رواية صراع قاصر الفصل السابع7والثامن8 بقلم نوسه حمد

الفصل الثامن 

مسكت الولد اديتو طاخ كف لمن عيوني طششن ووقعتا بعد مسافه صحيت بصوت امو بتقول ليهو دي شنو البت الفضحتنا دي ومعقوله اهلا للان ما سالو منها عايشه حياتي دي كلها مستوره تمش تجيب لي بت تلم فيني الخلق وتفضحني وكمان تقول علي بيتنا بيت دعاره كريم قال ليها يمه البت دي عيانه مع اهلا هناك بتجيها الحاله دي وبتتكلم ساي قالت ليهو ديل اهلا استحملوها انا ولا يوم مابستحملا يا توديها اهلا يا بطردها كمان دي قله ادب فارغه وفاتت ابو كريم قال ليهو مالا هي قال ليهو ما عارف ي ابوي وبدا يحكي ليهو قال ليهو م تستاهل البت دي طفله وبريئه ماف  طريقه نوديها لدكتور قال ليهو للاسف ي ابوي ماخلو ليها دكتور والحاله دي ماخفت منها نهاااااي قال ليهو بت صغيره زي دي مفترض اهلا ما يبعدوها منهم والله انا م عندي مشكله وبيتي اشيل قبيلتهم كلها بس المشكله في لحظتها البتجيها دي والمشكله الجيران شكلهم صدقو كريم قال ليهو ابوي الجيران مالن مابعرفونا نحنا شنو اكيد بكونو مخلوعين من كلامها بس وانا بوضح ليهم وبحاول اشوف ليها سكن ف داخليه ع الاقل البنات بستحملنها ورغم انو شينه في حقي بس م بقدر اخالف قرار امي  انا فتحت عيوني وكنت مكسوره بمعني الكلمه الحالات الجاتني في حياتي كوم والجاتني هنا وخلعت الناس دي كوم تاني قومتا علي حيلي وحاولت اغطي نفسي لاني م كنت لابسه شي كريم قال لي ادخلي ي نوسه دخلت الغرفه بكيت قدرتي وكلمت  علي بالحصل قال لي انا بكره نازل السودان خلاص وما كلمت اهلي بجي اسوقك ونمش البلد قلت ليهو تمام طبعا هم اني امش البلد كيف داير يكتلني والناس ح يسالو راجلها وين ح يحسسوني بالنقص اكتر مما انا ناقصه  وح تبدا المقارنات بيني وبين ايلاف وزواجها وانا ماناقصه قلت لعلي انا ح انزل المدرسه لازم قال لي تمام 

تاني يوم انتظرت علي جا ساقني وعلي اخوي ماياهو علي انتهي عديل واتغير لدرجه مخيفه كانو ما كان مغترب وطول السكه سرحان وليهو حق اول شي ابوي ح يغمي عليهو عديل لو عرف علي خرج نهاي والعجب لو عرفو انو راجلي فات خلاني ف الشقه دا موضوع تاني كمان قلت الله يستر بس ح امر بأيام صعبه شديد يارب تهون لي وتخفف علي 

وصلنا الحله والناس من الشارع بدو تعاليق امي لمن شافتني قالت لي سجمي مالك وابوي جا ماشايف الجنبو مالك ي بت علي قال ليهم اتكلمو معاي انا نوسه خلوها الفيها مكفيها ابوي قبل عليهو حمد لله ع السلامة ماقالا ليهو قال ليهو وانت نزلت السودان عشان تحاسبني ولا شنو علي قال ليهو انا م نزلت عشان احاسبك وانت والدي ماصاح احاسبك  بس انا الكفيل بتاعي خرج لي نهاي ابوي خلاني انا وقبل علي علي سمعو كلام فارغ لغايه ما دموعو جرت وطلع وقبل علي انا قال لي وين راجلك قلت ليهو راجلي جدعني من عرف حالتي البتجيني طاخ اداني كف وانا خلاص بقيت م بشوف اقبل علي وين ما اتكلمت معاهو طوالي طلعت وعلي زاتو طلع امي سكتني حدي باب الشارع ابوي مسكها قال ليها خليهم يطيرو ياخ انا  فاضي ليهم عندي معاهم ايام معدوده وصدا صوتو بتردد علي  طلعت م لقيت علي كنت عايزه اقعد معاهو بس فات وين انا م عارفه اتكمكمت بي طرحتي لانو الناس بدو يسالوني  وقفت ف الظلط وبقيت ااشر لي العربات وقف لي بتاع  جامبو كبير قال لي ماشه وين قلت ليهو انت ماشي وين قال لي مدني قلت ليهو انا زاتي ماشه مدني وانا في لحظتي ديك م عارفه ماشه وين غلبني البقولو وطول السكه ساكته لغايه م وصلنا وقلت لازم أمش الشقه اشوف محمد جا ولو عرفت منو خبر اترجاهو يرجعني واعيش خدامه ليهو ولي اهلو بعد تعب وصلت مكان الشقه ولقيت شنطننا مختوته ف الشارع احترتا دقيت جرس الشقه فتحت لي عروس حلاتا سلمت عليها وبديت اسالها قلت ليها الناس الكانو ساكنين قبليكم وين قالت لي والله مابعرف انا ما من هناا جيت شهر عسل بس قلت ليها تتهني ي رب ومشيت للجيران سلمو علي وضيفوني وسالتهم قالو لي تقريبا زوجك ما جا وبتاع الشقه محتاج للشقه. وختا ليكم شنطكم بره وقفلن قلبي انقطع ودموعي جرت شكرتهم وطلعتا شلت الشنط بتاعتي وبتاعت محمد اكيد محمد دخل في صدمه ما جا راجع تاني اتصلت عليهو تلفونو مغلق برضو  تعبت من كترت اللف لقيت لي دكان فيهو مظله ختيت شنطي تحتي ونومتا فيهو وما كنت سامعه صوت غير صوت الكلاب وكانهم كانو حارسني الصبح سمعت صوت بتاع البقاله بصحي فيني فتحت عيوني لقيتو ولد بكون في عمري قال لي ي بت اصحي مالك قلت ليهو ماف حاجه قال لي البرد لكن ومالك راقده هنا اهلك وين قلت ليهو انا م عندي اهل قال لي كيف الكلام دا طيب زوجك وين انتي متحننه عاينت للحنه وابتسمت  قلت ليهو  زوجي الله يحفظو بس ما عارفاهو وين طلع ليهو سرير قال لي كدي قومي اقعدي هنا  الدكان هسي بكون زحمه بجو يشيلو اللبن قلت ليهو طيب قعدت ف السرير والدنيا كانت برد بقيت مكرفسه وقاعده والولد امش ويجي يسالني شكلو طيب وود حلال بعد انتهي من بيع اللبن طلع كتابو وقعد اقرا قلت ليهو انت ممتحن قال لي اي قلت ليهو تعال اشرح ليك قال لي عندي امتحان مسكت الكتاب وبقيت اشرح ليهو قال لي انتي شاطره قلت ليهو الحمد لله ع كل حال كان نفسي اطلع دكتوره بس القدر  قال لي كيف لازم تقري قومتا حكيت ليهو بحالتي استغرب وبقا محتار هل انا كلامي صاح  ولا انا بكذب بعد زمن الولد دخل الدكان لبس ملابسو وبقا قاعد ابوهو جا وهو فأيت المدرسه خلاص وانا كنت بشرح ليهو وابوهو شكلو بحبو شديد ودايرو يتفوق قال ليهو ما شاء الله لقيت ليك استاذه وين حكا ليهو سلم علي ورحب بي قا لي م عندك مكان قلت ليهو لا لا م عندي قال لي خلاص انا بشوف ليك مكان تقعدي فيهو والمقابل تقري لي ولدي دا كل المواد قلت ليهو موافقه الولد اسمو ابوبكر قال لي يلا ي اختي بمش وبجيك قلت ليهو تمام سالتو من مدرستهم وصفها لي 

قلت امش اقرا فيها بس لكن انا بي حالتي دي اقرا كيف وحكيت لي ابو الولد بقصتي قال لي عايزه تكملي تعليمك قلت ليهو نفسي بس ناس المدرسه ح يطردوني بسبب حالتي دي قال لي شوفي انا بعرف المدير انا بمش وبكلمو ليك رايك شنو قلت ليهو تمام قال لي وانا م بقصر منك وانتي م تقصري من ولدي   قلت ليهو طيب ساقني ومشينا المدرسه نهايه اليوم بعد ولدو جا ودخلني للمدير وحكيت ليهو قصتي واني شاطره وعايزه امتحن تالت متوسط قال لي تمام ما مشكله انا عايز اشوف مستواك امتحنوني في اي ماده بقفلها قال لي انزلي طوالي بكره ومن غير م تدفعي قروش فرحت وانبسطتا وحسيت انو الدنيا بي خيرها علي اخوي اشيل ويتصل قفلت التلفون وكسرت الشريحه وبيعتو اشتريت بيهو شنط وكتب وكراسات وابو الولد لقا لي سكن ولحسن حظي وقعت معاي بت واحده وقالو بتجي يومين ف الاسبوع المهم الناس شاكين فيها وكل بت تجي السكن م بتقعد معاها انا م صدقتا وافقت اقعد معاها وشالو مني قروش رمزيه  

تاني يوم ابوبكر جاني عشان يسوقني المدرسه لبست وطلعت معاهو ومعنوياتي كانت فل ولاحظت لنفسي الحاله نهاي ما جاتني بقيت ادعي ربنا انها م تجيني  تاني عشان اكمل دراستي  مشينا الدكان لقينا عم محمد  مجهز لينا شاي بزلابيه شربناهو معاهو وكنا مبسوطين   وبقينا نقرا لغايه ما جا الزمن ومشينا المدرسه 

بقيت بالحاله دي شهر كامل والحاله ما جاتني غير مره ولحسن حظي كنت براي ف الغرفه 

ابوبكر وعم محمد ما مقصرين مني نهاي بس لاحظت لي ابوبكر مهتم بي شديد  وحتي لمن نطلع لو في ولد شاغلني مستعد يكتلو عديل حسيت انو غيور لدرجه بعيده ولو طلع من المدرسه ما بمشي البيت الا يوديني السكن بتاعي وكل يوم ف السكن بجيب لي اكل كان متهم بي شديد انا خوفت من مشاعرو حسيت كانو حباني والمشكله ما هنا المشكله فيني بقيت احس اني حبيتو عديل والله يستر