الفتره الاخيره حسيت اني م طبيعيه بحس بصداع م طبيعي بياخد معاي نص ساعه بالكتير بلعت بندول ما نفع والمشكله ما هنا المشكله بعد يخف مني الصداع بكون ما فاهمه انا وين والجنبي منو حتي لو كانت الجنبي امي بقول ليها انتي منو وابوي كمان م بعرفو ولا اخواني كانو بقولو لي انتي مدلعه وبتدي المرض اكتر من حقو ومستحيل صداع يعمل كده بعد ساعه من الوقت حتي استحضر انا منو ووين والحوليني منو اهلي كانو بشوفني اني بستهبل عليهم وعايزه اتخفا ورا المرض رغم انو الحاله البتجيني م تخفي ورا المرض انا م بكون عارفه الحاصل شنو الحاله دي بتاخد معاي زي ساعتين بالكتير وبتتكرر معاي كتير وكنت بعاني منها ف المدرسه وحتي الاساتذه م كانو بصدقوني وبعتبروني عايزه ادك باقي الحصص ورغم اني كنت الاولي ف دفعتي بس الحاجه الجاتني دي اثرت معاي شديد حتي في علاقتي مع زميلاتي بحسو اني بستهبل وجهه نظر الناس للحاله العندي كانت مدمره بالذات اهلي ناس المدرسه اشتكو مني امي وابوي اتناقشو معاي قالو لي انتي شكلك دايره العرس لو دايره العرس قولي لينا م تعملي لينا درامات وهستريا طبعا انا م كنت فاهمه هستريا شنو قلت ليهم خلاص احتمال انا عندي هستريا يمه ارح نمش الدكتور نوريهو نقول ليهو انا عندي هستريا امي جاطت فيني قالت لي اسكتي دايره كمان تفضحينا قلت ليها يمه افضحك كيف انا مالي عملت شنو انا زهجت وبقيت ابكي واتجرستا شديد وفي حالتي ديك الصداع زاد علي وطشيت شبكه ولي سوء حظي جات عمتي داخله علينا وانا في عدم وعي داك علقت في كلمه امي الاخيره واقول ليهم انا عندي هستريا ودوني الدكتور والحاله لمن تجيني انا بكون ابكي باعلي صوت اهلي بقفلو علي الغرفه عشان صوتي م يكون عالي بعد مسافه من الحاله رجعت لي طبيعتي وعمتي قالت لي امي البت دي لو عندها هستريا وديها الدكتور عشان م تفضحنا كل مره امي قدر ما حاولت تقنعا انو الكلمه دي قلناها ليها وهي علقت فيها وبقت تقول ليها هي بتي قدر شنو لمن تجيها هستريا بت جاهله مافاهمه شي عمتي م صدقت قالت لي امي انا عمتها وستر وغطاء عليها مالو لو عرفت مرضها ف المرض دا تدسدسي فيهو امي قالت ليها انتي هو بتصدقي خلاص مسكتي في كلمه بتي لمن كانت م واعيه ودايره باي طريقه تبقي عندها هستريا وعمتي بقت تتشاكل مع امي كل واحده اكعب من التانيه انا وسطيهم غلبنب البعملو لغايه م جا ابوي شاكل امي وطرد عمتي وجا اكورك فيني قال لي انتي السبب دايره تفضحيني انا ف الحله سمعتي زي السيف في الاخر انتي تجي تخربيها لي كلامو نزل علي زي الصاقعه وعشت نفسيات وكنت مواظبه علي صلاتي كنت بدعي ربنا انو الحاله دي م تجيني وكانت بتجي غصبا عني وحالتي الصحيه ادهورت ومستواي ف المدرسه ادهور وبعد كنت بجي الاولي بقيت امر ف المواد مرور وحتي ناس المدرسه نظرتهم للحاجه العندي انها هستريا وانا هستريا هي شنو م كنت عارفه 😭لغايه ما سألت وعرفت انها اضطراب عصبي تمثيلي للفت الانتباه انا الوحيده العارفه كميه الحاجه الجواي والصداع البجيني وللاسف حتي الدكتور شخص حالتي كده وبقيت ف نظر الناس انو انا مصابه بالهستيريا حاولت أصارع الحاجه البتجيني بس فشلت لانها كانت بتجي غصبا عني وانا بكون في دوامه ساعتين ما فاهمه اي شي بعد كانت بتجيني مرتين ف الاسبوع بقت تجيني كتير شديد وانفصلت من المدرسه بسبب الحاجه العندي كنت ببكي ليل نهار وانا انحرمت من المدرسه وكنت روحي فيها شديد بس ما بي يدي شي الدكاتره قالو لينا تمشي تتعالج بره بس ابوي رفض وقال لي تعرسي بس قلت ليهو ابوي اعرس شنو انا صغيره وانا بالحاله دي فجاه اتزكرت كلام محمد لي قال لي نوسه انا مسافر عشان اتزوجك واجي القاك بقيتي كبيره محمد دا ود عمتي الاتشاكلت مع امي سافر بريطانيا وانا م كانت عندي معاهو علاقه بس لمن جا مسافر قال لي الجملتين ديل وفات م فكرت احبو ولا اتواصل معاهو ولا كنت فاهمه حب وزواج يعني شنو ولمن ابوي قال لي تتزوجي بس اتزكرتو وقلت بكلم محمد
الفصل الثاني
اتزكرت كلام محمد لي رغم انو ما بتربطني بيهو حاجه بس جاني احساس انو هو الوحيد الحا يقدر يطلعني من الانا فيهو دا وبدل ابوي يعرس لي اي راجل ويظلمني اولي بي هو وانا زاتي ما قدر العرس بس ابوي فاض بيهو شايف انو يسترني ويعرس لي دا الحل بس م حل وانا في عمر زي دا و رغم انو عمتي دي عقررررب بتكرهنا بدون سبب بس انا همي كلو م ابوي يوقعني في راجل م بعرفو وما اقدر احبو واظلمو وابقا علي مرض وظلم بقيت افكر في طريقه اصل بيها لمحمد والتفكير زاد حالتي زياده وبقت حالتي تجيني في اليوم مرتين وبقت تطول بالساعات الدكتور قال ليهم البت دي م تجيبوها تاني ماعندها شي حتي عملو لي اشعه ورنين للراس والفحوصات نظيفه ودا السبب البخلي ابوي وامي يقولو عندي هستريا عندي صحبتي واحده اسمها مناسك هي الكانت منافساني ف المدرسه وبعد انا مستواي ادهور بقت تجي هي الاولي انا كنت بريدها وبحترمها جدا وهي كانت معاي كويسه م شفت منها شي كعب بس زميلاتي بقولو لي هي بتكرهك وبتغير منك وما صدقت انك خليتي المدرسه عشان تجي الاولي في مكانك م ركزت مع كلامهم انا لي بالشايفاهو هي بتحترمني م حسستني بالكلام البتقال فكرت فيها تساعدني وفعلا مشيت ليها لانها كان عندها تلفون وفيس قلت ليها مناسك كيفك قالت لي نوسه صحبتي مشتاقين والله قلت ليها كتير حسيت انها طيبه وحنينه بس الناس حاولو يخربو البينا بقت تسال فيني من حالتي العندي وريتا وحكيت ليها والدكتور قال شنو ووريتا انو الحاجه البتجيني دي غصبا عني بس م عارفه الدكاتره ديل فاشلين ولا فعلا كلامهم صح قالت لي م مشكله ولا يهمك كلها تمانيه سنه ولا سبعه ادخل طب واتخرج واوعدك اعالجك انا قعدت اضحك قلت ليها يااااااه يا مناسك يعني عايزاني اكون بي حالتي دي تسعه سنه قالت لي لا العفو بس قصدي ليك م تهمي قلت ليها مناسك ربنا يوفقك ويديك البتتمني م عشان تعالجيني انا عشان تحققي حلمك وانا الحمد لله كده بالف خير وبتعالج ان شاء الله وهسي جيتك ف موضوع قالت لي شنو احكي قلت ليها انا جيتك عشان انتي عندك تلفون وانا م عندي وبفتش لي ود عمتي م قادره اصل ليهو قالت لي امشي شيلي رقمو عديل قلت ليها معقوله يا مناسك اقول ليهم شنو لمن اشيل رقمو وابوي بكتلني انا بس عايزاك تفتشي لي انتي ف الفيس واكيد بكون خاتي صورتو قالت لي دايره بيهو شنو حكيت ليها كلامو لي قالت لي نوسه م تدخلي نفسك ف احراج بعد وضعك دا استحاله امو تخلي يعرسك قلت ليها مناسك م تحسسيني اني عندي مرض خبيث قالت لي والله اخير المرض الخبيث ع الاقل عندو علاج طبعا غلبني ارد بشنو حسيت بي العبره عايزه تكتلني قلت ليها مناسك عايزه تساعديني ولا ح تفضلي تعايريني كده قالت لي بساعدك ي نوسه اسمو منو هو قلت ليها كدي اكتبي محمد الجزولي بالانجليزي والعربي كتبت الاسم وبقينا نفتش ليهو نهاي م لقيناهو. قلت ليها طيب انتي داخله قروب الحله قالت لي اي قلت ليها طيب اديني اكتب منشور واكيد هو بشوفو قالت لي انتي جنيتي صاح قلت ليها م جنيت نكتبو ونشغل ميزه عضو مجهول قالت لي بري اولاد الحله شواطين اقومو بزحو الميزه دي وانفضح انا قلت ليها لا لا ياخ الفيس دا زكي استحاله يقدرو يعرفوك قالت لي تمام المهم كتبنا في منشور اننا عايزين نصل لي محمد ونشرناهو وبقينا منتظرين في واحد من اولاد عمي اسمو عزام ردا لينا قال لينا تعالي خاص المهم م صدقت دخلت ليهو خاص من غير م اقول ليهو انا نسيبه ووراني محمد داخل بشنو دخلت ليهو وحظرت عزام وحذفت دردشتو ودخلت لمحمد واتصلت عليهو عديل لمن ردا لي ما صدقت دموعي جرن وبقيت اتمتم وهو شغال يرطن بالعربي والانجليزي وكان مصر يعرفني انا منو وطلب مني احذف المنشور فعلا حذفناهو وقلت ليهو انا نسيبه سلم علي بلهفه وكفر لي قلت ليهو محمد ابوي داير يعرس لي وانا لسع صغيره صدمني قال لي مالو المشكله وين ي نسيبه اتزوجي 😭كسر بي خاطري بس رديت ليهو كانو ما فارق معاي واختصرتو شديد وقال لي خلي بالك من نفسك والبقولو ليك خالي اعملي وسلام حتي الامل الاتعلقت بيهو انقطع مناسك شمتت علي بس م ركزت مع كلاما رجعت البيت وكان الصداع بادي لي وابوي مسكني داير يدقني وم قدرت اقاومو وفجاه اغمي علي صحيت بصوتي وانا بقول ليهم دايره محمد عرسو لي محمد لمن وعيت ابوي قشطني كف قال لي محمد دا منو قلت ليهو محمد شنو بقا اكورك وامي شغاله لي تتصدمي كده الا حامل انتي