علاء قال لي انتي فشنو ولا اختك انا انخلعت قلت ليهو نهي مالا ي علاء قال لي ما أطمنك والله الناس ديل عايزين يعملو مع اختك زي م عملو معاك ومع غيرك انا قلبي بقا ادق وخلاص دايره اكورك قلت ليهو لا الا نهي نهي اختي ياها الوحيده الحا تفرح امي نهي مسكينه ومن قامت غير صلاتا وقرايتها م عندها حاجه الناس ديل قصتهم شنو وهم منو وليه بالذات حلتنا كانو يعملو كده في اي مكان غير حلتنا قال لي مابقصرو عملو بس ليهم يوم قلت ليهو علاء انا ح ارجع بيتنا والبحصل يحصل قال لي ياخ والله دا احسن قرار مالك ومال حياه الباديه انتي م قومتي فيها عشان كده م ح تقدري وحاجه مدينه م قصرت معاك اشكريها وارجعي لي اهلك حتي لو ما استقبلوك م تزعلي المهم بس انك ترجعي وحاولي صارحيهم قلت ليهو لا لو صارحتهم امي تاني م ح تطلع الشارع واخوي م ح يقدر يرفع راسو لي الناس احسن يكونو م عارفين شي قال لي طيب ح تقولي ليهم شنو قلت ليهو م عارفه ي علاء قال لي خليها علي الله المهم انا لو في اي شي بحكي ليك وابشرك م تخافي ع اختك هناء انا م ح اغيب منها ح اوهما بالزواج وح تفرح وما ح تلقا زمن زاتو عشان تضر غيرها بس انتي حاولي ف انسب وقت انتي تعالي قلت ليهو طيب 👌
اتناقشت مع امي مدينه وكلمتها انو لازم انا ارجع الحله عشان الموضوع دا ح يصل اختي لو انا م لحقتها لازم ارجع وتكون تحت عيني بس ارجع اقول لي اهلي شنو قالت لي والله ما عارفه بس كدي شوفي حل يخليهم ما يشاكلوك ولا يسألوك قلت ليها الحل الوحيد اني امش ليهم بي راجلي بس اجيبو من وين قالت لي م تستعجلي انتي لو فكرتي في راجل هسي ح يكون زواج لغرض انتي م تستاهلي كده قلت ليها يمه الله كريم المهم القا راجل اسندني واقول ليهم انا خطفوني وهو اللقاني واتزوجني قالت لي سعد رايك فيهو شنو قلت ليها يمه سعد شنو ديل متزوجين وشايفاهم زي اخواني قالت لي ومالو الراجل محلالات ليهو اربعه اخير ليك ي بتي قلت ليها لا لا يمه تشحدي لي انا م بقبل كده قالت لي لا دي م شحده وانا بفتح معاهو الموضوع وافق خلاص م وافق نشوف عبيد ولا محمد قلت ليها محمد لا محمد دا من شافني صاري لي قعدت تضحك قالت لي بالعكس اكتر ولد محترم وما متزوج قالت لي ح اتكلم معاهو هو اشوف رايو شنو بقيت سرحانه في الحال الوصلت ليها انا والرخصه الانا بقيت فيها بسبب اولاد الحرام ديل بس وعزه جلال الله ما ارحم واحد فيهم بس النرجع
كلمتا علاء بي كلام امي مدينه قال لي هل ح تقدري تعيشي معاهو الزول دا قلت ليهو لا لا زواجنا ح يكون تمثيل بس قدام اهلي ح يوديني ليهم ويرجع قال لي طيب بس م تظلمي نفسك بقرار فجاه قلت ليهو نفسي هي وينا انا نفسي ماتت من يوم فقدت شرفي قال لي قدر ومابي يدك ربنا بسهلها ان شاءالله قفلت منو وبقيت اتزكر في هناء وقصصها الزمان البت دي كانت ظاهره انها شمال بس خوتي ليها كانت عامياني لغايه م غرقتني معاها
امي مدينه قالت لي بمش وبجي قلت ليها ماشه وين قالت لي قريب ماتخافي ماف زول بجي هنا قلت ليها تمام اتصلت علي علاء قلت ليهو في جديد قال لي في جديد ربطنا واتساب هناء مع الكمبيوتر بتاع القسم وبقيت متابعها وانا م عايزها هي عايز المشغلهم والناس ديل شغالين بيع افخم انواع المخدرات شايتين شمال من الناحيتين والمصيبه م هنا هناء دي بتعاملو معاها اولاد صغار من حلتكم وغيرها وقعده قهوتهم دي قعده التوزيع قلت ليهو يعني كانت عايزاني انا اقعد قعده امها وابيع معاهم المخدرات استغفر الله قال لي طبعا لو سمعتي كلامهم كان وصلتي لمرحله ابعد من كده بس الله شافك قال لي اها ف جديد قلت ليهو لسه بعد اكون ف جديد ح اكلمك اول زول قال لي تمام
بتكلم معاهو امي مدينه جات ومعاها محمد طبعا محمد النوع الصعب م بدخل الا اخت خماري في وشي من بعيد صفق انا مفتكراهو سعد قلت ليهو سعد ادخل قال لي قومي انستري وتعالي فضليني احترمتو شديد غطيت وشي وسلمت عليهو امي مدينه قالت لي محمذ عايز يتكلم معاك قلت ليها تمام قعدت في مجلس عربي كده امي مدينه بتستقبلهم فيهو لمن يجو جا سلم علي وقال لي كيفك قلت ليهو كويسه قال لي انا حاجه مدينه دي كلمتني بقصتك كلها بس عايزك تحكي لي انتي من غير م تخافي من شي وما تكذبي علي في حرف قلت ليهو والله ي محمد انا ما ح اقول الا الحقيقه ح ابداها ليك من تحزير اخوي لي وانا كنت عمياء وطرشه لغايه ما عملت عمليه الاجهاض وبقيت بين الحياه والموت وجدعوني هنا قال لي تمام بقيت احكي ليهو وانا منفعله ودموعي عشره عشره وكل م ابكي يسكتني قال لي شوفي ي نوسه انا موافق امش معاك واعقد عليك عديل قلت ليهو لا نحنا ح نمثل بس قال لي ليه نمثل انا عايزك عديل قلت ليهو انت م فيك عيب بس انا م عندي استعداد وعشان حرام نكذب علي اهلي عايزاك تعقد علي وتوديني ليهم وتقول ليهم جبتها تقعد معاكم انا مسافر بجيها تاني قال لي ح اخليك تفكري لو وافقتي اتزوجك عديل م عندي مانع لو م عايزه م عندي مشكله ح اتستر عليك واعقد عليك واطلقك تاني تختاري شريك حياتك قلت ليهو طيب انا جد م عندي زمن اختي ح تضيع قال لي طيب تمام بكره بعقد عليك وح نتحرك قلت ليهو عقد الزواج م يكون بي يوم بكره قال لي لا م عليك ح يكون بيوم بكره اهلك انا الح اتكلم معاهم وماف زول ح يفتح معاك خشمو قلت ليهو تمام. رجعت لي علاء وريتو قال لي الزول دا ضكران نادر البعملو كده ولو قدرتي تتقبليهو اتزوجي عديل م تمثيل زي م هو طلب قلت ليهو لا انا م عندي استعداد كرهت الرجال م اظن اجي يوم واتزوج الحصل لي قنعني منهم وبطني طمت قال لي معليش
تاني يوم محمد جا ومعاهو المأذون واربعه شهود وامي مدينه كانت عامله ليهم عزومه وجاب لي لبس جديد زي الكانت لابساهو ايمان الشريف في اغنيها ديك عملت طقوسهم البعملوها للزواج وكنت مبسوطه اني اخيرا لقيت حل وح ارجع اهلي
محمد جا بارك لي وقال لي انا م ح اغصبك ح اخليك تفكري وانا اصلا م متزوج لو وافقتي فيما بعد بجيبك لي اهلي تمام قلت ليهو ربنا اديك الاحسن مني حمر لي وطلع امي مدينه قالت لي بالمناسبه محمد دا ابوهو كبير القبيله وولد عز لو وافقتي حظك قلت ليها انا م عندي اعتراض فيهو انا لمن اتزوجتو اتزوجتو في الخلا م عندي مشكله انو يكون ولد عز ولا ما عندو بس انا م عندي استعداد قالت لي خلاص ي بتي البتشوفيهو وهسي هو مشا يشتري ليك الشنطه قلت ليها يمه شنطه شنو انا م عايزه شي ملابسك الجبتيهن لي م لبستهن قالت لي لا بعد بقيتي في عصمتو مستحيل يخليك ساي وعشان م تزعليهو اسكتي ساي محمد دا صعب قلت ليها عارفه يمه دي احلي شي فيهو لمن احمر لي برتاح نفسيا بزكرني اخوي 😭 قالت لي م تبكي هدي انتي ماشه ليهم بعد ساعتين محمد جا وجاب لي شنطه ملانه م فتحتها قال لي يلا ارح عشان نصل حلتكم بدري وانا ببيت معاكم هناك ولا ببيت ف الجامع ودعت امي مدينه ومشيت منها وانا طالعه ادتني خاتم دهب قالت لي دا زكره مني وابقي اسالي مني. قلت ليها ح اجيك عديل ادعي لي في كل صلواتك وكل م تتزكريني قالت لي جدا
ركبت العربيه مع محمد ومشينا هو اعاين لي وانا اعاين ليهو خشمي م فتحتو ولا هو بس حسيت جواهو كلام كتير وصلنا مع المغرب الحله ونزلنا في بيتنا طقيت الباب وبقينا واقفين وكنت لابسه البرقع ومنزلاهو في وشي امي فتحت الباب وبقت تسلم علينا وانا طبعا خشمي م فتحتو بس هي حست بي فتحت ليها وشي لمن شافتني بقت تكورك وتكورك ولمت الناس كلهم فينا والناس محتارين انا كنت وين ومحمد م قصر شغال اقول ليهم دي زوجتي المهم ناس الحله عرفو انو متزوجه ودا العايزاهم يعرفو امي بقت مندهشه قالت لي طيب الدفناها دي منو انا انخلعت كنت مفتكراهم مطلعين الكلام دا عشان يتسترو علي بس امي فاجأتني قلت ليها كيف قالت لي الدفناها دي منو قلت ليها القال ليكم منو انا موتا قالت لي هناء جات قالت كنتو في الشارع وضربتك عربيه وجابوك لي جثه واخوك جا ودفنك وفرشنا عليك شهر قلت ليها يمه طيب م فتحتو الجثه قالت لي كانت مشوهه م ظاهر فيها شي وكانت مغرقه بالدم قلت ليها ايوا قالت لي انتي كنتي وين ودا منو قلت ليها يمه دا زوجي وح احكي ليك الحاصل شنو قالت لي زوجك اخوك ح يجي يضبحك قلت ليها م خايفه يمه خلي يجي يضبحني محمد قال ليها دي زوجتي لو جاها صداع بقاضيكم ف المحكمه وانا م كنت جايبها بس هي اشتاقت ليكم امي بقت شامه محمد وانا كل دقيقه تجي تهبشني نهي من شافتني جات جاريه لي وحضنتني وبقت تبكي قالت لي م تفوتي تاني وم تعرسي قعدت اضحك قلت ليها فقدتيني صاح قالت لي شديد وبقيت براي والدنيا مسخانه علي قلت ليها عارفه انا رجعت عشانك وانتي الوحيده الحا اصارحك بس توعديني خشمك م تفتحيهو تمام قالت لي طيب وراجلك سمح ي نوسه وانا والله فترتي دي كلها ما عاينت لمحمد في وشو عشان هو صعب بكون منزله عيوني م بعاين ليهو اتلفت وبقيت اعاين ليهو وسرحانه فيهو وهو قاعد خجلان وامي شغاله تكرم فيهو برا نفس وهو شغال يقول ليها شكرا يا حاجه وم شايف ملامح وشها الكلها كراهيه ناديتا قلت ليها يمه مالك انتي قالت لي مالي جاياني بعد شهرين وجايبه لي راجل وتقولي لي مالي قلت ليها الراجل دا جايباهو بالحلال م مصاحباهو يمه وبعدين محمد ذنبو شنو صاره ليهو وشك قالت لي انا هينه انتظري اخوك جاي في باقي الليل دا انا خوفت وطلعت قلت لمحمد محمد اخوي جاي وح يكتلني قال لي م تخافي طول م انا زوجك م ح امشي الا يجي اخوك واتفاهم معاهو بقيت عايشه ف توتر لغايه م اخوي جا ومن بره هايج وشايل سكينو وانا الخوف داير يكتلني قال لي انتي بت م محترمه تطلعي من البيت شهرين وتجي سايقه ليك راجل وتتزوجي من غير اذنا وداير يضربني بالسكين الضربه جات في محمد …….يتبع
الفصل الثاني عشر
اخوي كان عايز يطعني ومحمد وقف قدامو والضربه جات فيهو ودمو بقا سايل وانا بقيت اكورك في اخوي واخوي لمن شاف الدم زاتو بقا خايف ومحمد شغال ينزف وينزف بس نهاي م وقع وكانو ما مضروب وبقا يقول لي لي اخوي دي مرتي وانا مسؤول منها امام الله مابخلي انسان يمد يدو عليها وانا اقول ليهو محمد انت ماشايف الدم دا خليك مني انا ان شالله اموت لو جاتك حاجه قال لي بعد الشر عليك
اسعفناهو المستشفي وامي بقت خلاص متوتره خايفه علي ولدها من السجن وكل دقيقه تجي تقول لي نسيبه قولي ليهو م يشتكي اخوك في المحضر اخوك بنسجن قلت ليها يمه بطلي انانيه عليك الله تخافي علي ولدك وما تخافي علي ولد الناس البين الحياه والموت يمه انتو ليه همجيين كده يمه انتي قدوتنا ودا ولدك والانا فيهو هسي دا بسبب قساويتو علي ليه ما قلتي ليهو لا ي ولدي البت دي م تضربها كده ليه ما حاولتي تنصحيهو يبقا انسان واعي ويخلي الفيهو دا قطع لحمي وقطع قلبي ياريتو اتكلم معاي بالهداوه كان ع الاقل اكون دا كلو م حصل لي وهسي لو الطعنه دي جات فيني انا وموتا احساسكم بكون شنو ح ترتاحو مني يمه انتي لو عارفه القصه والحقيقه اقسم بالله محمد دا تشكروهو قالت لي قصه شنو قلت ليها مفتكراهو لقاني ماشه ف الشارع واعجب بي وقال لي ارح نتزوج لا يمه الكلام دا وراهو قصه اطول من طويله لمن اجي زمنها ح احكيها ليك وانا جيت راجعه عشان نهي وعشان غيرها قالت لي نهي مالا وغيرها منو وفشنو انتي داسه شنو قلت ليها الداساهو ح تعرفي في يوم من الايام بس خلي محمد يبقا كويس وانا افضا واشيل حقي تاني ح احكي ليك عمار اخوي جا داخل قال لينا الدكتور م طلع انا م عاينت ليهو في وشو كنت كرهاناهو شديد قال لي خلي الولد دا يطلع منها وانتي حسابك معاي قومتا علي حيلي قلت ليهو حساب شنو انا حدي الان محترماك عشان انت اخوي لكن اقسم بالله العظيم تقرب مني بي مغستي والانا فيهو دا بكتلك قال لي ما تعلي صوتك ومسكني من يدي قلت ليهو فكني ي عمار امي بقت تحجز فينا لمن فكتو مني وهو بقا شغال يحمر لي وانا بقيت محمره ليهو وهو متغاظ مني عايزني لسه انكسر ليهو وانزل عيوني نسا اني كبرت والدنيا غيرتني بقينا ف الحال دا لغايه م الدكتور طلع وطمني عليهو وقال مرتو وينا قال عايزها مشيت ليهو قلت ليهو حمد لله ع السلامه وكان جسمو مسخن قلت ليهو محمد جسمك مسخن قال لي م تخافي علي ح ابقا كويس انا المهم انتي اقعدي جنبي هنا م تطلعي مع اخوك نهاي اخوك دا مجنون وح يكتلك مفتكر الرجاله قوه وعمرها الرجاله م كانت قوه بقيت محتاره في محمد زول بدوي وعاش في الخلا مفترض يكون فهمو زي اخوي واخوي فهمو زي محمد بس حصل العكس قلت سبحان الله الدكتور جا ومعاهو ضابط 👮♂️ قال عايز يشيل اقوال محمد والضربو منو اتوقعتا محمد ح يقول الحقيقه بس قال ليهم انا شغال في الخلا وكنت راجع لي زوجتي دي وكانو في قطاع طرق واعتدو علي شالو قروشي وفيهم واحد ضربني قالو ليهو حافظ اشكالهم قال ليهم لا ما شفتهم لانو الدنيا ضلام الضابط قال ليهو نعمل محضر وتشيل حقك ولا نلغيهو قال ليهم خلاص الحصل حصل الحمد لله انا بصحتي وما جاتني حاجه الضابط قفل الملف وطلع امي واخوي عايشين علي اعصابهم امي نادتني قالت لي راجلك عمل محضر ف اخوك صاح قلت ليها لا م جاب سيره اخوي امي فرحت قربت تزغرت قلت ليها سبحان الله دا انسان برضو وكان ح يموت قالت لي م يموت كان ميت اتغظتا منها اخوي جا اعتزر لي محمد وطلب منو العفو وساق امي وفات
انا بقيت حارسه محمد ف المستشفى وكانت عندو قروش كتيره لمن نحتاج لي علاج بقول لي شيلي نهاي م بعاين ليهن وكنت بحسو متألم بس شكلو كتوم ونهاي ما بشكي ولا النوع البتجزع ف المرض انا قاطع قلبي والطعنه كانها فيني قعدنا ايامنا دي وخرجونا مشيت بيتنا امي تعاملا لي كان زي الزفت كاني انا م بتها قلت ليها يمه انتي ليه بتعملي كده قالت لي انا بتي ماتت وكفنتها بي يدي دي واخوها دفنا قعدت اضحك قلت ليها انا شيطان مثلا قالت لي الضمني شنو قلت ليها ممكن احكي ليك ماضيني كلو قالت لي الشيطان بعرف اي شي قلت ليها يعني انا مثلا في نظرك شيطان قالت لي اي وقبلت مني قلت ليها شكرا يمه كان نفسي اترمي في حضنك كان نفسي تفرحي لي وتباركي لي عرسي قالت لي عرس شنو اعرس ركبيك هو كان راجلك دا م شيطان دمو سايل وهو شديد ولضيض قلت ليها كدي قولي م شاء الله ازكري الله بقت تعاين لي قالت لي انتي جان مسلم قلت ليها الشايفاهو يمه جان شيطان نسيبه بس الشايفاهو انا هو وزي م قلت ليك انا رجعت لغرض قالت لي اوعك تقعدي مع بتي وانا زاتي بطبلها منكم انا بقيت قاعده مجبوره علي القعده وكنت بشتري اكل من الشارع وامي لسه معاملاني كاني شيطان واخوي رجع شغلو الصباح لمن تصحا تلقاني في وشها تنخلع وتتعوذ وتبسمل كانو جاتا حاجه مني غلبني اتكلم مع نهي لغايه ما امي جاها بكا وطبلت نهي وحزرتها الف تحزير مني وحسيت نهي زاتا خايفه مني طقيت ليها الباب فتحتو وبقت خايفه ما دايره تقرب مني قلت ليها نهي امي خليها جاهله انتي جاهله ف شيطان بياكل اكل البني ادم ولا في شيطان بصلي نهي انا نسيبه بقت تتمتم قلت ليها ع العموم انا وجودي معاكم بقا ماليهو لازمه انا منتظره فرصه تكوني براك واتكلم معاك نهي انتي م عارفه الحصل لي شنو انا ح احكيهو ليك لكن حسك عينك امي تعرف قالت لي ما ح افتح خشمي اساسا لانو لو اتكلمت ح تدقني انا لانها محزراني منك قلت ليها تمام بقيت احكي ليها وهي بين مخلوعه وبين مصدومه قلت ليها ليك حق بس دي الحقيقه والشي الجابني انتي الناس ديل عايزين يعملو معاك زي م عملو معاي اوعك هناء تتكلم معاك ولا قتيبه ولا مني لانها مني وقعت نفسي وقعتي ومهما جابو ليك ولا قالو ليك م تخافي انا بكون عارفه وبتصداهم بس العايزه منك م تمشي معاها لو ادتك مويه م تشربيها اي شي ادوك ليهو بره البيت غير زير المدرسه واكل الحاجات البره ما تهبشي تمام نهي بقت خايفه شديد قلت ليها دي وصيتي ليك وبعد كده انا بطلع وبشوف محمد ح نرجع مكان كنا ولا ح نشوف مكان هنا وزي م وصيتك يا نهي م تنكسري خليك زي م انتي خلي امي تفرح بيك بعد انا حصل لي الحصل ونسيت اقول ليك عمار اسمعي كلامو انا ندمانه اني م سمعت كلامو ودعتها ومشيت لقيت محمد نايم صحيتو قلت ليهو نحنا ماشين قال لي وين قلت ليهو اي مكان انا الحاجه الجيت ليها عملتها ولو مافيها مانع نشوف شقه هنا كم يوم رايك شنو قال لي العايزاهو بس قبل يوم ١٤ انا لازم ارجع عندي حصاد قلت ليهو تمام ودعنا نهي ومشينا محمد اداها قروش كتيره وقال ليها اسمعي كلام اختك القالتو ليك وابقي علي روحك عشره واتحصني صباح ومساء والحافظ الله نهي بقت تبكي قالت لي م تفوتي قلت ليها ماف طريقه انا م بقدر استحمل امي تعاملني كاني شيطان وزي م وريتك انا جيت عشانك وعشان غيرك وقريب الخبر ح يملا المكان ومشينا
طلعنا ولايه جنبنا واجرنا لينا شقه فيها غرفتين محمد قعد في غرفه وانا قعدت في غرفه وبقيت متابعه مع علاء لاحظت لمحمد بنفعل لمن علاء يتصل علي واتناقش معاي قال لي نوسه خلاص اختك ووريتيها تاني مالك ومال البقيه
قلت ليهو محمد انا جيت راجعه عشان اختي لكن انا من قبل اعرف انهم ناويين علي اختي كنت عايزه انتقم منهم محمد احتمال انت م تصدقني لكن انا اغتصبوني وادوني مخدر انا مفعول المخدر في جسمي زمن م حسيت بي فعلتهم لاني قهوه م بشربها انا كانو عايزين يخلوني اغلط اكتر من كده كانو عايزني اصل معاهم مرحله ابعد من كده واستفزوني بفيديو يعني الغيري ح يخافن وح يمشن وراهم الناس ديل ح يدمرو الحله والقري الجنبها لو م اتمسكو انا مقدره كلامك ومحترماهو وانا والله علاء دا غير انو ضابط وعايزاهو يساعدني ما بعرف عنو شي وانت نسيت انو انا م مرتك حقيقه قال لي لو م مرتي انا عاقد عليك وبغير عليك ممكن البعاين ليك اشق بطنو وكانو منفعل حسيتو حباني وانا قلبي ادق معقوله رغم العلي الولد دا يحبني يعني ما اتزوجني تلبيه لطلب حاجه مدينه بقيت اعاين ليهو وهو يعاين لي قال لي طالع انا اجيب ليك اكل محتاجه حاجه قلت ليهو سلامتك بقيت اسال في نفسي معقوله انا اكون زوجتو وليه م اكون زوجتو محمد راجل وقف جنبي ماديا ومعنويا شجعني
بقيت افكر واتكلم مع نفسي واتزكر الهم الانا فيهو قلبي بنقطع وسرحانه كده تلفوني اتصل لقيتو علاء رديت عليهو قال لي نوسه مني ماتت قلت ليهو مني مالا لا حول ولا قوه الا بالله العلي العظيم قال لي بحكي ليك انتي وين هسي قلت ليهو ف الشقه قال لي عايزك ضروري قلت ليهو خلي يجي محمد قال لي لا هسي تنزلي وانا بقيت بين امرين م صدقت لقيت زول يقيف جنبي ويسندني ويستحملني انزل من غير اكلمو ولا انتظر …