الفصل الرابع 4
بقلم رزان محمد
وصلت البيت وانا قلبي تقيل .. كنت سايق روحي بالغصب ،ما قادر كيف حياتي اتغيرت بالسرعة دي ،اول ما فتحت الباب سمعت صوت امي قال لي الحمدلله يا ولدي انك جيت كنت خايفة عليك ، ابوي قال لي تعال يا محمد أقعد في الكرسي دا نتفاهم ،قعدت وقال لي :
يا ولدي ،ربنا كتب ليك قدر يمكن انت شايفو شر هسي لكن الله فوق وبيعمل الحاجات دي كلها لحكمة ورحيق دي أمانة .. ما دايرانك تهرب من حياتك دايرك تعيشها "
سكت لكن كلامه دخل جوه صدري زي حاجة بتضغط فيني وتعلمني الصبر .
امي جاتني وقعدت جنبي ،لمست يدي وقالت لي :
يا محمد مرات ربنا بجيب لينا الفرح من مكان ما بنتوقعه بس انت خليك راجل واعرف انه البت صغيرة ومرتبطة بيكم خليك ليها سند "
قلت لي يا ابوي لكن البت دي صغيرة لي زوجتها لي دي لسة قاصر والشي دا في القانون ذاتو ما صاح لي يا ابوي عملت كدا ؟
قال لي في حقيقة لازم تعرفها يا محمد ، حقيقة شنو يا ابوي !
يا محمد انت ما فقدت بصرك في الحادث بس .. استغربت وقلت ليه كيف يعني ما فقدت بصري بس !
الدكتور قال انه حالتك احتمال تسوء وانو ممكن تفقد السمع كمان .
عشان كدا استعجلنا للزواج عشان يكون عندك سند بعد الله اذا الله شال امانتو واتوفينا انا وامك لازم يكون عندك سند ، وما في بت رضت انها تتزوجك كلهم ما وافقو انو يتزوجك بسب حالتك الا البت دي وافقت تتزوجك .
حسيت بصدمة كبيرة من الكلام قالوا ابوي وما قدرت اتكلم .. لكن البت دي زنبها شنو يا ابوي دي لسة طفلة ذنبها شنو تقعد مع واحد لا بشوف ولا بسمع زنبها شنو يا ابوي 😭
خلاص يا محمد الحصل حصل ولخير ان شاء الله زي ما قلت ليك .
وامشي لي مرتك في الغرفة جوا .
عند رحيق :
كنت قاعدة في الغرفة الجديدة .. الغرفة الكبيرة وبتلمع وتفرح اي زول .. لكن انا دايرة امي وفطومة اشتقت ليهم شديد 😭
سمعت صوت الباب بيدق فتحته كانت دي يقين ولين تعالي يا رحيق تعالي نوريك البيت أمنا قالت نديك لفة " مشيت معاهم واكتشفت البيت كبير شديد وفي لوحات وسلالم وممرات فيها ريحة نظافة .. لين قالت لي اها مبسوطة قلت ليها اي لكن مشتاقة لأمي وفطومة اختي ،يقين ضحكت وقالت لي حتتعودي وحتحبي المكان دا كمان
رجعوني لي غرفتي دخلت وسمعت صوت الموية في الحمام .. واضح انه محمد جوا .. قلبي كان بدق شديد وخايفة غطيت نفسي بالبطانية وبكيت من الشوق ومن الجديد العلي فجأة ..
محمد:
بعد ما دخلت غرفتي كان ما فيها صوت شكلها مافي رحيق دخلت الحمام اخدت لي شاور وطلعت سمعت صوت زول صغير بيبكي عرفت انه دي رحيق مشيت عليها ... وفجاءة جات يقين جارية خالو محمد خالو محمد الشرطة برا وقالوا دايرنك ،شرطة