فجاه اغمي علي وما صحيت الا بصوتي وانا بقول ليهم انا عايزه محمد عرسو لي محمد وصوتي كان عالي شديد طاخ ابوي اداني كف لمن صحصحتا وبقيت ما فاهمه شي قلت ليهو ابوي مالك قال لي مالي شنو انتي دايره تشرطي عينا وتصغريني محمد شنو الغشا عليك وخلاك تكوركي بي اسمو انا طوالي اتزكرت محمد ود عمتي والحاصل ولو وريت ابوي بخنقني بقيت ساكته ومنزله راسي امي قالت ليهو سجمي ي كمال بتك دي ما طبيعيه الا تكون حامل وانا انخلعت وقلبي وقف حمل شنو يمه واحمل كيف وبقيت اسال فيها وابوي وقع عديل وانا شغاله ليها يمه انا احمل كيف ممكن اكون حامل يعني وانا بتكلم بخلعه وف اللحظه دي ما فكرت لي اي شي ولا جاتني الثقه واقول ليهم يمه انا ما حامل بقيت اسال فيها اقول ليها يعني الحمل كده يا يمه وامي علي العليها بقت تكورك وخلاص حسيتهم انكسرو ورغم الكلام الاتقال كلو تهيأت وما حقيقه بس مجرد احساس انو تكون عندك بت وتحسها حامل حتي لو خيال نااااااااار في لحظه انا وعيت شديد كمان بقيت اتكلم مع امي قلت ليها يمه اقسم بالله انا ما حامل يمه انا قاصر وانا والله عيانه عيانه انا اثبت ليكم كيف اني عيانه قالت لي الطب ما ثبت انك عيانه انتي دايره تثبتي كيف سرحتا بعيد وفعلا كل فحوصاتي نظيفه وكلام الدكاتره اكد اني كويسه بس الحاصل علي دا شنو فجاه ابوي قال ليها عايني يا سعاد بتك دي نعرس ليها وفي مثل بقول م تخطب لي ولدك اخطب لي بتك انا انخلعت قلت ليهو ابوي داير تشحد لي يعني قال لي اها دايراني اعمل شنو احتمال العرس يخفف حالتك قلت ليهو ابوي واحتمال العرس يزيد حالتي قال لي م بتزيد تاني بتبقا عندك مسؤوليه وما بفيقي لينا سكتا من غير م ارد ابوي قال لي امي بعرس ليها وطلع انا قلبي وقف م عندي استعداد بحالتي دي اتزوج انا ف مرحله دايره اتعلم كيف اتزوج وكيف ابقا مسؤوله وكيف اعيش مع راجل بالحاله دي وبقيت لا ف السماء لا الواطه
ابوي بعد يومين قال لي امي لقيت لي بتك عريس وقال جاي اشوفا قلت ليهو شحدتا لي ي ابوي قال لي اعمل شنو انا م بعيش لي بكره النسلمك لي راجل يسترك العمر م معروف امي قالت ليهو ولو البت دي قامت عليها حالتا لمن اجي اشوفا قال ليها لا لا انا ما عوير اصلا حالتا دي بتجي كل يومين يعني لو جاتا هسي بكلمو يجي بكره وكده ما تمو كلامهم حالتي جاتني وابوي اتصل ع الراجل وحددو بكره يجي يشوفني وقال بجي يتغدا معانا
امي تاني يوم جهزت اي شي وطبعا انا بطني طامه عشان ح نغش الراجل المسكين دا والضيوف جو ما شفتهم انت كنت مع امي ف المطبخ وقلبي مقطوع ع الراجل بعد الضيوف اكلو ابوي قال لي اسمعي اجهزي عشان تسلمي عليهو قلت ليهو سمح اها امي جابت لي فستان سمح اظنها شحدتو لي قالت لي البسي قلت ليها لا والله وعندي عبايه سوداء كده واحده لبستها ولفيت طرحتي امي بقت تكورك فيني قلت ليها كده عاجبكم عاجبكم ما عاجبكم هسي بتجنن عليكم امي بقت تضرب فيني وتكورك ابوي جا قال ليها اوعكم من الدرامات مالكم كلمتو قلت ليهو امي شحدت لي فستان وانا م بلبسو لو قامت الساعه قال ليها خليها ياخ وارح ي بت سلمي ع العريس انا مشيت معاهو وقلبي مقطوع ما نفسي ولد الناس يتغشا 😭😭😭😭😭😭😭😭
مشيت مع ابوي وكان في راجلين واحد كبير والتاني ولد شاب عاينت كده قلت اكيد عريسي ياهو العجوز دا وكده كده انا م عندي نفس دخلت سلمت وعيوني ف الارض قالو لي اتفضلي قعدت ف السرير وقابلت الراجل الكبير دا وبطني طامه منو فجاه قام علي حيلو قال لي ابوي اها نحنا نقوم نخليهم يتفاهمو انا الشفقانه طوالي قومتا قال لي وين ي عروس اقعدي اتفاهمي مع العريس بقيت بعاين بي استغراب اكتشفت انو دا م العريس العريس الولد الصغير دا ابوي والراجل الكبير دايرين اطلعو دموعي في عيني قلت ليهو بصوت مبحوح ابوي ما تفوت تخليني براي وانا دموعي دي وراها كلام كتير هم افتكروني خجلانه قعدو اضحكو قالو لي الخجل من صفات البت البريئه وما تخجلي محمد دا قصدو خير وزواج اتعرفي عليهو عشان نحدد العرس لانو مسافر انا بقيت دموعي نازله ابوي والراجل الكبير طلعو بقينا انا والولد الاسمو محمد دا قال لي نوسه انا قلبي قال شح قلت ليهو بصوت مبحوح كده نعمم قال لي نعم الله عليك ممكن ما تتوتري وتعايني لي ف وشي دا انا رفعت عيني وياريتني ما رفعتها تامر حسني ولا مهند الفي مسلسل مهند ونور ولا شي كده جميل جمال م عادي غلبني اديهو نظره تانيه قال لي عجبني خجلك وما داير اعرف اي شي عنك تاني وموافق عليك لو فيك عيوب الدنيا كلها قلت ليهو م تتسرع استخير قال لي موافق عليك وانا هسي بطلع علي ابوك وبحدد ليك العرس عايني لي هنا موافقه علي غلبني البقولو سكتا قال لي السكوت علامه الرضا ماتابع كلامو طلعت ومشيت غرفتي بقيت ابكي بكا ما عادي ولد الناس دا يدمر بسببي ولد ما شاء الله عليهو الكمال لله امي جات لاحقاني قلت ليها يمه انا م دايراهو قالت لي ما علي كيفك تعرسي غصبا عنك وبقيت ابكي ابوي بعد زمن ودعهم وجا داخل لقاني ابكي قال لي ما عايز بكا وقلت ادب عقدك بعد اسبوعين ما بحددو الا تاني يوم من الحاله البتجيك عشان العريس ما يطفش قلت ليهو ابوي من غشنا فليس منا قال لي دا م غش ربنا عالم بي داير استرك وغلبني حيله فيك قلت ليهو ابوي الولد صغير ربنا بسالك وعشان انا اطلع من حق الله بكلمو بالحقيقه قال لي علي بالطلاق تفتحي خشمك انتي وامك بره بيتي
ابوي حدد العقد وعقدو علي والولد كان طاير من الفرحه والعجب اهلو جونا كتيبه كميه حافلات جاتنا جاب حلتهم كلها للعقد والحفله دورت والناس مبسوطين واهلي وناس حلتنا اتقارصو واتغامزو فيني والناس مندهشه العريس دا جاني من وين وصاحباتي كلهن جن الا مناسك ما عرفتها مالا بس بالصدفه عرفت مناسك خطوبتا كانت الليله قلت لي صاحباتي ما عارفاها وعزمتها للعرس وقالت لي جايه وسالتهن من العريس قالن لي انتي م جايبه خبر العريس ود عمتك الاسمو محمد انا الخبر نزل علي زي الصاقعه………..يتبع
الفصل الرابع
معقوله مناسك اخطبها ود عمتي وكيف دا حصل ومتين وفشنو بقيت محتاره لمن راسي لفه وصحصحتا خوفت حالتي تجيني والولد المسكين دا يخجل اتشجعتا واتماسكت وبقيت ممثله اني مبسوطه والعريس طاير من الفرح والعجب اهلو فرحو بي شديد وتعاليقهم سمعتها ف اضاني شغالين العروس سمحه وانبهرو من شكلي لكن ما جايبين خبر انو القبه ما تحتا فكي يوم كانو امتحان خلص وطلعت روحي معاهو بس الحمد لله عدا ع خير وانا طبعا لبست جدله نسيت احكي عن ملامحي طويله ومتوسطه القوام ولوني قمحي وفيني ملامح بدويه كده بتاعت الكوفير ابدعت فيني لدرجه اني م عرفت نفسي وانخلعت لمن شفت نفسي ف المرايه والعريس لمن جا يسوقني انخلع اكتر مني والشي القطع قلبي سجد سجده شكر وكان مبسوط بي شديد كانو ما شاف بنات ولا عرف بناات رغم انو جميل والف بت تتمناهو الولد دا كمل كل فهمي بقيت اسال نفسي ياربي الولد دا المصيبه العملها شنو في حياتو خلتو يتزوجني ياربي اكون معرس قبل كده ولا اكون ما مرغوب فيهو وخطب كتير وزهج بقيت اسال ف نفسي ياربي شنو الجابو لي طلعت التوب واستحميت وصليت وشلت توب امي واتكرفستا ف السرير والناس متلمين اعاينو لي شبكتي وحاجاتي بت خالتي جابت لي التلفون الجابو العريس قالت لي شغليهو ودي الشريحه احتمال العريس دا يتصل عليك قلت ليها ختيهو هنا قالت لي م بختو بشغلو ليك م رديت عليها بقيت سرحانه وهمي كلو المرض العندي دا يروح عشان ارجع اكمل قرايتي وبقيت حاسه بالذنب وما قادره اكلمو عشان ابوي حلف طلاق قلت اول لي يوم معاهو ح اكلمو عشان ضميري يرتاح وبطلب منو يعفي لي
مرت الايام والولد الاسمو محمد دا عبيط عبيط عباطه والنوع دا برفع كثافتي التقول ما عندو شغله اليوم كلو اتصل وانا الوضع م عاجبني وكلامو كلو نصو افهمو ونصو ما فهمتو بقيت اختصر فيهو شديد ومعلق لي في كلمه انتي بقيتي مرتي كان طاير من الفرحه ومشاعرو كانت حقيقيه ما مجامله زي مشاعري كانت ليهو مجامله ونهاي قلبي ما دقا اتجاهو وكانو الحب عندي م شغال ولا عشان انا قاصر نهاي م فكرت فيهو ولا فكرت اقع ف مشاعري واحبو مرت الايام وابوي حدد العرس واصلا محمد عمل عرسو ما باقي ليهو الا يجي يسوقني وجهزوني ليهو ولبست ف الكوفير والمره دي طلعت احلي لانو حبسه العرس ظهرت فيني وصحتي زادت حبه لدرجه ملفته للنظر ومشينا مدني كان حاجز شقه هناك وانا مشاعري كانت متلخبطه متوتره توتر م طبيعي انا خايفه من الحاله البتجيني هو حسا بي برجف قعد جنبي لمن جسمي تلللللج قال لي نوسه قولي بسم الله م تخافي مني اوعدك وعدك انا اكون ليك سند حنون قبل زوج عشان كده ما تتوتري والله وترتيني معاك انا عارفه الاحساس العندك دا احساس طبيعي بمر بكل بت بت م تخافي مني حاول يمسكني بس زحيت منو قال لي م ح اغصبك علي انك تتقبليني بس م تحسسيني اني ما مقبول سكتا م رديت قال لي نوسه قومي نصلي وندعي ربنا ابارك لينا ف زواجنا دا ونجي ننوم قلت ليهو تمام مشيت صليت وهو فتح شنطتو وطلع لي طقم صلاه مصلايه وعبايه ومصحف وسبحه الكترونيه وسبحه عاديه وكتاب تحصين قال لي دي هديتي ليك في اول لينا ليله مع بعض شكرتو شديد قال لي ما بينا شكر لبست العبايه وهو واقف بعاين لي وشعري كان نازل في عيوني وانا بدخل فيهو ف الطرحه وقف جنبي وانا اتجمدتا عديل بقا مغمض عيونو ويحصن فيني وانا قلبي داير اقع ف الارض خلص من القرايه وباسني في راسي انا قربتا يغما علي وقف ف المصلايه وبقا يقول لي يلا نبدا وبقا يصلي بخشوع وصوت تلاوتو ترد الروح بعد خلصنا الصلاه بقا يدعي ويقول لي قولي وراي كنت بردد اي كلمه هو بقولا ودموعي عشره عشره والعبره خنقتني وقلت لازم اكلمو عشان ما يتفاجاه بس غلبني هو حنين شديد بقا متوتر وبقول لي نوسه م تبكي عليك الله ما تقطعي قلبي انا براي قلبي مقطوع انا ابوك وصاني عليك اتزكرت ابوي هو السبب في الورطه دي والولد دا م يستاهل قلت ليهو محمد انت تستاهل واحده احسن مني قال لي ماف احسن منك انتي مفتكراني ما فتشتا نوسه انا لي سنتين بفتش لي في عروس 👰 قلت ليهو طيب ليه ما لقيت قال لي لقيت كتار بس ي نوسه انتي بقيتي مرتي انا بكون واضح معاك ما بدس منك شي وياريت انتي م تدسي مني شي انا قلبي قال شح ما عارف انا داسه منو مصيبه الكلام دا كلو ونحنا ف المصلايه هو مقبل علي وماسك يدي وانا يدي تلج قال شفتي ي نوسه رجفتك دي ومشاعرك دي هي الخلتني ارتبط بيك بخلعه كده قلت ليهو يعني انت مسكت يد بت غيري قعد اضحك قال لي عشان اكون واضح مسكتا وبوستا وحضنتا قلت ليهو شنو شنو قال لي نوسه انا ح اكون صريح م بكذب ما عارفه بس حسيت نفسي زعلانه شديد وم رفعت راسي عاينت ليهو بي يدو رفع لي راسي وقال لي شوفي يا غاليه وعزه جلال الله واعدم امي وابوي انا من يوم عرفتك تاني ما عاينت لي بت ووعد مني ليك انا لمن اموت م ح اعاين لي غيرك انا بحمد الله عندي مره زيك تاني م عايز حاجه قلت ليهو احكي قال لي نوسه صراحه المجتمع دا مجتمع كعب انا عشان عرفت البنات صراحه مانفسي ارتبط بي بت زي الانا عرفتهن وفتشت كتير بس كل العرفتهم همهم القروش ومستعدات عشان القروش يعملن اي شي عشان كده انا بعدت من كل بت كده لغايه ما بالصدفه جيت لي عمي ف الدكان وكان معاهو ابوك عمي سألني لقيت عروس ولا لسه لانو انا نزلت السودان عشان اعرس رديت عليهو قلت ليهو لسه انت مالقيت لي بت حلال قال لي والله لسه وعمي سال ابوك قال ليهو م عندك بت للزواج ابوك قال ليهو عندي والله انا لاشعوريا ابتسمت وبقيت مستمعه ليهو شديد قال لي عمي طوالي قال ليهو ممكن نشوفا وانتي الزمن داك كنتي ماف ابوك قال وقال بعد تجي ببلغنا نجي وفعلا جينا انا وعمي قعدت اضحك قلت ليهو يعني دا عمك قال لي اي قلت ليهو طبعا انا افتكرتو هو العريس لانو قلت مستحيل ولد زيك اعرس بالطريقه دي قال لي شوفي ي نوسه خليك من كلمه ولد زيك انا انسان عادي واكون لمعلوميتك الولد الزيي ديل هم البغلبهم الاختيار بس انا محظوظ بيك والله لمن شفتك وشفت خجلك عجبتيني عمي زاتو غمز لي والحمد لله القسمه وقعتني فيك ودي احلي قسمه اها انتي بي امانه ي نوسه ردي علي العجبك فيني شنو وقبليني حبيتي ولد ولا لا وردي بي امانه قلت ليهو انا وافقت عشان خوفت من ابوي وبي امانه انا عمري م حبيت ولاهسي بحبك انت قعد اضحك قال لي احب وضوحك دا وي ستي انا م شفقان بنتظرك عمري كلوووووووووو لمن تحبيني وانا عشان اكون واضح بحبك انا قلبي شده م ضرب هو بكون سمعو وطوالي قومت علي حيلي واتكرفستا ف السرير وغمضتا عيوني من التعب فجاه صحيت راسي داير ينفجر ومافاهمه شي بقيت اكورك امي امي افتحي النور فجاه سمعت صوت ولد بقول لي بسم الله مالك ي نوسه انا بقيت اصرخ باعلي صوت واقول ليهو انت منو واكورك واكورك