رواية الأمل ما بعد النهايه الفصل الرابع4بقلم نورينا

عشان خاطري يبنتي وافقي متوقفيش حياتك بقالك 4 سنين ع الحال دا 

بصيت ل بابا ب ملل 

_ وانا قولت لا ي بابا مستحيل خلاص انا معتش بفكر ف الجواز 

شوفت ف عينه الحزن ولقيته بيقول 

_ حقك عليا يبنتي انا اسف انا السبب ف بعدكم عن بعض صدقيني كنت معمي بس ربنا خدلك حقك مني ومنهم 

سرحت بتفكيري وانا بفتكر الي حصل من 4 سنين 

«««« فلااااش بااااك »»»»

 طلعت بيتي وانا شايله ف قلبي حِمل السنين مع كل خطوه بخطيها وانا كرهي بيزيد ل بابا ولاخويا ولحازم وقفت قدام الباب وانا مقرره ابوح بالي جوايا حتا لو نتيجه دا هوا مو.تي ..

فتحت الباب ودخلت شوفت حازم الي المفروض هيكون جوزي من جديد قاعد مع بابا واخويا وهما بيتناقشو هيبيعوني بكام 

لو هكيلكم عن احساس وقتها ... 

ف ابسط حاجه ممكن اقولها أن يكاد قلبي ينخلع من مكانه ...

ضربات قلبي بتتصارع والم رهييب لا يُحتمل ... 

خذلان .. ظُلم .. قهر .. حزن .. كلها مشاعر احمُلها في قلبي ... 

_ يخساره ي بابا يخساره ي اخويا 

بصولي بتعجب واخويا قال 

_ يخساره اي يبت انتي وبعدين تعالي هنا بنتفق عشان جوازك من حازم 

بصتله بسخريه ممزوجه بألم 

_ كان المفروض تكون واقف جنبي ي شادي مش ضدي كان المفروض تقف معايا وتقولهم انا طول م انا عايش مستحيل أجبرها ع حاجه جمله بسيطه كان نفسي اسمعها منك بس اتبدل مكانها احساس مؤلم بحاول اتعايش بيه خزلان فيك أن السند مطلعش سند والضهر الي بيحمي كشفني وسابني لوحدي ووقف ضدي 

ملامحه اتوترت بيبص بعيد ف كل حته الا عليا .. حقه اصل هيقول اي 

_ انا بعمل كدا عشان ااا عشان متبقيش لوحدك وأ ا الشاب الي بتحبيه دا مش هيسعدك وو

قاطعته بحزن 

_ عشاني ؟ انت مصدق الي بتقوله من امتا وانت بتفكر فيا ي شادي من أمتا وانت هامك مصلحتي انت مش بيهمك غير نفسك وبس مش شايف غير مصلحتك انت و بابا وبس انت رميت طوبتي لما ماما اتوف.ت بعتني لأقرب حد جه يشتري عشان اي عشان هتقبض مبلغ حلو و بابا .. بابا أما صدق يرميني لأي حد 

ملامحه لانت وبصلي بهدوء وقالي 

_ حازم هيسعدك ي جويريه هيعيشك مبسوطه وهيقدر يصرف عليكي 

مع كل كلمه بتخرج منو بيذيد جوايا مشاعر الكره 

_ هعيش معاه مبسوطه ! انت متأكد من كلامك دا الشخص الي بيتاجر ف تجارة الاعض.اء  والي فلوسه كلها حرا.م دا هعيش بيهم مبسوطه الشخص الي كل يوم مع بنت شكل دا هيسعدني انت مفكر أن شويه الفلوس الي جايبهم والي دفع تمنهم أرواح ابرياء  فكرك فلوسه دي هتسعدني هعيش مبسوطه ازاي وانا بصرف وبتهني وفي ناس بتتق.تل ملهمش ذنب انت ازاي قابل تجوزني واحد زيو كل دا عشان قرشين هتاخدهم الي برضو من الحرام 

بابا وقف بتوتر وهوا بيقول 

_ اي الهبل الي بتقوليه دا أعض.اء اي بس اكيد المتخلف الي كنتي بتحبيه دا الي ضحك عليكي 

حازم بتوتر وخوف 

_ ا ا اكيد انا مستحيل اكون مشترك ف جرا.يم زي دي 

وقفت بسخريه وانا بضحك بشده 

_ اولا متجبش سيرة مهند علا لسانك تاني ثانياً مش مهند هوا الي قالي انا عرفت من نفسي عندي حد سألته وعرفني بكل حاجه 

قعدت وحطيت رجل علا رجل وكملت وانا بقول بمكر 

_ كنت ناويه اسكت وأهرب معاه بس لا انتو دمرتو حياتي وبعدتوني عن اكتر شخص انا قلبي حبو بس وربي وما أعبد لهندمكم ع اليوم الي فكرتو فيه تدايقو مهند بكلمه او تمنعوني عنو 

قال حازم بسخريه 

_ ههه وحتا لو حصل ومتجوزتكيش هوا مش هيفكر يرجعلك تاني عشان اتخليتي عنو 

قولت بمراره وحزن بس داريته 

_ ملكش دعوه بيه قولتلك رجعتلو. مرجعتش انا حره دلوقتي بقا زي الشاطر تاخد حاجتك وفلوسك دي وتمشي من هنا 

بابا وقف بعصبيه وقال وهوا بيخبط بأيده بقوه ع الترابيزه 

_ هوا انتي ملكيش كبيييير ولا اي بقولك اي انتي تسمعي الكلام ورجلك فوق رقبتك 

وقفت بتحدي وانا بخبط ايدي انا كمان ع الترابيزه 

_ واناااا ... مش ... هتجوووز ... حازممم 

بابا قرب وكان لسه هيرفع أيده ويضربني اتفاجئت بشادي واقف قصادي ومسك ايد بابا بكل تحدي وقال 

_ اخوها لسه عايش وطول م هوا عايش محدش هيجبرها ع اي حاجه جوري مش هتتجوز غير الي تختارو 

صدمه مش كدا ! 

انا كمان اتصدمت .. معقول دا شادي 

هوا رجع ايوا ! ايوا اخويا رجع 

شادي القديم رجع اخيرا .. مبقتش لوحدي مبقاش ضهري مكشوف 

بصيتله بعيون بتلمع وابتسامه اترسمت علا شفايفي بصلي بكل حب نظرة حب كنت مستنيه اشوفها بقالي سنين غابت عني ورجعت تاني 

_ انا اسف كنت هعيش عمري كله ندمان لو كنت طاوعت ابويا ف الجوازه دي حقك عليا كنت معمي بس وعد مني محدش هيقربلك تاني طول م انا جنبك 

بصتله بحب وانا بقول 

_ المهم انك رجعت .. المهم أن شادي اخويا الي اعرفو رجع 

بابا بصلنا بغيظ وقال 

_الله الله بجد واي كمان ي استاذ شادي طب اي رائيك أن جويريه هتتجوزو وغصب عنك وعنها 

بصيت لبابا بثقه وقولت 

_ علا جثتي ي بابا عل جثتي أن دا يحصل 

قام حازم بغضب وبيرفع أيده عشان يضربني اشتبك معاه شادي وقالو 

_ ايدك دي هقطعهالك لو فكرت تمدها عليها تاني انت فاهممم 

ضحك حازم بسخريه وقال 

_ عاملي فيها سبع الرجال ههههههه امال مين الي كان بيصبحها بعلقه ويمسيها بعلقه هاا ولا انت ناسي كنت بتساعدني ع الضرب فيها كنت تشوفني بضرب فيها تعدي وتقولها تستاهلي عشان تبقي تسمعي الكلام أما كانت تغلط كنت تقولي اضربها هيا مش هتيجي غير بكدا 

لاحظت ع اخويا أن ملامحو اتبدلت للحزن وقال بنبهره كلها وجع 

_ كنت غبي ومكنتش بفهم مقدرتش النعمه الي ربنا رزقني بيها احن واحسن اخت ف الدنيا عارف أن انا غلطان ومهما اتكلم واعتزر مش هييجي حاجه جنب الي عملته فيها بس انا علا الأقل هصلح الي انا عملتو من بعد النهارده اختي محدش هيقرب منها 

مسكت أيده بحب وقولت 

_ وانا واثقه فيك وعارفه انك مش هتسبني انا مسمحاك ي حبيبي 

قربت ناحيه بابا بكره وقولت 

_ الجوازه دي تتلغي بأما قسماً بالله لهودي الادله الي معايا دي للحكومه وساعتها هيتقبض عليك انت وحازم 

بصلي بأستغراب 

_ ادله ! ادله اي الي معاكي 

بصله بثقه 

_ دليل انكم بتتاجرو ف الاعض.اء معايا صور وتسجيلات وكل حاجه بتدل علا طورتكم ف الجرا.ئم دي 

بصلي حازم بخوف وهوا بيقول 

_ انتي كدابه مستحيل 

_ لا مش كدابه انا فعلا معايا كذا نسخه كمان مش نسخه واحده ومخبياهم ف اماكن متخطرش علا بال حد فيكم 

بابا قال بتوتر 

_ احم خلاص اهدي بس ومش هنعمل حاجه انتي مش عايزاها 

قولت بثقه 

_ محدش فيكم يقدر يعمل حاجه انا مش عايزاها اساسا كدا كدا بمكالمة واحده مني الصور كلها هتوصل للحكومه 

شادي قالي وهوا بيطمني 

_ محدش هيقدر يجي جنبك طول م انا عايش يحبيبه اخوكي ادخلي اوضتك وارتاحي عشان انتي لسه خارجه من المستشفي وانا هتصرف معاهم 

بصتله بحب ودورت وشي 

ولسه بحرك رجلي حسيت بخبطه قوويه علا دماغي الدنيا اسودت ف وشي وبعدها محستش بأي حاجة 

بعد وقت صحيت لقيت نفسي ع كرسي ومتربطه والدنيا ضلمه بصيت حواليا برعب وانا بترعش من الخوف ومش عارفه اتكلم من الرباط الي علا بوقي عيوني دمعت من الخوف جسمي اتنفض بخوف لما لقيت باب بيتفتح وبيخرج منو شخص كنت اتمني يكون آخر واحد يكون هنا .......