياسمين انتي متأكده من قرارك
_ايوه يا مي. متأكده... انا مش حخرب حياه ابويا أكثر من كده