رواية انتقام عشق الصعيد الفصل الثالث عشر 13 بقلم المجهولة
في سرايه العمده كانوا وفاء وجعفر في انتظار ريهام بنت اخت جعفر
وفاء بصت لجعفر: اتكلمت مع صقر
جعفر: ايوه يا وفاء ان شاء الله الزياره دي هتعدي على خير
وفاء: خايفه صقر يكون لسه حاططها في دماغه ويحاول يكرر الي عمله قبل كدا
جعفر: لا يا وفاء صقر مستحيل يعمل حاجه زي دي تاني
وفاء: وانت لي واثق كدا
جعفر: عشان صقر بيحب يا وفاء وابني طول محب مش هيبص لاي واحده تاني
وفاء بفرحه: بجد يا جعفر حب مين
جعفر بصلها وكان لسه هيتكلم بس قاطعه دخول ريهام
ريهام وهي رايحه ناحيه جعفر: خالو حبيبي..وحضنته
عامل وحشتني اوي يا خالو
جعفر: انتي اكتر يا بت اختي
ريهام بصت لوفاء وحضنتها اوي: طنط وفاء وحشتني يا روحي
وفاء بضحكه مصطنعه: انتي اكتر يا حبيبتي
ريهام: عاملين اي يا جماعه وفين صقر والكل لي محدش هنا معقول مفيش حد عايز يستقبلني
جعفر: لا طبعا هما بس مش فاضيين يعني خالتك فوق هي متعرفش انك جايه
ريهام: ازاي متعرفش
وفاء: اسألي نفسك يا ريهام احنا كلنا اصلا مكناش نعرف انك جايه جيتي كدا مره واحده
ريهام: معلش يا طنط انا بس نفسيتي كانت تعبانه الفتره الي فاتت فقلت اجي اغير جو معاكم
جعفر: تنورينا يا بت اختي
ريهام: تسلم يا خالو….انا هطلع اوضتي ارتاح شويه
وفاء بسرعه: اوضتك الدور التاني على الطرقه الي على الشمال تاني اوضه
ريهام باستغراب: بس اوضتي مش هناك
وفاء: لا مهي بقيت هناك خلاص عشان الاوضه التانيه هتقعد فيها عشق بتي
ريهام باندهاش: بنتك ازاي انتوا جبتوا بنت من ورانا ولا اي يا خالو
جعفر: لا يا ريهام عشق دي بنت مصطفى الله يرحمه وبنت وفاء كمان
ريهام: طيب بس لي هي تاخد اوضتي كنتوا ادتوها هي اوضه تاني
وفاء بانزعاج: خلاص يا ريهام الي حصل قلت مكنا نعرف انك جايه روحي يلا ارتاحي في اوضتك
بصتلها ريهام وسابتها ومشيت
جعفر: اهدي شويه يا وفاء مش كدا
وفاء: انت مش شايف الاستفزاز هي عايز تلزق في اوضه صقر
جعفر بعصبيه: جرا اي يا وفاء وهي عايزه كدا لي انتي نسيتي مين فيهم كان غلطان
وفاء بعصبيه اكتر: لا منستش…منستش ان بت اختك هي الي علطول لازقه فيه واستنى وهتشوف بنفسك
وسابته وطلعت
عند البنات في المستشفى
مرام بتنهيده: وده الي حصل
نور: طيب مين ريهام ي ولي كله اتوتر لما جت وبصوا لصقر
عشق: مش عارفه انا محبتش اتدخل
نور انتبهت لعمر الي وشه كشر من لما سمع اسمه ريهام واتوتر اكتر لما شافهم مستغربين من تصرف ونظراتهم لصقر
نور: عمر
عمر: نعم يا حبيبتي
نور: انت وصقر صحاب من زمان اكيد عارف مين ريهام ولي الكل بصوا لصقر لما جت سيرتها
عمر بتوتر: مفيش يا حبيبتي دي بنت عمته بس عادي
عشق فهمت انه مش عايز يتكلم وان في سر في الموضوع: خلاص يا نور
مرام: كدا كدا هنقعد في البيت وهنعرف في اي
عشق: طيب يا عمر تقدر تمشي انت احنا هنبات مع نور
عمر: انا همشي وهبعت صقر يقعد معاكم
عشق: لا ملهوش لزوم احنا هنقعد لوحدنا
عمر: طيب انا سلام
مشي عمر وراح البيت
عمر: صقر هنا يا فوفا
وفاء: ايوه يا حبيبي في اوضته فوق
عمر: صحيح ريهام جت
وفاء: للاسف ايوه
عمر: طيب انا طالع لصقر
عمر كان طالع ولقى احمد
احمد: انت اي الي جابك
عمر: جيت ارتاح شويه وبرده قلت اجي اقعد مع صقر عشان هو والزف*ته دي ميتجمعوش مع بعض خالص
احمد: انا اصلا صحيت من النوم عشان اروحله
كانوا طالعين وبيتكلموا بس احمد اتفاجأ بعمر بيشده وبيسكته
احمد: في اي يا عم
عمر بهمس: استنى ريهام رايحه لصقر
احمد: طيب تعالى بسرعه نروحلهم
فعلا راحلهم وريهام دخلت اوضه صقر واحمد وعمر وقفوا عند الباب لما سمعوهم بيتكلموا
صقر: انتي بتعملي اي هنا
ريهام: وحشتني يا صقر وقلت لازم اجي اشوفك
وقربت منه وهو لما شافها بتقرب بعد عنها بس هي قربت منه اكتر ولفت ايدها على رقبته
ريهام بدلع: اي يا صقر خالو حذرك تقرب مني ولا اي
صقر بتلعثم: لا مفيش ابعدي يا ريهام
ريهام: ابعد لي انت وحشتني وانا عايزه اقعد معاك
صقر خلاص هنا كان ضعف لما هي حضنته وكان لسه هيعمل الي هيندم عليه بعدين بس قاطعهم دخول عمر واحمد
بعدت ريهام بخوف بس رجعت وقفت بثبات لما شافت احمد وعمر
ريهام: اي الي حصل ده مش المفروض تخبطوا
عمر بحزم: دي يعتبر اوضتنا واحنا مش مضطرين نخبط
ريهام: مفي ازيك الاول
احمد باشمئزاز: اقول انا ازيك بس بعد معمل كدا
وقربت شدها من ايدها ووقفها قدام الباب
احمد: ازيك عامله اي كويسه للاسف تمام يلا باي
وقفل الباب في وشها
ريهام في نفسها: بقى انا تعملوا معايا كدا طيب استنوا عليا بس انا هتجوزه يعني هتجوزه
جوه الاوضه
احمد بعصبيه: انت اتجننت يا صقر اي الي كنت هتعمله ده
عمر: قلنالك مليون مره ريهام لا دي ممكن تدبس فيها وغير كدا انت لي بتعمل كدا اصلا انت بتدمر نفسك حرام عليك يا اخي
صقر مردش عليهم
احمد: يلا يا عمر نخرج ونرجعله كمان شويه
خرجوا احمد وعمر
احمد: اي طيب هنسيبه كدا
عمر: المفروض هو الي يساعد نفسه ويبطلوالقرف الي بيعمله على الاقل لما يعترف لنفسه بحبه لعشق ميقرفش من نفسه…..