رواية لقاء السحاب الفصل الثالث3بقلم حياة محمد الجدوي
صحى عادل من نومه الساعه العاشره فقام متكاسل وخرج الصاله كانت أمه بتجهز نفسها للخروج فى حين كانت الخدامه بتجهز الفطار وفجأه سمعوا جرس الباب فتحت الخدامه واتفاجات لما وجدتوا واحد من أمن الكومبوند
عادل: أيوه عايز ايه ؟
الحارس بحرج : لو مؤاخذه ياعادل بيه بس يعنى الموضوع
عادل بعصبية:أنا مصدع وماعتديش مزاج فلخص وجيب من الأخر
الحارس: أصل مالك الشقه الجديد باعتنا نبلغك إنه عايزها فبيقول لك لازم تفضيها على اخر الاسبوع
عادل بغضب: مالك إيه! وصاحب إيه ! إنتوا بتخرفوا بتقولوا إيه !
سوسن من وراه: بتزعق ليه يا عادل
عادل: شوفى التخاريف دى يا ماما المتخلف ده بيخرف بيقول ايه
الحارس: أنا مابخرفش أنا بقول الحقيقه
سوسن بعصبية: إنت إزاى تتجرأ و تزعل عادل بيه
بدأ الحارس يفقد أعصابه فقال بصوت عالى: أنا لا بتجرا ولا بتنيل بس صاحب البيت الجديد بيقول لكم فضوا الشقه عشان هيستلمها اخر الأسبوع
سوسن بخضه: نفضى إيه ده بتنا
الحارس: لأ الشقه بإسم عبد العزيز بيه والظاهر إنه باعها فلو عايزين تتخانقوا فرحوا له انا ماليش دعوه ( وسابهم وخرج)
قعدت سوسن بعده على الكرسى وقالت: يا خبر اسود دى تبقى مصيبه الظاهر ابوك نفذ تهديده
عادل: لو على الشقه فطظ أنا عندى شقه تانيه نروح نسكن فيها
سوسن بخوف: نروح فين نروح فين هى الشقه التانيه بإسمك
عادل: بتاعتى بابا إداها لى
سوسن: شفت عقدها
عادل: لأ بس قال لي خدها
سوسن بسخرية: قالك !بتقول قالك ! يبقى أحدها يا غبى إحنا خلاص إترمينا في الشارع ابوك رمانا في الشارع
عادل: مش بمزاجه والله العظيم احجر عليه واقول إنه...
سوسن: بطل هبل هتقول إيه إنه بيضيع فلوسه وهو من أكبر المقاولين في البلد وحتى لو قلت قضايا الحجر ماتنفعش إلا لو اخواتك رفعوها معاك
عادل بقلق: يعنى إيه
سوسن: يعنى احنا بقينا تحت ضرس ابوك وهو هيهرسنا.وفكرت شويه وبعدها قالت ياسنه س...دا( استغفر الله العظيم) الڤيزا
عادل: مالها دى كمان
سوسن: إنت لسه هتسأل إجرى بسرعه على اقرب ماكينه شوف إن كان فيها فلوس تسحبها قبل ماابوك يوقف الرصيد هو إنت لسه واقف أجرى بسرعه
وفعلا خرج عادل وركب عربيته بسرعه
&&&&&&&&&&&&&&&&&&&
دخل عادل الشركة وهو بيغلى وخاصه إنه وجد كل بطاقات البنك متوقفه جرى والشرار ليخرج من عينيه لمكتب والده فقابلته السكرتيره وهى بتحاول توقفه
عادل بغضب: إنتى اتجننتى إزاى تمنعينى ادخل المكتب إنتى مش عارفه أنا مين وإبن مين
السكرتيره: أنا عارفاك كويس بس دى الأوامر
عادل: أوامر على نفسك أنا هدخل غصب عنك
السكرتيره: حضرتك كده بتئذينى في شغلى وعلى العموم عبد العزيز ليه مش جوه
عادل بغضب أعمى: بتقولى إيه
السكرتيره: والله العظيم عبد العزيز ليه مش جوه هو مجاش
دخل عليهم الاستاذ عبد العظيم رئيس قسم الحسابات في الشركه وقال: إنت إيه اللي اخرك لحد دلوقتي
هل فيه عادل بجنون وقال: إنت اتجننت إزاى تتكلم معايا أنا بالاسلوب ده
عبد العظيم: دى أوامر عبد العزيز بيه إنك من
النهارده تتعامل معامله أى موظف في الشركه وإنك هتتحاسب على الحضور والغياب زى اى موظف في الشركه
صرخ عادل بجنون : كده كتير كتير اوى فين بابا اتصلوا لى ببابا حالا أنا مش ماشى من هنا غير لما يجيى وينهى المهزله دى
عبد العظيم: عبد العزيز بيه تليفونه مغلق من الصبح وعلى العموم إنت معاك الموبايل بتاعك إتصل بيه ولو رد عليك وغير قراره إبقى بلغنا
وسابه الكل وخرج من المكتب في حين جلس عادل على الكرسي وهو تايه بعد ما إنهارت الدنيا من حوليه
&&&&&&&&&&&&&&&&&&
فى بيت كريم كان عبد العزيز قاعد فى حين كريم كان فطسان من الضحك
كريم: بقى عايز تعرف إبنك إن الشركه بتفلس وإنك خسرت كل املاكك هاهاهاهاها
عبد العزيز: إيه رأيك مش فكره حلوه
كريم وهو بيضحك: فكره إيه إللى اتهرشت في مليون فيلم عربي قديم دى من ايام يوسف بيك وهبى لما كان لينام وهو لابس الطربوش هاهاهاهاها
عبد العزيز: بطل ضحك يا كريم وقولى رايك
كريم: فعلا فكره عبقريه تعرف انا عندى اقتراح حلو أوى يناسب فكرتك دى
عبد العزيز بلهفه: قول
كريم: قوله إنك اضطريت تبيع الڤيلا وتيجى إنت وهو تعيشوا هنا
عبد العزيز: تصدق فكره حلوه
كريم وهو بيجاريه: وعشان تأكد له إن وضعكم بقى وحش تأجروا أوضه فوق السطوح وإنت تشتغل سباك وهو يبقى صبى سباك
عبد العزيز: بس أنا مش بفهم في السباكه
فإنفجر كريم في الضحك مره تانيه
كريم: هاهاهاهاها هاهاهاهاها هاهاهاهاها هاهاهاهاها هاهاهاهاها هاهاهاهاها
عبد العزيز: إنت بتضحك ليه بس
كريم: يعنى أنا بهزر وبقول كلام فارغ وإنت مصدقنى وموافقنى في الكلام
دخلت عليهم ناهد بالقهوه
عبد العزيز: شوفتى يا ناهد كريم بدل ما يساعدنى قاعد يضحك
ناهد : ماهو بصراحه كلامك ده مايخشش مخ من أصله ده إنت لو قلتها لعيل في الشارع مش هيصدقه! وعيل ليه !إنت بس احكى الكلام ده للبت ليليان المفعوصه وهى بتضحك عليك وتقولك ده كلام فاضي
خرجت ليليان من أوضاعها وقالت : أنا سمعت اسمى بيتقال وعلى فكره يا زيزوا كلام كوكى صح إيه الحوار الفكسان ده
كريم: كوكى في عينك يا هبله خشى أوضتك كملى مذاكره
ليليان بغضب: ده إيه الكبت وقلة الحريه دى
ودخلت اوضتها
عبد العزيز : وإنت إيه رأيك يا كريم اعمل ايه ؟
كريم: ربي إبنك يا عبد العزيز
عبد العزيز: أنا ربيت ولادى احسن تربيه
كريم: إنت ماربيتش حد إنت انشغلت بمزاجك تتجوز دى وتطلق دى ونسيت تربى أولادك كنت بتملى جيوبهم بالفلوس بس التربية الحقيقية لأ
عبد العزيز: إللى يسمع كلامك ده يقول انا رميت اولادى مانت شايف وكل حاجه كانت على يدك والدليل حور وعاصم زى الفل هو مافيش غير الواد عادل ده تقولش زرعه شيطاني ده أنا وانا كنت أده كنت بنحت في الصخر .
كريم: وإنت عايزه ينحت في الصخر معاك
عبد العزيز: وماينحتش ليه هو صغير
خرجت ليليان وقالت: حلو أوى جو مسلسل لن اعيش في جلباب ابي فين جلابيتك يا عبد الغفور
كريم: خشى ذاكرى يابنت الكلب
ليليان بتذمر كله ذاكرى ذاكرى إلاهى ربنا ياخد الثانويه العامه وقرفها(ودخلت اوضتها)
كريم: يا عبد العزيز يا اخويا ابنك معذور
عبد العزيز: ياسلام يقول احجر عليك وتقولى معذور
كريم: والله معذور إبنك مايعرفكش ومش هو بس ده أولادك التلاته إنت بالنسبة لهم مجرد بنك بتكب عليهم الفلوس بس فين الحنيه فين المسؤلية فين دورك الحقيقي كأب
عبد العزيز بسخرية: مش ناقص إلا تقولى فين الرضعه
كريم: يا عبدالعزيز إبنك ماشفش حنيتك ده إنت عمرك ما دلعته دى ليليان المفعوصه شافتها منك دلع عمر ماحد من ولادك شافه
خرجت ليليان من الأوضه وقالت: شبيك لبيك مين اللي بينادى
كريم: يابت إنتى بتيجى على السيره
ليليان: دى غلطتكوا بتنادوا عليا ليه وعلى العموم سيبك يا زيزو من كلام كوكى فكرة نكافح سوا دى فكره جاحده روح كافح
قلعت ناهد شبشبها وحدفت به ليليان وقالت: محدش طلب رأيك خشى واقفلى عليكى الباب
كريم: سيبك من الهبله دى وصدقنى قرب من إبنك اتصاحب معاه حسسه بقيمته وإنك محتاج له خليه يبقى جنبك في الشغل وفى البيت خد بالك منه مش تقول اضحك عليه والكلام الفاضي ده
كريم: يعنى في رأيك ارجع له الشقه وحساب البنك
كريم: لأ مش دلوقتي خليه لما يتربى ويحس بقيمة القرش بس برضو خليك جنبه خليه يحس بحبك وبحنيتك عليه
خرجت ليليان تغنى وتقول: كلام جميل كلام معقول مش عارفه اقول..وقبل ما تكمل كانت فردة الشبشب التانيه في وشها
عبد العزيز: أنا هقوم امشى
ناهد: لا والله مانت ماشى إلا لما تتغدى معانا وتشرب القهوه
عبد العزيز: مالوش لزوم
ناهد: أنا حلفت وبعدين الأكل جاهز أنا بس هفرغوا
&&&&&&&&&&&&&&&-&
في نفس البيت في الدور الثاني دخل محمد البيت ونادى : يازينب
خرجت زينب من المطبخ بسرعه وقالت: هدى صوتك أنا ماصدقت إن حسام نام
قعد محمد على الكرسي وقال: طيب حضرة الأكل جعان
زينب : حاضر خمس دقائق ويبقى جاهز
محمد: غريبه البيت هادى فين باقي الأولاد
زينب: عند اخوك فوق
محمد: ليه بس يا زينب
زينب: مانت عارف هدير بتحبهم أوى
محمد: ماشى بس مانرميش عيلنا عليها إنتى عارفه إنهم اشقيا ومش بيريحوا
زينب: هما اللي طلعوا عندها وهى قالت خليهم.
محمد: وهما عندها من إمتى
زينب: من ساعة مارجعوا
محمد: يا خبر ابيض سايبه العيال ده كله عندها إطلعى هاتى العيال وأوعى تسيبيهم تانى فوق عيب يا زينب مش عشان هى بتحبهم تسيبيهم ده كله روحي جيبي أولادك يا زينب
زينب: حاضر أنا كده كده كنت طالعه عشان أديها ده
محمد: إيه ده كمان
زينب: طبق بصاره ماما بعتته لها
ضحك محمد وقال: أنا مش عارف مالها دى من ساعه ما اكلت البصاره عند امك وهى هتتهبل عليها
ضحكت زينب وقالت: وماما ماصدقت كل اسبوع تعملها وتبعت لها طبق
&&&&&&&&&&&&&&&&&&&&&
في الدور الرابع كانت هدير ماسكه الاستشوار : بطلى حركه يارودينا خائنة استشوار شعرك
رودينا: اعملى لى قصه في شعرى
هدير: بطلى حركه على ما المناكير ينشف وبعدين لأ ماما هتزعل لو قصيت شعرك
رودينا: طب قصه زغنتوته
ضحكت هدير: لأ عشان بتتنعكش اقعدى بقى على ما اشوف اخوكى واجيب لكم عصير اوكى .
خرجت في الصاله كان يوسف نايم على بطنه ومعاه الوان بيلون في كتاب رسم
حمزه: بتلون الورد بالأخضر إنت جبت الزكاوه دى منين
يوسف: الورق بالأخضر الورد هلونه بالأحمر يا عمو
حمزه: والنبى طب والله ما اخدت بالى
ضحكت هدير : مادام مش عارف ماتتكلمش
حمزه: جيل صعب بجد ده احنا ماكناش عيال
خبط الباب ففتحت هدير : أهلا اهلا يا زينب تعالى
دخلت زينب وقالت: معلش بقى يا هدير اكيد العيال جننوكى
هدير: لا والله دول عسل وأنا عمرى مااتضايق منهم اتفضلى
زينب: لا عشان محمد لسه ماتغداش بس قالى اجيب العيال
هدير: إحنا اتغدينا خلاص خليهم كمان شويه
زينب: لا كفايه وبعدين يعنى اتعبك يوم اجازتك . المهم إنتوا اتغديتوا يعنى اخد ده معايا
حمزه: لا إزاى إنتى جايبه إيه الأول
زينب: ده من ماما بعتته لهدير
صرخت هدير بفرحه: جايبه بصاره صح
زينب: صح
حمزه: منك لله يا زينب إنتى والبصاره
ضحكت زينب وقالت: وأنا مالى مراتك هى اللى عجبتها وبتطلبها من ماما كل شويه
هدير: سيبك منه بعتت حاجه مع البصاره
زينب: طبعا طبق بدنجان مخلل
هدير: لا أنا مش قادره أنا هجيب رغيفين عيش وأكل
ضحكت زينب وقالت: بالهنا والشفا
بقولك يا هدير عايزاك في طلب كده
قامت هدير وقالت: عنيا ليكى
إحداها زينب على جنب وقالت : خطوبه زميلتى في الشغل بكره و كنت عايزه فستانك الاسود
هدير: ماشى خديه
زينب: الطرحه الحلوه دى بتاعته
هدير: ماشى اتفضليها
زينب: ولو ماتقلش ينفع اخد طقم الدهب بتاعك احضر فيه الفرح وهرجعه على طول
&&&&&&&&&&&&&&&&&&&&
في الدور الارضي قدمت ناهد الشاى بعد الغداء في حين خرج عبد العزيز التليفون فتفاجأ ب٢٠٠ مكالمه فايته من عادل إبنه
كريم: إفتح التليفون ورد على إبنك
عبد العزيز: لا خليه يتربى شويه وفجأة رن جرس الباب فتحت ليليان وتفاجأت ب....