رواية الأمل ما بعد النهايه الفصل الثالث3بقلم نورينا

طلعت وانا مسرع خطواتي ألمره دي دورت ع مكان المزهريه ودورت ع المفتاح ولقيته وفتحت الباب ودخلت وقفلت الباب ورايا دخلت اول اوضه واتخضيت لما لقيت اخوها نايم قفلت الباب بسرعه واتوجهت لاوضه تانيه ولقيتها الحمدلله اوضتها فتحت دولابها ولسه بدور سمعت تكت الباب بيتفتح برقت بصدمه واستخبيت فوراً جوا الدولاب غمضت عيني بخوف وانفاسي بتتصارع سامع صوت خطوات رجله ف الأوضه ومع كل خطوه قلبي دقاته بتعلي وفجأه ضرفه الدولاب اتفتحت 

حمدي ( اخو جويريه )

_ امممم مفيش حد امال انا سمعت صوت دا كان صوت اي  واي الي مكركب الهدوم دي كدا 

ميووو ميووو 

حمدي بتهنيده

_ هوا انتي يا مشمش خضتيني دخلتي ازاي اكيد من الشباك منبه ع جويريه مليون مره تقفل الشباك عشان القطط ومفيش فايده أما تيجي بس لوريها 

كل دا وانا كاتم نفسي بصعوبه حمدت ربنا لما دخلت الدولاب الهدوم وقعت فوقي وقدرت اداري نفسي لو كان شافني كنت انتهيت بجد شوفتو خارج بصيت عليه من تحت الهدوم اتنفست براحه لما قفل الباب ومشي طلعت ببطئ شديد وانا بتسحب وبفتح ضرفه الدولاب التانيه لقيت صندوق بفتحه ابتسمت بفرحه لما لقيت الاوراق بتاعتها طلعتهم كلهم وحطيتهم ف الشنطه الي معايا فكرت في حل أخرج بيه من الاوضه لو اكيد فتحت الباب وخرجت هيشوفني اتجهت ناحيه الشباك وفتحتو وبصيت للمسافه ومكانتش عاليه اوي والحمدلله أن الشباك ف شارع جانبي ومفيهوش حد بدأت اربط الملايات ف بعض بأحكام وربط جزم منها ف السرير ورميت الباقي من الشباك ونزلت ببطئ وانا ماسك ف الملايه بأحكام لحد اما نزلت بدأت اجري وابعد عن البيت وف وسط جري خرجت تلفوني بلغت صحبي أنه يروح يحجزلي تزكره اول طياره ع امريكا وصلت المستشفي وانا بنهد وباخد نفسي بصعوبه وطلعت فوق ووصلت لغرفتها ودخلت لقيتها بتبكي ف اتصدمت قربت منها قولت 

_جويريه مالك في اي حد عملك حاجه 

جويريه بحزن ودموع 

_ كل حاجه انتهت خلاص كل حاجه انتهت 

بصيتلها بخوف وانا بدعي أن الي جوايا ميكونش صح 

_ ازاي ي جويريه حصل اي 

بصتلي بدموع ووجع شوفتو ف عيونها 

_مش هقدر اجي معاك مش هقدر اعصي بابا 

وقفت بصدمه وانا بقول 

_ اي 

قالت بحزن 

_ صدقني غصب عني 

قولت وانا لسه بستوعب الكلام 

_ هددك بحاجه عملك حاجه خلاكي تقولي كدا هوا عرف أن كنا هنهرب قولي اي الي حصل 

قالت بنفي ودموعها بتتسابق عشان تنزل 

_ لا ميعرفش بس بس مش هقدر اهرب واجيبلو العار انا هتجوزو تاني مقدرش اكسر لبابا كلمه هوا ادري بمصلحتي وانت انت ربنا يكرمك بغيري انت طيب وتستاهل كل خير 

رديت والدموع بتتجمع ف عيني 

_ يعني اي ي جويريه مش هتكوني ليا طب وقلبي الي حبك ذنبو اي 

بصتلي جويريه بحزن 

_ نصيبنا كدا انت لغيري وانا .. لغيرك 

عارفين لما تحسو وكأن حد جاب خنجر وطعنو ف قلبك 

اهو دا الي حسيت بيه اللحظه دي 

نبضات قلبي كنت سامعها 

حسيت أن رجلي معدتش شيلاني يعني اي .. خلاص كدا 

بعد كل الي عملته وهترجعلو تاني .. 

طب وانا .. وقلبي الي بقا مليون حته دا .. وقلبي الي بينزف من الالم 

حاسس وكأن روحي بتتسحب مني محستش بنفسي غير والدنيا بتسود ف وشي وجسمي بيرتخي وخبطه قويه ع الأرض والضلمه بتسحبني ومحستش بعدها بحاجه ...

////////////////////////////////////////////

صرخه قويه خرجت مني ساعتها لما شوفتو واقع ع الأرض قومت من مكاني وقعدت جنبو ع الأرض وانا بهز فيه 

_ انا اسفه اسفه والله حقك عليا انا عارفه أن ظلمتك عارفه أن كسرت قلبك انت عملت كتير عشاني غيرك كان هيسبني انا قولت كدا عشان احميك منهم انا بابا هددني بيك هددني بروحي لو رجعتلك هيقت.لك وانا مقدرش اضحي بيك كفايه الي عملتو عشاني انت لو حصلك حاجه انا همو.ت ي مهند  صدقني عملت كدا عشان تبعد بس انا مش هبقي لغيرك والله لو هيقت.لوني م هكون لغيرك هبعدك عني لحد اما اجيب حقي منهم واطمن أن محدش فيهم هيأذيك وساعتها هرجه يانور عيني هرجع وهكون ليك ليك انت وبس 

قومت وانا بمسح دموعي وانا بنده لدكتور 

_ دكتور دكتور بسرعه والنبي في واحد مغمي عليه 

اجو الدكاتره وشالوه ودوه اوضه تانيه وفضلت قاعده جنبو بلمس علا شعرو بحنيه وبعدت ايدي فوراً لما حسيت بيه بيقوم وقتها قومت وسيبته وروحت اوضتي وانا قلبي هيتغلع من مكانه كان نفسي اطمن عليه بس لازم اعمل كدا عشان ابعدو عن الخطر طلعت ع سريري وانا بغمض عيني بحزن شديد 

////////////////////////////////////////////

فتحت عيني بصداع جامد اوي بصيت حواليا ملقيتهاش غريبه كنت حاسس بيها كنت حاسس انها جنبي ومعايا بس هيا فين يترا معدتش أهمها لا يمكن اكون كنت بحلم اكيد بحلم جوري حبيبتي ميطلعش منها كدا هيا عارفه أن بحبها 

قومت بتعب من ع السرير فكيت السلوك الي متواصله ليا واتسندت ع الحيطه ومشيت دورت ع اوضتها ودخلت شوفتها مغمضه عينيها ابتسمت بحب ودخلت قعدت جنبها وانا بقول 

_ حبيبتي انتي صاحيه 

مردتش ..

_ حبيبه عيوني اكيد تعبانه كنت متأكد أن انا بحلم انا عارف انك بتحبيني زي م انا بحبك انا خلاص معتش باقي ع حد غيرك صدقيني يانور عيني هعوضك عن كل الي شوفتيه وحقك هجبهولك بس اطمن عليكي انك ف امان 

////////////////////////////////////////////

كنت سامعاه وقلبي بيتقطع عليه دمعه مني خانتني مكنتش قادره افتح مكنتش عايزه اوجعو واقولو أن الي حصل مش خيال دا فعلا حقيقه وحبيبتك قالت كدا فعلا  فتحت عيني ولقيت حنيتة العالم كلها ف عيونو نظرة حنان وحب قتلتني من جوا من قادره اكسر قلبو بس دا احسن ميحصلو حاجه وساعتها مش هسامح نفسي ابدا 

اتعدلت وقومت قعدت وانا بتصنع الجمود وببعد ايدو عن شعري 

بصلي بأستغراب وقال 

_ شيلتي ايدي لي وكمل بحنان ليكون دماغك وجعاكي اجبلك الدكتور 

ضعفت من حنيته عليا بس تصنعت الجمود من تاني وقولت 

_ معتش تقرب مني يا مهند انا كلها كام ساعه وهكون ع زمة راجل تاني اتمني تحترم دا 

بصلي بصدمه وقال بنفي 

_ اكيد انا بتوهم صح 

قولت ببرود مصتنع 

_ لا اكيد مش مستني مني اهرب معاك اساسا انت لو بتحبني مكنتش فكرت تقولي كدا 

قالي بحزن 

_ عايزاني اعمل اي طيب وانا شايفك كل يوم بتضربي من ابوكي واخوكي ومش قادر اعمل حاجه عايزاني اعمل اي وانا واحد بيحب وقلبي بيتقطع لما بتخيل بس انك مع غيري كرهت البلد بالي فيها كنت حابب نبدء حياتنا ف مكان جديد بعيد عن اي حد ممكن يدايقنا من حبي فيكي فكرت في كدا لو كنتي قولتي لا كنت فكرت ف حل تاني بس انتي وافقتي ووالله خدت عهد ع نفسي أحافظ عليكي انتي ممكن تتخيلي أن ممكن ااذيكي ؟ 

_ معتش ليه لزوم الكلام دا خلاص احنا خلاص مبقيناش لبعض 

بصلي بدموع 

_ لا يجوري متقوليش كدا مش هقدر بجد مش هقدر ابعد عنك واسيبك لغيري 

قولت وانا كل حاجه فيا بترفض الي بقولو 

_كل الي بينا انتهي خلاص يا مهند اتمني تتقبل دا زي م انا اتقبلته

بصلي بحزن 

_ اتقبلتي ؟ اتقبلتي تبعدي عني ي جويريه  انتي راضيه ؟ 

قولت وانا بحاول امنع دموعي تنزل 

_ اه راضيه واتمنى ترضي انت كمان وتبعد عني 

سكت شويه وبص ف الأرض ورجع بصلي بنظره مفهمتهاش بس وجعتني لما عرفت ان فعلا كل حاجه انتهت لما قال 

_ طلاما انتي الي طلبتي تبعد ي يبقي وأقسم بالله م هتشوفي وشي تاني طلاما انتي راضيه تبعدي عني وعايزاني ابعد طلاما انتي الي طلبتيها يبقي اعتبري أن حبك ما.ت ي جويريه صدقيني حتا لو اتقابلنا ف يوم صدفه هتلاقي مهند واحد تاني خالص غير الي انتي تعرفيه وافتكري انك بعتيني وانا ف اخر لحظه كنت مشتريكي وكان عندي استعداد أضحي بنفسي بس ابعدك عنهم بس انتي الي اختارتي من اللحظه دي كل الي بينا انتهي .. وللابد ..

جسمي كله اتهز للحظه خروجه برا الاوضه قومت من مكاني بخوف وفتحت الباب كنت عايزه أوقفوا اقولو لا متبعدش عني ملقتهوش قعدت ع الأرض بأنهيار وقعدت اعيط عياط  شديد عرفت ساعتها أن فعلا خسرتو قومت من مكاني بتعب وخرجت برا المستشفي واتوجهت ناحية بيتي بكره شديد وانا بتوعدلهم من اللحظه دي هيبداء الانتقام ...

////////////////////////////////////////////

خرجت من المستشفي وانا دموعي سبقاني  ماشي مش عارف انا رايح فين تايهه محستش بنفسي غير وانا ف المقابر عن امي وابي رحمهم الله قعدت قدام قبرهم وانا ساند براسي ع القبر بحزن وبعيط بأنهيار 

_ شوفتو الي كنت باجي هنا احكيلكم عنها عملت فيا اي كسرتني ي امي كسرتنييي كسرتني وبعدت عني وهتتجوزو تاني وهيا عارفه أن بموت فيها وبحبها كسرتني ي بابا وهيا عارفه أن مليش غيرها قالتلي ابعد عني ابعد عنها ازاي وانا روحي متعلقه بيها كملت عياط وقلبي يكاد يخرج من مكانه ودموعي بتنهار علا وشي زي الشلالات طيب انا غلطت في اي دا انا حبيتها والله م حبيت حد قدها ومكنتش شايف غيرها ي بابا انا بموت من غيرها مش قادر استوعب ولا اتقبل الكلام الي هيا قالته ازاي دا يطلع منها ازاي حتا هيا سابتني زيكم انا بقيت لوحدي ي امي بقيت لوحدي ف الدنيا دي لقيت ايد بتتحط فوق كتافي لقيتو شاب قدي ف السن قرب مني وحضني 

_ متستاهلكش يصحبي والله متستاها تعمل ف نفسك كدا عشانها 

وهنا حصوني كلها انهارت ومحستش بنفسي وانا بعيط اكتر 

_ لا تستاهل انا حبيتها وهيا هيا كنت فاكر أنها كمان بتحبني أو يمكن بتحبني بس هيا سابتني انا بموت يصحبي والله م قادر قلبي واجعني من كلامها قد اي استغنت عني ف للحظه سابتني وانا كنت خلاص مفضلش غير خطوه واحده ونكون سوا انا تعبان يصحبي تعبان ومش عارف ابقي كويس 

_ قوم معايا يلا هاخدك معايا برا مصر هناك هتبقي احسن يلا قوم مش هسيبك من اللحظه دي انت اخويا 

قومت معاه وانا بجر رجلي بالعافيه ودموعي مش بتقف التزكرتين الي كنت حاجزهم عشان اسافر معاها بيهم سافرت بيهم مع الشاب دا 

طلعت ع سلم الطياره وانا باصص ورايا بصه اخيرا وماسك شنطتي معايا دمعه مني خانتني ونغزه ف قلبي اني سايب حته من روحي وماشي 

ادم ( صحبي ال كان معايا ف المقابر ) 

_ مش قولنا دموع لا ونبدأ من جديد 

اتهندت تهنيده اخيره بتحمل فيها كل انواع الوجع وانا ببص بصه اخيرا ولفيت وشي وطلعت والطياره بتعلن عن طلوعها ومع خروج الطياره من مصر حياه جديده بتبدي ... 

احلا محطمه ...

قلوب منكسره ....

وحياه جديده بعلن فيها عن بدايه جديده ولاكن بدون قلب ....