رواية الأمل ما بعد النهايه الفصل الثاني2بقلم نورينا
جويريه لا .. جويريه مستحيل تسيبني مش بعد كله دا .. تروحي مني لا
قربت منها وانا دموعي سبقاني ..
حاسس بروحي بتروح معاها
شلتها بين أيدي وانا بجري برا البيت طلعت اجري ع المستشفي وانا بنده ع الدكاتره بأنهيار
_ دكتووور دكتووور بسرعه هتروح منيييي
اجت الدكاتره وخدوها ع الترولي قدام عيني واقف قدام اوضته العنايه رايح جاي واعصابي متدمره مش مصدق أن خلاص بعد أما جالي الامل أنها تكون معايا دا يحصل بس وربي مهخلي حد يقربلها تاني خلاص كفايه بُعد كفايه ...
بصيت ع الاوضه لقيت الدكتور خرج جريت عليه بلهفه
_ جويريه عامله اي طمني عليها الله يخليك ي دكتور هيا كويسه صح قول بالله عليك هيا كويسه
قالي الدكتور وهوا بيحاول يطمني
_ متقلقش هيا أغمي عليها بسبب الضرب الي اتعرضتله واحنا هنطلع التقرير ولازم نعمل بلاغ بالي حصل دا
_ اكيد بس انا عايز اخد رائيها قبل اي حاجه اشوفها الاول ينفع ادخلها
_ ماشي بس متتكلمش كتير عشان هيا متتعبش
مصدقت سمعت الكلمتين دول ودخلت جري عندها شوفتها نايمه ع السرير
قلبي وجعني عليها قربت ناحيتها وانا عيني بتدمع تلقائي وقعدت جنبها وأيدي بتلمس شعرها بحنان وبقرألها قرأن
اتفاجئت بيها بتفتح عينيها وبتبصلي بأبتسامه بادلتها الابتسامه بفرحه
_ جوري انتي كويسه ياروحي
_ لما شوفتك بقيت بخير
بصتلها بِ حنين وانا مش مصدق أنها بقت بخير
_ كنت همو.ت لو حصلك حاجه مكنتش متخيل حياتي منغيرك هتكون عامله ازاي
جويريه بحب
_ احسنلي امو.ت ولا اكون لغيرك
بصيتلها بإنزعاج
_ اولا انا مش هسيبك تكوني لغيري اصلا ثانيا بقا لو جبتي سيره المو.ت تاني بجد هزعل منك
بصتلي بحب وقالت
_ حاضر يحبيبي
_ بصي ي جوري انا عندي حل هيخلينا نكون سوا بس انتي الاول عايز موافقتك
_ اكيد انا اعمل اي حاجه عشان نكون سوا
بصتلها بتردد وقولت
_ احم تهر.بي معايا
شوفت الصدمه علا وشها وخوفت من ردت فعلها بس للاسف ملحقتش اسمع ردها ولقيت ابوها بيقتحم الاوضه والغضب باين عليه دب الرعب ف قلبي خوفت ليكون سمع وكدا الخطه هتبوظ
بصتله جويريه بضيق وقالت
_ خير ي بابا جاي تكمل عليا
محمد بغضب
_ انت ازاي تاخدها وتمشي كدا
بصيتله بإستهزاء
_ وانت كنت عايزني اعمل اي استناك لما تتفضل وتتكرم وتقولي خدها المستشفي وبعدين هيا معدتش راجعه معاك اصلا
محمد بغضب
_ وانت مالك انت هيا بنتي ولا بنتك وبعدين هيا فعلا مش هترجع معايا هيا هترجع لبيت جوزها
حمدت ربنا انو مسمعش الكلام وبصيتله بضيق وقولت
_ جوزها مين انت مش قولت بعد اسبوعين
محمد بجمود
_ لا انا خلاص غيرت رائيي ومش هعملها فرح مش مهم
////////////////////////////////////////////
كنت قاعده وساكته وسامعه كل الي بيحصل وكان قلبي بيتفتفت من كلام بابا قد اي مستغني عني قد اي هوا مش هامه حتا تعبي انا مش قادره افهم لي اتغير كدا لي انا ذنبي اي ف كل الي حصل قررت اعاتبه يمكن يتغير
بصيتله بحزن وقولت
_ بابا هوا انت بتحبني ؟
لاحظت الصدمه علا وشه من سؤالي يمكن مكنش متخيل أن فيوم المدلله بتاعته تسألو السؤال دا
لقيته هدي ونظرتو اتغيرت وقالي
_ ا اكيد امال يعني هكرهك
بصيتله وعيوني متحجر فيها الدموع
_ لي ي بابا لي اتغيرت معايا لي مبقتش بابا الي اعرفو انا عارفه انك كنت بتحب ماما بس بس من بعد مو.تها انت اتغيرت معايا انا فكرت أنك هتعوضني عن فقدانها بس انت بقيت اسوء معايا كل يوم ضرب وكل يوم اهانه دا انا زمان ي بابا لما كونت بعوز اي حاجه مكنتش بترضي تتعبني وتخليني انزل لاكن دلوقتي بقيت بتضرب عشان انزل اشتغل زمان كنت تقعد تقولي جوري هتفضل دلوعتي ومش هوافق ابدا ع اي حد هسيبها لما يجيلها حد يستاهلها لاكن دلوقتي اتغيرت برضو جوزتي لواحد انت عارف أنه بيشرب وأنه مش كويس وبيعرف بنات كتير ومش قد مسؤوليه انا الحزن كبرني ي بابا بقيت اسأل نفسي كل يوم انا لي حياتي اتغيرت كدا لي بابا بقا قاسي معايا كدا لدرجه ان فكرت أن العيب مني قعدت افكر انا زعلتك ف اي اسأله بتدور ف عقلي بقالها 10 سنين 10 سنين مستنيه إجابه منك
سكت وانا بحاول ارتب كلامي دموعي خانتني ونزلت وشوفتو ساكت والحزن بان عليه
_ لي مجتيش اتكلمتي معايا
_ خوفت
لاحظت الصدمه ع وشو كملت وقولت
_ متستغربش ايوا خوفت .. خوفت منك من أن تضربني بقيت خايفه اقرب منك من يوم وفا.ة ماما وانا مش حاسه بأمان ولا راحه ولا حتا حنان من يوم وفات.ها لما شوفتك قعدت تكسر ف البيت وكنت متعصب وقعدت تشرب كنت لسه طفله صغيره مش فاهمه حاجه وقتها دب الرعب ف قلبي عرفت وقتها أن حياتي هتتغير 180 درجه قفلت ع نفسي الاوضه واتكومت ف نفسي شبه الجنين وكتمت وداني بكفوف ايدي بمنع نفسي اسمع صوت صريخك كنت خايفه مكنتش فاهمه .. مكنتش مستوعبه من يومها وانا خايفه .. خايفه اعبر عن خوفي منك ومن الناس .. خايفه اقولك محتاجه حضن منك ساعات كتير بقعد اعيط وانا نفسي اقولك تعالا ي بابا احضني تعالا ي بابا انا محتاجلك حسيت أن يتيمة الأب مع انك عايش لما كنت بروح مدرستي كنت بشوف صحابي ابهاتهم معاهم بس انا كنت لوحدي اي مؤتمر كان بيحصل للأهالي كانو يسألوني فين اهلك ؟ وكنت بقول أن انا يتيمه عشان محدش يكلمك ووقتها هتضربني زي اول مره فاكر ي بابا لما المدرس كلمك عشان تحضر ووقتها ضربتني وقولت انك مش فاضي ليا وغيره ي بابا مواقف كتير انت عارف كان نفسي احس بحنانك بس كان نفسي بس ف حضنك بس انت حرمتني منه حتا الشخص الي حبيته الي جه واداني الحب والاهتمام الشخص الوحيد الي حبني بجد بعد مو.ت امي متمنتش من الدنيا غيرو اترجيتك وانت بكل قسوه رفضت وصربتني وطردتو برا البيت لي عملت كدا هيا لي حرمتني منو وبعدتني عنو كأنك مُصر تعذبني رد عليا يا بابا رد قول حاجه برد النار الي ف قلبي قول اي حاجه متسكتش كدا
خبيت وشي بكفوف ايدي وابتديت اعيط بصوت عالي شريط حياتي كله عدا قدام عيني
زكريات مؤلمه "
بتنهش روحي وبتكسرو مليون قطعه ..
قلبي تعب ونفسيتي تعبت اتكسرت بدري وبأن عليا الحزن وانا مش قدو »
بصيت عليه ولقيتو عيونو مدمعه بس ساكت
سكوتو بيقتلني اكتر ..
سابني وقام خرج برا الاوضه
وساب وراه قلب بينزف قلب متحطم من كتر الالم "
////////////////////////////////////////////
كان نفسي اخدها ف حضني واقولها انا معاكي كان نفسي بس سببتها تخرج الي ف قلبها يمكن قلبها يرتاح لو بإيدي لكنت خدت الوجع وحطيتو جوايا انا ع الأقل مكنتش اشوفها ب الحاله دي
بصيتلها بحزن وقلبي بيتقطع عليها لسه هتكلم لقيتها بتقولي
_ انا موافقه اهر.ب معاك عايزه امشي من هنا
_ مينفعش تاخدي قرار وانتي ف الحاله دي اهدي الاول وفكري وانا عندي استعداد اعمل اي حاجه عشانك
بصتلي بنظرات شايله فيها حب كبير
_ صدقني دا اكتر قرار صح انا خدتو حياتي واكتر قرار انا خدته وانا ف كامل قوايا العقليه انا معتش عايزه حاجه غيرك صدقني مش هكون مطمنه غير ف وجودك
قلبي كان بيرقص مع كل كلمه كانت بتخرج منها كنت حاسس ان انا طاير من فرحتي أنها واثقه فيا ومطمنه معايا
_وعد مني ليكي بجد انا هكون قد الثقه دي ومش هخزلك ابدا دا انا روحي فيكي تخفي بس كدا وتكوني بخير وانا هكون جهزت كل حاجه
لقيت ملامحها اتبدلت للحزن
_ بس انا متجوزه دلوقتي هتحلها ازاي
بصيلتها بحب وقولت بمشاغبه
_ عيب عليكي ودي تفوتني انا رفعت عليه قضيه طلاق وصاحبي رن عليا من شويه وقالي أن القضيه كسبناها يعني دلوقتي انتي مطلقه غيابي انا جهزت اوراقي بتاعت السفر واعرف شخص هناك ف امريكا حجزلي ف فندق هنقعد فيه عبال أما انتظم ف شغلي هناك واكبر وبعدين وعد مني اجبلك احسن شقه تقعدي فيها ناقص بس الاوراق بتاعتك ودي مهمتك تجيبيها ليا
بصتلي برضا الحمدلله
_ ماشي انا موافقه أن شاء الله هتصرف بأي طريقه واجبهوملك بس هخرج ازاي من وراه دا بيقفل ب المفتاح عليا ف اوضتي عشان مفكرش اهرب
_ شوفتي انتي ف الافلام بيعملو اي بيربطو ملايات السرير وبينزلوها من الشباك وبينزلو ومتخافيش انا هكون تحت الشباك بالظبط
_ انا مبسوطه اوي أن هكون معاك انا بقيت كويسه كلم الدكتور عشان أخرج
ضحكت على طفولتها الي مش بتفشل تغرقني ف حبها من جديد
_ لا ي مجنونتي الحلوه استني تخفي وبعدين نمشي
زفرت بضيق
_ لا ي مهند انا خايفه بابا ممكن يعمل اي حاجه تتوقعها والله انا خايفه منو واخويا لو عرف بالطلاق والله العظيم هيقتلني فيها عشان خاطري نمشي بدري انا مش مطمنه معاهم
مسكت ايديها بحنان وانا بقول
_ خلاص يا حبيبي هتصرف انتي تخليكي هنا ف المستشفى وانا هفضل برا وهبعت حد بيتك يجبلي الاوراق بتاعتك ونمشي من هنا ع المطار ع طول
_ايوا كدا احسن انا بقول كدا برضو ونا نطلب منو يجي هنا تاني اقعد معاه واسايرو ف الكلام عبال أما أنت تتصرف
_ خلاص ماشي بس انا هسيب واحد صاحبي هنا قدام الباب عشان لو حصل اي حاجه من ابوكي دا يكون موجود
_ ماشي وفي نسخه مفتاح محطوطه ف مزهريه ع الشباك جنب الباب كدا دور فيها هتلاقيه
_ خلاص ماشي انا هقوم دلوقتي وخلي بالك من نفسك واي حاجه تحسيها مش مظبوطه اندهي ع الراجل الي برا وهوا هيبلغني فوراً
_ حاضر يحبيبي وانت خلي بالك من نفسك
سيبتها ونزلت وركبت تاكسي واتوجهت ناحيه بيتها نزلت من التاكسي بعد أما حاسبت وطلعت البيت بخطواط بطيئه جدا وانا اخد حزري عشان محدش يشوفني طلعت ع السلم لقيت شخص نازل استخبيت ف ركن ورا السلم وانا انفاسي بتعلي وثواني وبصيت تاني طلع ابوها واتصدمت لما سمعته بيقول ف التلفون
_ انت بتقول اي ازاي دا يحصل
_ انت متأكد من دا ميمكن دي لعبه منو عشان يوهمنا انك دلوقتي مطلقها
_ طيب طيب انا رايحلها دلوقتي وهتصرف
_ ماشي سلام
دي الرعب ف قلبي وخوفت يعملها حاجه استينته يمشي وخرجت تلفوني بسرعه واتصلت بصحبي
_ الو بقولك اي تكلم الدكتور دلوقتي فوراً وتديله قرشين يقول لابوها أن ممنوع الزياره حالياً اتصرف دلوقتي فوراً وادخل دلوقتي بلغ جويريه أن ابوها عرف بموضوع الطلاق بس معرفش بموضوع الهرب وقولها أن هاجي ومش هتأخر
_ ماشي يلا دلوقتي حالا سلام
طلعت وانا مسرع خطواتي ألمره دي دورت ع مكان المزهريه ودورت ع المفتاح ولقيته وفتحت الباب ودخلت وقفلت الباب ورايا دخلت اول اوضه واتخضيت لما لقيت اخوها نايم قفلت الباب بسرعه واتوجهت لاوضه تانيه ولقيتها الحمدلله اوضتها فتحت دولابها ولسه بدور سمعت تكت الباب بيتفتح برقت بصدمه ووو.........