رواية جبروت انثي الفصل الخامس عشر15 والسادس عشر16 بقلم نوسه حمد

 هناء بقت مخلوعه وتقطع في الكلام وكانت ممثله فيها الشريف الرضي والعجب البت الحا يخطبها اخوي راسها من الارض م رفعتو  هناء قالت لي مستحيل طبعا انتي كيف موش انتي موتي  بسم الله وبقت تتعوذ وتتفتف في نفسها قلت ليها انا موتا بالنسبه ليك عارفه ليه لانك جدعتيني بين الحياه والموت في الخلا وفي فهمك انا موتا  بس انا عايشه طبعا بقت تمثل اني شيطان والناس خافو مني والمكان كلو جاط والناس كلها جرت امي قالت لي خليتك لي الله الجابك شنو قلت ليها جيت مناسبه اخوي عندك مانع واسمعي يا العامله فيها شريفه م ح تتزوجي اخوي الا اموت انا اهل البت بقو جايطين وقالو انا قذفت بتهم وبشتكوني امي تشيل وتقول ليهم والله دي م بتي بتي ماتت واخوها دفنها ما تشتغلو بي كلامها  وطردوني بقيت واقفه بره الشارع لغايه م جات هناء قلت ليها عايزين تطلعوني شيطان صاح اقسم بالله العظيم اندمك ندم انك عرفتيني ولو اموت قصادك اموت ومثلي لسه م مثلتي يا فاجره ومشيت منها ودموعي كانت مغرقاني لقيت محمد متصل لي كتير شديد وكان خايف علي شديد رديت عليهو قال لي مالك م بتردي قلت ليهو كنت مافي قال لي طلعتي وين ومالو صوتك قلت ليهو محمد انا نفسيا تعبانه خليني القي المجرمين ديل وأسلمهم الشرطه الموضوع اتعقد كتير وحكيت ليهو الحاصل كلو قال لي كيف تتصرفي تصرف زي دا انتي خربتي اي شي انتي مفتكره هناء ح ترحمك هناء ممكن تكتلك وبقا مقلق علي قال لي خليك جاهزه انا جاي اسوقك قلت ليهو لا لا نهاي م بمش الا اتم الموضوع دا قال لي خليني اصلك رغم اني جيت تعبان من العرس قلت اسلم عليك قبل انوم قلت ليهو لا لا م تجي المكان بعيد نوم انا م بتجيني حاجه وفجاه اتزكرت اني بقيت مجدوعه في الديوان براي وبقيت ابكي قلت ليهو محتاجه ليك اقسم بالله  قال لي نوسه م تبكي انا دقايق واحصلك بجي بي بوكسي ابوي وقفل مني اتصلت علي علاء حكيت ليهو قال لي كيف تعملي كده انتي ح تخربي الخطه والليله انا كنت جاي اوريك اخبار وحقايق كتيره لو سمعتيها م كان مشيتي قلت ليهو فشنو يا علاء انا خلاص تعبت من الموضوع دا قال لي نوسه انا لو وريتك الماتو بسبب العصابه ديل من حلتكم ساي كم م ح تصدقي واولهم ابوك انا بقيت لا بسمع لا بشوف قلت ليهو شنو شنو شنو قال لي السمعتيهو تتزكري المره الكبيره القالت انها ام هناء قلت ليهو اي قال لي بس دي كانت علي علاقه مع ابوك مع احترامي الشديد ليهو بس دي حقايق لازم تعرفيها  ومره من المرات ابوك كان شارب كتير وحصل بينو وبين واحد غريب  ما من حلتكم خلاف المهم الزول دا اقراهم بالقروش عشان يزودو الجرعه لي ابوك وابوك م اتحملها لانو تقريبا كان عيان عندي امراض مزمنه ابوك مات وعشان اهلك خجلانين اتسترو علي الحقيقه دي وغيرو وغيرو وبقا يحسب لي فيهم وانا اي اسم يقولو لي بقطع قلبي وبقويهو في نفس الوقت قلت ليهو علاء انت جادي وكنت ببكي بكا قال لي نوسه اهدي لو سمحتي انتي فتحتي عيونا علي حقايق كتيره ولازم تكوني قويه معانا وخشمك ما تفتحيهو وهسي تتصلي علي محمد يجي يسوقك واطلعي من القضيه دي نهاي انا خلال اسبوع ح اكشفهم كلهم قلت ليهو طيب انت مدام عارفهم كده ليه م قبضت عليهم قال لي م معاي دليل كلها قصص. وحكاوي بس ابشرك حقك وحق ابوك وغيرهم برجع  قلت ليهو انت عرفت من وين فهمني قال لي ما محتاج افهمك انا بحزر فيك ولازم تطلعي من الحله الليله قبل بكره وخلي اي شي علي لو احتجت ليك بتصل عليك تمام وربنا يلطف بيك يوم الليله دا انا بقيت خايفه وبرجف وكل م اتزكر ابوي ببكي بكا شديد امي جات داخله تكورك من الشارع قالت لي السحاره البي ميه روح قلت ليها شكرا يمه  ممكن اسالك سؤال وتاني وشي دا م ح تشوفي قالت لي ي ريت م اشوفك قلت ليها يمه ابوي مات كيف امي بقت تتمتم قلت ليها يمه ردي من حقي اعرف الطريقه المات بيها ابوي  قالت لي مالو كمان ابوك مات موت الله والرسول قلت ليها لا ابوي مات متعاطي قالت لي سجمي انتي صحي شيطان وبقت تكورك ولمت فيني الناس كلهم قالت ليهم دي م بتي دي شيطان اتصرفو لي معاها الناس بقو يتعوذو وخافو مني وفاتو انا دموعي مغرقاني غرق قلت ليها عارفه اني م شيطان ولسه مصره علي كده انتي عايزه تتستري علي زي م اتستري علي موت ابوي كنت خجلانه من موتو متعاطي ولا كنتي خجلانه عشان مات عند المره الحباها فيك امي بقت تتعوذ وقالت لي يمين م بتبيتي هنا اطلعي من بيتي جدعت لي شنطتي وملابسي وبقيت قاعده في الشارع ابكي اقتنعت من كلام علاء لانو رده فعل امي كانت خوف كلها بس الشي المحيرني امي ليه محسساني اني شيطان ولحظات بتجيني انها عارفه انو انا بتها بس م عايزه تظهر عشان خايفه من كلام الناس ولا عشان شنو م عارفه  

فجاه جا محمد لقاني ف الشارع وببكي نزل من العربيه وقال لي نوسه مالك فشنو في زول سالك قلت ليهو ح احكي ليك قشا لي دموعي وقال لي معليش وركبت معاهو وكنت مخنوقه قال لي نمش الشقه   ولا تمشي معاي بيتنا قلت ليهو الشقه نبيت فيها عشان انا تعبانه قال لي تمام  دور العربيه ومشينا الشقه لقينا الشقه مقلوبه قلب لمن انخلعنا وشكلو جا حرامي قلت ليهو محمذ وليه م يكونو ديل ناس هناء لانو شكلهم الناس ديل جو هسي قال لي معقوله قلت ليهو معقوله ونص خليني نمشي من هنا واحكي ليك قال لي تمام قفلنا الشقه ونازلين ف السلم سمعنا صوت ناس جارين طوالي محمد قال لي هوووووس ومشينا براحه طلعنا السطوح وسامعين صوت الناس ف الدرج   محمد قال لي قبلك ي نوسه م تتحركي الناس ديل لو ضبحوني م تطلعي بقيت اترجا فيهو انو م يمشي قال لي لا لازم انزل اعرف ديل منو وهم م شافوني قبل كده م ح يعرفوني

محمد نزل وانا بقيت قاعده في السطوح اتخبيت ورا زنكيه متكوله علي الحيطه وبقيت ساكته نفسي كاتماهو  وسامعه صوت محمد بيتكلم مع الناس  بقول ليهم انتو مننو وهم شكلهم م عايزين يتكلمو وجرو منو  محمد بعد مسافه جاني قال لي نوسه الناس ديل طلعو من شقتنا وقدرت اصورهم من بعيد هاك شوفيهم بتعرفيهم قلت ليهو دا قتيبه معاناتا  هناء حكت ليهم قال لي طيب اسكتي م تتكلمي وخليك في مكانك لغايه م اتاكد من المكان فاضي  ونزل مني وفات واتاخر شديد وانا قلبي بقا في يدي فجاه سمعت صوتو اتجاه شقتنا وبتكلم مع صاحب الشقه وحكا ليهو وقال ليهو ح اراجع الكميرات اتاكد انو نحنا م كنا ف البيت وشوف الناس ديل منو وجا ساقني وصاحب البيت مشينا معاهو بيتو وبقا يراجع ف الكميرا   فجاه شفت هناء دايره اتكلم محمد غمز لي وتاني بعد ساعتين جو الناس ديل معاهم قتيبه وكسرو الباب وكده  محمد قال ليهو معليش نحنا ح نشيل حاجاتنا وح نخلي ليك الشقه استلمها محمد مشا سريع شال ملابسنا وجا ساقني ومشينا   قلت ليهو محمد دي هناء قال لي نوسه في حاجه غلط هناء عرفت مكانا من وين ماف زول عارف المكان دا غير علاء معقوله علاء زاتو يكون معاهم