بقيت منتظراهم يجوني وجاني فضول ادخل بيت ناس هناء ان شاءالله القا لي طرف خيط امسك بيهو الناس ديل بيتهم فيهو جزء ظاهر اول م تجي داخل وممكن تدخل في جزء تاني ورا الحمام ماف زول بشوفك المهم مشيت وبقيت اتسحب وسامعه ونسه ناس بس هم منو م عارفه مشيت بورا البيت وبقيت اسمع ف الصوت ماعرفتو عاينت بخرم في الشباك لقيت ام هناء لابسه لبس م كويس وتتونس ونسه شكلها خاصه وعميقه مع قتيبه وكانو بشربو في سجاره ريحتا غريبه ما زي السجاير المعتاده قلبي بقا ادق ومن غير م اشعر كركبتا كركربه هم حسو بيها وخافو وبقو يوسوسو وانا جريت جري عشان لو شافوني مشكله وتلفوني كان بضرب انتظرت الرجال اجوني طبعا الرجال اسمهم سعد وعبيد ومحمد محمد دا شاميني ونهاي م طايقني م عارفه مالو اما سعد وعبيد ديل طيبين شديد رديت عليهم قالو لي اطلعي مكان نزلناك نحنا منتظرنك قلت ليهم دقيقه واجيكم دقيقه م عديتا وصلتهم قالو لي مالك خير اهلك شاكلوك قلت ليهم ياريت وبقيت ابكي بقو يسكتو فيني وشكلهم النوع الما بحبو اشوفو بت مكسوره قالو لي م تبكي واحكي قلت ليهم لقيت اهلي فارشين علي وانا ف نظر الناس ميته عشان كده جيت راجعه وانا عندي تار مع زول قالو لي تااااار ي بت انتي قدر شنو ودا شنو كلام المسلسلات دا قلت ليهو فعلا كلام مسلسلات بس الزمن اتغير والنفوس اتغيرت والحرام عما عيون الناس بقينا عايشن وسط بشر غرقانه ف الحرام غرق قالو لي ربنا يحفظك منو وماتخافي وراك رجال نحنا حرم اخوانك وعندنا الاخوات زيك عوجه بتجيك ماف والله تعيشي مع الحاجه دي لمن نسلمك لي راجل ولا رجعتي اهلك الخيار عندك قلت ليهم ان شاء الله انا عندي طلب منكم انتو عيشتو ف الباديه اكتر من حياه المدينه والقريه وشخصيتكم قويه وما بتخافو وما بتعملو حساب لاي شي عايزه اتعلم اني اكون كده قالو لي كده كده ح تتعلمي لانو حياه الباديه هي البتعلمك وشوفي الكلام القلتي دا كلو لو ماشه عديل وماعندك شي تخافي منو ح تكوني شجاعه وما ح تنكسري بسهوله بس خافي الله في نفسك وفي الناس قلت ليهم اكيد وحاجه مدينه م بتقصر منك وانتي م تقصري منها ابقي ليها بت ومابتجيك عوجه ارتحت نفسيا للكلام معاهم
وطول السكه افكر اصل لي علاء كيف طلعت التلفون وعملت صفحه تاني وبقيت افتش لي علاء ولقيت صفحتو رسلت ليهو دقيقه م عديتا ردا علي قلت ليهو علاء عليك الله رد علي انا نسيبه في كلام عايزه اقولو ليك وياريت تديني فرصه انت ولد حلال واملي ف الدنيا تنقذ بنات حلتي انا خلاص ف نظر الناس موتا وهسي عايشه في الخلا مع حاجه مدينه اتصل علي قال لي فشنو ومالك حكيت ليهو الحاصل وقلت ليهو علاء انا والله م غلطتا اشهد الله انا اغتصبوني علاء انا م حسيت بي اي شي حتي م شكيت في اي شي وكنت بشوف اي الم احس بيهو عادي انت من حقك م تصدقني بس انا م عندي غرض عشان اكذب وقبيل كنت عايزاك تساعدني عشان اطلع انا من الفضيحه بس انا خلاص الجنين طلع وكنت ح اموت وفي نظر اهلي موتا بس انا قلبي في غيري البقا علي بقا علاء ساعدني الناس ديل م هينين ولسه مواصلين في رزالتهم ووساختهم دي ديل لازم يتحاكمو ويبقو عظه وعبره لاي بيت دعاره قال لي نوسه انتي لو متاكده فعلا من كلامك دا انا جاهز ودي بي اعتبارها قضيه قلت ليهو اقسم بالله صاح وعشان انت تصدقني انا بوصف ليك وما تمش لابس لبس الشرطه امش كانك زول عادي واعمل فيها نفسك قاطع الطريق وادخل بيت ناس هناء وشوف بي عينك وتاني رد علي قال لي تمام اديني عنوانهم بالتفصيل وماعليك وانتي وين هسي قلت ليهو انا في مكان ما بعرف زاتو اوصفو وانا خلاص اخترت اعيش مع امي دي بس ما قادره اسكت عايزه انتقم ساعدني قال لي تمام ي نوسه وحاولي اتواصلي معاي تمام قلت ليهو حاضر قفلت منو سعد قال لي يا اختي ابعدي عن الشر وغنيلو قلت ليهو شر اكتر من الاغتصاب انا حياتي ادمرت وفي نظر الناس ميته انحرمتا من قرايتي ومن اي شي حتي من امي وكلمه يمه ماف شر اكعب من كده وانا مستعده لاي شي بس اخد حقي وانقذ غيري قال لي كلامك جميل بس ماعايزين ليك البهدله نحنا قلت ليهم لا مرتاحه ح اكون لو اخدتا حقي بتناقش معاهم لغايه م وصلتا امي مدينه لمن شافتني فرحت قالت لي مالك اهلك طردوك قلت ليها لا يمه بس لقيت صواني عزاي مدقوق قالت لي ما مشكله ي بتي انا امك عيشي معاي ونسيني قلت ليها اكيد يمه وانا مبسوطه يمه اخيرا علاء ردا علي قالت لي علاء دا منو حكيت ليها بيهو قالت لي اعملي حسابك قلت ليها يمه علاء دا محترم شديد وقال انو دي قضيه وح يتابعها هو وح يمش بي نفسو وكدي احاول اتصل افهمو عاينت للتلفون لقيت م فيهو شبكه قفلتو وفتحتو برضو م فيهو شبكه قلت ليها ف شبكه هنا قالت لي دا الخلاء ي بتي مافيهو شبكه قلت ليها معناتا يمه امش اقعد في مكان تكون فيهو شبكه عشان اتواصل مع علاء قالت لي تفوتي وين ي بتي مابخليك انا قلت ليها م بتجيني حاجه بالنهار بكون لافه بليل برقد ف الجامع ولو لقيت شغل بشتغل قالت لي لا السماء قريب مستحيل انا بخلي الرجال يتصرفو قلت ليها يتصرفو كيف قالت لي كدي اصبري بعد يجو لمن جو اتكلمت معاهم قالو ليها الا استار لنك قالت ليهم جيبو طوالي اشتروهو قالو ليها تمام قلت ليها شكرا يمه الله اديك العافيه قالت لي الله يحفظك انتي ويغطيك انا م بقصر منك وح احافظ عليك لغايه م ترجعي لي اهلك
حاجه مدينه فرحت بي رجوعي وكل يوم تقول للرجال تضبحو ليها وعلمتني كيف اظبط اللبس البدوي عشان انا كنا مخمخمه بيهو حتي البلبسوها ف الوش دي غلبتني وبقت تحكي لي بالمواقف المرت بيها وخلتها قويه وكان من ضمن حكاويها انها في فتره مراهقتا وهم في الخلا ابوها كان بطلع السوق ويخليها براها وفي شاب كان شغال مع ابوها حاول يعتدي عليها ورتني كيف قدرت تصدو وتوقفو وتواجهه ابوها بالحقيقه وانو ابوها كان بثق فيها شديد ومديها حريتها وهي نهاي م استغلت الحريه دي بالعكس بقت قدرها انا اتزكرت اهلي والثقه المديني ليها انا قويت راسي وما سمعت كلام اخوي وبعدتا عن هناء لغايه ما حصل الحصل استفدت من كلامها كتير بس بعد فات الاوان ورغم الحصل لي كانت عندي ثقه في الجاي انو ح يكون خير ومتفائله شديد وبقيت مدمنه للحياه البدويه ما اظن تاني ارجع لحياه القريه
سعد جاب لي الاستار لنك وشغلو لي لقيت علاء مرسل لي كتير وقال لي لازم اشوفك رسلت ليهو اللوكيشن قال لي شوفي لو بتقدري تطلعي مكان فيها شبكه انا عايزه اتكلم معاك كلام مهم وضروري الليله قبل بكره كلمت امي مدينه قالت لي ي بتي الكلام دا بدخلك في قصص تانيه قلت ليها يمه والله علاء دا زول كويس خلي سعد يوديني ليهو بعد سعد جا كلمتو قال لي ماف حاجه اسمها تلاقي راجل خلي يجيك هنا قدام امك دي ولو غلبتو المكان انا بجيبو وريت علاء قال لي خلاص خلي يجيني سعد مشا يجيبو وانا كنت متشوقه اعرف وصل لشنو بقيت منتظراهو ومقلقه سعد جا وجاب علاء معاهو وكان صاري لي وشو علاء قال لي ديل منو وليه حاكمنك كده الزول الجا يسوقني سعد دا سمعني كلام فارغ وحزرني هو م عارف انا منو ولا شنو قلت ليهو الناس ديل حريصين شديد قال لي برضو حاجه حلوه وانتي كيفك مرتاحه قلت ليهو مرتاحه اها احكي قال لي طبعا مشيت وما وقعت الا في هنا ولحسن حظي بيتهم زاتو م دخلتو هي الدخلتني وعرفتني علي اولاد قالت اخوانها وامها وابشرك الام دي م امها والاولاد زاتهم ما اخوانها ديل منتحلين شخصيات وانا كده جاتني في ملعبي وعامله نفسها اتعرفت علي انا عايزك تكوني قريبه لهناك عشان انا م اتصرف ساي افهم اي شي وراني رسايلها البت دي ساهله قال لي بتحب تصتاد سريع وطبعا انا هسي عندهم زي الوقعت ف الفخ وهم م جايبين خبر انهم وقعو ف الفخ وانا هسي جيتك عشان اقول ليك انتي لازم ترجعي اهلل
الفصل العاشر
علاء قال لي نوسه انتي لازم تمشي من المكان دا انا ح احتاج اتكلم معاك واشيل معلومات لاني انا مسكت ف طرف الخيط قلت ليهو انا م عندي مشكله بس امش وين. ي علاء وانا اهلي خلاص قنعو مني قال لي اتصرفي بس المهم اقدر اتكلم معاك امي مدينه جات وقالت ليهو معليش ي ولدي البت دي امانه في رقبتي انا م بخليها ترجع من هنا الا لي بيتهم ويوصلوها اولادي ديل لغايه م تدخل لي امها غير كده م بخليها قال ليها انا م ح اغصبها الخيار ليها وانا اصلا م بعرفها هي طلبت مني اساعدها وما عايز اكسرها وكده كده انا خلاص مسكت القضيه دي م عشان انتقم ليها لا عشان ما يقعو غيرها ويغلطو نفس غلطها نوسه قدرت تبعد بس غيرها ح يخافو ح يغرقو في المعاصي ودي فوضي لازم القانون يدخل وانا حالف قسم اشوف بعيني الغلط اعمل المستحيل واعدلو حتي لو علي حساب روحي وانا ماشي خلاص ابقي عليها عشره وربنا يهون ليها الطريق الاختارتو وفات حتي م قال لي الاولاد وصلوني انا بقيت ابكي قلت ليها يمه انا قلبي مقطوع نفسي اشوفهم بدمرو نفسي اكلهم بي أسناني انا جواي غضب م يعلم بيهو الا ربنا قالت لي يا بتي انت حاسه بيك بس انتي شكلك م اتعلمتي انتي مره غلطتي ووثقتي في هناء رغم اخوك حزرك منها ميه مره وكنتي بتتغاظي علي اخوك ليه لانك ماشايفه انها ح تسوقك للغلط وقدرت وقعتك جابت ليك ولد غشاك هسي عايزه تثقي في ولد م بتعرفي وتقعي في نفس الغلط وعايزه تتطاوعيهو قلت ليها دقيقه يمه انتي قلتي لي نقطه مهمه هناء جابت قتيبه عشان تنتقم مني قالت لي الله اعلم بس دا كلامك قلت ليها يمه اقسم بالله صاح قولي لي ليه لانو الولد دا لمن وقفني ف الشارع اول مره انا كنت مشاكله هناء ونبزت امها ولمن هو وقفني انا طبعا غريب علي ولد يشاغلني جريت حكيت ليها قالت لي كلمتو انا قلت ليهو نوسه بتحبك ومنها قالت لي هو بجينا ف بيتنا اشرب قهوه تعالي واعملي روحك م عارفه والولد قعد جنبي انا فجاه دوختا وكنت مفتكره اني دوخت عشان اول مره ولد يقعد جنبي لكن شكلهم كانو خاتين لي حاجه ف القهوه عشان يصوروني بس شكلها م صورت لحظه الاغتصاب لانو الفيديو الشفتو مركب تركيب وكانو مطلعنو عشان يستفزوني بيهو وماقدرو وتاني في نقطه انا اتزكرتها هم جدعوني بين الحياه والموت اكيد ح يقولو موتا وفي نظرهم مع فراش اهلي انا ميته يعني انا ح انتقم بمزاج قالت لي ي بتي الكلام دا خليهو ماف داعي قلت ليها اموت حقيقه وما اخليهو انا همي الجاي هم ماف راجل بيرضا يعرس ليهو بت زيي قالت لي تفيها من خشمك انتي مالك القدر وقعك ف اولاد حرام والحصل غصبا عنك خليك واثقه من نفسك واستغفري كتير واستقيمي وربنا ح يجبر بخاطرك وح تتزوجي وح تقولي امي مدينه قالت قلت ليها ان شاء الله يمه بس انا اكون مع اهلي قالت لي مصيرك تفوتي ليهم مستحيل تقعدي معاي هنا وانا لو علي نهاي م تفارقيني اشيل همك وتسنديني وتقوي قلبك وتتعلمي الشجاعه انا ح اعلمك كيف تثقي في نفسك وتقيفي في وش الوزير والسفير لمن تكوني ع حق قلت ليها يمه نفسي اتعلم شجاعتك قالت لي انتي هسي شجاعه وانا متاكده من كده قلت ليها ان شاءالله اكون كده م عايزه حاجه
مرت الايام ويوم علاء رسل لي صوره من هناء قاعده ف مطعم شكلو هو معاها وقال لي بتصل عليك اسمعي بس اوعك تتكلمي عشان تلفوني دا فضيحه قلت ليهو تمام بعمل كتم اتصل وبقيت اسمع في هناء اخر دلع وكلامها كلو ماما واخواني وعايشه دور انها بت الناس وعلاء شكلو ممثل انو حباها وقال ليها انا متزوج ح تقبلي تكوني زوجه تانيه قالت ليهو من يدك دي لي يدك دي بقيت محتاره علاء دا قال ليها كده ليه وهي شغاله تحلم وهو يوعد فيها قلبي اكلني رسلت ليهو قلت ليهو علاء البت دي م تعشما في عرس مثل انك بتحبها بس م تعشمها والخط فاتح وهي شغاله تحكي قالت ليهو قتيبه اخوي جا من بريطانيا وإجازتو بسيطه قعدت اضحك قلت معقوله البت دي زاتا تمثل كده اكيد عندها هدف معاهو بقيت سامعه كلامهم كلو وعملت ليهو تسجيل عشان احللو المهم بعد زمن رجع لي علاء قال لي انتي غبيه انا م وعدتها بي شي بس البت دي زكيه عاوزه تتشاطر علي وقالت لي اعقد علي من غير علم اهلك وزوجتك والشهود قاعدين هي مفتكراني غبي وطبعا قدرت اشيل رقم من تلفونها واحد كاتبه عليهو البوص وحفظتو م ح اقدر اقول ليك الرقم دا طلع حق منو بقيت مخلوعه قلت ليهو حق منو يا علاء قال لي دي قصه تانيه وقضيه تانيه كمان قلت ليهو عليك الله وريني قال لي دا م وقتو بس انا قدرت اشيل رقم كبيرتهم ومع مرور الزمن ح اعرف اكتر عايزه افتح واتسابها عايزه اشوف الاستديو حقها عايز استدرجها اجيبها شقه وطبعا هي جاهزه ح تجي معاي بس البت دي م هينه خايف منها عديل خايف اقول ليها تعالي اقوم اجي معاها زول ويستفزوني انا زاتي لكن ح اعرف ليها صرفه بس اديني شويه زمن وخلي تلفونك جنبك عشان تتابعي الاحداث معاي قلت ليهو اكيد
حكيت لي امي مدينه قالت لي بت زي دي ح اكون ريسهم زول ما ساهل وشكلهم بعملو في شي غير الدعاره بكونو تجار مخدرات حسيت كلام امي مدينه اصح من كلام علاء لاني ضقت من الصنف الشغالين فيهو لدرجه انهم اغتصبوني م وعيت ولا حسيت بي اي شيء بعد الاغتصاب مفعول الحاجه الاخدتها كان قوي بس كلو ح يتعرف
علاء بعد كم يوم قال لي نوسه اسمعيني ح ارسل ليك صور بنات شوفي ح تعرفي فيهم واحده قلت ليهو طيب رسل لي صور بنات نصهن بنات مدرستنا والشي الوجعني من ضمن البنات مني صحبتي قلت ليهو ديل منو قال لي ديل ضحايا هناء قلت ليهو اصلو م بصدق عرفت كيف قال لي خليني اصل القسم واطبع الصور دي وافهمك بس افضي لي لانو الكلام دا خطير وفي كلام ح يزعلك قلت ليهو كيف قال لي ح اكلمك
مع مرور الزمن قفلت منو وقلبي بقا في يدي وكل م اعاين لي مني قلبي يوجعني البت دي انا متاكده وقعت نفسي وقعتي شربوها شي مستحيل براها تمش الناس ديل استفزوها بحاجه بقيت متشوقه اعرف القصص كلها انتظرت علاء بليل اتصل علي قال لي نوسه الموضوع خطير فوق م تتصوري انا براي م بقدر عليهو ودخلت معاي ضباط 👮♂️ اعلي رتب مني وعايزين يدرسو الموضوع من بدايتو وهناء واسرتها هل هم ديل اهلا ولا البت دي مقطوعه انا هسي عايزه اعرف معلومه ام هناء ولا ابو هناء من حلتكم قلت ليهو م بعرف والله لكن هناء دي من عرفتها م عرفت ليها ابو حتي ونسه م قاعده تونسنا بيهو قال لي معناتا في شي غلط قلت ليهو اكيد انا الما ضابطه شكيت في موضوع امها دا قال لي وابشرك بقيت ضارب عصفورين بحجر عرفت امها وغاشيها وهناء زاتا غاشيها باقي لي قتيبه والولدين المعاهم حسيتهم مساطيل بس قتيبه دا عينو مفتحه م زيهم قلت ليهو رايك شنو اظهر انا بحسابي دا واغش علي قتيبه قال لي بس لكن اصبري خليني اخت ليك خطه واولها الغي طلب صداقتي خلينا هنا ف الماسنجر والواتساب بس وح افهمك تعملي شنو واياك تعملي حاجه من غير م تستشيرني قلت ليهو طيب قال لي شفتي زيك اللابساهو دا ما مظهر شخصيتك حتي لو اتصل مكالمه فيديو ردي م ح يشك فيك بس حاولي غيري صوتك قلت ليهو طيب 👌 قال لي تمام خلينا نفكر اكتر عشان م نقع قلت ليهو حاضر وعايزه اسالك من صوره بت اتزكر لي البت دي مالا رسلت ليهو صوره مني قال لي البت دي شكلها مسكو عليها حاجه خارج خططتهم واستفزوها بيها لغايه م اظنها غرقت معاهم غرق وانا ما قدرت اشوف اي شي لانو هناء صحت قلت ليهو علاء اقسم بالله البت دي مسكينه اسالني منها انا ☝🏼 بت بريئه بس الناس ديل شواطين قال لي انا عارف وفهمت اي شي وانتي في دا ولا اختك قلت ليهو شنو اختي مالا