فضلت على حالها تصرخ من اللي هي فيه لحد ما خرجت كل طاقه الوجع اللي جواها وقررت انها ترجع لابوها بشخصيه سماره وهي طبعا عارفه ان المواجهه هتبقى صعبه ما بينهم هم الاثنين بعد ما خلعت جلابيه سمير روحت على البيت في فيلا نعمان وقبل ما تدخل كانت شالت الباروكه بتاعه سمير وقلعت جلابيه سمير وفضلت بجلابيه سماره ودخلت على ابوها اللي اول ما شافها انصدم وفضل يبص حواليه يمين وشمال وقام عليها مره واحده وهو بيجرها من ايديها وبيشدها على جوه ونزل عليها ضرب جامد وهو بيزعق لها :
ــ كانك اتجنيتي يا بت خلعتي جلبابك اللي كنت ملبسه لك وساترك فيه من عيون هتنهش في جتتك ، كيف تعملي الحركه دي كيف تقلعي جلباب حشمتك من وراي ؟
سماره كانت بتنهج من كتر الضرب لكن خلاص جسمها خد على كده وكانها بقت عاده لو ما حصلتش جسمها هيحس ان في حاجه غريبه ناقصاه وهي بترد على ابوها بكل برود :
ــ اضرب يا بوي لحد ما اموت في يدك وتريحني من الدنيا كلتها بس مش هلبس جلابيه الرجاله تاني وهخرج من قوقعه الراجل وهعيش بخلقتي اللي ربنا خلقني عليها .
ابوها اتعصب زياده بسبب كلامها وفجاه بقى يشدها من شعرها عايز يقطعوا بين ايديه:
ــ ده انا هدخلك قبرك النهارده يا سمير .
ــ اسمي سماره الاسم اللي امي سمتني بيه قبل ما تموت ومش هرد عليك تاني لو قلت لي يا سمير .
ــ انت هتتحدى ابوكي وهتعرضي اوامره طب يمين بعظيم يا سمير لو ما احترمتي نفسك ورجعتي لتوبك اللي عشت بيه حياتك كلها وصانك من كل العيون لا هكون دفنك في قبرك النهارده .
قامت وهي بتحاول تخلص نفسها من ايديه وقفت قدامه بكل شجاعه وهي بتجري ناحيه الفاس اللي بيظبطوا بيها الجنينه وبتسبقوا وهو بيخرج وراها على الباب وشدها من ايديها:
ــ رايحه فين يا بت اترزعي هنا لحد يشوفك ولا الست هانم تشوفك وتعملي لنا بلاوي بدماغك الجزمه قديمه دي .
ــ سيبني لحالي واخده الفيس ورايحه احفر قبر بيدي وهرمي في نفسي حيه وهريحك مني على الاقل اروح عند ربنا اللي ارحم منك ومن الناس حرام عليك دفنتني بالحياه خلتني لا عارفه اعيش راجل ولا عارفه اعيش ست ولا عارفه اعيش من اساس كل يوم اهانه وضرب وشتيمه وبهدله عمرك ما حنيت عليا عمرك ما حسستيني انك ابويا طول عمرك بتحسسني ان عبده ذليله تحت رجليه تجيب لك فلوس وتشتغل معاك وخلاص ارحمني بقى حرام عليك .
ــ اللي بيرحم العباد ربنا ومش هتخرجي طول ما انت بجلابيتك دي يا سمير وهتتحبسي في الاوضه دي لحد اما تعفني فيها .
ــ وعلى ايه يابا هتدخل في يوم هتلاقيني مقطعة شراييني ومموته نفسي وسايبه لك الدنيا كلها ولا سمير ولا سماره وتخليني اعيش زيي زي اي بنت واتجوز واخلف ويبقى ليا بيت بدل المرمطه اللي انا عايشه فيها دي يا اما مش عايزه اعيش في الدنيا دي خالص وانت اللي هتشيل ذنبي .
ــ ها أو تتجوزي مين يا فاجر شكلك شفتي لك شوفه ما فيش جواز ولا فيه خروج عن طوعي والله الوكيل يا سماره ما تخرجي من الاوضه دي وعايزه تموتي نفسك موتي اهو ترحميني منك ومن قرفك .
ــ انا نفسي اعرف يابا انت بتكرهني ليه ده انا بنتك لحمك ودمك ؟
ــ علشان نخلص من الموال اللي ما لهش عايزه دي اني اصلا ما بخلفش وانتي مش بتي وامك الفاجر كانت حامل فيكي من واحد ضحك عليها وانا اللي اتسترت عليها وكتبتك على اسمي وفي الاخر بعد ما ربيتك وكبرتك وخفت عليك ده تعملي زي امك ما عملت تقفي في وشي وتقولي كلامك دي طلعتي ناقصه زي امك .
انصدمت سماره بالكلام اللي سمعته وهي بتردد :
ــ يعني انت مش ابويا وانا بنت حرام ازاي تقول كلام زي ده حرام عليك حرام عليك تطلع امي كده حرام عليك تتبرا من ابوتك ليا .
قرب منها وهو بيهزها من كتافها بكل جبروت وقسوة :
ــ وانا هكذب عليك ليه انا مش ابوكي ولا خلفتك انا ما بخلفش اصلا ويا اما تمشي على طوعي يا اما تغوري تشوفي لك حته تعيشي فيها بعيد عني بدل ما انت عايزه تفجري على اخر الزمن وتجرسيني .
ضحكت سماره بهستيريه مش كفايه عيشتها اللي عاشتها في مرار ودمار وفي الاخر طلعت بنت حرام والراجل اللي عايشه معاه مش ابوها وهي بتردد بطريقه قهر :
ــ في الاخر عشت حياتي مش حياتي بصوره مش صورتي واب مش ابويا وام جابتني من الحرام ودنيا مش ليا وغدر من كل اللي حواليا ياه قد كده الدنيا رفضاني قد كده ما ليش مكان فيها .
ــ احمدي ربنا انك لقيتي دراع يقويكي ويحافظ عليك احمدي ربنا انك لقيتي حيطان تحتمي فيها لحد ما كبرتي .
ــ هااااا حيطان ودراع ده انت حياتي كلها خليتها قسوه بقسوه قلبك عشان انا مش بنتك كرهتني في الدنيا وشيلتني ذنب امي والناس مش ابويا وانا ما ليش ذنب الله لا يسامحك ده انت كل يوم كنت بتصبحني بعلقه وتمسيني بعلقه كل يوم كنت بتشغلني زي الفواعليه واكتر علشان اعمل اللي في دماغك .
ــ دلوك هتنكري خيري عليك ما صحيح اقلب القدره على فمها ومش بعيد تكوني عملت زي ما هي ما عملت وفجرتي زيها .
انتهى الحوار ما بينهم وخرج وهو بيقفل عليها الباب من بره علشان يمنعها من ان حد يشوفها وهو مصمم انها لازم تخرج بجلابيه سمير وتنسى سماره نهائي ،
"*"*"******"********
مر على الاحداث شهر بحاله وسماره محبوسه وكل لما يسال عنها نعمان ابوها يقول له تعبانه ومش قادره تتحرك من مكانها وهي كمان كانت مسلمه امرها لحبستها عشان تتقوى وتشوف هتعمل ايه ،
وحصل اللي لا يحمد عقباه النهارده خطوبه نعمان على فرحه في الفيلا عنده لان أمه صممت انهم يعملوا الخطوبه في الفيلا عندها علشان بيتهم كبير وسماره لما عرفت اتجننت ،
وقررت انها تهد المعبد على اللي فيه ،
كان نعمان بيلبس فرحة شبكتها وبعد كده اشتغلت الموسيقى اللي بترقص الكل مفاجاه خرجت سماره وهي لابسه عبايه شيك جدا كانت هتاكل منها حته ولفت وسطها وبدات ترقص وتتمايل بطريقه مغريه جدا خلت كل اللي واقفين يقولوا مين دي وهو كمان ما قدرش يسيطر على نفسه من غيرته عليها وكمان صدمه ان هي خرجت ترقص فرحه والكل يبقى هيتجنن مين البنت اللي بترقص بالطريقه دي ،
وقررت انها تروح عند العريس والعروسه اللي افتكرتها على طول لما كان بيبص لها في المطعم وهي بتتمايل قدامهم وبتفجر كلامها للعروسه :
ـــ مبروك عليكي جوزي يا فرحه هانم مبروك عليك نعمان اللي ياما شاف في حضني وعاش اللي عمرك ما هتعرفي تديه له .
انصدم نعمان من كلامها وبدا يجز على اسنانه غضب ويبرق لها جامد وهو بيستنكر اللي قالته وتاكيدا هو ما اتجوزهاش :
ــ انت بتقولي ايه يا بت انتي !
انتي مين اصلا انا ما اعرفكيش يا ملعونه ابعدي عني ما تصدقيهاش يا فرحه البت دي بتقول اي كلام وخلاص عشان تبوظ علينا فرحتنا .
فرحه بصيت لها من فوقها لتحتها:
ــ انت شكلك اتجننتي وجايه تطلعي جنانك ده عليا علشان تبوظي لي يوم خطوبتي نعمان بيه مين اللي هيبص لك يا جربوعه انت اطلعي بره من هنا يا شوارعيه .
بصيت لهم سماره بضحكه استفزاز ومن جواها بيغلي من كلامهم :
ــ طب ماشي يا نعمان بيه انت والست فرحه هانم ان ما خليت النهارده امك يجرا لها حاجه بسبب اللي هقوله واللي هعلنه قدامهم كلهم ما ابقاش انا سماره .
اتكلم نعمان علشان يتقي شرها وهو بيهمس لها في ودانها علشان فرحه ما تسمعهوش وهو عارف من جواه مدى وشها المكشوف وجراءتها وانها بايعه الدنيا باللي فيها وخصوصا بعد ما عرف ان ابوها عملوا فيها بالصدفه منها من بعيد لبعيد :
ــ لم تعابينك يا سماره وما تبوظيش الليله وما تعمليليش فضايح انا ما استاهلش منك كده وبعد كده نتفاهم
ضحكت سماره بمياعه :
ــ وانت مفكرني هبله علشان اضيع الفرصه دي من ايدي يا نعمنتي النهارده بدل ما هتبقى خطوبتك بس يبقى دخلتنا احنا الاثنين قدام الدنيا كلها وعمري ما هلاقي فرصه زي دي علشان اكلبشك بايدي وده حقي .
ــ حق مين يا جربوعه اللي جايه تهدديني بيه ده انا بطلقه واحده اخلص منك واشيعك لعزرائيل وارتاح من قرفك لمي الدور يا سماره بدل ما يبقى موتك النهارده .
سابته سماره وهو واقف يغلي ومصممه على اللي في دماغها وانها مش هتضيع الفرصه دي من ايدها وفضلت تتمشى برقصتها لحد ما وصلت لبتاع الدي جي واخدت منه المايك واجبرت الكل اني واسمعها والجميع انصدم من كلامها :
ــ انا النهارده جايه ارقص في فرح جوزي نعمان بيه اللي خبى عن الدنيا كلها انه متجوزني علشان مستعر مني اكمني ولا لي اب ولا ليا ام فقلت اجي اوجب معاه النهارده بقى يرضيكم يا بتوع الكومباوندات والهالللو والميرسي ان جوزي يستعر مني وما يرضاش يقول لامه انه متجوز ومراته حامل كمان .
اول ما ام نعمان سمعت كلام السماره وبقت تبص لها علشان تعرف هي مين عمرها ما شافتها قبل كده وجريت عليها وهي بتشدها من دراعها وبرده بتستنكر كلامها :
ــ انت بتقولي ايه يا بت انت مين اللي مسلطك علينا بالظبط عشان تيجي تبوظي خطوبه ابني انا ابني مش متجوز حد واذا كنت جايه ترمي بلاكي عليه انا هوديكي ورا الشمس .
ـــ اه اشهدوا يا ناس على كلام حماتي وهي عايزه تموتني وتحبسني ظلم علشان ابنها ما قالهاش ان هو متجوز ولا عرفها على سماره ، خليكم كلكم شاهدين وكمان طلعوا موبايلاتكم وصوروا كل لحظه بتحصل علشان الدنيا كلها تشوف جوزي وهو بيتجوز عليا .
الموقف بقى صعب جدا قوه سماره اللي بتتكلم بيها وانها بايعه نفسها وكمان نعمان اللي بقى مش قادر يصلب طوله بسبب كلام سماره ولا ابوها اللي بقى واقف مندهش من اللي بنته بتقولوا والثقه الزايده اللي بتتكلم فيها ولا فرحه اللي بتبص لنعمان ونظراتها بتتنقل ما بينه وما بين امه اللي راحت على ابنها وبتساله بفحيح:
ــ انطق يا نعمان الكلام اللي البت دي بتقولوا صحيح انت اتجوزتها .
نعمان وشه جاب ميه وما بقاش عارف يرد على امه يقول لها ايه وتكلم بلجلجه وهو بيستنكر كلام سماره عن ثقه انه ما تجوزهاش طبعا لكن الموقف خلاه لاجلك وخصوصا نظرات سماره القويه اللي بتتكلم بيها :
ــ انت تعرفي عني يا ماما ان انا بتاع الكلام ده او هتجوز من وراكي البت دي كدابه وبتفتري عليا علشان تلبسني جوازه هو انا اعرفها اصلا ولا عمري شفتها .
ضحكت سماره باستهزاء وهي بتعلن عن نفسها قدام ام نعمان اللي انصدمت لما سمعت كلامها :
ــ انت على فكره تعرفيني وتعرفيني كويس جدا كمان بس انت لو ركزتي في ملامحي هتلاقي ان انا عندي حق وان ابنك اتجوزني في السر ومن سنين ركزي كده وانت هتعرفي انا مين .
قربت ام نعمان منها وبدات تبص في ملامحها جامد وتقريبا اتشتت نفس العيون ونفس تقسيمه الوش لكن الشهر مختلف والجسم كمان مختلف ونبره الصوت كمان مختلفه لكن الوش هو الوش فنطقت بندهاش وهي مش قادره تتصور اللي وصلت له :
ــ انت سمير ابن محروس ! بس ازاي ؟
ــ ايوه بالظبط زي اللي وصل لك بس قلعت الجلابيه الواسعه بتاعه الرجاله اللي ابويا كان ملبسها لي وقلعت باروكه الرجاله اللي ابويا برده كان ملبسها لي ورجعت سماره البنت الجميله اللي ابنك استغل براءتها وجريني وراه لطريق ما كنتش اعرف عنه حاجه وفي الاخر بينكر انه اتجوزني في السر .
طبعا ام نعمان عمرها ما تصدقها وحتى لو ابنها عمل كده فعلا عمرها ما هتنصفها قدام الناس فقربت منها وهددتها:
ــ شوفي بقى انت تاخدي ابوكي وما لكمش قعاد في البيت ده ثاني مش هشغل عندي ناس مجانين وحساب ابوكي معايا عسير عشان يعمل عامله زي دي .
ونادت على محروس بعلو حسها واللي كان واقف قدامها بيرجف ومش مصدق الكلام اللي سماره قالته :
ــ الكلام اللي بتقوله البنت الزباله دي حقيقي ده مش سمير وانت خدعتني وانت مفهمني طول السنين دي كلها انها ولد مش بنت ؟
ــ والله يا ست هانم غصب عني لقمه العيش هي اللي حوجتني اني اعمل كده بس انا عايزه افهمك على حاجه ان سماره دي مش بنتي دي بنت مراتي وانا كسبت فيها ثواب وقلت اربيها .
سماره كان خنجر اترشق في قلبها من كلام محروس اللي انكر ابوتها بكل دم بارد وكانه ما يعرفش عنها اي حاجه وبصيت له بخذلان وهي بتقول له :
ــ شكرا يابا شكرا يا عم محروس انك متبري مني قدام الست هانم وطالما اتبريت مني يبقى ما لكش دعوه بيا تاني ،
وبصت على ام نعمان تاني وهي بتاكد لها بقوه معناها انها مش هتسيب حقها:
ــ اما انت بقى يا حماتي العزيزه هروح للقسم وهتهم ابنك انه استغل براءتي وطفولتي وضحك عليا واتجوزني في السر وان ما كنتش امرمطه ورايا في المحاكم ما بقاش أنا سماره وهوريكم الجربوعه هتعمل فيكم ايه .
لحد هنا وفرحه ما قدرتش تتحمل وكل ده بيحصل قدامها في يوم خطوبتها وامها واقفه جنبها حضنها وفي ثانيه قلعت الدبله اللي لسه لابساها يا دوب ورميتها في وش نعمان وفجاه نزلت على وشه بقلم خلت الكل واقف مصدوم ومذهول من اللي بيحصل ككل :
ــ انت طلعت كذاب واناني بقى انت تضحك عليا وانت متجوز في السر ورسمت لي البحر طحينه انت وامك الحمد لله ان ربنا كشفكم قبل ما نتجوز مش عايزه اشوف وشك تاني .
ام نعمان حاولت توقفها هي واهلها وتهدي الموقف :
ــ بلاش تسمعي كلام البنت خرابة البيوت دي انا هوديها في داهيه وهطلب لها الامن وهوديها وراء الشمس اقعدي يا بنتي ما تضيعيش فرحتك وانا لسه هاكد لك ان البنت دي كذابه .
ضحكت سماره باستهزاء وهي بتقرب من فرحه وجواها حالف يا تاخد حقها ثالث ومثلث من نعمان ومحروس ودلوقتي دخلت امه في قائمه الانتقام لانها كانت السبب ان محروس لبسها جلابيه الولد وما رافتش بيهم لما اشترطت عليه ما تكونش بنت :
ــ خليها تمشي يا حماتي احسن لما تتاكد بجد ان ابنك متجوزني وماضي وخاتم كمان ولا انت عاجبك الفضايح والناس عماله تتفرج علينا .
ام نعمان وهي بتبرق لها بصدمه من كلامها:
ــ انت تخرسي خالص مش عايزه اسمع صوتك اطلعي بره ومش عايزاك تدخلي البيت ده تاني .
ضحكت سماره بوجع لكن قوت احالها وبصت على المعازيم اللي واقفين وهي بتقول لهم :
ــ بصوا لي يا جماعه وصوروا كل حاجه بتحصل علشان انا عارفه ان الست دي وابنها مش هيسيبوني في حالي وهيموتوني لازم قصتي الناس كلها تشوفها وتعرفها علشان ما حدش فيهم يقدر يلمسني ،
اما انت يا ام نعمان ابنك اللي انت واثقه فيه قوي ده عارفه كويس انه بيلعب بديله ليل ونهار مش مشكلتي انك عايزه تجوزيه واحده من مستواكم وليها اصل وفصل وعلي هواكي وفي الاخر تدوسوا عليا بجزاامكم لكن الله الوكيل لا هاخذ حقي منكم فهتتاكدي من العقد اللي معايا صورته ولا اخذ بعضي واطلع النيابه ويبقى مولد وصاحبه غايب والعلمك لو حصل لي حاجه اصل العقد مع واحده صاحبتي عمركم ما تعرفوها ولا تقدروا توصلوا لها ولو جرى لي حاجه هتبلغ عنكم من تحت لتحت .
فرحه بصت لحماتها بصدمه من اللي تسمعه :
ــ تصدقي انا الغلطانه اني ضيعت من وقتي معاكم ومع ابنك الصايع انا المفروض كنت احترمت نفسي من البدايه لما ابنك كان بيطنشني وما كانش محترم البيت اللي دخله انا هخرج واعملي حسابك ان الفضيحه اللي انتم عملتوها لي وكسره قلبي وكسره فرحتي مش هتعدي على خير انت وابنك يلا يا ماما .
خرجت فرحه هي ومامتها من البيت وكمان المعازيم اللي كانت واقفه بتصور الموقف كله بقوا يتسرسبوا واحد ورا الثاني وما بقاش غير محروس ونعمان وامه وكلهم اتكاترو على سماره وقبل ما حد يقرب منها كانت مطلعه مسدس وموجهاه في وشهم كلهم وهي بتحذرهم :
ــ اللي هيقرب مني فيكم هخلص عليه وهخلص عليا انا مش باقية على حياتي ولا باقيه على الدنيا كلها وابنك لازم يكتب عليا شرعي على سنه الله ورسوله يا اما مش هيحصل طيب .
محروس وهم مصدوم من كل اللي بيشوفه وبيسمعه :
ــ انت اتبدلتي يا بت وبقيتي واحده ثانيه ازاي اتجوزت من ورايا وازاي فرطتي في شرفك وما حفظتيش على نفسك وانا عايش طول عمري محافظ عليك منك لله ده انا هدبحك وهدفنك بيدي .
ضحكه سماره باستهزاء ووجهت المسدس في وشه هو كمان وكانه ما ربهاش :
ــ انت خليك للاخر يا محروس علشان انت سبب ضياعي وسبب كل حاجه وحشه حصلت لي خليك راكن على جنب ومن النهارده انت ما لكش دعوه بيا ولا ليك حكم عليا واظن انت عارف انا اقصد ايه كويس وبعدين افرط في شرفي او ما افرطش انت ما لكش صالح بيا من النهارده يا محروس .
كل ده ونعمان واقف ساكت بيتفرج على سماره العيله الصغيره اللي خلاها شافت نفسها واكتشفت انها بنت وانتشلها من ضياع الرجوله ومش مصدق ان هي معاها العقد لانه فعلا ما مضاش على عقود فأمه بتساله:
ــ رد عليا يا نعمان انت اتجوزت البت دي ومن امتى عارف انها بنت وعملت كل الحاجات دي امتى انطق ازاي تفضحنا الفضيحه دي ازاي تنزل نفسك لمستوى الرديء ده .
سماره اتوجعت قوي من كلامها وكان سكاكين بتقطع فيها بس هي قررت انها تصبر لحد ما تاخد حقها منهم وتركن الكلام اللي كله وجع على جنب اما نعمان رد على امه بتاكيد :
ــ هو انت هتصدقي الزباله دي يا ماما انا مش متجوزه ولا اعرف اي حاجه عن العقد اللي بتتكلم عنه واذا كانت عندها شجاعه تورينا العقد اللي انا ماضي وخاتم فيه كمان دي مجرد حته بنت افعصها تحت رجلي اقضي معاها يومين لكن اتجوزها دي بتحلم حلم بعيد وعمر اللي في احلامها ده ما يحصل .
أم نعمان:
ــ وانت ازاي تعرفها اصلا وازاي تفكر انك تمشي في الطريق البطال ده هو انت طول عمرك هتفضل متعب وحياتك كلها لف وصياعه مش مقدر ان انت ابن ناس وليك اسمك وسمعتك في السوق ازاي تسوأ نفسك وتسوأ سمعتك بالمنظر ده وكمان الناس كلها وقفت تتفرج وموبايلاتهم ما اتشالتش وكل حاجه اتسجلت والصحافه والاعلام مش هيكونوا ليهم سيره غيرنا والبت دي لو طلع معاها العقد اللي انت ماضي عليه وخاتم كمان قول على نفسك يا رحمن يا رحيم يا نعمان علشان تبقى تمشي في غلط بعد كده .
اكد لها نعمان بكل ثقه:
ــ يا ماما والله العظيم ما كتبت حاجه ولا مضيت على عقود البنت دي كدابه وعايزه تدبسني فيها هو انا عيل صغير علشان اعمل كدة
وبص على سماره بصه احتقار وهي كمان بصيت له نفس البصه خليته تجنن وقف قصادها وهو بيمسكها من دراعها وبيهزها بعنف :
ــ هو انا يا ماما هتجوز الزباله الحقيره دي وهنزل نفسي للمستوى الرديء ده !
انطقي يا بت ايه التخاريف اللي انت بتقوليها دي هو انا كنت اتجوزتك ولا مضيت على عقود ده انا هخليك النهارده تدخلي قبرك برجلك ؟
شد دراعها منه بعنف وهي بتجز على اسنانها بغضب:
ــ بقى انا حقيره يا اللي كنت كل يومين تعالي يا سماره الشقه وحشتيني عايزه اشوفك !
اما كنت الففك كعب داير وخلي اسكندريه كلها تتفرج عليك ما بقاش انا سماره يا ابن الاكابر ،
وهعرفك الحقيره الزباله دي هتعمل فيك ايه وحذاري انك تلمسني ولا انت ولا امك ولا تعملوا في حاجه كل حاجه اتسجلت قدام الناس كلها فيديوهات وصاحبتي وغيرها وغيرها انا قايله لهم على كل حاجه ان غبت عنهم يومين اثنين بس هيبلغوا عنك وهيودوك في داهيه ابعد عني احسن لك واياك تفكر تاذيني انت ولا امك علشان انا اتعلمت منك ان يبقى نابي ازرق ومش هقول على كل اللي ظلمني وجه عليا غير يا رحمن يا رحيم .
اتغاظ نعمان من طريقتها وقوتها اللي بتتكلم بيها وكاني مش دي سماره البنت الهاديه الغلبانه اللي ياما عطف عليها واللي ياما كان بيقويها وهو اصلا اللي طلعها من جلباب الراجل وسالها باستغراب :
ــ انت امتى بقيتي بالشر والغل ده ما تعضيش الا الايد اللي اتمدت لك بكل الخير يا سماره !
ــ مين قال ان انت مديت ايدك ليا بكل الخير انت اول واحد نهش في لحمي واول واحد مرحمش ضعفي واول واحد استغلني واستغل شرفي ولوثني انت اكتر واحد اذيتني يا نعمان .
ام نعمان ما بقتش قادره تستحمل الكلام اللي ما بينهم وقفت قدامهم في النص وهي بتمد ايديها لسماره :
ــ هاتي العقد اللي معاكي اشوفه لو انت صادقه في كلامك يا بنت محروس وبعدين اذا كان هو لوثك زي ما انت ما بتقولي فين عقلك رميتيه وحطيتي بداله صارمه قديمه واذا كان هو استغلك انا عملت فيك ايه علشان تفضحينا الفضيحه دي كلها !
ضحكت سماره ضحكه عاليه وقررت تطلع الورقه اللي معاها وهي بتهب فيهم وبتجز على سنانها بغل ملى قلبها بسببهم