رواية جبروت انثي الفصل الخامس والعشرون25 بقلم نوسه حمد
حسيت خلاص المره ح تموت في يدي والشباب الكلهم قاعدين من شافو قوتي كلهم جرو فكيتا وبقيت ابكي الناس اتلمو فينا قالو علي مجنونه بس انا اعقل منهم طلعت تلفوني واتصلت علي علاء قلت ليهو علاء انا لقيت المره القتلت ابوي وقتلتها وهسي جنبها بلغ الشرطه الجنبي قال لي ي نوسه دا كلام شنو كيف تضيعي نفسك وروحك في واحده زي دي حرام عليك ياخ كان تراعي لمحمد المنتظر اتزوجك بفارق الصبر ليه خزلتي ثقتي فيك انا مصدوم والله قلت ليهو خلاص يا علاء البقا بقا وفي اللحظه دي نهاي م حسيت اني بت كنت حاسه اني راجل شده ما قلبي بقا قوي وبقيت اعاين وابكي والناس تتحوقل مني وبلغو علي و الشرطه جات ساقر المره المستشفي وقبضو علي ودوني السجن طلبت منهم اني اعمل اتصال سمحو لي اتصلت علي محمد ردا علي وشكلو مبسوط قال لي نوسه طبعا كلمت اهلي عشان نجي نطلب يدك ورغم ابوي كان م موافق اني اطلع بره منهم بس اعمامي قدرو اقنعوهو عشان انا قلت ليهم م ح اعرس غيرا هو بحكي وانا ببكي قال لي نوسه مالك ولا دي دموع الفرح وانا بقيت زايده زياده قال لي دموع الفرح صاح انا كمان مبسوط شديد قلت ليهو محمد ربنا يرزقك بي الاحسن مني ونصيبك اكون مع الاحسن مني قال لي نوسه ماف احسن منك وبعدين انتي دا شنو كلامك المسيخ دا دا وعدك لي فشنو ي نوسه غيرتي رايك وكنت ببكي لدرجه اني م قادره اتكلم الضابط جنبي قال لي انتي ح تحبي هنا اختصري وسلمينا التلفون محمد قال لي دا منو الجنبك دا قلت ليهو محمد انا قتلت المره والشرطه قبضت علي وخلاص ح يحكمو علي بالاعدام محمد ما مصدق مفتكرني بهظر الشرطي قلع مني التلفون ودخلوني السجن لاول مره في حياتي بقيت واقفه جنب البوابه بتاعت السجن وغلبني اخطي خطوه جوه من شده ما الاشكال الهناك بتخوف والتقول مكتوب في جبتهم السجن بقيت خايفه وواقفه وبعاين والعبره خانقاني ونفس م قادره اتنفس والمكان ريحتو م حلوه حسيت روحي ح تطلع بقيت اكورك للشرطي لمن جا هرشني وقال لي اسكتي عشان م اوديك الزنزانه وانا الزنزانه دي بسمع بيها سمع وانها مكان ضيق وم حلو قال لي يلا اقعدي مع زميلاتك ديل مجرد احساس اني مجرمه احساس بقتل عديل وندمت اني اتهورتا وقتلت المره والدنيا بقت ظلام وطبعا السجينات بعاينن لي قالو لي تعالي اقعدي كلنا في الهواء سوا اتخطيت خطوتين والاشكال الجوه بتجنننن كانهم اشباح خاتنهم عشان اتوبو الناس من الجرائم وليهم حق يشيلو مننا التلفون بقيت اعاين وخايفه وقلبي ادق فجاه واحده مسكتني من كتفي انخلعت لمن شهقت قالت لي معقوله ي دفعه البخاف دا م بغلط اها يا دفعه مخدرات ولا دعاره وكان منظرها بخوف بس قلت لو خوفتا ح يحقرو بي وم معروف البحصل شنو احتمال اقامتي تطول معاهم اتشجعت وقلت لازم امثل اني اقوا منها مسكتا يدها وقلت ليها لا دا ولا دا جريمه قتل تحبي تلحقي المرحومه وكنت ماسكاها شديد لمن خافت مني وبدت تتراجع مني لي ورا والناس بقو بعاينو لي واحده فيهم قادره تفتح خشمها ماف وعلي حس اني قتلت في واحده مفتكرني انا النوع الكعبه وبشرب سجاير وبت شوارع وهي اظنها شمامه جابت لي سجاره غريبه قالت لي علي الدماغ يا دفعه وانا كلمه دفعه دي مجنناني اكتر من السجن والاشكال الفيهو مسكت السجاره كسرتها قلت ليها انتي والدخلا ليك السجن ح تتأدبو ان شاءالله البت خافت مني وبقو يوسوسو وقالن اني مخابرات خاتني ف السجن عشان اشوف افعالهن قلت بس الحمد لله اخليهم يعتبروني مخابرات عشان يخافو مني وطبعا بقيت قاعده في طرف السجن وانحبستا اربعه ايام شفت فيهم العمري م شفتو ولا متخيله اني اشوفهم وبره م عارفه اي شي لغايه م جا الشرطي وطلعني قال لي عايزنك مشيت لقيتو علاء سلم علي وقال لي نوسه ليه تتصرفي تصرف زي دا قلت ليهو وليه هي تقتل واحد وتحرم اولادو منو 😭علاء انا كنت م شايفه من الغضب الزوله دي يتمتنا ونحنا في عز حوجتنا لي ابوي قال لي ابوك براهو اختار يكون كده قلت ليهو ناهيك عن المعاصي العملهم بس هم ليه يتفقو عليهو يقتلوهو قال لي لانو دا نصيبو ودا قدرو وخلاص الحصل حصل تجي انتي تدمري نفسك عشانهم قلت ليهو علاء خلاص الحصل حصل وانا كده كده حياتي انتهت بس انا قلبي مع محمد واهلي قلت ليهو عليك الله شجع محمد وخليهو يسامحني ونهي اختي خليها تتزوج وم توصف ليهم مكاني م نفسي يشوفوني كده قال لي نوسه انا جيت عشان اقول ليك الحمد لله المره ما ماتت حيه قلت ليهو شنو قال لي والله جد بعد اسعفوها وعت وفتحت وانا قدرت لحقتها عشان ما تطلع من المستشفى عشان تاخد عقابها وليك ولي زمانك ي نوسه نحنا مافي فيلم ولا مسلسل عشان تاخدي حقك بي يدك قتل الروح حاجه م ساهله ناهيك عن هي عملت شنو قلت ليهو علاء اقسم بالله انا ندمت ندامه م أوصف ليك انا م نفسي اكون شرانيه للدرجه دي قال لي الحمد لله ربنا عالم بي نيتك ودي طلعتي منها وانا جيت عشان اطلعك من السجن واتابع قضيه المره دي وتاني ي نسيبه ما اشوف وشك الا في عرسك قعدت اضحك قلت ليهو والله يا علاء البقتلني بعفي ليهو بس اطلع من دي واتزوج محمد انا خلاص توبتا قال لي الحمد لله
علاء طلعني من السجن ووصلني بيتنا وحكا ليهم بالحاصل اسماعيل اخوي كان ح يقتلني قال لي انتي مجنونه ابوي ربنا يرحمو انا الولد ما بقول داير اشيل حقو كيف انتي تتصرفي كده علاء بقا يهدي فيهو وامي قلبها مقطوع علي قررت اني قوتي وجبروتي احتفظ بيهم لنفسي وارجع نسيبه الزمان البريئه وامسح من عقلي كل الجرايم الشفتهن عشان اقدر اعيش وما اتاثر بيهم علاء قال لي اتصلي علي للزواج قلت ليهو البشهد لينا منو غيرك قال لي جدا انا جاهز نهي بقت فرحانه عشان جيت راجعه وقالت لي نوسه نحنا محتاجين ليك خلي الخلق للخالق قلت ليها انا اخدت درس عمري م انساهو وخلاص عقلتا اديني الشاحن النطمن محمد سالتها قلت ليها جا ولا اتصل قالت لي لا والله شحنت تلفوني ورجعت ليهو ردا علي وصوتو كان غريب كانو م محمد الانا بعرفو قلت ليهو محمد انا خلاص اخدت براءه والمره ما ماتتت طلعت حيه قال لي انتي كان تقولي لي بالواضح انا م عايزاك يا ود الناس بس م تكذبي علي وتألفي قصص قلت ليهو محمد اقسم بالله ما الفت قصص اقسم بالله دي الحقيقه قال لي شكرا ي نوسه انا م لعبه تودي فيني شمال وجنوب متي ما تعوزيني تقولي تعال ومتي م تكوني م عايزاني توزعيني شكرا ليك كسرتي قلبي انا م عافي ليك الظلم الظلمتيني ليهو وربنا اديك ود الحلال قلبي انقطع والتلفون وقع من يدي وبقيت حاسه انو الدنيا لافه بي لمن اغمي علي وم وعيت الا وانا مركبين لي درب اتزكرت محمد وكلامو لي قلت ليهم ادوني التلفون شيلتو وبقيت اتصل لمحمد التلفون م بدخل معاي واشيل واتصل التلفون م بدخل نهي شالتو مني وبقت تتصل قالت لي نوسه محمد حظرك الدنيا مسخت لي عديل حاولت اتصل لسعد تلفونو م دخل معاي عرفتو انو في الخلا رسلت ليهو رساله قلت ليهو سعد الرساله الجايه دي بعد تصلك خلي محمد يقراها ما تقرا منها حرف
كتبت ليهو محمد اقسم بالله انا م كذابه وانا غلطانه انا اتجاوزت كل الحدود ما ح ابرر ليك بس العايزاك تعرفو ي محمد عمري م حبيت راجل غيرك وعمري م اتمنيت راجل غيرك قدر الايام الكنتهم معاي كفيتني من كل رجال الدنيا وعشان م اظلم اي راجل انا م ح اتزوج وانا عارفه ردت فعلك وراها قصه وشكلك انت خلاص اخترتا غيري وانا عارفه انك ما النوع البتحب اتنين حسيت انك ارتبطتا بس ح اقول ليك م ح تحبك زيي وربنا يسعدك ويهنيك ويسترك دنيا واخره زي ما سترتني في الدنيا وكان نفسي اودعك بس انت قفلت الأبواب في وشي في رعايه الله وحفظه وعملت ارسال نهي قالت لي نوسه محمد ماف راجل زيو قلت ليها نهي انتي عايزه تواسيني ولا تقطعي قلبي خلاص محمد نعمه وزالت مني بسبب غبائي قالت لي لخير ي نوسه ح تلقي الاحسن منو قلت ليها احسن من محمد ماف وانا م عايزه اتزوج خلاص قنعتا قالت لي معليش لخير وخليها للايام
طلعت من المستشفى وكانت حالتي النفسيه سيئة جداااا وماف اخبار من محمد وانا كنت متخيله منظرو انو عريس والدنيا مسخانه علي بس ممثله فيها انو م فارق معاي ناس اياد اتصلو علينا وقالو جايين الجمعه عشان اختو جات وإجازتها شهر عايزه تحضر عرسو وقالو جايننا ناس كتار نعمل عرس نهي مره واحده وتاني اياد بجي اسوق نهي ونهي كانت طايره من الفرحه وانا كل م اتزكر انو فرحتي كانت ح تكون معاها دموعي تجري كنت بجهز معاها ونفسياتي ف الارض ماغيره ولا حسد بس كان نفسي اتزوج محمد كل تفاصيل عقد نهي كانت بتدمرني مشيت عزلت معاها الفستان والحاجات واصرت علي اني احجز معاها قلت ليها لا انا م عايزه اللبسه الجابا لي محمد ح البسها لانها جديده اتناقشت معاي اني لازم اغير لبسي عشان طبيعه لبسنا م كده قلت ليهم لا انا مرتاحه فيهو وما ح اغيرو سوا كان اتزوجت محمد او م اتزوجتو بتناقش مع نهي ف الكوفير تلفوني اتصل لقيتو سعد فرحت شديد قلت اعرف اخبار عن محمد رديت عليهو بلهفه قلت ليهو سعد كيفك وكيف امي مدينه وكيف عبيد ومحمد قال لي نحنا كويسين مالك فشنو ي نوسه انا قريت الرساله لانو مافاهم شي اعفي لي محمد مالو انا خليتكم مع بعض وكويسين فشنو حكيت ليهو الحاصل قال لي انتي غلطانه ي نوسه قلت ليهو عارفه نفسي بس خلاص الحصل حصل انا م عايزه منك الا توصلها ليهو وقول ليهو معزوم عرس نهي يوم الجمعه وعليك الله جيبو معاكم امي مدينه ولو م جيتو ح ازعل منكم شديد قال لي ابشري بالخير قلت ليهو محمد اتزوج قال لي نوسه والله انا كنت ف الدهب م عارف عنهم شي وتلفوني خارج الخدمه لقيت منهم اتصال وهسي انا ماشي لي حاجه مدينه ح اسالها منو وح ابلغها رسالتك قلت ليهو وكلمها تجي لعرس نهي قال لي نوسه ممكن طلب قلت ليهو جدا ي سعد اطلب العايزو انتو انسان م ساهل علي عمري م انسا وقفتكم جنبي قال لي تقبليني زوج ليك علي سنه الله ورسوله