الفصل الثالث 3
بقلم رزان محمد
#زواج_القاصر_والأعمى (3)
بقلمي Razan Mohammad
طلعت من الكوفير جاء ولد شاب وساعدني وركبت المواصلات ونزلت قبل محطتي نسبة لانو الأفكار عاملة ضجيج كبير في راسي ومية سؤال ما لاقي ليهم جواب .. سمعت الاذان مشيت دخلت المسجد صليت قعدت شوية ودعيت ربنا كتير وطلعت قعدت برا شلت التلفون حقي قلت اتصل لي وتين ..طبعا هو حق المكفوفين بشتغل بالاوامر الصوتية .. اتصل لي بي وصية الرسول ..
عند وتين : سمعت التلفون وكنت في المطبخ جيت جارية قلت دا اكيد عمرو حبيبي .. لكن لقيت دا محمد .. داير بي شنو الأعمى دا كمان انا ما كلمته اهله وقلت ليه ما دايراه هو فعلا كان خطيبي وكنا حنتزوج بس دا قبل ما يعمل الحادث ويبقى أعمى بس هسي مستحيل اعرسو خلي اضرب لي بكرة ما دايرة ارد ...
عند محمد : اتصلت بيها مرتين بس ما ردت واتصلت تاني حتى ردت .. دخلت ليها في الموضوع طوالي وقلت ليها صحي انتي قلتي ما دايرة تتزوجيني ؟ ردت لي بانفعال وقالت لي دايرني اعرس لي واحد أعمى مستحيل اكيد ما حاتزوجك .. كلمتها نزلت على قلبي زي السهم .. قلت ليها نسيتي البينا والعشرة البينا كلها وانا قاعد اتعالج وإن شاءالله بصري حارجع لي .. ضحكت وقالت لي انا البضمني شنو الدكتور قال احتمال انك ترجع تشوف بنسبة عشرة في المية وانا اقوم اتورط وقعد لي مع واحد أعمى ما بشوف .. وانا زاتي لقيت الأحسن منك عمرو حبيبي جاي اخطبني في الاسبوع الجاي دا ..قلت ليها وتين قبل أي شي انا للان محترمك ومحترم العشرة الكانت بيناتنا وربنا يسعدك يا بت امي وين ما كنتي وقفلت الخط وانا بحاول استوعب في الشي القالتو دا دي الاتفقنا انا وهي نكون سوا على المرة قبل الحلوة دي نفس البت الحبيتها معقول !!
في الكوفير عند ناس رحيق :
جاء محمد طالع وابوي شغال اتكلم معاه يا محمد يا محمد بس هو ما اشتغل بيه وطلع .. بعدها جاء عمو علي قال لينا محمد بس زعلان شوية لانو ما كلمناهو وكدا لكن يومين وبهدا يلا ارح يا مرت ولدي حتمشي بيتكم الجديد الليلة لكن قبل ما نمشي ارح بيتكم تودعي اهلك .. ركبنا العربية ومشينا بيتنا وصلنا ولقيت امي وفطومة اختي قاعدة قعدنا حبة وبعدها ودعت امي وبكينا بكاء وامي تشيل وتوصي فيني واختي برضو ودعتها بعدها مشينا وصلنا بيت راجلي هو ما كان بيت عادي كان زي البيوت البشوفها في التلفزيون بيت كبير زي القصر .. دخلنا جوا البيت كان في حديقة فيها شجر وزهور حلوة شديد وفيها طوطحانية مربوطة في الشجرة شكلهم عندهم اطفال قلت لي عمو عمر عمو ممكن العب في الطوطحانية دي .. ضحك وقال لي طيب 😂 لكن بعد ندخل جوا وتتعرفي علي اهلك الجداد ما دايرة تتعرفي عليهم ؟ قلت ليه طيب يا عمو ... دخلنا الصالة كانو في مرا كبيرة وبت شابه كدا وبتين قدري كدا شكلهم تؤام وولد اكبر مني ولد كبير شاب .. طيب اعرفكم دي مرت ولدنا محمد رحيق .. طيب يا رحيق دي عمتك فاطمة .. . قامت جاتني وضمتني عليها وقالت لي قولي لي يا أمي.. قلت ليها حاضر يا امي .. ودي بتي نسيبة وديل بناتها التؤام يقين ولين ودا ولدها اكبر منك بسنتين اسمه يزن ..ودا ولدي الكبير همام .. جو يقين ولين سلمو علي وقالو لي انتي حلوة شديد ..
عند محمد : كنت سرحان في الفراغ وقطع سرحاني تلفوني ابوي الغالي يتصل بك .. ابوي الغالي يتصل بك .. في الاول ما كان كنت داير ارد لكن نعلت إبليس ورديت الو محمد وين انت تعال بيت نسيت انك بقت عندك مسؤلية خلاص وعندك مرا وتعال البيت تناقش الهروب دا ما حل وقفل مني الخط .. بعدها فكرت وقلت كلامه صاح لازم اتقبل بعدها وجودها في حياتي (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ"
صلوا على النبي الحبيب 🤍