رواية جبروت انثي الفصل الثاني والعشرون22 بقلم نوسه حمد
قلت ليهو اسماعيل رد نهي اختي مالا عشان ادعي ليها نهي ماتت ولا مالا قول انا مافيني حيل عشان اتكلم قال لي نهي ما لاقينها قلت ليهو كيف ما لاقينها وامي كانت وين ولا فشنو فهموني ما تجنوني وبقيت ابكي واتزكر في نهي اختي الغير قرايتها والبيت ماعندها شغله قال لي ما عارف انا م خليت مكان مافتشتو ليها قلت ليهو كل من الملوعنه الخطبتها دي انا حزرتك الف مره وامي كانها بتغيظ فيني نهي لو جاتا حاجه ح يبقا في رقبتكم لمن تموتو لاني انا حزرتكم بس استهونتو بي
انا قبليها ادمرتا وكنت ح اموت لكن ربنا لطف وسترني والحمد لله وهسي جيت راجعه عشان محمد اجيب اهلو واتم باقي عرسنا بس شكلي م محظوظه ح اكون عايشه في دوامه حزن كده طيب وامي مالا مشت الخرطوم وانت زاتك ليه م مشيت فتشت ليها قال لي انا م خليت مكان حتي صورها نشرتهن قلت ليهو اخر مره كانت وين قال لي م عارف قلت ليهو طيب اديني امي قال لي نوسه امي انشلت انا بقيت زي المجنونه وحيلي بقا م شايلني بقيت ابكي واكورك وجدعتا التلفون وخلاص ضاقت بي خاطرت بي نفسي عشان افدي غيري بس مالقيت اهلي وضاعو مني اختي وامي الهم كتر علي محمد م عندو ذنب يستحمل اكتر فرحان عشان يتم باقي زواجنا وانا القا المصايب زايده علي وانكتبت علي الشقاوه قعدت ف الارض وبقيت اعزي ومحمد بقا يسكت فيني وانا ابكي واتحسر محمد سكتني وقال لي خليني افهم منك حاجه قلت ليهو تفهم شنو تفهم دوامه الحزن الانا عايشه فيها محمد انت م عندك ذنب انا ربنا م قاسم لي افرح زي الناس انا امي محتاجه لي واختي ماف ي محمد قال لي اسكتي عشان افهم حكيت ليهو بكلام اخوي قال لي امك ربنا اديها العافيه مع العلاج ح تبقا كويسه ي نوسه الاهم نهي فاتت وين قلت ليهو دا الحا يجنني عشان كده انا عايزه اقول ليك محمد انت الف بت تتمناك انت اكتر انسان حبيتو في حياتي اتمنيت اتم معاك حياتي والد منك اولاد يسندوني بس انا الحمد لله ربنا م قاسم لي عايزه اقول ليك محمد طلقني وامش عرس من بنات اهلك قال لي نوسه دا كلام شنو انا الالف بت ديل خليتهم واتمنيتك انتي ليه عايزه تحرميني انا مستعد انتظرك ميه سنه انا م ح اتزوج غيرك م عندي استعداد اعيش مع غيرك انا اتمنيتك ام لي اولادي قلت ليهو كيف ي محمد وانت شايف براك الدوامه الانا عايشه فيها قال لي نوسه زي م ربنا وفقك في مشوراك الكان اصعب من صعب دا ربنا ح يوفقك وح نلقا نهي وامك ح تتعالج وح تبقا كويسه وانا معاك لاخر نفس الا اموت قلت ليهو بعد الشر عليك قال لي نوسه قومي م تنكسري ارح ارتاحي وخلينا نفكر قلت ليهو مافيني طاقه انا خلاص تعبت ي محمد حيلي انهدا قال لي نوسه استغفري انت قويه م تخلي الشيطان يحطمك وانا جنبك وساندك ووعد ما اخليك ولا اخزلك قلت ليهو ذنبك شنو ي محمد قال لي ذنبي اني حبيتك انا رغم الحزن المحاوطني من كل الاتجاهات قلبي دقا وحسيت اني اسعد انسانه قال لي نوسه عايني لي انا بحبك اشهد الله بحبك ردي علي فرحي قلبي نفسي اسمع منك الكلمه دي عايش عشان اللحظه دي قوليها ي نوسه انا بقيت خجلانه ومن جواي نفسي انطقها واسمع العالم كلو قلت ليهو محمد وانا كمان والله قال لي وانتي كمان شنو قوليها ي نوسه قلت ليهو بكل خجل بحبك 🥰 محمد بقا مبتسم ويعاين لي قال لي نوسه اقسم بالله اول مره اسمعها من بت وما اي بت البت الانا حبيتا والانا اتمنيتا من اول مره شفتها فيها وكنت كل م اعاين ليك اقول حرام البت دي تعيش في الخلا احتمال بطريقه ما مناسبه وصلت لحاجه مدينه معلومه انك لازم تمشي من المكان دا كنت عايزك تمشي والحقك وأخطبك عشان رغم الانتي فيهو اتمنيتك زوجه وكنت عارف انك بت وحملتي واجهضتي والولد الغلط معاك جدعك بس كنت مستعد استرك عارفه ليه من اول مره وانتي طريحه الفراش لمحت عيونك والبراءه فيهم حسيت انك انظلمتي والما عارفاهو اقسم بالله كنت كل م اركع اتمناك زوجه وربنا استجاب دعواتي مفتكراني ح افارقك اقسم بالله ي نوسه لو قعدت ميه سنه انتظر بنتظر ووعد مني ليك م انظر ليك اي نظره سيئه وماضيك من يوم دخلتك قلبي نسيتو وح اشيلك في عيوني وح اعمل ليك عرس كل السودان يتحكا بيهو بس العايزو منك تكوني قويه امك محتاجه ليك واختك ان شاءالله ح نلقاها قلت ليهو محمد اعفي لي ح تتعب معاي بس وعد والله انا ح اخاف فيك ربنا وح اخليك اسعد انسان بس ارتب حياتي قال لي ان شاء الله ي نوسه وكدي يدك قومي من الارض ارح نومي عشان بكره اوديك لي امك ونعرف نهي فاتت وين قومتا من الارض ومشيت عشان انوم غلبني وحاولت ادس دموعي عشان م ازعج محمد وكانو روحو معلقه بروحي حسا بي قال لي نوسه استغفري وما تشيلي هم غمضي عيونك ربنا بحلها من عندو وانا معاك قلت ليهو حاضر بقيت اتزكر في كلامو لي كنت محتاجه لكلام ايجابي كل م اتزكر اي حرف نطقو لي قلبي بدق وبفرح شديد وسط احزاني لقيت كلمات تعدل مزاجي نومتا بخيالي في محمد وبقيت حلمانه اني اتزوجتو وولدت منو ولد اشبهو وقطعه منو فجاه صحيت بصوتو قومتا مخلوعه قلت ليهو ولدي مالو محمد ولدي وينو بقا يقول لي نوسه قولي بسم الله ولد شنو بقيت استحضر واتزكر عرفت نفسي حلمانه محمد بقا مبتسم قال لي نوسه نفسي في حلم زي حلمك دا نفسي أن شاءالله احلم انك مرتي وعندي منك ولد قعدت اضحك قلت ليهو محمد اقسم بالله شكل ولدي الفي الحلم في وشي قال لي ان شاءالله ي نوسه قريب وح ازكرك وقومي اجهزي وصلي عشان نلحق الباص قلت ليهو حاضر مشينا ركبنا مواصلات الخرطوم ووصلنا في ساعتين اخوي وصف لينا مكان ساكن مشينا وكان مأجر ليهو غرفه واحده وامي راقده فيها لمن شفتها ف العجله قلبي انقطع جريت اترميت في حضنها وامي حست بي بقت تبكي وتلمس فيني وانا اقول ليها يمه اعفي لي يمه انا تاني م ح افوتك واتجرستا شديد وامي كانت بتهمهم بكلمات مافهمت منهن حرف بس اسماعيل بقا يترجم لي في كلاما وزكرت لي اسم نهي كتير اخوي قال لي نوسه انا ح ارجع البلد دا اخر شهر لي هنا وكويس انك جيتي امي محتاجه ليك وانا ح افتش نهي قلت ليهو فهمني واحكي لي من الاول فشنو قال لي نوسه انا زاتي م فاهم شي اتصلو علي الجيران قالو لي امك واقعه جيت سوقتها وبقيت افتش لنهي في ساعتها سالت خطبيتي قالت لي م عارفه اي شي وما جات بيتنا قلت ليهو دقيقه دقيقه انت عارف انو خطيبتك جابت لي نهي عريس قال لي عريس شنو قلت ليهو انا ح احكي ليك اي شي وشوف الكنا فيهو بقيت احكي ليهو ودموعي عشره عشره حكيت ليهو من اول يوم خدروني فيهو لغايه ما سافرت بورسودان ووقعتهم كلهم والشرطه قبضت عليهم اسماعيل بقا مندهش قلت ليهو انت م ح تصدق لانو الكلام ما بتصدق لكن دي الحقيقه وربنا شاف لي وعوضني بي راجل سندني ووقف جنبي قال لي انتي طلعتي ارجل مني بس ياريتك سمعتي كلامي من الاول قلت ليهو دا القدر ي اسماعيل وانا كنت م فاهمه شي بس الحمد لله لكن نهي الوعيتا وفهمتها انت خطبت بت الحرام دي ودمرت نهي قال لي اكبر غلطه ارتكبتها اني استعملت معاك العنف وتاني غلطته لمن خطبت البت دي دمرتني ودمرت اختي قلت ليهو انا نهي ح اجيبا بس امي ما بقدر اخليها حسيت نفسي مكسوره قال لي نوسه لا انتي تخلي بالك من امي وانا الحا افتش لي نهي قلت ليهو انا اللازم افتش لاني عارفه العصابه ديل ح امش افتح بلاغ اختفي اختي والضباط الكانو ماسكين القضيه ح يشيلوو اقوال هناء وخطيبتك والولد الجابتو لي نهي يخطبها وغيرها وح اعرف نهي وين محمد قال ليهو خليك انت مع امك وانا ح اسوق نوسه ونرجع اخوي قال ليهو شكرا ليك واعفي لي ظلمتك مرتين قال ليهو معليش انا عافي ليك انت اخو نسيبه وفوق راسي اسماعيل ابتسم وعاين لي نظراتو كانت بتقول لي اطمئنيت عليك وربنا اداك راجل فعلا عوض ربنا جميل
قعدت اليوم دا مع امي وما شبعت منها ولمن جيت اودعها ابت تخليني افوت ودموعا في عينا قلت ليها يمه انا ماشه اشوف نهي حتي قدرت تفك يدي ودعت اسماعيل ووصيتو علي امي ولو جاتني حاجه اخلي بالو من امي قال لي ماتتعبي نفسك كتير تعالي راجعه وانا بفتشها قلت ليهو انا م بجي راجعه الا ونهي معاي خليك عارف ومشينا وصلنا بورسودان واتصلت علي علاء وعلي اياد كلمتهم قالو لي تمام تعالي القسم افتحي بلاغ ضد العصابه ديل وانو اخر مره شفتي اختك معاهم علاء قال لي انا ف الجزيره مرتي عايزه تولد لكن اياد م بقصر منك قلت ليهو ربنا يحلها بالسلامه ويقويك ي رب اياد وصف لينا مكانو ومشينا فتحنا بلاغ لمن قلت ليهو نهي قال لي نوسه دقيقه دقيقه ممكن توريني صوره اختك قلت ليهو طيب بقيت افتش لي صوره م لقيت قال لي الاسم دا م غريب علي قلت ليهو كيف قال لي البت دي سوابق قلت ليهو سوابق يعني شنو قال لي اسمها دا لاقاني ف قضيه قلت ليهو قضيه شنو كمان بقا يتزكر وانا حيلي مات خلاص والمعاي كملت بقيت اقول يارب تجيب العواقب سليمه وهو يفتش في الاوراق تفتكرو نهي فعلا سوابق ولا ماتت واياد ملخبط